Bung-22
Vawra pawh buaina lian tham engmah tawklo a ni ruk lai mai a kal hnu chuan Mualvum khua chu a hnaih tawh hle mai a. Mualvum khua leh Suartui inkarah hian Khuangsih khua kha a awm ani. Mualvum khaw thlen hma hian Zawlnuam khua a awm a. Vawra hian silai pathum lai mai a put avangin khuaa luh kha a duh vaklo a. Tichuan Zawlnuam khua chu helin Mualvum lamah hian a kal leh ta char char ani. Kawng laka eitur buhfai a tlakchham dawn avangin Mualvum khuaah chuan a luh ngei a ngai dawn ani. A tum dan chuan khua nghah thim phawt a. Thim hnu a khua a luh a,venghmawr lam deuh hleka thlenin zawn mai chu a tum ani. Mualvum khua a luh hma chuan Chawhmeh tur therhlo engemaw han kah tur remchang deuh a ngaihven ta a. Khua aţanga hla ve deuh tak,silai ri hriat phak na tur siah chuan leipui hlui hi alo awm a. Leipuia pangbal chu Sakuh hian an lo ei thar hle mai a. Vawra chuan a chanchhuah theih mai a rin avangin Sakuhin pangbal an eina bul chiah thingbul chawrno buk ah chuan a channa tur a han siam a. Sakuh akah theih hlauh chuan a thlenin te buhfai thleng nan hman a tum ani. A sa channa tur bukte a siam
Mualvum khua ava luh chuan leng len hun pelh hret ani tawh a. Vawra chu zankhat chauh riaka a tuka chhuah leh mai tum anih avang chuan lal hnena a khuaa thlen han dil pawh chu alo tum lemlo ani. Veng hmawr deuh ah chuan in pangngai ve tak pakhat hi tlema fal deuhin alo ding a. A in neitute pawh an la meng tih hriat takin mei a eng teng teng bawk a. Vawra chuan in chu panin kawmchhak aţang chuan," Mikhual in thleng thei angem" a han ti a. Inchhung aţang chuan hmeichhe aw hian," Khualţha nge khualchhia" alo tivat a. Vawra chuan," Khualţha ni e. Khuaa zankhat han riah ka duh mai ani" a han ti thuai a. Inchhung aţanga lut tura an han tih takah chuan Vawra chu a va lut a. Inchhungah chuan Nutling pakhat leh rawlthar pakhat hi an lo ţhu a. Khumpuiah chuan chhungkaw pa ber ni awm tak hi rum ţiah ţiah chung hian alo mu bawk a. Inneitunu pi Satkhumi chuan chutia tlangval hmelţha tak mai leh pum rua hleitling zet an ina rawn lut ahan hmuh chuan mak ati hle mai a. A mak tih tizual turin
Vawra chu a tuk maia haw tum nghal anih avangin Zawlbuk lama riah pawh alo tum chuanglo a. Bakah an buai vel chhungin zan alo rei hman ta bawk nen. Vawra chuan," Pi ,Sat in khaw lal hi eng ang mi nge maw anih le. Kalo mikhual hi pawi ati em loang chu maw" tiin a han zawt a. Pi Satkhumi chuan," Kan Thana siam ta che" a han ti a. Vawra an hmuh leh takah chuan,"Mikhual kan
Chaw tlemte a ei hnu chuan pu Buangthanga chu a taksa khawihlipuiin a bawh hneh em avangin rei pawh a ţhu kang peihlo a. Khumah chuan a mu leh nghal mai a. Khum aţang chuan a khat tawkin an titi chu a rawn zawm ve a. Khawihlipuiin a bawh hneh em avangin a mutna puan ah te chuan a hnai leh a tuihnag a kai erh uarh mai a. Vawran a han hmuh chuan a khawngaih ta em em a. Pahmei chhungkua,hnathawktu tlemte annih avangin an buai phah hle dawn hian a hria ani. Chutah Vawra chuan,"Pu Buang, in khaw ramah hian sa te hi an la tam reng reng em. Sa kap thei deuhte hi an tam viau lo maw" a han ti a. Pu Buangthanga chuan,"Kan khua hi in 100 nufa a inchhal chu kan ni ve a. Pasalţha sakap thei deuh te chu awm ve nual e,mahse kan ram hi ala ţha a. Sa erawh an la tam na rawh e" a han ti a. Vawra chuan," Khawi lam ramah hian nge Saza(Sasen) an tlat duh deuha i rin" a han ti leh a. Pu Buanga bawk chuan,"Kan khaw chhuah lam ram, Chuanchung kham pang per ah sawn an tla duh phian mai. Kan Chu thu a hriat zet chuan pu Buangthanga chuan mak tih hmel zet hian Vawra chu a han en a. Pi Satkhumi pawh abang bik chuanglo. Pi Satkumi chuan," Tlangval,i thusawi chu a lawmawm viau na a. Kan chhungkaw thi avanga i kalna tur i khawtlai phah a tul lo e. Hei Thana pa pawh a zia tawh hi" a lo ti thuai a. Pu Buanga pawh chuan," Ni e,kan
A tuk zing tukţhuan ei khamah chuan Vawra leh Thanliana chu Mualvum khaw ram Chuanchung ngaw a Saza pel tur chuan kawtchhuah lamah an inzui chho hnak hnak a. Chutia an khaw rawltharThanliana leh Tlangval hleitling leh hmelţha zet mai,pasalţha tih hriat taka a awma sakei hliamna hnuhma rang ruaih mai lokal an han hmuh chuan Mualvum mipuite chuan hmuhnawm thlir tak hian an lo thlir a. Khawi lam khual tak ni ang maw tiin an inzawt sap sap hlawm a. Nula thingphur kal turte pawh chuan chu tlangval hmelţha leh pianthiam tak ,Silai pu a ram lama kal chu mittla lek loin an thlir voh voh mai ani.
Vawraten chuanchung ram an va thlen chuan chhun chaw fak hun awm vel hi ani tawh a. Vaw leh Thanliana chu fimkhur takin ngaw chhungah chuan an lut a. In biak pawh in be lemlo in thawm ri va ngaihthla chuan an beng an chhi uluk hle mai. Chuanchung ngaw hi Saza ram an tih deuh bik ani a. Kham khawkrawk tak tak te a awm avangin Saza tan chuan duhthusam ani. Ngaw chhunga kham pangper lai an thlen dawn chuan lung ţhil tla ri er er hi an hre ta. Vawra chuan Thanliana chu lo awm rih turin ati a. Tichuan Vawra chuan thawm lo chhuahna lam chu a hnai phei hret hret zel a. Ngaw tawpna chin leh kham inţanna lai chu ava thleng ta a. Kham ko lam chu an en vang vang a. Kham a hnim ţo che laih laih hi a hmu thei a. Hnimin a hliah phakloh china saza mawng rawn lang sen zauh zauh chu a hmu thei ta. Kah rema a awmloh avang leh a hlat tham deuh avangin tlemin an pan hnai hret hret a. Saza lah chuan a hnuailamah amah veh rengtu an awm tih hre heklo le,thlamuang tak chuan hnim chu a pet mawlh mawlh a. A hnaih ta viau maw tihah chuan Vawra chuan Saza chu kah tumin an tin vang vang a. Vawilehkhatah Silai chu a puak thawr mai. A kap fuh ngei ani tih hriat tak hian Saza chu kham koah chuan a rawn lum ri thla rum rum mai a. Vawra chuan a silai chu kah mai theih turin an buatsaih leh sawk sawk a. Chutih lai chuan Thanliana pawh silai ri hriain alo thleng phei ve tawh a. Vawra kiang alo thlen chuan," U Vawr i kap fuh em. A lian ţha em " phur hmel tak chuan a han ti a. Vawra chuan," Fuh chu a fuh ngei a. A thi em tih zawng ka hrelo. I va en teh ang" tih pahin Saza tlakna lamah chuan a phei ta nghala . Thanliana pawh chuan a zui ve nghal mai a. Saza tlakna awm vel an va thlen chuan Saza chu alo awm hauhlo maina. Thisen erawh a baw nuaih thung a. Vawra chuan," Ala
Khua an va thlen chuan ni ala tla lo a. Thanliana leh Vawran Saza chal lian zet an rawn zawn an hmuh chuan naupang rual chuan anlo bawr nghal laih laih a. Vawrate chuan naupangte chu an sa zawn chu an han zawn tir ve a. Naupang rual chuan phur takin Thanlian te in ,veng hmawr lamah chuan sa chu an zawn phei ta a. Khaw mipuite chuan Vawra chu maktih hmel tak hian an lo en a. Nula te erawh chuan hmuhnaa thlirin anlo thlir thung a. Engtikah tak an khartung rawn sawn ang maw tih ngaihtuahna nen Vawra chu an lo thlir ngawih ngawih mai ani. Thanliana te in an va thlen chuan pi Sati chuan thing alo ek karh karh a. Chutia an in lam pana naupang rual in Saza an rawn zawn haw a hmuh chuan alawm hle mai a. A lawm lutuk chu inah tlan lut nghalin an pa hnenah chuan," Thana pa,kan
Pi Sati lal inah a han thlen chuan lal leh a upate chu anlo ţhu khawm laih a. Chutia pi Sati sachhiah kenga rawn lut a hmuh chuan lal chuan," Pi Sati lah ni reng in,kha khawi lam sa nge min rawn hleh dawn ni" alo ti var a. Pi Sati chuan," Suartui lam pasalţha kan mikhual a. Vawiinah kan pa damdawi tur tiin Saza min va kah sak alawm le" a han ti a. Mualvum lal chuan," Mikhual in va nei vannei tak ve a. In mikhual tlangval chu zanin lamah ka va hmu duh ve. Lo leng chho sela. Zu te kalo zuk ange" a han ti a. Tichuan lawmthu te sawiin pi Sati pawh in lamah a haw leh ta a.
In a zuk thlen chuan Vawrate pawh insil faiin anlo ţhu hahdam tawh a. Rapah chuan Saza sa chu an rep tlar dul mai a. Nimin lama sakuh sa nen phei chuan tam tham tak ani tawh ani. Pi Sati inchhung a han luh chuan Vawra hnenah lalin leng tura a sawm thute an hrilh a. Vawra chuan mak tih hmel takin," Eng thu hla ah nge lal chuan min hmuh duh ang ni aw" a han ti a. Pi Sati chuan an lal Hratliana fel zia a hriatchian em avangin,' Hlauthawng duh suh,engmah a thleng lo vang " a han ti a. Tichuan pi Sati chuan Zanriah tur a han buatsaih nghal a. Saza sa leh a vun te chu a han chhum bawrh bawrh a. Zanriah a peih hnu chuan an kilho ta a. Pu Buanga pawh chuan phur takin Saza vun leh a ti ţhalai deuhte chu an ei a. A ngaihbel vang nge ni. Dam ta huai hian a inhre bawk ani. Zanriah ei khamah chuam Vawra chu Lal in lama leng tur chuan a chhuak ta nghal a.
Mualvum lal in a han thlen chuan Vawra chuan lalina luh chu a han dil a. Tlangau chuan lo ko lut nghalin Vawra pawh chu insit tak chung chuan lal inah chuan a han lut ta a. Lal Hratlianan a ina tlangval lo kut ahan hmuh chiah chuan a hmel leh a taksa ruangam aţangin mi naran anilo tih a chiang nghal mai. Lal fanu lakaih lai pawh chuan a thiltih chawl meuhin Vawra chu alo thlir dauh dauh mai ani. Lal Hratliana chuan,"E,tlangval,kan kan
A tuk zing tukţhuan ei khamah chuan Vawra pawh Suartui lam pan tur chuan a inbuatsaih leh tawh a. Pu Buanga pawh a Saza sa ei chuan a na te chhawkin leikapuiah ni lum aiin a lo ţhuchhuak peih tawh a. Khawihli hmuam hma te pawh a hil deuh huk a. Vawra chu lawmthu a hrilh mawlh mawlh a. Vawra a chhuah dawn chuan pu Buang achuan," Tlangval keimahni vangin i khawtlai zo ta vek sia. Engmah thil ţha han pek tur che kan
Mualvum khaw kawtchhuah an thlen chuan Vawra leh Thanliana pawh inhmu leh thuai tura intiama duhsakna hlang chungin an inthlah liam ve ta a. Vawra chuan Khawdaia a silai dah ţhat chu va la lehin Suartui lam pan chuan hmnhmawh takin a kal leh ta nghal a. Buhfai kawng tluana a tla tawk tur a ken tawh avangin Khuangsih khua pawh luh kual ngai lovin an khua a bang tlang thei tawh dawn ani..
Mualvum khua a chhuahsan aţanga ni ruk hnuah chuan Vawra pawh an khua Suartui ram chinah chuan a awm tawh a. Tluang taka a kal zel chuan chumi ni Zanlai arkhuan hun awm velah chuan an khua chu a lut dawn ani. An khua a thlen huna a thil sawi dan turte,Dengi kianga a thil sawi dan turte leh thil dang dang ngaihtuahin Vawra chu chhun ni sensa hnuaih chuan hlim takin an khaw lam panin a kal thoh thoh mai a. Chutia a kal nghoh nghoh lai chuan Kawng thlanga Thingse ro kunga Khawivah bu Safe nupa in anlo zen hi a zuk hmu duh hlauh mai a.(). Safe pa zawk chuan a lu leh a ban chu khawivah bu awmna thing kawrawng chhungah chuan a rawlh lut a. A khawi thlar ban phak chin apiang chu pawn lama a nu lo awmve chuan alo ei a . A kuta hnah phaha lo dawhin a ţhen lo dah khawl ve bawk a. A pa zawk chuan a mit pawh meng ngam lo hian thing kawrawngah chuan a lu chu a dah lut a,khawi thlar chu a zen mawlh mawlh a. Vawra chuan han tihţhaih reng reng a chak tlat pek a. Chuta a phurte nghatin thawm dimte in a chhuk thla ţhem ţhem a. Khawivah awmna hi dung chen vel zet sang chauh ani a. Vawra lo chhuk chu Safe nu zawk chuan alo hmu vat a,thawm pawh chhuah ta lemlo chuan atlan chhe daih mai a. A pa zawk erawhin engmah hmu ve thei heklo le,ţhahnemngai takin khawivah bu chu ala zen mawlh mawlh a. Khawiva thlar a banphak ang ang chu tlem te te in a rawn dah chhuak zel a. Vawra chuan a hnuai aţan chuan hnahin a lo dawh mial mial thunga a. Vawra pawh a nuih a za tawh ngang mai a. Safe pa zawk lah chu Khuai thlawk ri nen,thing kawrawng chhungah a lu a dah lut bawk nen,eng thawm mah hre ve heklo le. A khuailak puinu emaw tiin Vawra chu khuai zu chu an hlan zel a. Akhawi zu rim nen Vawra rim pawh chu a hre thei lo ani. Tam fe mai a lak tawh hnu chuan Khawi thlar pawh a vang ta deuh ani ang. Safe pa zawk pawh chu a birh rei ngar ngar ţhin ta hle mai a. Vawra in sum zolo chuan," Unaupa, lak tur a awm tawh meuh nage" a han ti ale. Safe tumbungrang hlau lutuk chu Khawi bu awmna kawrawngah chuan a inhnawh luh tum ang hrimin an inrawlh vel a. Chutah har chhuak thutin a lu chu a rawn dahchhuak a. Vawra chuan," phung" a lo ti leh vak a. Safe pa hlau lutuk chu thing kung aţang chuan a thlang lam bawhin rak chel chul chungin a zuangthla nghal a. Vawra chuan a tlan liam tur chu nui hawk hawk chung hian a en a. Chutia mi khuai laksa , ramsa khuai laksa lehnghal han ei sak chu Vawra chuan a duh chiah lo a. Safe nupa khuai lak sa chu khuai awmna kiangah chuan an dah sak a. Tichuan nui var var chungin kawng lamah chuan a chho san leh ta a. Kawng aţang chuan Safe nupa chu anlo kir leh reng em tih thlithlaiin rei lote chu an ţhu hlek a. Safe nupa pawh an ril a ţam ve nganga ani ang. An khuai lakna chu an rawn hel an rawn hel a. Vawra chuan alo en reng a. Atawpah chuan Safe nupa chu thingse kungah chuan lawn lehin khuaizu chu tui ti tak maiin an ei dun a. Vawra pawh hlim tak leh phur takin an khaw lam pan chuan a haw leh ta ani..
Bung-23
Zan thla eng dul ruih mai hnuaiah chuan Suartui khaw mipuite chu thlamuang tak hian a muhil siai siai a. Zanreh lai tak anih avangin a khat tawka tual ui boh thawm leh naute rilţam hnute ngen ţap thawm lo chu hriattur a awm meuh lo. Veng hmawr deuhah te chuan Sanghar ar lak tumin archhiar an lo hel ve mek bawk a. Leido nei lo a hun rei tak chhung an awm tawh avangin Suartui khua chu an ralmuang em em ani. Zawlbuk tual mei pawh a mit ţan dawn tawh a. Chutih lai mek chuan Khaw kawtchhuah lamah chuan tlangval pakhat hi kawtchhuah lungdawh nghengin a hmalam thlirin vaibel a pak khu talh talh mai a. A ţhutna sir veilamah chuan silai pathum hi a intung thial mai bawk a. Hun rei tak chhung khua ata bo tawh anih avangin an khaw kawtchhuahte chu danglam ta riau ni hian a hmu a. Reife a ţhut khaw muan hnu chuan khaw lam panin a in pu chhuak leh ta a.
Khawchhung a han luh chuan Vawra chu mikhual deuh ruih a inhriatna hi a nei a. Khua a chhuahsan aţanga chhiar phei chuan thlakhat dawn lai a liam tawh ani. Thlaeng dul ruih hnuaiah chuan a kalna tur pawh fiahlo ruai hian a lang thei a. Kawtlaiah chuan Vawk kuang te alo let bal a,khawi inah tak hian nge aw kan mikhual ang ti niawm takin Vawra chu an hawi kual vel a. A rilru a chuan phurna nasatak a awm a,lehlamah chuan a khaw mipuiten engtin nge anlo ngaih ang tih chu a rilru kam tu lian tak pakhat chu ani. Ţhi leh dar lah a hawn thleng zo ta silo a, a tlanbo pui daih ang te pawhin anlo ngai thei a. Bakah mahni hnu pawh chhui let theilo khawpa mi tlaktlai lo ah anlo ruat thei bawk ani. Chutia a rilru kawm chunga a kal melh melh lai chuan lal in a thleng dawn hnai tawh a. Lal in a thlen dawn hnaihah chuan ama kal lohna lam aţanga Lal in lam pana mi tuemaw lokal hi a hmu ta tlat mai. Bihrukna remchang zawng thuaiin chutiang zan reh tawha lal in lam pana lokal chu tunge anih ang tih lo chian a tum ta a. Vawra a bihruk hnu chuan lal in lam pana lokal pawh chuan lal tual zawl a thleng tawh a. Vawra chuan an enchianga,Lal fanu Darchawii ngei mai chu alo ni a. Chutiang zan zanah lal fanu lehnghal chuan enge a tih ang le. Inchhung a luh thleng chuan Vawra chuan a en reng a. Lal fanu hian khawtual tlangval a ngai ani thei angem,nge a ţhiante ina a leng haw mai mai zawk tihte chu a ngaihtuah a. Mahse lal fanu lokalna lam kha khawdai hnaih lam anih avangin Vawra chuan ngaihdan mumal a nei thei tlat lo. A awmloh chhungin lal fanu chu a tibuaitu an awm anih te a ring a. Engemaw thil danglam awm ngei a arin avangin lal fanu Darchawii chu enthlak deuh a tum ta a.
Khuan hmasa pawh a khuang al al tawh a. Vawra chu an in lam pan chuan a kal zel a. An in hi veng mawng lam deuha awm ani kan turin kan kan kan
Chumi ni chuan Vawra thlahual nan leh alo haw lawm nan Vawra pa chuan Vawk leh Sial a talhin khawtlang mipuite chu a hrai a. Mitin mai chu an hlim em em ani. Vawra erawh Dengi hmel rawn lan beiseiin alo buai ve char char a. Mipui amah hmuh duh an tam avangin in chhuahsan lah a rem silo. Vawra ţhiante pahnih Vanzaua leh Zalawma bakah Nutei te pawh Vawrate inah chuan anlo leng ve a. Tichuan hlim takin an inkawm a. Vawra chu nileng chuan rilru kimlo tak hian a awm a. Dengi chu engvanga lo kallo nge anih ang aw tihte a ngaihtuah a. Sangi leh Neihthangi,Dengi chanchin hre tur berte lah anlo lang silo. An ţhiannu awmpuiin anlo buai hi alo ni a. Ruaiţheh zawh mipui haw hnu chuan Vawra pawh tlem chuan a thawveng deuh a. Mahse patling rual chu zu bel nen an rawn lut leh ţuk ţuk tawh a. Vawra chu awmve rih tura an duh tlat avangin Vawr tan han chhuah san a rem silo. Vawra chu lungawi lo takin zan rei thlengin inah chuan a awm a. Zu bel rawn pu lut tute chu a haw lek lek zawk ani. Inleng ho an ţin meuh chuan hmun danga han lenkualna hman awm tawh heklo le. Zawlbuk lama riak tur chuan a chho leh ta hnak hnak a. Zawlbuk tlangvalte pawh an lo mu reh ţhap tawh a. Fimkhur taka a mutbu phahin bawhbel hnaih lamah chuan a riak ta a.
Dengi erawh a mut hmunah chuan zanrei thlengin a mu meng kar a. Engvanga Vawra chu rawn leng lo nge anih ang aw ati vawng vawng a. Lehlamah chuan a ta anga en theih a la nih bik chiahloh avangin amah leh amah te chu an indem leh hnuhnawha. Chutia tlangval lenglai , amah kana lokal tura an beisei tlatte chu a in thiamlo leh a. Remchangah Vawra chu alo len thuai beiseina nen chu zan chu a hmang ral ta a.
Zing khua alo vara. Vawra chu hma takah tho in an in lamah a haw vang vang a. A hmelmate silai pahnih a laksak chu kengin lal in lam panin a in pu chhuak ta a. Lal in a han thlen chuan luh a han dil hmasa te te a,tlangaupa chuan lo ko lut nghalin Vawra chu lal inah chuan a lut ta a. Lal Lianvungan Vawra alo hmuh chuan," E Khai,kan pasalţha chu kalo beisei reng tawh che asin" a han ti a. Tlangaupa chuan zu no ahan pe a. Vawra chuan tlemte lem zauhin tlangaupa chu a hlan kir leh nghal a. Lal Lianvunga chuan," Tlangval,thi tawh a ruangah kan lo ngai tawh che a. Hetia dama ilo let leh hi a tu mai pawh hian mak kan ti ţheuh a. I chanchin chu kalo hre tawh tho na in nangma ka ngei aţanga chiang zawka hriat ka duh ani" a han ti a. Vawra pawh chuan a hmelmate a um ţan aţanga thil thlen dan zawng zawng chu chipchiar takin an sawi a. A chauh lutuk avanga ţhi leh Dar te chu puk pakhata a thuh ruk mai thu te, Silai pahnih a mi man te alak sak erawh Suam tawk zinga mual liam ta te pekah ti a alo la hawn ţawk ţawk thu te ahan sawi a. Thil thlen dan zawng zawng a sawi zawh chuan lal Lianvunga chuan,"Tlangval,i huaisen hle mai. I mithah te beng i hleh tak erawh a chhiat hman avangin i rawn hawn thleng ta lova. Mahse ka pasalţha dang ho aţangin kan kan kan kan turin
In ava thlen chuan a chhungte chu an lo awm kim ţhap tawh a. Inchhung ava luh chuan Vawra pa chuan," Vawra,hei kal lal in Silai pahnih ngawt mai min hawn tir a. Thil awmzia ka zawh lahin Vawran a hriat kha tih chauhin min chhang a. Enge thil awmzia " alo ti nghal a. Vawra chu a thinrim ta em em mai a. Thil thlen dan zawng zawng chu a sawi ta phiar phiar mai a. A sawi zawh chuan Vawra bawk chuan," Khati khawpa tlawm leh zak khan min siam a. Tunah vel nen hetiang hi a rawn ti leh si amaw" thinrim a ha chang ţhial bap bap chung chuan ahan ti a. Pu Doţhiaua chuan," Vawra, kan ur deuh reng mai a. Tlema kan kan Chu zawng ka sawi a remlo e. Hunin a rawn hril ve mai ang. Vawra,nang pawh in bengdai la. Tukţhuan kil zai i rel tawh ang u" a han ti a. Vawra chuan engdang sawi set set lo chuan silai pahnih chu an pu lawk a. In aţang chuan a chhuak zui ta mai a. Vawmaia chuan um zuiin," Vawra insum teh khai. Khatianga thil tih aţha ngai lo e" tiin ahan auna. Vawra chuan,"Minlo ngaihtuah suh u,kalo kir leh vat ang" a han ti a. Vawmaia pawh chuan khawi emaw hmundangah akal dawn niah ngaiin a dang duh bik talo a. Pu Doţhiaua chuan," Kan Vawra hi chu aw. Lal in lamah a kal dawn ani ngei ang. Anih nih han ni phawt teh se" a ti chuai raih a. Vawra chu Silai pahnih pu chung chuan lalin lam chu a pan ding char char a. Lal in ahan thlen chuan lal leh upa ţhenkhatte chuan lal inah tukţhuan an lo kil mek a. Vawra chuan lal ina luh pawh dil hmasa talo chuan an lut zui nghal mai a. Lal leh a upa ţhenkhat leh Lianvunga nupui leh a fate chuan maktih hmel takin an lo en ţhap a
Vawra chu kawngkaah chuan dingin," Lal pa, ka zah zawhloh che avangin min ngaidam la. Mahse he Silai hi chuan lal in a mawi zawk ange" tih pahin a silai put pahnih chu lal in bangah chuan an tung a. Makti taka an lo en lai chuan," Lal pa,min ngaidam dawn nia. He thilah hian hrem tur an awm anih chuan keimah ngei hi ka ni ang" tih leh lalin chhuahsan chu a rual ta nghal a. An in lam panin a kal ta nghal vang vang a. Vawra lal ina a chhuah hnu chuan lal upa pakhat chuan," Lal pa, in zahlohna nasa tak ani. Kan tlangvalte kan kan
Vawra an in a zuk thlen chuan a chhungte chuan chawei turin Kan lal chu i han kap hlum em lo maw" nui ham ham pah hian alo ti a. Vawra chuan," Kan
Tukţhuan ei khamah chuan Vawra chu engmah han thawh em em tur a awmloh avang chuan a silai te hawlh faiin leikapuiah chuan a ţhu a. A u Hlirthangi chuan," Vawra,dam taka ilo haw avanga kan kan
Suartui lal inah chuan boruak aţang hle mai a. Lal pa chu chhuatlaiah chuan a vei thoh thoh a. Lal fanu Darchawii chu chhuatlaiah chuan ţhuin a ţap feih feih bawk a. Lal Lianvunga chuan,"Nang hmeichhe fa hian ka thu i hnial anga maw. Kal rawh ka tihnaah chuan i kal mai tur ani" a han ti piap piap a. Khawnbawl upate chu an ngawi ţhap a. Lal fanu Darchawii hi Hualtu khaw lal fapa nupui atan an rawn bia a. Amaherawh chu Darchawii hian Lungmam khaw pasalţha alo ngaihzawn avangin a pa thu hi a hnial deuh a. A pa chuan chutianga a fanu in a thu a han hnial chu a thin a ur kan
Bung-24
Lungmam khua hi Lianvunga fapa upa zawk Raltawna lalna khua ani a. In za nufa zet chu anni ve awm e. Darchhawka hi an pasalţha chhuanvawr , sa leh ral lakah pawh an hmatheh ber ani fo a. Vawra u Ramliana te nen hian rualkhat niin an in kawm fo a. Lal Lianvungan Raltawna a indan dawn khan a zuitu zingah a tel ve ani. Lungmam hi Suartui aţanga hian mi chak ţha pangngai tan chuan nikhat kal pawh a tling lo ani. Darchhawka leh lal fanu Darchawii hi Suartui a an awmho lai daih aţanga lo inhmel duh tawh anni a. Khaw hrana an awm tawh hnu pawh hian anla inhmu fo va. A tu amah hian midang han melh kual zai an rel lo veve ani. Darchhawka hi pasalţha anih mai bakah apa pawh lal khawnbawl ani a. An khuaah pawh hian mi khawsa thei pawl tak chu anni awm e. Lal Lianvunga pawh hian Darchhawka hi a makpa atan chuan a iai hauhlo ang. Amherawhchu khua leh khua in run fo annih avangin Hualtu lal thurualpui a,alam ţanga siamna remchang anih hlauh beiseiin a fanu hi Hualtu lal Fapa nen inneih tir a tum ani. Mahse a fanu in Darchhawka a lo hmangaih tawh avang leh a thu a hnial avangin lal chu a thinrim em em mai a. A fapa Lungmam lal Raltawna hnenah pawh Darchhawka chu lo zilh tur leh Darchawii chu theihnghilha,rawn hmu tawhlo tura zilh turin turin
Fur ruahtui tlak a hnai tawh hle maia. Vawrate unau chu fur ruahtui tlak tak tak hmaa fur sarep tur zawnga ramchhuah relin Vawrate inah chuan an ţhu khawm laih mai a. Ramliana chuan," Hei lolam pawh ngaihtuahawm ani tawhlo a. Ruahtui a tlak tak tak hma hian zan nga vel riakin Hawlhak ngaw lamah sawn Sazuk leh Sanghal ilo beiseiin kan va vak chhuak dawn em ni ang" tiin a naute chu a han rawn a. Vawmaia chuan," Ni e, ruahtui tlak nasat hnua ramchhuah zawng a hahthlak em mai. Fur chawhmeh tur lo chhek ve deuh pawh a ţha ange" a han ti ve a. Vawra chuan," Ka ţhiante pahnih Zalawma leh Vanzaua hi buk nghak turin Kan pasalţha dangte pawhin ramchhuah chu an rel ve tho a. Mahse kan chhuah tumna mual a in an takloh avangin a hran a hraiin kan Kan
Zanriah ei khamah chuan Vawra pawh a ţhiante pahnih hmu turin kan turin
Vantei te in aţanga a chhuah hnu chuan Vanzauan a hrilhna lal mual a Sangi te in chu a pan ta nghal a. Sangi te in a han thlen chuan inleng an lo tam khawp mai a. Zalawma chu a ruka han koh chhuah chi zia zang ani silo. Vawra chuan tuilo deuh chung hian," In awm em" a han ti a. Sangi aw ngei mai chuan," Awm e, lo leng ţhu rawh u" tiin alo chhawn vat a. Vawra inchhunga a han luh chuan ţhutna tur mumal pawh alo awm tawhlo a. Zalawma tui um hunna bula a ţhu ahan hmuh chuan Zalawma ţhutna lamah chuan ţhut hmun a rem ve a. Sangi chuan," U Vawra chu ilo leng ve duh mang silo a. Mual veng lamah hlir hian i tawm zan tin a" fiamthu titak deuh hian ahan ti a. Vawra chuan," Nula han rim vel hi ka chemkalna a ni lo niin ka hria. Ka luh na hmasa ah lo hi chuan ka in birh lut ngam meuhlo ani e" tiin an chhang a. Tlangval pakhat chuan," Vawra,i bo dan chanchinte kha han sawi ve bawk la mawle. I thi bo daih tawh turah kan lo ngai asin" alo ti var a. Vawra pawh chuan an hriat awm ang ang chu an hrilh ve a. Vawra chu Dengite in lamah len a rilruk avang chuan haw thuai thuai a duh hle mai a. Zalawma chu an be ru sar sar a. Tichuan chhuah zai an rel ta a . Vawra chuan," Keini zawng kan lo va ţin tan'g e. Naktuk lamah ramchhuah te kan tum si a. Inbuatsaih lawk ve deuhte pawh kan kan kan
Vawra alo haw aţang pawh khan ni engemawzat aliam ve tawh a. Dengi pawhin ţhat lam a pan ve zela . Vawra pawh zantin chhumlo chatlo in a leng reng ani. Dengi te in ava thlen chuan zan dang anglo takin Dengi chu tapchhakah amah kan Chu chu min hriatsakla ka duh a. Mipa ka nih angin ka thutiamah hian ka ding nghet tlat bawk ang. Khawngaih takin min ring hram teh" a han ti a. Dengi chuan Vawra a kuahna chu thlah mai hlau ni awm tak hian an kuah nghet sauh sauh a. Vawra awma bei chial chung chuan," U Vawr,ka rin tawkloh che vangin min ngaidam rawh. Chan palh che hi ka hlau em ani. Nang lo chu tumah hmangaih dang ka nei lo" a han ti leh sap a. Vawra chuan Dengi sama chul heuh heuh pah chuan," Ka hria lawm,keipawhin ka hmangaih che" an ti sapa. Chu zan tha eng mawi tak hnuaia hmangaihna par vul ta chu chung Chhawrthlapui pawh chuan hmuh ve loh hlau niawm tak hian chhum dum chhah tak phen aţang chuan a rawn bih ve duk duk a. Nula leh tlangval kara hmangaihna thianghlim tak awm chu mawi taka a par chhuah hun ala thleng dawn si a. Hun chu akal zel a. Chhawrthlapui pawh muangchangin a her liam ve hret hret a. Nula leh tlangval inhmangaihte tan pawh chuan in chelh reng theih ni heklo le. Run hmun a leng dun lo nafam chu mangţha tia in ţhen a ţul leh si ţhin a. Vawra chuan Dengi chu nghet takin an kuah vawng vawng a. Dengi pawh Vawra awmah chuan naute anu ţanga a bei hnawp ang mai hian a bei ve hle hle a. Dengi chuan," U Vawr,in va kalna tur ah chuan va hlawhtling ta ula. Sazuk ki hreu bum mai han kap ang che aw" a han ti sap a. Chutih lai mek chuan ţhenna dar chu Archhiara Arpa hluisen chuan a rawn vaw ta a. Tichuan Vawra leh Dengi pawh in thlahlel tak chunga an inthlah phawt a ţul leh ta . Rinawm taka awm reng tura in tiamin an in vawnna te chu an han thlah a. Hlim tak leh inngai tak si chuan an in vai liam leh ta reng mai. Khuanu in zanhngai sela,hmangaihna dik chu par ang vul tir mawlh rawh se.
Zing khua alo vara ,Vawra tepawh Hawlhak ngaw lama ramchhuak tur chuan an inbuatsaih nak nak a. Vawra chuan midang hriatloh tur chuan,"Ka pa,hman zan khua ka lo luh lai khan kan lal fanu Darchawii kha khawdai lam aţanga alo lut ka hmu hlauh mai a. Zawl te hi alo nei ani lo maw" tiin a han zawt a. Vawra pa chuan,"Vawra,thil zawng zawng hi hriat vek a ţul kherlo ania. Lal fanu chu midang pawhin an hmu fo a. Lal pawhin a hre tawh a. A rorel dan anga thil a kal anih chuan he thil hi chu a reh ve mai ang. Kan Kan Chu zawng nakinah i hre chho ve mai ang" tih lekina chhanga . Vawra pawh chuan zawh belh zui talo chuan a thiltih lai chu a buaipui chhunzawm ta a. Tukţhuan te an kil zawh hnu chuan Vawra leh a u Vawmaia chu kawtchhuah lam pan chuan an in ak chhuak ta hnak hnak a. Kalkawngah an mi tawh ţhenkhatte chuan hlawhtling ngei tura an duhsak thu an lo hrilh mawlh mawlh a. Nula ţhenkhat chuan lo chhaih fiam pahin nauban par thliahsak turte chuan anlo tive bawk a. Putar nilum aia lo ţhu ve te chuan Vawrate unau kal liam tur chu hmuhnawm titak hian anlo thlir a. Sapel a ramchhuak fo ţhin annih ve avangin an lung a leng em em a. An vanglai chanchinte sawi zuiin Vawrate unau huaisen zia leh fel ziate chu an sawi chamchi mai. Vawrate kawtchhuah an han thlen chuan Vawra ute bakah Vawra ţhiante pahnih chu an lo awm tawh a. Vawra chu kal tlang mai an tum lai chuan a u Sawivela chuan," Vawra hmanhmawh lutuk lo teh. Mi nghah kan Kan kan Kan hlawhchham palha lunghnur fe tur kan awm anih hmel sia" a han ti a. Ramliana chuan," Kan kan turin sa kan kan Kan mawmawh tur leh kan tana ţangkailo tur chungah kut kan Chu chu hre tawh ang che" a han ti dap dap a. Tichuan Hawlhak ngaw lam pan chuan an kal leh ta a.
Vawrate Hawlhak ngaw lama an chhuah dawn lai vel tak khan Lungmam khaw lal inah chuan Raltawna chuan a pasalţha Darchhawka leh apa chu lal ina leng turin a ko a. Pasalţha Darchhawka te lal in an han thlen chuan lal Raltawna chuan Darchhawka pa hnenah chuan," Hei Dar pa, ka khawnbawl niin hun rei tak chhung ka rorel na huang min ţawmpui ţhin a. Dara pawh ka pasalţha kawng engkima ka hmatheh ber ani a. Mahse kan lo sawi fo tawh angin ka farnu Darchawii leh Hualtu lal fapa an innei dawn a. Chumi kawngah Darchhawka hi a dal theitu ni a a lan tak avangin ka khua hi in chhuahsan mai angai dawn ani. Ka chunga in thiltih tawh zawng zawng avang hian ka lawm em em a. Mahse hemi thuah hi chuan ka pa thu ka hnial theilo ani" a han ti dap dap a. Darchhawk apa upa Saimana chuan," E,Lalpa,in thu pek chu keini han hnial rual ani hlei nem. Kan ţhat tlanna tur anih dawn phawt chuan khua chu kan kan
Bung-25
Vawrate chu an ramchhuah ni aţanga ni thum lai a liam tawh hnu pawh chuan sa lian tham reng reng an la kap lo mai a. Ruah tui hmasa alo tla nasa tawh bawk nen Hawlhak ngaw chhung chu a hnawng deuh dup mai a. Ramsa tamna hmun anih avangin Vangvat pawh an tam an rawh e. Ramsa hnuhma tamna lai deuhah phei chuan an ri suau suau thei hial ani. Chumi ni pawh chuan Vawra chu Sanghal hnuchhuiin a hmalam chu fimkhur takin a pan zel a. A ke ţhiah kara Vangvatsaiţial puam lung tawh mai te chu a han paih leh ţhin a. A vaibel ek te chu vangvatin a zukna hmuam hmaah chuan an bel leh tawk ţhina . Tho mitchhaih leh Vaihmite tih angreng phei chu duhthusama tam ani. Pasalţha tak tanlo phei chuan ruahtui tlak hnua ngaw hnuaia vah chu thil tih mai mai chi ani hauhlo ang. A puan ven te pawh chu a hnawng deuh dup tawh a. Chuti chung chuan hmalam panin a kal zel tho a. Mahse vanneihthlak takin thing hnahro tla te chu a huh zawi vek avangin thawm dim a harlo hle thung ani. A Sanghal hnu chhui hi Nghalchang ani a. A hniak han en mai chuan lian tham ve tur tak chu ani.
Zing nichhuah tirh aţanga chawhnu tlangher thleng a chhui tawh hnuah pawh chuan a la um pha thei hauhlo mai a. Tukţhuan pawh ei lemlo a vakchhuak anih avang chuan a ril pawh a ţam ţan deuh tawh ani. Ngaw chhungah chuan a fimkhur takin a kal zel a. A sahnu chhui chuan kawrte pakhat hi a chho zawngin a zawh zel a. Vawra pawh chuan fimkhur taka chhui chho zelin lui hnar lam changel hmun a han thlen chhoh dawn chuan Sanghal in tlak nem laia lungno alo tep chuap chuap ri chu a hre thei ta a. Sanghal chu a chhak lam zawk a awm anih avang chuan Vawra chuan a han tihtlan mai a hlau a. Ngaw chhung lamah chuan fimkhur taka lutin Sanghal chu a veh chho ta ţhem ţhem mai le. Vawra rilţam chu a pum te a ri deuh ruk ruk tawh a. A thaw ri te lam chu ring zual sawt hian hria ani. Nghalchang chuan amah zar buaitu tho mitchhaih te chu a ning ve niawm tak hian an hawk leh dawt ţhin a. Tlak lei nem lai deuhte chu a ngho var vo mai chuan an tai zauh zauh a. Vawra chuan Sanghal chu a piah thing zung thlar phen aţang chuan alo en reng tawh mai a. Uluk takin a han tin vang vang a. A vawikhat kahna a a hnuk a chhat lo anih ngat chuan ama tan pawh a pawi thei dawn ani tih hriain a thih ngei na tura kah chu a tum ruh hle ani. Sanghal lah chu a in her ang vut vut a. Kah rem takin a awm duh derlo mai lehnghal a. Chu Nghalchang chu a lian ţha kher mai a. A thau ţha tih hriat tak hian a amawng tam pawh a bial hmuk mai a. Hlauhawm a hnai tih hre hek lo chu. A mei te chu a vai lauh lauh mai. Vawra chuan kah a chak tawh khawp mai a. A rem chang lai lai a kah kah mai chu a rilruk a. Mahse a uten an lo hrilh fo tawh angin sa kah dawn chuan dawhtheih angai tih a hre chiang em em ani. Nghalchang chu kawr ruam thuk lamah chuan ala lut ta deuh deuh a. Vawra ţanna hmun aţang chuan Nghalchang mawnglam chauh chu a lang thei tawh ani. Vawra lah a rilţam bawk,zing lamah alo inthiar lo bawk nen a ek te lam a chhuak a. A sa kah tum lah a harh ţha tih hriat tak hian a awm hmun a sawn kual reng a. Vawra sa kap chak tawh lutuk chu a ţang ulh ţeuh mai a . Thawh lawka Chempui nena kawrte a va zuan luh tak chu a nap a. Chu zawng a tihchi siloh. Chutia a sa chan kah rema a awm hun nghaka uluk taka Silaia a tin reng lai chuan vawilehkhatah chhak lam ngaw aţang chuan Vazar rual an lo ţek tuar tuar mai a. Sanghal pawh chu a inher thut a. Hlauhawm a awm leh awmloh hriat tumin a hnar te chu an len a, hawi hru hru pahin a tep chuap chuap a. Chu hun remchang chu Vawra nghah chu ani. Vawra khan Nghalchang mawng lam chiah a hmuh thei kha ania,chutia a sanghal ber a rawn inher tak thutah chuan Sanghal lu lam chu a rawn lang thei tawh a. Sanghal chuan Vawra tana kah rem tak tur chuan a bek a rawn dawh ta vang mai le. Silai a puak dur a,Nghalchang hrawl zet mai chu a ngek ţhawt a. Kawrte pangah chuan a bet rawk a,a tal khur ta char char mai. A bek veilam aţang chuan thisen a chhuak ngiai ngiai a. A ke a leng at at a,a chatthla zui chu ani der mai. A lu chu Silai mu chuan a hawrh tlang zawk mai a. A thluak pawh a per chhuak deuh vek ani. Vawra chuan a silai hlo te an sawh muk leh a,kah mai theih tura a Silai a peih hnu chuan a Nghalchang kah chu a pan phei ta hriau hriau a. A va thlen chuan Nghalchang chu alo chatthla fel der tawh a. Vawra chuan a pa rim anam hman hlauin Nghalchang til bawr chu an hlep thla nghal a. A Nghalchang kah chu an kai let kual vel a. Kawrte kama hrui chu chhatin a zakdawh tak maiah chuan an vet kual a. A Nghalchang kah chu Sum sarih ţha zet mai hi alo ni a. A lawm lutuk chu an nui leh vur vur ţhin a. A sakah te chu an beng leh thak thak a. Reilote ţhu khawmuanga Vaibel te a zuk leh hnu chuan Nghalchang kaihza te chu chhatin a chhawlchhin a. Buk lama a ute pun turin a kal ta a.
Vawra Silai ri an hria ani chek ang chu. Buk nghaka an hruai Vawra ţhiante pahnih leh an tlangaupa fapa bakah Vawmaiate chu Vawra buk lam pana hmanhmawh taka a kal lai chuan an rawn kuk phei ta vak vak mai a. Vawra pawh chuan lo hrethiam thuaiin alo chhawn nghal a. A mi koh tum ber te an lo kal takah chuan Vaibel pak khu tual tual pahin alo nghak ta rih a. Vawmaiate anlo thlen chuan Vawmaia chuan," Vawra,i Silai ri hriain kan lo tlan nghal vang vang ani. Eng sa nge i kah a,a lian ţha em" tiin a han zawt a. Vawra chuan," Eng sa liantham mah va nih suh ei. Ka inthiar lai Nghalrual sum thum vel hian min rawn hel chhen a. Ka mawngtam te a rawn nawr thul nen,ka mupui thun tling el awl khan kan hawl ta mai ani" thutak hmel fe hian ahan ti a. Tlangau fapa Thawmzika chuan," Chuti engah nge i rawn put haw mai loh" alo ti thuai a. Vawran a chhan leh hma chuan Vawmaia chuan," Titeh Vawra i kal thuai teh ang u. Chuti khawpa Nghalrual ngam chu i va belchiang teh ang" a han ti a. Vawra pawh chu tho nghal vutin a Nghalchang kahna lamah chuan a kal ta nghal a.
Vawra Nghalchang kah thlukna hmun an va thlen dawn hnaih chuan Vawra chuan," Ngawi teh u, ka kahna hmun kha ka chiang ta chiahlo mai. Hnu ka hloh tlat" tiin an ding chut a. Midang ho chuan mak tih hmel fe hian an lo en a. Vawra chuan lei te chu an hnim deuh thet thet a. An hawi kual a," Helai hian ka e a,helai hian ka vaibel ek ka paih a" tih pah chuan a vei kual ang thuak thuak a . Thingkungah te chuan lawnin," Khu lam zawk khu niin ka hria" tiin thlang lam te chu an kawk a. An han kal dawn ta maw tihah chuan," E,ka hrechhuak leh thut,khi lam zawk khi anih hmel e" an ti leh thul. A hmel a tihtak em avang chuan midang ho chuan kawng a bo tak tak emaw an lo ti hman hial ani. Vawra ţhiante chuan Vawra hnuhma awm turte an han zawn pui thul. Reife chutianga an awm hnu chuan Vawmaia ning lutuk chuan," Vawra kal thuai teh. A ninawm zozai tawh e. Phawk chhuah hun pawh va ni suh" a han ti takah chuan Vawra chuan nui tet tet chung hian," Ka u kawng ka bo tak tak emaw i ti hman chiang mai" a lo ti var a. Vawmaia chuan," Kal vat la nimai. Kan tlaichhe hman ange" alo ti nghuta . Vawra pawh chuan a Nghalchang kahna lam chu a panpui leh ta nghal a. Vawra Nghalchang kahna an va thlen chuan Vawra chu mak tih hmel tak hian a hawi phawk hra mai a. A Nghalchang kah chu a taksa pawh engmah lang lo chuan alo in chhawlchhin vek mai a. Changel hnah te chuan alo inkhuh luk a. Vawra chu a hawi let thut a," Hawh u ,i kir ang u . Rammi thiltih ani" tih leh inher a rual ta mai a. A nau hruaite chu an hawi phar nasa mai. Vawmai chuan ," Vawra ,a tawk em em tawh e" tih leh Vawran a ute fiam nana a sakah pawh lang theilo hial khawp a a chhawlchhinna chu an paih ta mial mial a. Vawmaia chuan," Vawra,kan sa kah te hi fiamthu thawh nan kan hmang ngailo. Khuanu malsawm dawnloh na ani ngai e" a ti charh charh mai a. Vawra pawh alo uan thui lutuk avang chuan a inthiamlo hle mai. Vawmaian Vawra Nghalchang kah an hmu chiah mai chu," Ka rei le,hei zet zawng Vawra ek hmu tai rual va ni suh. A va han lianţha kher em" a tichhuak phawng mai a. Midang ho pawh chuan Vawra Nghalchang kah chu lian an ti em em a. Him tak chuan an han kai let kual vel a. Zalawma chuan," U Vawm,hei hi Nghalphusen an tih ang chu ani mai em" tiin Vawmaia chu a han zawt a. Vawmaia chuan," Nilo deuh e,hei chu Nghalchang pangngai ani a. Nghalphusen chu hei ai daih hian alianin kah pawh a har em em ani" alo ti thuai a . Thawmzika chuan," U Vawm, hei a ngho te lah a sei ţha sia. Nghalphusen ngho chu ava sei lehzual awm ve" alo tive a. Vawmaia chuan," Kan pipute chuan a sawi uar nan Nghalphusen ngho chu themtleng chen an tih ţhin kha maw. Kei pawhin a takah ka la hmu chiahlo a. Darzo khuaa a lu ni awm tak an tar chu ka hmu tawh a . Hei ai hi chuan a ngho a sei ţha zawk ani" a han ti leh a. Vawmaia bawk chuan,"Nghalrul kan tih ang chi, Sanghal pangngai aia dung seih deuh leh an tiah pui ro roah pawh Ngho sei fal bik an awm ve ţhin a. Chungho pawh chu Nghalphusen emaw tiin an hmu sual fo ani. Nghalphusen zawng kah mai mai chi anilo e" a han ti zawm zat a. Tichuan Vawra sakah chu an han puah ta a. Nghalchang sumsarih zet chu alo lian na ngiang mai . Tlangval pali tan pawh chuan ramhnuai kawng mumal awmlohnaa han phurh phei chu a hahthlak ve viau dawn ani. Vawmaia chuan," Vawra,a kaptu i ni nang a,a lu tal hi chu i ken ve a ngai dawn ani. A sa zawng zawng hi lak vek kan duh si a" a han ti a. Vawra chuan," Chutia in tih tlat te chuan a mawnglam zawng kha kalo pu phei mai ang chu" nui var var chung hian alo ti a. Tichuan Nghalchang sa chu lian tak tak a chanin buk lam pan chuan an kawt phei ta a.
Buk an va thlen phei meuh chuan khua a thim dawn suar tawh a. Bukah chuan Ramliana leh Sawivela pawh anlo awm tawh a. Zanriah tur an lo buatsaih mek a. Buk an va thlen chuan Ramliana chuan," Kha in va kap lian awm ve. Tu kah nge a" alo ti thuai a. Vanzaua chuan," U Vawran Nghalchang lian zet akap alawm mawle. A ngho pawh a sei lutuk" a lo ti thuai a. Ramliana leh Sawivelan Vawra Sanghal kah lu an han hmuh chuan Mak tiin an phawk hra mai. Sawivela chuan," Sanghal ka kap tam viau tawh nain hei aia lianţha hi ka la kap miahlo. Vawra ,hei pasalţha a chhiar tlak inih ve dawn tawh hi maw" a han ti a. Vawmaia chuan," U Ram, Mualtluang neih kuma i kah ai khan alian lo maw" alo ti ve a. Ramliana chuan," A ngho zawng a ţha zawk ngei mai a. A sa tam danah pawh hian ka kah ai kha chuan a lian zawkin ka ring ani" a han ti a. An phur te an dah fel hnu chuan buk nghaka an hruaite chuan Zanriah peih sa diama lo awm chu an han hmu a,an inthlahrung ta em em mai a. Ramliana chuan lo hrethiam nghalin," Naute u,inthlahrunna tur a awmlo e. In hah dawn sia. Kan lo inhmakhua ta mai anih kha" tiin an nau hruai inthlahrung taka awm te chu an bia a. Chutah ," Hei Sawivela pawhin Zukchal a kap hlauh mai a. Lian tham phei chu anilo a. In hah viau nangin Zanriah kil hma hian kan zuk thiar chho dawn em ni ang" a han ti chu an nau hruaite chu an phur ta kher mai. Nghalchang sa leh Zukchal sa an han phur thei tur chu an lawm narawh e. Ramliana bawk chuan," Vawra chu buk lo nghak sela. Midang zawngin Sawivela hoin sa chu kan zuk chan dawn nia" a han ti leh a. Vawra chuan buk nghah bik chu duhlo viau mahse a uten an tihluih tlat avang chuan a hnial ta bik lo a. Midangho Zukchal chan tura an kal vek hnu chuan Vawra chuan Sanghal sa te chu alo chan te a,a thilna tur tul te alo siam sauh sauh a. A zawhfek hnu chuan a ute nghakin alo ţhu hahdam ta a.
Vawra ute Sazuk phur anlo haw hnu chuan tu mai pawh chu an buai tlang hle mai. Sa urna turte siamin sa chu an han ur nghal hluah hluah a. Zanriah an kil lai chuan Ramliana chuan," Hei vawiin lamah kan hlawhtling ta viau bawk a. Naktuk zing tukţhuan ei khamah haw zai kan rel tawh dawn nia" a han ti a. Midang pawh chuan lo remti tlangin zanriah ei khamah chuan sa te chu an han ur sauh sauh a. Sa phurhna tur bawmrangte tahin a tuk lam atan chuan anlo inhma khua lawk ta a. Sa te an ur zawh hnu chuan mut zai an rel ta a.
A tuk tlai lam unau hmelhai awm velah chuan Vawrate pawh an khaw kawtchhuah ah chuan an ţhu ţhap tawh hlawm a. Vawra chuan," U Ram,hlado hi kan chham lo mai dawn em ni ang" a han ti a. Ramliana chuan," E,chham tuk e a. Kan hmanhmawh viau te anih loh chuan chham ngei hi a ţha e. Hlado chham lo a khua luh zawng mi pamham zia ani. Mi rel kan hlawh duh e" tiin a chhang a. Sawivela chuan," Ni e,Vawra, mi ţhenkhatin a ruka khua luh an ching a. Upa ho in mi uikawm zia ani e tiin an duh ngailo ani" alo tive bawk a. Rei tawk fang an ţhut khaw muan hnu chuan Sawivela chuan Sazuk hlado a han chham ta a.
"Hreu ngen e phai kip tlan e,
Tlang nem kal mawi fungki ţial e,
Lung thulh e lo var pam e,
Thlang pai e,buanbang a ri ngai e"
..a han ti vang vang a. Silai chu an lawn ut ut a. Sawivelan Sazuk hlado a chham zawh hnu chuan Vawra chuan Sanghal hlado chu an chham ve leh ta a.
"Tlaini e tla rawng rawng la,
Khua khu ngui la ka duhin ne;
Nghovar e,ha ţha le maw,
Lenghnem e,thanlai ka duhte nen"
,.....a han ti ve leh a. Silai chu an lawn le ut ut a. Tichuan khawchhung lam panin an kal leh ta a.
Hlado chham ri an hriat veleh khan khawchhunga naupang pawnto te chu haw haw chungin salu zawn ngei tumin kawtchhuah lam chu an pan ta sang sang a. Khaw mipuite pawh chuan an pasalţha hlawhtling tate hmuh tum chuan an leikapuiahte chuan an lo ding far hlawm a. Naupang ho chu Salu zawna haw haw chungin Vawrate in lamah chuan an inzui phei ta diah diah a.
Hun leh nite a liam zel a. Hnuh lak te alo hun a. Mitin maite chu anmahni hna ţheuhah chuan an buai map map hle mai. Fur ruahtui an haw tak tak ale,khawdai a vahchhuah ringawt pawh chu thil chakawm fahran chu anilo. Khawlai dungah chuan Vawkek nen ,sial ek nen a in chap zul mai ţhin a. Lo lam hna lah han pamţul mai chi ni heklo le. Mitin mai chu a sur asa hnuaiah an in phur liam nitin mai ani. Lolam hna chu an hnapui ber anih miau avangin mi phakloh hlau reng rengin nitin an feh liam a. Mahse hna inang ţheuh thawk annih avang chuan an hlim tlang hle thung ani. Nula leh tlangvalte chu in lawm tawnin hlim takin hna an thawk ho a. Ruah a sur changin thlam lamah chawlin Vaimim te an han rawh a,an hlim tlang em em a. Ruah a han veleh hlo thlawh ţan leh in thlawh laia famghma tuai te chu an han phel leh a. Hna hahthlak tak thawk chungin an hlim tlang em em ţhin ani.
Furpui chu a her liam a. Suartui khaw mipui pawh an hna ţul ber hlo thlawh te an zo thawkhat tawh a. A duhtui fal tan pawhchhiat hlo thlawh an la hma bak ani. Chuzawng hna hahthlak em em ani tawhloh avangin lungkham tur a awm lemlo a. Fur hun hrehawm tak mai chu favang kawl eng chuan a rawn hliah khuh leh ţan tawh a. Buh te chu a tul zum fuk tawh mai a. Thawlhlaia fanghmate pawh a hmin tai sen tek tawh mai. Tlai lam alo ni a,Favang ni tla turin kawl a chhun eng phut an han hmuh chuan naupang ho chu," Kawl aw sen sen,ka fanghma aw tai tai" tiin an au lauh lauh mai a. Zan lamah chuan naupang rual chuan mei an chhem a,mau vawri in," The aw hawng aw hawng aw,a chin chin in in lo nghak. A lian lian hawng aw " tia the koh pahin mei eng bawm thereng man chu anlo tum ve mek bawk a. He hun duhawm tak hi chu mitin tan zalenna hun ani mai awm mange. He lam zawng duh tawk rih teh ang.
Favang awllen lai ani a. Fur hun hrehawm tak ralmuang leh thinthi diai a an han pal tlang thei chu Suartui khaw mipui tan chuan thil lawmawm tak chu ani ngei mai. Nikhat chu Vawra pawh a nu leh a farnute puan banga an buai em avangin chawhmeh ilo dapkhawm tur leh zu va lakah an buh te chu a him reng em tih enfiah turin Silai nen lo lamah chuan a in ak chhuak ta hnak hnak a. Lo a zuk thlen chuan thlamah chuan an chawl vang vang a. Khua lah chu a thiang em em mai a. Vauah chuan Kiltheihrawk a hram lauh lauh a. Chung leng Sava leh ramsa tinreng tan pawh chu hun chu a hlu bik em em ani. Vawra chuan lo chu an fang kual thuak thuak a. A rin ai daihin zuva lakah buh leh bal chu alo him phian mai. Vau hrul te chu an hrut kual thuak thuak a. A hnim zual lai te chu an sam fai zeuh zeuh bawk a. Chawhmeh a hmuh remchan ang ang chu iptepuiah chuan an ak khawm zel a. Ba lung te an khawrh kual bawk a. Chawhma ţhazet avah hnu chua khaw lam pana haw turin a insiam ta a. Khaw lam pana muangchanga a kal thauh thauh lai chuan kawngchhak lawka Hmuk rah hmin Vahui rualin an lo tlan chu a hmu fuh ta hlauh mai le. Tichuan fimkhur takin a veh chho ţhem ţhem a. A silai ah chuan musep a thun a. Hmuk kung athlen dawn chuan an chawl vang vang a. Vahui rual an bawr deuhna lai bik lam chu a silai chuan a han tin a . Tumbik pawh nei lem lo chuan a kap ta ţhuai mai le. A vanneih a siamin a mu sep kha a kal darh hman hlauh a. Vahui pasarih vel zet mai chu a kap thla a. Tichuan hlawhtling inti takin khaw lam pan chuan a kal zel a. Daihnai leipui a han thlen chuan thing tuk ri koh koh ri hi a hria a. Tu emaw haw rual pui tur an awm takin tiin thing tuk ri a hriatna lam pan chuan ahan kal chho ta a. Chutia thawm awmna lam pana a kal chho lai chuan nula aw ngei mai hi," Awi awi ka rei" ti a au thawm a hre ta a. Chu aw chu Vawra tan chuan a mikhual hauh lo. Hmanhmawh takin thawm lo chhuahna lamah chuan atlan chho ta nghal a. A han thlen chhoh chuan le,a hmangaih Dengi ngei mai chu a thing lak na lamah a puan bih hlingkhangin alo kuai a,a puan bih tla mai tur chu alo dawm bet ţang ţanga . Chutia ama buai buai a alo buai lai chuan alam pana Vawra rawn tlanchho a han hmu thut mai chu a zak ta em em mai a. A puan bih hlingin alo bah na lai han laksawn mai a tum lahin a puan bih chu a tla dawn zel mai si. Vawra lah chuan Dengi awmdan lai lutuk ahan hmuh chuan a nuih a za tlat pek a. Mahse nuihna chi anilo tih hriain va puih mai tum chuan Dengi lam chu apan phei ta a. Dengi lah a puanbih hlingin alo kuai kau hman tawh bawk nen Vawra alam pana lokal ahan hmuh chuan," U Vawr lo kal hlek suh" tiin alo au tuarh tuarha a. Vawra lah chuan," Dengi a zahthlak loh kha. Nangmahin i chhuak thei hlei nem. Khawi rawh kan pui ang che" tih pahin Dengi puanbih hlingin alo kawih na lai chu ahan lak thlak sak mawlh mawlh a. Dengi puanbih lah alo kau hman bawk nen,inthup sen ni talo chu,a nau chawbawmte chu a lan ţhiang ralh mai a. Vawra lah chuan alo mit sir zauh zauh lehnghal. Vawra chuan hling chu thian mawlh mawlh chungin," Dengi,engmah ka hmulo nia,mahse ilo va han nalh em em ve" nui seih pah hian a han tia . Dengi zak lutuk chu a sen awp awp a," U Vawr,tuma hnenah sawi suh aw " a han ti a. Hling an then fai zawh hnu chuan Dengi chuan a puanbih pawh chu siamţhat zai a rel ta bik chuanglo a. Thing buk laih hnuaiah chuan Vawra leh Dengi chuan Vahui hmul an pawt dun ta a. Inhmangaih ngang anni a. Tunge nula leh tlangval Vahui hmul pawt dun mai mai chu va dem ngawt thei ang le. Vahui hmul an pawh dun hnu chuan Vawra leh Dengi chu favang ni eng mawitak hnuaiah chuan inkuah chial chungin thing tuluang chungah chuan an ţhu dun a. Hlim takin hmangaih biahthute an inhlan mawlh mawlh a. Dengin a phur te a siam zawh hnu chuan khaw lam panin an in chhawm chho ta hnak hnak a.
Khua an luh veleh chuan zan lamah inhmuh in tiamin an in lam ve ve pan chuan an inţhen ta a. Vawra an in a zuk thlen chuan nidang anglo takin a pa leh u mipate chu anlo awm kim ţhap mai a. Inchhung ahan luh chuan a farnute chuan a iptepui chu anlo lak thlak sak a. Vawra chuan a silai te a han tung fel te te a. A farnute chuan Vawra iptepui an han phawrh a,Vahui paruk lai mai an han hmuh chuan an rak chul mai a. Ţuahpuii chuan," Pasalţha ramchhuak nge nge nghah man i awm e. Vahui paruk lai mai i rawn hawn lehnghal" alo ti var a. Vawra chu insil mawlh mawlh pah chuan," Pasarih alawm ka kahthlak,mahse pakhat chu.." a ti hman chauh tihah chuan a u Vawmaia chuan," Nula i pe ani maw" alo tih khalah a. An vai nuih dar dar a. Vawran a u mipate tihtak hmel taka an lo ţhu run mai chu mak a ti deuh a. A insil zawh hnu chuan," Ka pa,eng thu pawi nge awm a. Tinge ţawngzai pawh in rel miahloh ni" a han ti a. Vawra pa chuan," Hei vawiinah kan lal fanu Darchawii thingphur a bo daih mai a. A ţhian hruaite sawi danin tlangval pakhat nen an tlan dun ani awm a. Kan lal fanu hi tun favang maia pasal nei tur ani tih kan hre vek a. Kan rin dan chuan a hruaitu hi Lungmam pasalţha Darchhawka anih hmel bawk. Kan lalin umzui a rel ani" a han ti a. Vawra chuan," Duh ber hmu a tlan chu engah nge han umzui vak angaih le. Kan lal fanu Darchawii phei chu kal bo vang vang se ka tihna a rei tawh mai. A pa lalna hre rana midang a hnuaichhiah hi ka hmu fo mai lehnghal" a han ti siah siah a. Vawra pa chuan," Mawlh mawlh che chuan aw,nangpawh hi i u te ang tho inih hi. Kan lal chuan a umzui turin kan khaw pasalţhate a tir dawn . I ute pawh hi kal ve tura tih anni a . Mahse hei an hel tlat anih hi" beidawn hmel fe chuan ahan ti a. Han let lawk ila. Vawra ute hi Lungmam pasalţha Darchhawka ţhianţhate vek anni a. An ţhianpa lu la tura kal chu duhloin lal chu an hnial a,lal pawh hian a tilui ngam biklo ani. Vawra chuan," Midang a kal tur an awm thoang chu. Mi pakhat uma a khaw buaia buai tur pawh anih loh chu mawle" a lo ti thuai a. Vawra ute chu an ngawi ngal mai a. Vawra pa chuan," Kan lal hmai pawh a zahawma,Vawra,nang talin kan pasalţha dangte hnung i va zui ani ang chu" a han ti a. Vawra chuan," Ka pa,ka ute an kal duhloh chuan keipawh engah nge ka kal bik ang ni,kan pasalţha dangte pawhin an va man thei tho ang chu" a lo ti thuai a. Vawrapa chuan," Vawra,lal khawnbawl ka ni a. Lal thu zawmlo a ka fate in awm vek chuan khawtlangah kan meng ngam nang. Lal hmel pawh ka hmu ngam dawn em ni" a han ti chang fal mai a. Chutah Ramliana chuan," Vawra,ka pa sawi ang khan nang tal chu i va kal tur ani. Darchhawka hi mi sual anih loh avangin a lu la tur hi chuan ka penchhuak dawnlo reng reng a. I va kal anih pawhin kutthlaktuah va ţanloh hram tum ang che" a han ti a. Vawra chuan," Ka kal duh bik hlei nem" a han ti leh a. Ramliana bawk chuan," Vawra he thilah hi chuan i ute ai i awh a ngai anih hi. Kan kal ve zawngin khua leh khua kan va in that mang palh ange" a han ti a. An sawiho nak nak hnu chuan Vawra chu peihlo hle mahse a ute leh a pa thu angin lal fanu lakir leh tur chuan a kal dawn ta ani.
Lal Lianvunga pawh a rilru a buai hle mai. Hualtu lam mo hruaitur lah engtiklai pawha lo thleng thei reng anni tawh a. A fanu an lakir hmanlo emaw,alo bo hlen ta anih hlauh chuan buaina nasa zawk a chhuah phah ngei dawn tih a hrechiang em em a. A fanu chan chu an ngaihtuaha ,a khawngaih rualin Hualtu lal fapa a neih ngei chu ngai niin a hre bawk nen. A pasalţha Ramlianate a thu hniala an kal duh talo pawh hi awm a tihpui em em a. Bakah amah pawhin an kal loh kha ţha zawka hriatna anei tawh a. Darchhawka ţhianţhate vek annih avangin Darchhawka chu that lo a an tlan bo tir mai a hlau ani. A pasalţha dangte pawhin a fanu chu anlo lakkir theih ngei a ring em em bawk.
Zanriah ei khamah chuan Vawra chu Zanriak tur buhfai leh mutbu ilo bakah a mamawh dang dangte a iptepuia akin Lal in lam pan turin turin Kan kan kan Chu chu hre reng ang che u" a han ti a. Tlangvalho pawh chuan an pasalţha thu chu hnial an tum lem lo ani..
Bung-26
Suartui val rualte chuan hmanhmawh takin an lal fanu bo ţanna hmun lam chu an pan nghal a. An va thlen chuan meichher eng hnuaiah chuan an miduhte hnuhma chu an han zawng ta a. Fur ruahtuiin lei te achiah hnip vek avang chuan ram pilril lam pana mihring hniak pahnih kal chu hmuh a harsa lo viau ang. Rei pawh an zawn hma chuan an mi duhte ke hniak ram ngaw lam pana lut chu an han hmu thei ta a. Tichuan uluk takin hnuchhui hna chu an ţan ta ani. Ngaw hnuaia rei fe an chhui hnu chuan an hnuchhui chu Suartui leh Lungmam in kalpawhnaah chuan a chhuak ta hlawl mai. Pasalţha Phirthanga chuan," Awle,hei kan lal fanute chu Lungmam lam panin an kal anih hmel a. Khuaah chuan an lut ngam hauhlo anga,. Hmanhmawh takin um zel ila,nichhuah hma chuan kan um pha hman em ang chu" a han ti a. Tichuan Suartui val rual te chu hmanhmawh takin hma lam pan chuan an kal ta zel a. Suartui leh Lungmam inkar hi patling nikhat kal vel ani awm e. Zanreh ar khuan hun awm velah chuan kawng chu pahnih a a inţhen ta tlat mai. Pakhat chu khaw lam panin a kal a,pakhat zawk erawh chu khaw chhuahsan zawngin a kal thung a. Kawng lah chu a lun tih hriat tak hian ke hniak a pherh ven vun mai a. An mi zawn berte hniak lah hriat hran theih ni tawh heklo le. Pasalţha Phirthanga chuan," Hei kan insem darh mai a ngaih hmel a. Khaw lam panin ka hoin tlangval sawm kan kal anga. Tin ,kawng pakhat zawkah hian Vawra hoin tlangval sawm in kal bawk dawn nia" a han ti a. Suartui pasalţha Phirthanga hian Vawra hi a hriatchian em avangin midang han kai hruai tur pawhin a ring tawk em em ani. Phirthanga bawk chuan ," Ka sawi tawh ang khan tumahin Darchhawka kha kut inthlak tur ani lo. Amahin alo bei let che u anih zawngin in nun chhan nan chuan in thal in thlah thei ang" tiin a han chah bawk a. Tichuan Suartui val rualte chu sawm ve ve a inţhenin a hrangin an kal ta a. Vawra leh ahote chu khaw chhuahsan kawngruh lamah chuan an kal ta a. Thui vaklo an kal hnu chuan lo bing lian vaklo pakhat hi an thleng ta a. Vawra chuan,"Ţhiante u,kan kalna lam hi Lungmam khaw zau lam anih hmel tlat mai. Ka mi umten minlo hmuh hmasak loh nan kan meichherte i timit ang u hmiang" a han ti a. Tichuan tlangval dangte pawh chuan thuawih takin an meichherte chu an han timit ta a. Vawrate chuan Lungmam zauah chuan an lal fanute chu an awm ngei an ring ani.
Vawrate pawh thawm dim tak leh fimkhur takin zaupui kawng lam chu an zawh thla zel a. Zaupui an zuk luh chuan thlam pakhat aţanga mei eng de va va mai chu an hmu thei ta. Tichuan insem darhin mei eng lo chhuahna thlam chu an hual ta a. Vawra chuan a ţhiante hnenah amah a chet chhuah hma chu tumah chet thawhlo turin a hrilh nghal vek a. Thlam chu an hnaih viau ta maw tihah chuan thlam a titi thawm chu an hre thei ta . An ţawng dan aţang chuan mipa pahnih Sapela ramriak hi annih hmel a. Vawra chuan a hote chu an zaizir a. Thlam chu an hnaih zel a. An mi duh berte nilo mahse Vawra chuan chung mite lak aţang chuan enge maw tal hriat a beisei ani. Thlam an hnaih viau ta maw tihah chuan Vawra chu thlam luhkaah chuan an kai chho a. Aw then kharh kharh pahin," Suartui tlangval ka ni e. Riahhmun min kian thei dah lawm maw" a han ti a. Thlam chhung chu a reh vang vanga . Thlam chhung aţang chuan,"Thei tuk e. Lo lut ta che" tiin anlo chhawn a. Vawra thlam chhung ahan luh chuan patling phanchang deuh tawh pakhat leh tlangval pakhat hi an lo awm a. Vawra chuan," Pute u,hei ka sahnghal hnu chhui hlawhchhamin zaupui hi ka rawn zawh chhuak hlawl mai a. In mei engah ka rawn in bengvar ta mai ani" a han ti a. Patling zawk chuan," Ţhian kan neih belh ani mai lawm. Mutbu leh buhfai la phan thur a awmlo a" alo ti var a. Rei vaklo an titi hnu chuan Vawra chuan,"Ka pu,hei in khaw pasalţha Darchhawka ţhianpa Suartui Pasalţha Ramliana nau ka ni a, An chhungkua hi an dam tlan lai ani em " tiin a han zawt a. A patling zawk chuan," Chuti ani maw,sawi nuam chu ani chiahlo na a. Kan pasalţha Darchhawka leh kan lal kha an inhmu thiamlo deuh ani awm a. Khua aţangin lal in hnawtchhuak ta anih kha. Darchhawka awmlo zawngin kan khua pawh a ralmuang zo dawn talo anih hi" ati chuai raih a. Vawra chuan mak tih hmel tak hian," Eng thu hlaah nge maw an inrem theihloh chu le" tiin a han zawt leh a. Tlangval zawk chuan," Tlang kam aţanga ka hriat dan chuan kan pasalţha Darchhawka leh in lal fanu kha anlo in hmel duh deuh ani awm e . In lal khan a fanu pasal atan Darchhawka kha a duh silo a" alo ti thuaia . Vawra chuan," A pawi mang tak e aw. Khawi lam mualah hian nge pasalţha Darchhawka te chuan lo anneih le" a han ti a. Patling pa chuan," Zaupui mawng ber a lo khu ani mai. Darchhawkate zawng mi tlawmngai ngang hi anni a. Lo pawh aţhalai an chuh ve ngai lo. Kan lal in a hnawtchhuak hi chu pawi ala ti khawp ang" an ti charh charh a. Vawra chuan," Pute u,minlo dawngsawng ţha viau mai a. Mahse hei ka kalsan rih mai ang che u. Pasalţha Darchhawkate lo lam chu ka zuk chuan reng reng ange" a han ti a. Tlangval zawk chuan mak ti fe hian," Chu zawng zan thila han tih chi em mawni chu le. Zingah hahdam in i zuk kal zawk dawn nia" alo ti a. A patling zawk pawh chuan Vawra chu zing lama kal mai tur chuan an ti a. Vawra chuan a tuk lama a sa hnu chhui tur chhuanlamin a chhuahsan ta tho a.
A thil hriat duh ber a hriat tak avangin Vawra chu a hlim ru hle mai . An lal fanute chu Darchhawka te thlam lamah chuan an awm ngei a ring ani. Tichuan tlangval dangte nen chuan lungmam zaupui mawnglamah chuan an kal thla ta zel a. Mual tawp lama thlam lian pangngai ve tak ding luah chu ralkhat aţang chuan an hmu thei ta. Vawra chuan chu Thlamah chuan an lal fanute chu an tawm a ring tlat ani. Thlaeng hnuaiah chuan thlam panna kawn chu uluk takin an bih a. Mihring hniak tharlam tak a awm ngei ani tih an lei rah tawlh vel na aţang chuan a hre thei ani. Thlam an zuk thlen thlak dawn ţepah chuan Vawra chuan thlam namthlak chu a inkharlo tih a hmu ta. Chu thila ahmuh a ţang phei chuan a rin chu a dik ngei ang tih a chiang ani. Vawra chuan tlangval dangte chu an ko khawm leh te te a. Thlam chhungah chuan an lal fanute chu an awm ngeia a hriatthu leh tun thawt thawtah chuan tibuailo a, khawvar thleng nghah chu a ţhat zawk thute chu a han sawi a. Thlam panna kawng chhak lam hla deuhah chuan mi lokal an awm palh tak hlauha lo thlithlai hmasa turin tlangval pahnih an dah bawk a. Tichuan inring tak chungin Thlam chu an hual ta a. An mi man duhte chu an hmelmate an nih lemloh avangin tui taka muttir phawt chu ţha an ti tlang ani.
Khatia Suartui lal fanu Darchawii leh Lungmam pasalţha Darchhawkate an tlan dun ta kha hmanhmawh taka kalin Lungmam zau lampang an pan ding nghal char char a. An tum dan chuan zauah zankhat riah phawta,a tuk lamah Hmunzau khaw lam pana kal an tum ani. Darchhawka ngaihdan chuan anmahni rawn umtute chuan zau lamah an rawn zawn a ring hauhlo ani. Tichuan an thlam lam panin vau hrul zelah chuan a hmangaih Darchawii chu akal pui a. Thlam an thlen chuan khua a thim fel der tawh ani. Zanriah turte buatsaihin puar takin zanriah chu an ei dun a. An ei kham hnu chuan thlam namthlakah chuan insi rialin an ţhu dun a. Darchawii chuan,"Ka pa chuan min um turin a tlangvalho a rawn tir ngei dawn a. Kan tum ram kan thleng hman anih pawhin ka pa hi a beidawng chuangin ka ringlo ani" beidawn hmel fe hian a han ti a. Darchhawka chuan," Ni e,a beidawng mai mai hauhlo ang. Keini pawh a hla thei ang bera tlan kan tum anga. Min rawn nangching hman anih erawh chuan nang tal hi him taka i chhuah angai dawn ani" a han ti a. Darchawii chuan," Keizawng kan pahnih a kan damchhuak dawnlo anih chuan thih mai ka thlang zawk ani. Damchhunga ka hmangaihlo nen a run rem ai chuan thih ka thlang zawk ani" a han ti sar sar a. Darchhawka chuan Darchawii chu a han kuah vawng vawng a," Dari,kei zawng ipa hian min thah a duh ngei dawn a. Nang erawh chu dama hmuh ngei che a duh thung ang. Kan fa lo piang tur avang tal pawh hian i dam angai ani" tiin Darchawii chu an fuih sauh sauh a. Darchhawka bawk chuan," Khuanun zah ngai sela,eng em chu kan tilo ang chu maw" a han ti a. Darchhawka leh Darchawii hi hun rei taka ta lo inzui reng tawh annih avangin inven zawh sen ani lo a. Tunah pawh hian Darchawii hian fa apai mek ani. He thil zawng zawng avang hian eng harsatna nge a hmachhawn dawn a hre silo. Tichuan nula leh tlangval in hmangaih tak mai te chu an hmalam hun tur engmah hreloin zan mu an chhing ta ani.
Favang kawl eng tur lawmin sirva te chu an chiar nak nak tawh a. Chhuah lamah chuan kawl a eng phut mai a. Darchhawka chuan Darchawii chu an sawi nawk nawk a," Dari,thawh kan hai tlat mai. Tirawh i insiam thuai teh ang" tihpahin a tho hlut a. Darchawii pawh chu tho ve nghalin a sam te chu an tuai mam sawk sawk a. Darchhawka chuan thlama Tuium awmchhun chu lain tui chawi tura kal chu a ahan tuma. Thlam aţanga an chhuak chiah chu tlangval pakhat thlam chhaka amah uluk taka en chunga lo ding reng chu ahan hmu thut mai a. Harhchhuak thut niawm takin thlam lamah chuan hmanraw chuha tlan luh a han tuma. Mahse tlan luh tuma a inher rual chiah chuan thlam chhaka tlangval ding chuan," Nung dama awm i duh chuan hmanrua chuh buai duh suh. Hual beh vek inni tawh e" zawi fiah tak si chuan a rawn ti a. Darchhawka chuan," Tunge inih,enge i duh" a han ti chang fal mai a. Mahse a hmaa tlangval ding chuan zam hmel pawh a pulo a. Uluk taka amah rawn en chung chuan,"Kan lal fanu kha rawn chhuahpui la ,inpe mai rawh. Anih loh chuan helai hmun hi damin i chhuahsan lo ang" a rawn ti ve leh a. An thawm chu hriain Darchawii pawh thlam luhkaah chuan a rawn chhuak ve a. Darchawii chuan Thlam chhaka tlangval ding chu tunge anih a hrechiang ngang mai. Thinrim taka Vawra chu melh chungin," Tlangval tunge inih ka hria. Helai hmunah hian eng ti tura lokal nge inih pawh ka hria e. Mahse i duh ang chuan thil a thleng hauhlo ang" a han ti phiar phiar a. Vawra chuan ngaih pawimawhloh hmel fe hian," Lal fanu,him taka hruai let tur che hian lal hnen aţangin phalna kan hmu thlap ani. Tunah khan inpein helai hmunah hian lo chho ula. Tu chungah mah thil ţhalo a thleng lo ang" tiin a han chhang a. Darchawii chuan," Nang pasalţha inti ve satliah khan min hruai haw mai theih i ring ami" a han ti leh sak sak a. Vawra chuan," Pasalţhat leh ţhat loh lam thu pawh ani lo e. Tunah rih chuan kan thahneh hrim hrim che u. Kan lal thupek angin lal fanu chu himdam taka hruai kir tur leh amah tlanbo puitu erawh a lu la tura tih kan ni. Mahse kan remruatna anga in awm theih dawn chuan nungdamin in chhuak ve ve ang" a han ti ve a. Darchhawka chuan," Anih leh in remruatna chu pawm lo ta ila " alo ti thuaia . Vawra bawk chuan," Duhthlan tur dang kan nei lo. Thah che a,kan lal fanu hruai haw ani mai" a han ti leh a. Tlangval dang pawh an lo chhuak khawm sap sap tawh a. Darchhawka chuan an vai chuan a hneh dawnlo tih a hriat bakah Silai fung engemawzat an keng tih a hriat avangin tlanchhuah na kawng chu a awm tawhlo tih a hria a. Mahse inpek mai erawh a tumlo. Vawra bawk chuan," Hun kan khawh ral rei ta mah mahin ka hria. Inpe mai rawh u" a han ti leh a. Darchhawka chuan," Mi dawihzep rual,mi pakhat man turin khati zah kha in rawn thawk chhuak amaw. In zinga huai ber nen kan inhmachhawn anga,hnehna ka chan chuan kan zalen ang. Chu chu in pawm em?" a han ti salh salh a. Vawra chuan ," I huaisenna chu a ngaihsanawm na rawh e. Mahse helai hmunah hian ral bei tura lokal kan nilo. Kan lal fanu hi kan hruai anga. Kan kal mai dawn ani. In ţang lui tlat anih chuan kan kap ang che" a lo ti leh a. Darchhawka chu a inher thut a,hmanraw chuh tuma Thlam chhung lam pan a rual ta mai a. Mahse a tlai hret ani,Silai a puak dur a,Darchhawka chu a malpuia Silai mu denna avang chuan a ţhingţhi hnawk a," Mi dawihzep ho,khawnge in zo fel law law teh ang" tih pahin a tha neih zawng zawng nen an dingchhuak leh a. Vawra chuan a tlangval hruai zinga thal lo thlah an awm chu pawi a ti hle mai. Mahse engmah han tih theih a awm ta silo a . Darchawii lah chuan Darchhawka chu kuahin a ţap hawm hawm a. Vawra bawk chuan," Awle,tawk tawh rawh se. I haw tawh ang u" tih pahin thlam luhkaah chuan an kai chho a. Darchawii chua Vawra chu chil lo chhak khum ţhawt ţhawt pahin," Mi dawihzep pa,i thiltih man hi chu ila hmu khawp ang" alo ti tuarh tuarh a,Vawra chu anchhia a lawh zui bawrh bawrh a. Vawra chu a thinrim riau mai a,an pahnih a han thah ve ve te chu a nap ani. Thinrim insum tak chungchuan ," Lal fanu,tunah rih chuan i pa thupek kan zawm angai zawk rih anih hi" a han ti a. Darchhawka chuan ," Dari,ka hmangaih lutuk che,ka tlanchhuahpui theihloh che avangin min ngaidam dawn nia. Kan fa lo piang tur vang tal pawhin i dam khawchhuah angai ani" a han ti sar sar a. Darchawii chuan," I tello a dam reng zawng ka thlahlel biklo e" ţah aw ţuau hian a han ti a. Darchawii chuan Vawra lam hawi chuan," Lal fanu ka nih anga ka duhdan min pawmpui chuan kalo zui ang che u. Anih loh chuan helai hi kan tawpna tur ani ang" a han ti ve salh salh a. Vawra chuan," Enge i duh" alo ti thuai a. Darchawii chuan ,"U Darchhawka hi in nun tur ani . Tin,enkawlna ţha tak in pe bawk tur ani" a han ti leh a. Vawra chuan," Chu zawng thil harsa ani nem. Thah pawh kan tum reng reng lo. Hmanrua chuh a tum avang chauha kap kan ni" a han ti leh a. Tichuan in hmangaih pahnih insuih rem thei silote inţhenna ni chu alo thleng dawn ta a. Darchhawka chuan Darchawii chu huaisen taka awm tur leh a dam ţhat veleha amah lam tura alo kir leh tur thu chu a ruktein an fah mawlh mawlh a. Darchawii pawh chuan a ring em em ani. Vawra chuan ruahmanna an siam zung zung a. Darchhawka chu a malpuia silai kahna avang chuan lam hla han kal thei chi ziazang ani lo a. Amahin hnial viau mahse a zawnna tur hlang an siam a. Suartui lam pan tur chuan an kal ta a. Vawra chuan an lal fanu chu a hnunglamah a chhawm hnak hnak a. Midang zawng chuan Darchhawka zawn chungin hma an hruai a.
Zaupui an kal pelh dawn ţep,ram chin an luh dawn lai tak chuan Vawrate tawk zawngin tlangval pakhat hi Silai cheng kau sa hian alo kal hnak hnak a. An in hnaih viau ta maw tihah chuan tlangval chuan," Lungmam tlangvalte kanni e. In ralthuam kha dahthla rawh u. Annih loh chuan helaiah hian in thi vek ang. Hual beh vek inni tawh e" a rawn ti tuarh a. A tihzawh rual chuan tlangval dang pasarih lai mai hi silai nen an lo chhuak ţak ţak a. Vawra chuan," Helai hmunah hian hmelma anga lokal kan nilo. Kan lal fanu hi hruaiin kan khaw lam kan pan mai dawn ani" a han ti let a. Tlangval chuan," Kha kan pasalţha hliamin kan pawi in sawi ta reng reng a. Ka thupek ang chuan in hmanrua kha dah thla ula atawk mai" a rawn ti chang fal a. Vawra tihloh tlangval dang zawng chuan hlang an vawn si avangin han tihvak ngaihna a awm silo. Vawra bawk chuan," He thil intih avanga kan khaw pawi in khawih nasat tur zia hi in hria em. Kan lal chu a ngawi mai mai hauhlo ang" a han tilet ve a. Tlangval chuan," Engmah sawi tam angailo. Inpe mai rawh u" a han ti leh a. Vawrate tan lah han beih let vak ngaihna awm hek suh. Silai keng pariat lai maiin an hual bet a. Chet thawh pawh nise thal an thlah ve hmain an thi deuh vek hman dawn ani. A hma zana Vawran a biakte pahinh pawh kha anlo awm ve a. Anni pahnih khan Vawra chezia kha ringhlelin an ţhian sapela ramriak ve thote an lo va pun ani awm a. Zing lama silai puak ri an hriat khan fimkhur takin zau mawng lamah an chhuk a. Thil thleng zawng zawng kha an hmu vek a. Mahse hmun ualau lai tak anih avang leh lehlam pawh silai keng tho annih avangin ram lama lo chan kha an rel thlu ta zawk ani.
Ni sen sa vawl vawl hnuaiah chuan Suartui val rualte chuan Darchhawka chu an zawn zel a. An hnung lamah chuan Silai keng mi pasarih lai mai chuan an vil reng bawk a. Suartui lal fanu Darchawii pawh hlim hmel takin a titi leh siam siam tawh a. Thui fe an kal hnu chuan hmun rem lai deuha chawlh chu an rel ta a. Lungmam lama an hruaitu deuh ber Khuangthanga chuan," Darchhawka hi khuaa kan zawnluh a rem dawnlo a. Kan khaw chul hlui lamah khan kan enkawl mai angai dawn ani" a han ti a. Midang pawh chuan ţha lo ti tlangin a dam ţhat hma chuan an khaw chul hlui lama enkawl chu an ti ta a. Suartui lam chuan hmanrua engmah pawh keng tawhlo in Darchhawka hlang chu an bial laih a. Lungmam tlangvalte pawh chuan hlauh tur engmah awm talo chu,an iptepuite hlang thlain an silaite chu an chawlhna sir velah chuan an tung a . Suartui tlangvalte ţhutna hnung chiah ah chuan ţhu ve in An titi siam siam mai a. A ţhente phei chu an han mu zangthal vei awr awra .Darchawii chuan Darchhawka hliam vel hrufai pah chuan Suartui tlangvalte chu ţawngkam mei nei fe fe hian a ţawng khum renga. Lungmam lam pang chuan anlo nuih pui leh dar dar ţhin a. Vawra chuan chet thawh na hun remchang a ngaihven char char a. An hmanruate an dahthlak vek lai chu chet thawh hun ani tih hriain a ţhiante chu an mitsir zauh zauh a. A ţhiante pawh chuan hrethiam takin an lu an lo bu nghauh nghauha. Chutah Vawra chu an ding hluai a. Lungmam tlangval pakhat chuan," Hei nang kha engthil nge tih intum a" alo ti thuai a. Vawra chuan," Zun ram thiarte pawh kan mamawh ang chu" tih lekin a chhang a. Lungmam lam chuan ngaihsak zui pawh an tum chuang lem lo a. Suartui tlangval pathum lai mai chu zun ram thiar tur ni awmtakin an han ding a,an zi mar vel a. Chutah Vawra chu a hawi let a," Le" ti a au tuar pahin Lungmam tlangval amah hnaih bera ţhu chu an tlawh thal tawp a. Midang ho pawh chuan rawn zui ve nghalin an in phek sual ta chiam mai a. Lungmam tlangvalte lah rinloh tak maia an mi man ten an rawn bawhthut kha an hamhaih vek a, hriam chuh hman bik hek lo le, an in buan ta thial thial mai a. Vawra chuan tlangval pathum lai mai chu a Vawrh hnang tawh a. Midang pawh chuan an tumpuite chu dim lo baksak hian an lo ţum awk awk mai a. Suartui tlangvalte hi a tam zawk annih miau avang leh mi inring lo lai bawh thut na na chu an chan a ţha ta zawk a. Lungmam lampang chu an let phung maia, an ţhen tlawk tlawk a,an dul te chu an hup ngawih ngawih maia,lo vial ngal ngal tawk lah bo lo. Suartui tlangvalte chuan hmanruate chu an han la khawm sawk sawk a. Lungmam tlangvalte chu an phuar khawm ta a. An phuar khawm vek hnu chuan an han chawl hahdam leh rih a. Lal fanu Darchawii chu a hlauthawng ta hle mai a,a ţawngkam hman te kha alo na thei bawk nen. Hlauh hmel tak chuan Darchhawka hlang kiangah chuan a ţhu ngawi ta reng a. Tlangval pakhat thinrim insum zolo chuan an lal fanu chu na mangkheng hian an beng thle lawp mai a. Ben leh tuma a kut an lek leh chiah chu Vawra chuan lo dangin," Tlangval tawk rih rawh se. Insum hram teh" a han ti a. Lal fanu Darchawii chu a biangah mittui a luang zawih zawih a. Darchhawk a chuan,"Hmeichhe kutthlak ngam tawk chauha huaisen maw innih a. Haw ula pawn fen feng rawh u" a rawn ti phiar phiar a. Tlangval pakhat thinrim insum zolo chuan Darchawka chu a an chhir thum awk mai a. Tlangval dangte chuan lo pawm betin anlo dang thei hram ani. Darchhawka bawk chuan," Mi che theilo chungah chuan in huai ve hle mai maw. Dawihzep ho" a han ti phiar phiar a. Vawra ning lutuk chuan," Ekhai,kan pasalţha hliam chu i ţawng tam mah mah ani" tih pahin a puan ven chu a kai thler kawk kawk a. Darchhawka ang tun tun lai chu a ka a va hnawhsak ta daih mai a. A kutte chu an phuar sak zui a. Tlangval dangte chuan nui hawk hawk pahin," Vawra i ti ţha lutuk,a ţawng hnem mah mah ani" an lo ti a. Darchhawka thinrim engmah tithei silo chu sen awp awp mai ani. Vawra chuan an lal fanu tlangval pakhatin a a benna hmai vung luk chu puan tuia chiahin an hruk sak a. Lal fanu chuan lo dang ve deuh mahse Vawra chuan a hruk sak ta tho a. Lal fanu chu a mittui a tla zawih zawih a. Vawra chuan," Lal fanu,kut kanlo thlak palh che avang khan min ngaidam dawn nia" a han ti sap a. Lal fanu Darchawii chu a ngawi reng a. A mittui chu a hru leh zauh zauh ţhin a. Lungmam tlangvalte ve thung chu an hmai te a vung lek luk mai a. Kilkhatah chuan Vawrate chuan an phuar hlawm a. Vawrate chuan an kal zel dan tur an han sawiho a,an buai rilru hle mai a. Chutia an titi ho nak nak lai chuan khawchhung lam aţang chuan thawm alo awm ta tlat mai. Vawrate chuan silai awm zawng zawng chu kah theih mai tura siamsa in khawchhung lampang aţanga lokalte chu an lo chang ta a . Thawm chu alo hnai zel a,a rawn hnai ta viau maw tihah chuan Vawra chuan Suartui pasalţha Phirthanga chu a han hmu thei ta a. An khaw tlangvalte tho annih avang chuan an hah a dam ta huai mai. A dik taka sawi chuan buaina han tawh belh chu an chak tawhlo tlang ani. Vawrate awmna Phirthangaten an rawn thlen chuan mak tih hmel tak hian an hawi kual ruai mai a. Vawra chuan thil thlen dan te chu an sawi zung zung a. Pasalţha Darchhawka an hliam chu pawi a tih thu leh lal fanu ngei pawh zahzo loa kut an lo thlak ta mai chu pawi a tih thute an sawi a. Phirthanga chuan hrethiam takin Vawrate chu an fak a. An beisei aia hmaa an lal fanu an lakir thei chu a lawm em em ani. Phirthanga chuan Lungmam khua an han luh thu leh an lal nen pawh an inbiak thute a han sawi a. Lungmam khaw lamah chuan an chawlh chho phawt tur thute an sawi bawka . Phirthanga chuan Vawran Darchhawka ka a hnawhsaknate chu an lachhuak a , aphuarna te phelh pah chuan," Dara,ilo ţawng hnem deuh ani ang maw" nui hak hak pah chuan an tia . Darchhawk a chuan thinrim hmel fe hian," Ka damţhat hunah chuan in chaklo ang" a lo ti piap piap a. Suartui val rualte chuan ro an han rel zung zunga. Lungmam khaw lamah chuan an in zawn haw ta a.
Lungmam khua an han luh chuan mitin mai chuan mak tih hmel takin anlo en dauh dauh mai a. An pasalţha ni ţhin hlang chunga rawn mu run mai te,an khaw hlui Suartui lal fanu hmelţha ţap feih feih chunga a hnung rawn zui ve zelte an han hmuh chuan tlema upa deuh chin chuan thil awmdan chu an hrethiam maia. Mahse an khaw tlangval rual phuar hlawm chunga lokal ve reng an han hmuh erawh chuan mak an ti em em a. Thil awmzia hriat chian tumin lal mual lam chu an pan khawm ţuk ţuk mai ani. Lalin an han thlen chuan ahmaa Suartui pasalţha Phirthangan thil awmzia alo va hrilh vek tawh avangin lal chuan a inah chuan alo hruai lut hlawm a. Lungmam tlangvalte phuarna pawh chu phelhin an Silaite chu an pe let leh a. Lal Raltawna chuan a tlangvalte chu thil awmzia chiang deuh zawka a hrilh hnu chuan a haw tir ta hlawm a. Lal muala mipui pungkhawmte pawh chu haw tirin inah chuan ava lut ta a. Darchawiin chuan au chu lo kuahin," Ka u,min hum thei mai lo em ni" tiin a ţap ta hawm hawm mai a. Raltawna pawh chuan a nau chu a alainat ngang mai a," Dari, huaisen takin awm rawh. He thi hi chu i pal tlang ngei angai ani" tiin ahan hnem a. Darchawii lah chuan beidawn hmel takin," Ka u,Darchhawka lo chu ka nei duh lo ani. Min that mai rawh" a han ti leh hram a. Raltawna pawh chuan tih ngaihna a hre ta biklo. A pa thu hnial ngam chi anilo bawk nen,a farnute chu an haw thuai mai chu ţhain a hria a. Phirthanga hnenah chuan," Hei in duh ang ngeiin ka farnu pawh in lalet ta a. Tunah hia chawl khawmuang loin Suartui lam pan nghal mai ta che u. Ka pa pawh a beidawng lutuk ange" a han ti a. Phirthanga chuan," Ni e ,lal pa, mahse kan thutiam tawh ang khan Darchhawka hi ţha takin ilo enkawl tur ani . Tin , an khaw lamah him dam takin i thlen tur ani. Chuti anih loh chuan i lu la turin ka lo thawkchhuak ngei ngei ang" a han ti a. Raltawna pawh hian Suartuia an awm lai pawha an pasalţhate in ţhianţhatzia a hrechiang em em a, Phirthanga pawh hiana thutiam a hlen ngei dawn ani tih a hre bawk ani. Lal chuan," Ni e,in duh ang chuan ni rawh se. Mahse ka pa hnenah engmah in sawi tur anilo" a han ti a. Tichuan Suartui tlangvalte chu an lal fanu hruaiin an khaw lam pan zai an rel dawn ta a . An chhuah dawn chuan Darchawii chuan Darchhawka chu an kuah vawng vawnga," U Dar ,ka hmangaih awm chhun ini. Dam takin lo awmla. Fanau maltluan chawiin hlim takin awm ang che aw. I tello chuan kei zawng dam pawh ka thlahlel lo e" a han ti a. Darchhawka chuan," Dari min ngaidam ang che. Khuanun zah ngai sela,kalo la zawngchhuak mawlh ang che" a han ti a. In chelh reng theih nilo le,Darchawii pawh hreh tak chungin Suartui lama kal tur chuan a insiam ta a. Lal in an chhuahsan dawn chuan Darchawii chuan a u hnenah," Ka u,in farnu chunga in thiltih hi rawn hrechhuak ve ţhin ang che u aw. Induh ang ngei pasal chu ka ve nei ange. Hlim takin lo awm ula. Kei zawngin unau tia chhiar tlak pawh ka neih tawh loh hi" an ti dap dap a. A u a ţawng ve hma chuan a chhuak ta nghal a. Raltawna chu a rilru ana em em a. A pa chu a dem ngawih ngawih mai a. Mahse lal anih angin a khaw mipuite himna turte ngaihtuah angai si a. Chumi atan chuan Darchawiin Hualtu lal fapa aneih ngei hi angai ani. Tichuan Suartui tlangvalte chu an lal fanu hruaiin an khaw lam panin an chhuak ta a.
Khua an thlen hnu chuan lal fanu Darchawii chu hrehawm ti hmel pawh hian a awm duh tawhlo a. A lung a leng em em mai ţhin a. A ruktein a dul chhunga naute awm chu a kawm leh malh malh ţhin ani. Buh hmawrte a eng ţan tawh tihah chuan an inbiakremna umzuiin Hualtu lal fapa Chhiahthanga leh a pasalţhate bakah a khawnbawlte chu lal fanu hruai turin an lo kal ta ngei a. Lal fanu man atan Sial sawm bakah ţhi leh Dar te anlo keng ţeuh mai a. Suartui lal pawh chuan alo lawm na rawh e . An lo thlen zan chuan zu nen an lam khaw var zak mai a. A tuk lamah chuan Lal Lianvunga chuan a fanu thlah nan leh a mikhualte lawm nan khawtlang hrai atum a. Chumi pah chuan mikhual tlangval buan chak te leh a khaw tlangvalte chu inbuantir a tum bawk ani. Lal thuchhuak an hriat chuan mitin mai chu an hlim em em a. Lal fanu Darchawii pawh chu hlim takin Hualtu lal fapa nen chuan an inkawm a. A chhungril tak erawh chu ana vawng vawng ani. Nula fing ngang ani a. Khuareiah a hmangaih nen chuan anla intawng ngeiin a ring tlat a. A hmangaih ber chuan a thuthiam hlenin a rawn zawnchhuah ngei chu a ring tlat bawk ani.
Hualtu hi Lal Zangama lalna khua ani a. In 300 vel zet anni awm e. Suartui aţanga ni 5 kal vel zeta hla ani .Suartui khua ai hian an lian lutuk bik lemlo naa vua leh vang anneih ţhat avangin leido neih ni khuaah an lam ţang nih a,an puihna dawn hi lal tamtak beisei ani fo reng ani. Hualtu lal pawh hian Suartui khuain pasalţha an ngah zia a hre vek a. Lam ţanga siam theihna hun ţha anei thei hi a alawm em em a. A fanu thar tur chu ropui taka lo hmuah atum ani.
Tukţhuan ei khamah chuan Suartui lal in kawtah mipui an tlim hmur tawh a. Mi zawng zawng chuan an khaw tlangvalte leh mikhual tlangvalte inbuan tur chu hmuh an chak em em tawh ani. Vawra lah chu lungkham neiloh hmel fe hian Dengi kiangah alo ţhusawp nuaih mai a. A khat tawkin Dengi hnenah chuan," Dengi en teh,saw lai tleirawlte saw a hmel a ţha sin. Ka va kuah thuk nang a" a han ti zauh ţhin a. Dengi huat tawk alo tling em em a. An han in chum leh taih taih ţhin a. Mipui hlim so hulh hulh chu lal Lianvunga chuan ngawi turin a han ti a. Mipui an ngawih tak ţhupah chuan Lal chuan," Awle, vawiiniah ka fanu pasal neih tur min lawmpuitu ka khaw mipui zawng zawng chungah hian lawmthu ka sawi a. Ka khaw mipuite ka tana in inpekna leh min ţawiawmna zawng zawng ka hmuh hian in lal nih hi tlinglo ka in ti em em a,in lal ka ni thei hi ka lawmin ropui ka ti em em ani" a han ti meuh chuan mipui chu an au dur dur a. Chutah lal bawk chuan," Vawiinah hian kan khualţha ,Hualtu lam aţanga lokal zawng zawngte pawh hi khaw mipuite hian kan lo lawm em em che u a. Hualtu lam nena inlungrual taka kan awm thei tur hi ka lawm em em a. Ka khaw mipui aiawhin lawmthu ka sawi bawk ani" a han ti leh a. Lal bawk chuan," Vawiinah hian ka fanu pasal neih lawmna leh amah thlahna ni pah fawmin Hualtu tlangval buanchak te leh ka khaw tlangval buanchak te an infiam dawn a. Tumah thimrima thu lak awih ani loang. Tin,ka khaw tlangvalte khan theihtawp chhuah ula,mikhual buan dan tawk thiam bawk ang che u. Amaherawhchu kan bu zawlah hian tumahin min rawn hnehchhuah tur anilo . Ka tlangval rualte khan inbuan inlo zirtir dawn nia" a han tih chuan tlangval rual chu an haw haw dur dur a. Hualtu lal fapa pawh chuan a khaw tlangval buanchak deuh deuhte chu theihtawp chhuah turin alo fuih sauh sauh a. Inbuan chu an han ţan tak tak ale. Suartui tlangval zingah chuan Hualtu buanchak Hratliana chelh zo reng reng an awmlo mai a. Vawra u Vawmaia meuh pawh Hratliana chuan a vawrh dup dup achha chu ani mai. Vawra chuan a ute an han thal huang huang mai chu hmuhnawm titak ang mai hian alo en a,alo nui char char mai . Suartui tlangval buan chak deuha an ngaih te pawh chu Hratliana chuan awlsam te te hian alo chawikang zung zung mai a. Hah hmel lah chu ala pu hauhlo lehnghal. Suartui buan chakte an tlawm tak zel siah chuan Lal Lianvunga chuan," Suartui val rualte u,mikhual tlangval lakah in tlawm mai dawn em ni" a han ti a. Mipui chu an ngawi ţhap a,Lal vek chuan," Hualtu tlangval buanchak hnen thei apiang chuan ka se patuai an kai hawng thei ang" a rawn tih pawh chuan tumah reng chhuah an tumlo. Chutah Hualtu lal fapa Chhiahthanga chuan uang fe hian," Ka khaw tlangval Hratliana han er zo lah awm lo che u a. Suartui tlangvalte chu pawnfen feng tlak innih vek awm hi maw" a rawn ti lung lung a. Mipui chu an phun mur mur a. Hualtu lal Fapa vek chuan," Kan khaw tlangval buanchak hneh thei in awm anih ngat chuan ka farnu nupuiah in neih ka phal hial ang. In duh lemlo anih pawhin a aiah Sial in kai haw mai ani ang chu" nui huau huau chung hian a han ti a.Hetia a tihna chhan hi an khaw buanchak chu tumahin an buan ngam a ring tawhlo a . Suartui khaw tlangvalho chu fiamthu thawhna ahman paha a rawn sawi mai mai ani. Tumah an rawn dingchhuak tawh dawnlo emaw a tih lai chuan Mipui zing aţang chuan tlangval lian thekthawk,pian thiam tak leh hmelţha vang mai hi alo pen chhuak a ," Khawnge kan buan chaka chu ute thlavang hauh nan reng reng kan buan ve chhin ani ang chu" a rawn ti lang lang a. Vawra lochhuak an hmuh chuan mipui chu an au dur dur a,ţhenkhat erawh an nuih te pawh a za letling zawka,a chhan chu Vawran mi a buan lai hi an hmu ngai lo reng reng a. Zawlbuk tlangval ţhenkhat erawh chuan Vawra chu tumahin an la hneh ngailo a,a buan pui apiang a inhnehtawk pui vek ţhin tih an hriat avangin beiseina tlemte an la nei ve ani.
Vawra buan zawl lama alo phei zan zan ahan hmuh chuan Chhiahthanga chuan," Tlangval,ka khaw buanchak hi i hneh meuh ang maw. Ka tlawm e ti la,haw leh nal nal mai ta che " tiin alo au a. Lal Lianvunga chuan Vawra chu alo fuih sauh sauh a. Mipuite pawh chuan an khaw tlangval chu an lo au phur sauh sauh a. Hratliana chuan Vawra chu chik takin alo en a. Tlangval ama lam pana lokal chu a huphurh lemlo hle mai. Vawra chuan a ban vai lauh lauh chungin mipuite chu a aia nasaa au tur chuan an fuih a. A ute chuan," Kan Vawra mai mai chu aw. A phur em em mai lehnhal a" tiin an lo chek tlak tlak a. Tlangval dang ho chuan," Vawra,va vawrh thal thuai thuai teh " tiin an lo au ve bawk a.
Buan zawla favai chu a khu luih a, Hratliana chu a tlakna lama a hnungzang a sawhna avang chuan a er ngiang ngiang mai a. Mipui chu an ngawi ţhup a. Hualtu lal fapa mak ti lutuk chu an ding hluai a,a meng bial kawk mai ani. " Kha khaw tlangval chhuanvawr la ni tur,Savawm pawh zuk hlum thei ngat anih kha" tiin Suartui lal chu a rawn au lauh lauh a. Mipui chu an nui dur dur a,an khek ruai mai bawk a. Vawra ute chu mak tihnain an khat ani,an unaupa chakzia engmah an la hre silo a. Dengi ve thung chu a rilru alo hah khawp maia,Vawra chu chak ngei se atih laiin Hualtu lal fapa thutiam kha a hre ru kiau mai si,awm ngaihna tak pawh a hrelo ani. A thawhhnihna an han ţan dawn a. Buanzawla tlangval pahnihte chu an in chai leh ta thial thial a. Hratliana chuan a buanpui pa chu chak a ti ngang mai a. Theih patawpa a ţang chung pawh chuan a chet pawh a che duh eih lo. Vawra chu an in sang mar tak tak a." Khai le aw" tih pahin Hratliana chu an Vawrh thal leh ta huang mai le. Mipui chu," Vawra,Vawra" tiina an au rual dual dual a. Hratliana chu rawn tho leh ţaih ţaiha . Vawra chu nuisang chunga rawn chibaiin," Tlangval,i va han chak em em ve. Ka mi buan tawh azawngah nang aia chak reng kala tawnglo" a han ti a. Vawra chuan," Nau zawkte buan dan tawk i thiam hle mai. Kan khaw mipuite hmaa ka mualpho tur min ven sak hlauha ,ka lawm lutuk e" a han ti let ve a. Hualtu Lal fapa Chhiahthanga chu mak tih luat avangin ţawng zai pawh ala rel theilo. Tlangval rual chuan Vawra chu an Vawrh kang zawk zawk a,an ri hulh hulh mai ani. Mipui ri hut hut chu Lal Lianvunga chuan a kut a han vai a,mipui chu an reh duak mai a. Lal Lianvunga chuan," Awle,ka khaw mipuite u, Vawiinah hian tlangval buan chak thar kan nei mai anilo a. Mikhual laka kan tlawm lutuk tur min rawn chhanhim hlauh ani" a han ti a. Vawra chu lal leikapuiah chuan ko chho in Mipui hmaah chuan an din tir a. Hualtu Pasalţhate pawh chuan lawmpuiin anlo Chibai sap sap a. Hualtu Lal fapa chuan thu rawn sawi ve thungin," Suartui mipuite u,in mi ngaihdamna ka rawn dil hmasa duh a. Ka ţawngkawm mawilo tak avang khan min lo hrethiam ula. Bakah ka farnu ka rawn tawktarh pawh kha ka tisual chhia va ani. Kan tlangval buan chak hian ka sial chu a duh ber a lo kai thei ang" a han ti a. Mipui chu an au dur dur a. Mi zawng zawng mai chuan Vawra chuti em em a a chak chu an ring lo hrim hrim a. Vawra pawh hi a inthup bo hneh em em atin ani. Infiamna an zawh fel chuan ruai an ţheh leh ta hut hut mai a. Tu mai pawh chu an hlim tlang em em vek ani. Chutih lai erawh chuan lal fanu Darchawii chu a rilru ana em em thunga. A hmangaih miahloh pasala ahan nei tur chu a tuar em em ani. Ruai an kil zawh chuan Hualtu lal fapa Chhiahthanga chuan Vawra chu an ko a," Tlangval,inbuan i thiamin i chak hle mai. I hman remchan veleh kan khuaah lo zinin ka sehuanga i sial duh ber i rawn kai dawn nia. Ka farnu chungchang erawh kha chu min theihnghilh sak ani ang chu" a han ti a. Vawra chuan," Lal pa,lawmman kha ka beisei reng reng hlei nem. Kan khaw tan ka rawn bei mai ani. Remchangah chuan kalo zin ngei dawn nia" a han ti a. Ruai te an ţheh zawh hnu chuan mahni in lam ţheuhah an haw ta a. Suartui khaw mipui zingah chuan Vawra chak zia chu titi tui ber ani ta ani.
Hun chu chelhdin ruallohin a her liam zela .Suartui lam chuan buhseng pawh an zo hnai dawn tawh a. Vawrate pawh lo zawhna mumal taka siam an duh avangin lo mawng lam mualte chu lak zawhlohin an zuah ta rih a. Chutih lai mek chuan Darchawii ve thung chu a dul a kiar ţan ta hle mai a. Hualtu lal fapa nen an inneih hun aţanga chhiarin chutiang a han rai puarna hman lah ani silo. A inthup viau chung pawh chuan khuh bo reng theih ani silo ale. A tawpah chuan a pasal chuan Darchawii chu a rai ani tih a hrechhuak ta a.
Bung-27
Silai put chhuah hram i tum tho a maw" tiin Vawra insiam mawlh mawlh lai chu apa chuan a rawn bia a. Vawra chuan," Aw,kan zo hma dawn tho a. Therhlo ilo kah tur a awm takin ka ti deuh alawm le" alo ti thuaia. Vawra pa chuan," kan mi sawmte ruala chet ve tur ani ngai ania. Hnathawh ţhulhte khan i vak nileng ange aw" alo ti leh a. Vawra chuan,"Ka pa Chawmhma lak pawh ani tawhloh khu. Kan zawh fel hunah ka vak dawn chauh alawm" tih leh chhuah a rual ta mai a. A kal liam hnu chuan pu Doţhiaua chuan," Kan Vawra hi zawng, a at hi ala bansan thei reng reng lo mai. Kan mi sawmte zinga inzel hman leklo khan a zuk vak leh ange aw. Kei lah Lalin lamah tihtur pawimawh ka nei sia. Kalo kal hman dawnlo ani " a han ti a. Vawmaia chuan," Ka pa ngaihtuah duh vak suh,sa kan lo phur haw ţeuh maithei nia" alo ti a. Vawra pa chuan," Dah pawimawh hmasak tur hi hriat tur " alo ti hluk a. Vawmaia chu ţawng zui lemlo chuan a nui tut tut a. Vawra farnute pawh an mamawh tur ang angte an emah phur chungin kawtchhuah lam an pan ve nghal a.
Vawra kawtchhuah ahan thlen chuan Zalawma leh Vanzaua bakah Vantei te chu anlo awm tawh a. Zalawman Vawra a han hmuh chuan,"Kha i va mal ve. Khawnge kan mualveng lam nula hi" alo ti var a. Vawra chuan," Buh chil anlo tumve a lawm mawle. Keilah va kal thei bik hek suh. Mual hranah tlei dang chhai tur kan zawng ve mai ta lawng" a han ti a. Vantei chuan," Vawiin chu hmel hlim kan hmu dawnlo ni maw. Ava hrilhhaithlak dawn ve" nui san san chung chuan alo ti a. Vawra chuan," Nangmah i awm tho alawm. Zaua chu vauah Sakhi kan chan tir daih anga a tawk ani mai " nui ţhaw chung chuan alo ti a. Tichuan Vawrate lo lamah chuan an kal ta nghal a.
Vawrate chu lo lamah chuan hmanhmawh lemlo takin an kal zel a. Zaupui an luh dawn ţepah chuan ral aţangin Mu pakhat hi vahbak kang laia thing ding ro tawhah chuan a rul man chuk hlum tumin alo vir buai a. A chang leh a rul man chu an thlauh leh ţhin a. Mupuiin rul ei a tum mekna thing bul an thlen dawn hnaih chuan Zalawma chuan," U Vawr,saw Muvanlai a ni chiah mai. Kap ta che. Ram lama thangchhuah tur chuan kah angai an tih kha" tiin Vawra chu an hrilh sar sar a. Vawra chuan," Mi eitur zawnglai chu kan ti buai ngailo e an tia lawm" alo ti thuaia . Vanzaua chuan," U Vawr, ramsa sihtui tlan turte pawh in kap fo a. Sazuk hnim pet lai te lamin. A danglamna a awm vak chuang em ni" a lo tive kauh mai a. Vawra chuan," Ani lah tak a, . Zaua i sawi dik khawp mai. Khawnge kan kap chhin ange" tih leh Mu awmna thingkung lam pan chu a rual ta mai a. Kah nuam tawk vel a thlen chuan Vawra chuan Muvanlai chu an tin vang vang a. A kap ta dur mai le... Muvanlai chu a tla deuh vang vang a. Mahse mak tak maiin a thlanglam pang ngaw chu a bawhthla ta tlat mai. Vawra chuan a kap fuhlo emaw a ti hman hial a. Tichuan Silai zen te sawh lehin a mu an thuna , Muvanlaiin a bawhthlakna lam chu a pan leh ta nghal a. Ngaw chhunga zuk luh chuan fimkhur takin an hawi kual zauh zauh a. A Mu kah chu a lo thlawk bo hman tawh nge ni,rei ngial a zawn hnu pawh chuan a hmu ta reng reng lo mai. Beidawng rilrutak a let leh a tum lai tak mai chuan sava thla zap ri hlup thawm hi a hre ta tlat mai le. Thawm lo chhuahna lam chu an en nghal vat a. Chutah Kawihrui inzam hnawk nuai kara harsa titak chunga Muvanlai lo in ham tang ţawk ţawk chu ava hmu thei ta. A silai chuan an tin leh vang vang a. Silai a puak leh chiah tihah chuan Muvanlai lian ţhazet mai chu a tla hlawm thla nawk mai a. Vawra chu sava tlakna lamah chuan tlanphei nghalin Muvanlai lo tal hlup hlup chu ava hmu ta a. A vawihnih silaimu dawnna anih avangin rei chechang zui tur erawh a awmlo. Vawra chuan an belchiang nghal that that a. A vawikhat kahna ah khan a a fuh chiang vaklo ani tih a hmu thei a. A Muvanlai kah chu a iptepuiah thunin a ţhiante awmna lam chu a pan chho leh ta a.
Feh kawng ahan thlen chuan a u Vawmaia leh a ţhiante pawh anlo awm nak nak tawh a. Vawran Muvanlai a kap tih an hriat avangin an lo nghak ve rih ani. Vawmaian Vawra Sillai pu chunga lo chho a han hmuh veleh chuan," Vawra, khawnge i sa kah chu. A phur turin kan lo inring nghal mai asin " alo ti lung lung a. Vawra chuan," Ka tlaw lutuk na lamah ka zuk ti tlan alawm le" nui var var chung hian ahan ti a. A ţhiante awmna ahan thlen chhoh chuan a Mu ah chu a han phawrh chhuaka. Vawmaia chuan lawm hmel tak hian," Karei le,hei ama tawkah chuan alian khawp alawm" tiin Muvanlai thla te chu an kaipharh kual vel a. Vawmaia hian a nauin ram lama thangchhuah nan a pawimawh Muvanlai a kap hi a lawmpui em em ani. Vawmaia mai nilo,Vawra ţhiante leh midangho pawh chuan an lawmpui em em ani. Hemi ni hian Dengi te pawhiin buh chil anlo rel ve avangin alo kal ve hmanlo a. Vawra lah va kal tum bik hek suh. A hran a hraiin an kal ta mai ani.
Vawrate lo an va thlen chuan an han ţhu thlandai rih a. Vawra u Ramliana leh Sawivela chuan ei an lo rel anga. Midang zawng chuan an buh lak hmabak chu an zuk la zo dawn ani. Rei vaklo an ţhut khawmuan hnu chuan lo mawng lamah chuan an inphur thla ta dam dam mai a. Vawrate buh seng zawhpui tur hian Vawra ţhiante bakah a a ute ţhianho zawng zawng anlo tel vek a. Ramliana leh Sawivelate chhungkua pawh anlo thawkchhuak vek ani. Lo mawng an zuk thlen hma chuan Vawmaia chuan," Vawra, vau hrul a ka zawng tlak siam kha ve en lawk ta che. A tang tawk te anlo awm emaw chu" a han ti a. Vawra pawh chuan hnial chuang lemloin vau lam pan chuan a kal ta nghal a. A u Zawngtlak siamna lai ava thlen chuan Zawng pakhat hi a ril dawk par hian alo tla hlauh mai a. Zawngin Vawra a han hmuh chuan tlanchhuah tumin a khek ta ruai ruai a. A vannei a siamin a tlanchhuak thei ta hlauh mai le. Vawra chuan man tumin an um nghal a,mahse Zawngte chu vauah chuan a tlan lut ta daih mai a. Thingkungah a in ham kai chho nghal a. Vawra chuan ui hmel tak hian a en ringawt mai a. Silai lah alo keng silo . Zawngte lah chu thingkung zar a thlen chho chuan an ding vang vang a. A ril dawk par te chu a hnawh lut leh zawt zawt a . Ram ngaw lam pan chuan a tlanchhe ta nghal daih mai. Vawra chuan chutia sa hliam an chhuah ta mai chu pawi a ti hle mai a. Zawngte kha a damchhuak zoin a ring silo. A tum ber a hlawhtlin takloh ah chuan a ute awmna lamah chuan a va phei ta a. Ava thlen phei chuan midangho chu anlo bung mawlh mawlh tawh a. Nula leh tlangval rual ngang anni a. An hlim tlangin an nui ho leh dar dar ţhin a. Vawra chuan Dengi chu a ngai thar riau mai a. Dengite lo lama alo kal ta mai lote kha a inchhir rum rum ani. An em phurhte a khah veleh chuan Vawra chuan alo khawn khawm zung zung a. Tlam em hrawl ţhazet chuan Thlam lamah a thiar chho nghauh nghauh zel a. Thlam lama a kal chho lai tak chuan an khaw tleirawl pahnih hi Hauhuk pawh bahlat chung hian khaw lam panin anlo kal dawm mek . Vawran a han hmuh chuan," Naute u,kha eng sa nge in kah a" a han ti lang lang a. Tleirawl pakhat zawk chuan," Hauhuk anih hi. In Vau ngawah sawn Sahdal kan kam a. Kan bul hnaiah alo kal char char mai a. Kanlo kap ta mai ani" alo ti var a. Vawra chuan," Pakhat chauh kha em ni awm a" a han ti leh a. Tleirawl pakhat chuan," Aw, adang kan hmu miahlo mai" a lo ti leh nghal a. Vawra pawh chuan be chhunzawm ta lemlo chuan thlam lamah chuan akal leh ta nghal a.
Ţhalai rual ţhah hnathawk annih avangin chawmhma chanve an sik ta maw tihah chuan buh lak hmabak chu an zo ta vang mai. An hna ber an zawh takah chuan Thlam lamah chuan an in phur chho leh ta a. Thlam an han thlen chuan Ramlianate ho eisiam pawh anlo inzo fel tawh a. Ramliana chuan," In va rawn zo hma ve. Vanglai tha nge nge chhawr man in awm e" alo ti var a. Buh lak zawhpui tur akal nula leh tlangvalte chu an hlim hle mai a. Thlam namthlakah chuan ţhuin an nui ham ham a. Talkhuangte khawngin an ri chel chul mai ani. Fanghma hmin sen taitek te chu phelin a har te chu an han inthlawhsiak leh rih a. Rei fe an chawlh hahdam hnu chuan chawhlui chu an kil dawn ta a. Fatute chuan hlui chu an han siam zar zar a. An siamzo ta maw tihah chuan an naupang hruaite chuan anlo kil hmasa nghal thawt thawt mai a. Hlui tinah chuan nula leh tlangval a inkarcheh zelin an han ţhu a. Chawei laite chuan fiamthuin Saruh te an han in thehchhuahsak lawp lawpa. Tumah hlim lo reng awn awm awmlo e.
Chawei khamah chuan an han ţhu chawl leh hrih a. Chutia hlim tak mai an titi ho lai chuan vau lamah chuan hauhuk a rawn hualreu ta vak vak mai a. Ramliana chuan," Chu Hauhuk chu aw. A kawppui a hloh anih ngei dawn chu" alo ti var a. Vawra chuan," Nichin mai khan tlangval valai deuh pahnihin Hauhuk pakhat chu an rawn puak phei lawp lawp kha mawle" alo ti thuai a. Sawivela chuan," Saw tia a awmreng chuan a hram khawvar zak ang a. A khawngaihthlak dawn mange" alo ti ve a. Sawivela bawk chuan," Vawra nang pasalţhaah ,va kap mai ta che. A ruh ilo pawh Ngawr damdawiah aţha e an tih kha maw" a han ti leh a. Vawra chuan," Kah kher angai dawn em ni. Kawppui tur dang a hmu ve vat mai ang chu. Bakah sa ţawmkailo deuh deuh kah nan ka suantlang ka ui deuh tawh e" alo ti leh a. Vawra ute pawh chu an ţawng chhunzawm leh ta chuanglo a. A la hma deuh em avang chuan an buh laksa te chu an han chil ho leh a. Nula leh tlangvalte chu buhpawlte chuan an han in vawm leh ţhin a. An nui awr awr a,tudang mah an ngai bik lo . Mahse a huho a buh chil chu a fai ţha duhlo deuha an hriat avangin tam erawh an chil ngailo.
Rei vaklo buh an chil leh hnu chuan haw zai an rel dawn ta a.Buh seng zawhpui tura rawn kal zawng zawng chu an phur tawk ţheuh buh hum an phurh tir a. Haw mai tur chuan an inpeih tawh a. Chutih lai chuan Vaua Hauhuk chu a la hualreu vak vak mai a. Ramliana bawk chuan," Vawra,va kap ta mai che. A khawngaihthlak em mai . Hauhuk hi zawng sa dang ang anni loa. An kawppui te an thih hi chuan kawppui dang han zawn hi a harsa tawh a. An thi vat mai ţhin ania" a han ti a. Vawra chuan," Ka u, haw a hun tawh hi. Ramsa mai mai anih saw. A sa ei tham pawh va ni suh" a lo ti thuai a. Vawra bawk chuan," U Vawmaia hian va kap sela. Anni nula pawh a hruai hnem deuha " nui hak hak pah chuan a han ti leh a. Midang pawh chu anlo nui ham ham a. Mahse Vawra ute chuan Vawra chu an hnawn lui ta tlat a. Vawra chu tuilo deuh chung chuan Vau lamah chuan a in pu phei leh ta hnak hnak a. A hnung lam aţang chuan nulate chuan," Vawra,va kap ngei ngei ang che aw. Kan lo nghak reng dawn che nia" tiin an han au zui a. Vawra erawh engmah hrelo ang maiin a kal ngaiin a kal nghauh nghauh a.
Ngaw chhungah chuan Vawra chu alut thui ta hle mai a. Hauhuk lah chu mangang au rawl nen thingah in ban kualin a hram tuarh tuarh reng a. Han kah mai theih turin a awm tlat lo mai a. Vawra chuan thawm dim thei ang berin a veh phei ta zel a. Chutia a Hauhuk veh a a kal thauh thauh lai chuan a thlang lam hla deuh hlek a sa tlan ri that that thawm a hre ta hlauh mai le. Hauhuk chu a kal hlat a rin lemloh avangin thawm a hriatna lam chu a pan hmasa ta zawk a. Thui fe a chhuk hnu chuan luang hmun zawl deuh laia Sakhi pathum lo in um kual zak zak hi a zuk hmu ta a. Zau aţanga hla deuh tak anih tawh avangin thlamuang takin anlo awm ani chek ang chu. Vawra chuan Sakhi chu kah hmasak phawt a duh ta hle mai a. Hauhuk chu lo tlanbo daih mahse pawi a ti hauhlo ani. Tichuan uluk takin an veh thla zel a. Luanghmun zawl chin thlen dawn a thingbuk ţawih laih phen aţang chuan kah rema an awm hun a nghak ta a. Chutih lai reng pawh chuan Hauhuk chu ala hram lauh lauh a. Rei pawh a nghah hma chuan Sakhi chal ţhazet mai hi Vawra awmna lamah chuan alo lim phei ta zak zak mai le. A zuang thauh thauh thauh a. Hlauhawm a awm tih hre hek lo le. Vawra awmna aţanga hlam nga vel leka hla ah chuan arawn ding ta vo mai . Vawra chuan uluk em em hian an tin a. Sakhi chal hawi valh valh chu an kap ta dur mai le. Sakhi chu a zuang zawk a. A dinna sir maia luang pik karah chuan nghawng thlep hnawkin a tluphei ta a. Silai ri an hriat rual chuan pahnih dangte chu hmanhmawh bak lengin an tlanchhe nghala . Vawra chuan a kap chiang tho a a hriat avangin a va tlan phei nghal a. Sakhi chu a nghawng bulţhutah hian a kap fuh alo ni a,a nghawng ruh chu silaimu chuan alo deng tliak rawp mai a. Han chechang zui thei chi ani tawhlo reng ani. Silai a rik tak avang chuan nge ni Hauhuk thawm pawh chu a reh ta vang vang a. Vawra chuan a tlanbo a ring hmin hmiah tawh ani. Lo lama awmte pawh chuan," Mmm, akap ta ngei anih chu" anlo ti hlawm a. Vawra chuan aSakhi kah chu an pu nawlh a. Alo chhuk na lamah chuan a chho leh ta a. Hauhuk a chhui tawpna lai a han thlen chuan Sakhi chu an dah thla phawt a. Hauhuk chu a kal bo leh bo loh chu enfiah reng reng a duh a. Thingkung ler lampangte chu an enkual leh thuak thuak a. Thil che zek pawh hmuh ţhelh hlau taka a hawi kual zak zak lai chuan Hmawng zaman kung buk laih mai a Hauhuk chet pawh che chang ngamlo a lo awm reng chu a han hmu ta a. A silai pawh kah mai theih tura a siam sa vek anih avang chuan Hauhuk chu kah tumin an tin vang vang a. Hauhuk pawh chuan a lo hmu ni ngei tur ani. Vawran Silaia a tin chiah chuan hram ruai ruai chungin thing zarah chuan a inban kual leh ta nghal a. Vawra chuan hmanhmawh takin a umzui a. Thui vaklo a um leh hnu chuan Hauhuk chu Thingzar pakhat ah hian lo dingin Vawra chu alo en kar mai a. A hmelte lah chu a chhe reuh phian a. Vawra chuan tin pawh tih mumal hmanlo in an kap thawr mai a. Hauhuk chu a hram awk a,a dinna thing aţang chuan a tla thla ta nal nal mai a. Hauhuk tlakna lamah chuan Vawra chu a tlanphei nghal a. Hauhuk chu a awma Silai mu denna avang chuan chechang zui tur pawh a awm tawhlo ani. Vawra chuan a iptepuiah chuan an thun nghal thawk a . A Sakhi dahna lamah chuan a kal phei leh ta a. Silai vawihnih lai mai a puah takah chuan Thlam lama awmte chu an phawk hra tawh mai. Vawra ute chu mawnga hawlh ang mai hian an za sek a. Silai vawihnih a puah vang maia hmanhmawha zuk tlan ruai na chi lah ni heklo le. Rilru helhkham nei tak chung chuan vau lam chu an lo thlir an lo thlir tawh mai a. Chutia hlauthawng ru taka vau lam an thlir dauh dauh lai chuan Vau aţanga Sakhi pawbahlat chunga Vawra rawn chhuak chu an han hmu ta a. Thlama awmve midang ho chuan," Khu Vawra,Sakhi a kap anih khu" tiin an lo au lauh lauh hlawm a. Tlangval awmve te chu Vawra chhawk turin an tlan thla nghal a. Nula te erawh hlim takin Thlamah chuan anlo ri chel chul mai ani. Vawrate thlam anlo thlen chuan Nula ho chu an khek chel chul mai a. Sakhi chu an han kai let vel a. A ki te chu an han zut a. Hauhuk bansei zet maite chu an han kai phar vel a. A fehpuite chuan Vawra chu fakin nula ho phei chuan no fe fe hian anlo melh ve bawk a. Tichuan hlim takin sa chu an chan ho a. An chan zawh chuan a zahna a insem ţheuhin khaw lam pan chuan hlim takin an hawng ta a.
Buh chil te an zawh hnu chuan Vawrate pawh buh chhekin an buai leh tawh hle mai a. Vawrate chuan lawm pawh nei lemlo in khawchhunga mi thawkmawh deuhte chu an buh thiarpui tur chuan an sawm a. Tlai lamah an phur tawkin buh hum an hawn tir zel bawk a. A ţhiante pahnih Zalawma leh Vanzaua bakah Vanteii te nufa pawhin an rawn thiarpui ve ţhin a. Vawrate chuan buh anlo phurh haw tir zel a. Vawrate tan chuan kum ţhat kum ani a. Silai zawn zet an thar ani. Zan lamah chuan Dengi te inah a tap chawt a,chhun lamah erawh buh a thiar tlauh tlauh mai a. A pa duhdan angin an khawchhunga hmeithai leh pahmei thawk mawh deuhte chu buhphur turin an hruai a. An hlawh atan an zawh tawkin buh an phurh haw tir zel a. Khawchhunga mi harsa deuh tan chuan malsawmna ani ringawt mai a,mite pawhin an zahin an ngaisang em em ani.
Nitin maia buh chhêka Vawrate an buai laih laih lai chuan tuk khat chu Lal in lam panin Mikhual panhih hi an lo kal hlawk hlawk mai a. Lal in an han luh chuan lal Lianvunga chuan," Pute u,khawilam khual nge innih le" alo ti vara. Mikhual pakhat chuan," Lal pa,i fapa Raltawna mi tirhte kan ni e. Kan lal chuan i hnenah thu hmanhmawh thlak thlen turin min tir ani" tiin alo chhang a. Lianvunga chuan," Eng thu nge ka fapa chuan a rawn kentir che u. Han sawi ta che u" alo ti var a. Chutah tlangval pakhat chuan," Lal pa,kan lal chuan i fanu Hualtu a pasal nei ta chungchanga thuthang vel i hnena lo thlen turin min ti a. Khual thuthanga kan lo hriat dan chuan Darchawii kha pasal a neih hma khan alo rai hman a. A pasalin a hriatchhuah chuan a thinrim em em a. Mahse i fanu chu hnawtchhuak chuangloin nupui dang aneih san a. I fanu chu a hmei pakhat angah a hmang ta mai ani. Kan thu hriatna in a sawidan phei chuan chaw kaw puar pawhin an eitir ngailo a. Sal chhawr takin an chhawr ani. Tin, i fanu chu a cher tawhin rei dam hmel pawh a pu tawhlo ani awm e" tiin a han sawi ta zar zar a. Chu thu a han hriat meuh chuan Lal Lianvunga chu a thinrim ta em em a. Lal nu erawh a fanu vanga rilru na chu alo ţap ve reng bawk a. Lal Lianvunga chu a ding hluai a," Ka mi hurnu chu aw,min va han ti zak em em ve le. Hetiang tur tih hria ila ahma khan kalo that daih tawh tur" tihpahin a vaibel dawn chu a sehkeh rap rap mai a. Lal Lianvunga bawk chuan a mikhual te hnenah chuan," He thil cungchangah hian ka fapa in eng ruahmanna nge aneih" a han ti leh khur khur a. Mikhualte chuan," Lal pa,kan Lal chuan a farnu hi laklet leh ngei a duh a. He thil chungchanga a thutlukna hi chu pawmpui ngei turin a duh che a. Tin,khual thuthang hi a dik chiah em fiah turin pasalţhate tirh ni sela a ti bawk a. Tin kan lal chuan he thilah hian i inrawlh duhlo anih pawh a farnu chu hruai kir leh ngei a tum ruh hle ani" an han ti a . Lal Lianvunga chu an ngawi deuh vang vang a. Lal nu chuan," Hniangi pa,kan fanu anihna abo hlei nem. A duh loh chungin kan tir lui tawh . I fapa remruatna chu i pawm thei mailo em ni" ţah aw ţuauh hian a han ti a. Lal ina khawnbawl lo awmte pawh chuan," Lapa,kan fanu heti tak mai an lo sawisa hi ama thiamloh mah nise ngaihzam mai mai chi niin ka hrelo ani" an lo tive tliar tliar a. Lal Lianvunga pawh a in ngaihtuah nasa narawh e. Chutah lo ţawngchhuakin," Ni e,ka fanu hi ka tawrh nasat tir mah mah tawh ani. Ro kan rel vat angai ani" a han ti a. Tichuan tlangaupa chu upa dang lal ina chuangkai velote ko khawm tur chuan an tir ta nghal a.
Khawnbawl upa dangte lal ina an lo thlen khawm hnu chuan Lal chuan mikhualte chu an thu hriatte an sawi nawn tir leh a. Chu thu an han hriat meuh chuan Suartui upate rilru chu ana ta em em . An lal fanu chu lak let a, chutiang taka an lal fanu lo sawisatute chu nuamsa taka awmtir an tum lo hle mai. Upa Khamvela lo ţawng hmasa in," Lalpa,kan thu hriat hian min deng na hle mai a. I fapa Raltawna remruatna a ţha ka ti khawp mai. Mahse ka ngaihdan kan sawi tlang law law anga. Kan lal fanu awmdan va chian hmasa tura mi kan tir dawn anih rau rau chuan anmahni thlawp turin an hnung lamah kan tlangvalten zui nghal bawk sela. Kan fanu chu va laletin sal ang maia lo chhawr tute chu thah a,a dam awmchhunte sal a hruai vek mai aţha ka va ti em" a rawn ti a. Upa kaihleia lo ţawng ve in," Ni e Lalpa,kan fanu phuba hi chu kan la ngei tur ani. Kan tlangvalte enthla turin kan tir hmasa anga. Khual thuthang hi alo dik ngei anih chuan Hualtu lal leh a fapa hi manin Suartuiah ngei hian ro kan rel sak dawn ani" alo tive phiar phiar . Upa dangte pawh chuan an ngaihdante an han sawi ve nak nak a. A tawpah chuan lal chuan," Awle hei kan remruatna ang chuan Vawiin la la hian kan pasalţha pangate Hualtu lama kal tur chuan kan tir anga. Anni hian Hualtu khuaa ka fanu awmdan chu anlo va thlithlai dawn ani. A dik ngei anih chuan ka fanu chu kan lakir anga. Kan pasalţhate hi kan tlangvalten an hnung lamah zui ve zelin a ţul anih chuan Hualtu khua chu kan run ani mai ang chu" a han ti a. Tichuan Pasalţha Hualtu lama kal hmasa tur chuan mi panga an thlangchhuak ta a. Thlanchhuah zingah chuan Vawra pawh a tel ve a. Vawra hi Lal Lianvunga hian a ruk takin a ring zo em em a. Chawimawina hlana nopui hial pawh dawm tir a iai tawhlo ani.
Vawra buh phur tura a insiam mawlh lai chuan a pa lal in kal chu alo hawng ve chiah a. In alo luh veleh chuan Vawra pa chuan," Vawra,vawiin lam chu lal in lamah i kal hmel ani" tih pah chuan Lal fanu chungchang chu an sawi ta a. Vawra nu leh a farnute chuan lal fanu chu anlo khawngaih em em a. Vawra chuan," Kan lal chuan eng ruahmanna nge a neih a" alo ti var a. Pu Doţhiaua chuan," A fanu awmdan thlithlai hmasa turin ava tir dawn che u ani awm e. Kan pasalţhate iva zui ve ani ng chu" alo ti thuai a. Vawra chuan," Lal fanu hruai tur zinga ka telve ziah hi chu la hne khawp mai. A chapo si, ţawngkam a kha thei em em mai lehnghal a" alo ti a. Vawmaia chuan," Vawra ,amak ţhin em mai. Lal thupek chu hnial loh hram tur ani" alo ti var a. Vawrapa chuan," Hmanhmawh deuh khan insiam la,lal in lamah chuan han chuangkai vat ang che " alo ti leh a. Vawra chu phurlo zet chuan a insiam ta a. A farnute chuan kalkawnga a mamawh tur ang angte chu anlo siam ve mawlh mawlh a. A u leh apa chuan thu ţha tinrengin anlo fuih bawk a. A insiam zawh hnu chuan lal in lamah chuan a chho ta a.
Suartui lal inah chuan Vawra leh pasalţha dang palite chu lal thu ngaithlain an ţhu ţhap mai a. Lal Lianvunga chuan," Awle ,kan sawi tawh ang khan Hualtu lamah chuan in va kal vang vang anga. Naktuk zing lamah tlangval dangin anlo zui ang che u. Ka fanu awmdan zawng zawng chu in va thlithlai anga. Hun remchang in hmu thei anih chuan a ruka hruaichhuah dan in ngaihtuah dawn nia. Ka fanu khawchhunga a awm reng chung khua kan run chuan a nunna in a tawrh phah thei ani. Va fimkhur hle ula. Kan pasalţha dangte anlo thlen hmain eng pawi mah inlo khawih tur anilo" a han ti dap dap a. Thil paawimawh leh ţul dang an sawi zawh hnu chuan Suartui pasalţha pangate chu Hualtu lam panin an kal chhuak ta a. An chhuah hnu chuan Lal Lianvunga chuan a mikhualte hnenah chuan," Haw leh ta vang vang ula. Ka fapa hnenah chuan a remruatna ka pawmpui thu leh amah pawh a tlangvalte raldo thei tura inbuatsaih turin lo hrilh rawh se. Naktuk tlai lama chhuak hman turin in lo inring anga. In khaw lamah ka tlangvalten an rawn zai ang cheu" tiin thu an chah a. Milkhualte chuan lawmthu sawiin lal in chu an chhuahsana,Lungmam lam pan chuan an kal ta nghal a. Lal Lianvunga chuan tlangau tirchhuak nghalin tlangval awm zawng zawng chu lal muala chhuak khawm vek tur chuan an ti ta a.
Mi hurnu,i nu leh pa hian thu ţha am hrilh ve ngailo che em ni. Ka fapa nei tur hian eng ang mi lianah nge i in ngaih a. Ui hur ang maia duh duh puan zawn ţhin hi sal atan pawhin ka duhlo e " Hualtu lal nu chuan a monu,tuna ran chhawra a chhawr chil chhak khum tuar tuarh tuarh pah chuan a han ti a. Lal ina awmve dangte chuan an lo nuih bawk a. Lal khawnbawl zurui deuhte chuan Darchawii chu a puanbihte an han pawhthlaksak a," Suartui tlangsum" ti a kawkin an nuih sawh vel a. A chang leh han kuahin," Lal fanu hmelţha puan ka ven hnan dawn e" an han ti thul. Darchawii chu a ngawi reng mai ţhin a. Lal ina chuangkai ţhin pasalţha ţhenkhat leh val upate chuan an ham khuaikhem leh ţhin a,hrehawm ti viau mahsela a dang hneh silo. Nawmchennan tak an hmang mai a. A pasal Chhiahthanga lah chuan an sawisakna leh an khawih kual vel dan chu hmu vek mahse engahmah a ngailo a. Nupui dang neihsan tawhin Darchawii chu sal ang maiin an chhawra . A tui chawisate chu amah leih nan te hian an hmanga . A buhthlei laite hi," Mihur buhthlei ka ei ngailo" tih pahin an han kek bu leh lawp lawp ţhin a. Ei tur ţha pawh peloin favai chiar mai mai te hi an pe a. Darchawii chu a taksa a chau tawh hle mai a. Mahse amah lainattu Hualtu lal fanu leh Chhiahthanga nupui thar chuan a ruktein ei tur anlo pe ve ţhin a.
Ruah a sur cherh cherh a,. Hualtu lal inah chuan lal leh a khawnbawlte chu zupui khawn pahin an titi laih laih a. Lal upa rui phur pakhat chuan ," Khawnge Suartui lal fanu hmelţha kha. Kan chheih pui teh ang" tihpahin lalin kilkhata ngawi renga lo ţhu reng Darchawii chu an phih tho lawp a. An kuah vel thuak thuak a. Midang chuan anlo nuih dar dar . Darchawii chuan," Khawngaihin zahngai hram rawh u. Ka pa hnenah min kal tir ula. Ka man atana in pek zawng zawng pawh kan lo pe kir leh ang che u. A hrehawm em mai" tih pahin Lal upa chu an nam sawn dawrh a. Khawnbawl upa thinrim chuan," Ka duhlo e te i tialo. Kan thu thuin i awm tur ani " tih pahin Darchawii chu an beng ţhuai a. Kut athlak leh hma chuan Lal chuan arawn khap dai ta hram a. Darchawii chu pawnah tlanchhuakin ruahsur hnuaiah chuan ava ţap kiang kiang a. Hualtu lal chuan," Suartui lal fanu kan enkawl dan hi a dik katilo riau mai. An khaw lama dahkir leh mai hi ţhain ka hria" a rawn tichhuak ta phawng mai le. Khawnbawl upa pakhat chuan," Lal pa,ani ngawt mai. Mahse va dah kir leh ngawt ta ila. Kan thiltih avang hian Suartui lal chu a thinrim ngei anga. Leido nei khuaah kan insiam dawn zu nia. Ka rawtna hi in pawm theih chuan Suartui lal fanu hi thah mai ţhain ka hria. Nau chhiat avanga thiah kan puh mai anga" a rawn ti ta ale. Lal leh khawnbawl dangte pawm zawng tak mai alo ni a. Darchawii chu thah a,nauchhiata thi anga Suartui lama thlen chu ţha an ti tlang a. Mahse an thurel zawng zawng hre vek tu Suartui pasalţha pakhat Lal in hnuaiah chuan a awm tih reng an hrelo. Tichuan Darchawii chu remchang awm hmasa bera hraihlum chu an rel thlu ta a.
Tho rawh,mut duh leh lutuk mai" tih pahin Hualtu lalnu chuan Darchawii chhuatlaia puan pawh sin loa mu kawm ngak chu an chhuih zawt zawt a. Darchawii chuan," Ka nu khawngaihin" a han ti ţawk ţawk a. Hualtu lal nu chuan," I nu pawh ka nilo. Nang mi tenawm hian ka nu min ti vel amaw" tih pahin tui um chuan Darchawii chu an vawm a. Darchawii na ti chu a inhup ngawih ngawih a. Hualtu lalnu chuan Khawvar ţhat hma chuan Darchawii chu tuichawi turin a tirchhuak ta a. Darchawii chu a nu in a ţumna avanga a pumna riai riai hup ngawih ngawih chung chuan tuikhur awmna lam pan chuan a kal ta hnak hnak a. Kalkawngah chuan a inngaihtuah nasa hle mai a. A hmangain Darchhawka te a ngaihtuah let a. Hualtu lal ina a awmchhunga a thiltawnte an ngaihtuah kir a. A duh apiangin an pawngsual ţhin dan te,nuihza siamnana qn hman ţhin dan te an ngaihtuah a. Dam taka kir leh thei pawh nise a hmangaih ber chuan alo pawm duhin a ring tawhlo a. Mahse a fa pai lai mek avang chuan hrehawm engpawh hmachhawn ala inhuam em em ani. Tuikhur kawngah chuan a ma hriat tawk lek hian a phun thla sep sep a. " U Darchhawk,mi nuam tawlna mai ka ni tawh si a. I hmangaih tlak pawh ka nilo e. Mahse kan fa hi chu ka rawn enkawl puitling em em ang" tiin a in sehruh ţeuh mai a. A hrehawm tawrhna leh a rilru natna te avang chuan a mittui chu a biangah a luang nghiai nghiai a. Ei tur ţha dawnglo anih mai bakah vawi tamtak sawisak leh nuamtawlnana hman anih avang chuan a taksa te chua dang bal mai a,a cher kianga a,a hmel chu lungngaiha in a tuam vel ani. Tuikhur kawngah chuan a zai thla rat rat a. Tukhur a zuk thlenga,a tui umte an thal khah hnu chuan an ţhu leh vang vang a. Ala hma em avang chuan tumah tuichawi kal pawh anla awmlo ani. Reilote a ţhut vang vang hnu chuan haw zai a rel ta a. In lam pana akal dawn lai tak chuan," Lal fanu,chibai" tiin a hnung lam aţang chuan mi pakhat hian a rawn bia a. Darchawii chuan amah beiseia lo zui rutu an awm anih ringin," Khawngaihin tlangval ,ka rai ani" a han ti a. Hnung lam aţang chuan," Lal fanu,nangmah hruai tura lokal kani" a rawn ti leh a. Darchawii chu mak tih hmel fe hian a han hawi let a. Chutah ami va hmuh chu tunge anih a hrechiang ngei mai. Darchhawka nena tlanbo laia rawn zawng hmutu tlangval ngei kha ani. Darchawii chuan," Vawra,hetah enge i rawn tih" mak tih hmel fe hian ahan ti a. Vawra chuan," Lal fanu,min rawn zui rawh. Tawi khawmuang hman kan nilo e" a han ti a. Vawra chu lal fanu Darchawii lamah chuan va kal hnaiin a tui um phurhte chu an hlan thlak sak a. A tui thal sate chu bunchhuakin tuium te chu tuikhur thlang lam ramngaw ah chuan a thlawh thla ta vawn vawn a. Darchawii lawm lutuk leh mak ti lutuk chuan," Vawra,min ngaidam rawh. Ka pa chuan min la hrereng ani maw" tihpahin Vawra chu an kuah thlawp a. A ţap nghal hawm hawm a. Vawra chuan ," Lal fanu,ţahna hun ani tawhlo e. I kal tawh ang le" a han ti a. Darchawii kal mai tuma a inher lai chuan Vawra chuan a Darchawiin chu zo tak hian an pawm nawlha. Hnehsawh taka kalpuiin tuikhur ral ram ngaw lamah chuan a luhpui ta a...
Bung-28
Hualtu khaw tuikhur aţang chuan Vawra chuan ram chhungril lam panin Darchawii chu a pawm zel a. Darchawii chuan," Vawra,min thlah mai rawh. Ka kal thei tho alawm" atih pawh chuan Vawra chu hrelo ang maiin a kal ngaiin a kal thauh thauh reng tho a. Thui fe an kal hnu chuan Suartui pasalţha dang palite chu ramchhung hmun biru lai deuhah chuan an lo ding a. Vawran an lal fanu a rawn pawm an han hmuh chiah chuan Thawmvunga chuan," Ka rei. Kan lal fanu chu ramhuaiah anlo chhuah lo chauh anih kha maw" alo ti thuai a. Midang ho pawh chuan maktihna nen an lal fanu chu anlo bawisawm zung zung a. An thinrimna leh phuba lak an chakzia chu an an pui bawrh bawrha. Lal fanu Darchawii chuan," Khawngaihtakin min ngaidam rawh u aw. A hmaa ka nun dan zawng zawng avang khan" a han ti chuai raih a. Pasalţha Phirthanga chuan," Lal fanu,ngaihdam dil angai hleinem. Kan ngaidam vek tawh che. Nuamlo tihna tur a awm tawhlo e" alo ti thuai a. Midangho pawh chuan an lal fanu chu an rawn ţawng thlamuana,Vawra erawh a ngawi reng thung ani. Suartui pasalţhate chuan Darchawii chu a puan bih turte pawh anlo ken sak vek a. A thawmhnaw te an han thlak tir zung zung a. A thawmhnaw haklai chu a rimchhiat tawh em avangin han hak zui tlak ni mawlh heklo. Darchawii thawmhnaw haklai chu tlangval pakhat chuan an ak a. Darchawii a inthlak fel hnu chuan khua pawh a var chiang tawh hle mai. Thawmvunga chuan," Awle,helaiah hian rei tak awm khawmuang hman kan nilo a. Kan hnu hi an rawn chhui ngei dawn a. Phirthanga ho in pathum khan Darchawii kha in puak chhawkin in kal pui char char anga. Keimah leh Keiluaian hnu kan rawn thup ange" tiin a remruatna chu an sawi zung zung a. An ruahmanna ang chuan Phirthanga chuan Darchawii chu an paw nawlh a. Ram pilril lamah chuan a kal pui nghal a. Vawra leh tlangval pakhat chuan an zui nghala a. Pasalţha ti a chhiar tlak vek anni bawk a. Darchawii paw tute pawh chuan lei pangngai pawh rap lemlo chuan thingzung leh lungtum rah remchang apiang rapin Darchawii chu an kal pui thauh thauh a. A khat tawkin an han inpuak chhawk leh ţhin a. Darchawii chu a thla amuang tawh bawk ani ang. A taksate alo chau bawk nen an puak laite chuan alo muhil leh bawrh bawrh ţhin a. Hnung lamah chuan an hnuhma hnutchhiah ang angte chu Thawmvunga leh Keiluaia chuan an rawn thup zar zar a. Pasalţha ngang anni bawk a. A rawn umzuitu an awm pawha an hniak chu an hmuhchhuah loh nan uluk takin an thup zel a. Lei nemna lai deuha ke rahna lo lang palh te chu hnahthel roin an han chilh leh zung zung a. An thiltihah chuan an lung a awi tawk em em ani. Vawrate pawh an lal fanu paw chung chuan hmalam panin chak takin an kal zel a. Nula hleitling leh lianţha zet mai,hmelţha bawk si ni ţhin Darchawii chu ramhuai khawro,tisa pawhin a tuamloh leh hmel rapthlak tak ang mai hi ani a. A taksa rihna tamtak a hloh tawh avangin han puak vel pawh chu a awlsam em em a. Mahse a rai avangin a dul a kiar ve lang mai a ,tlem chuan dimdawi chu a ngai ve deuh ani.
Chhun chawfak hun awm velah chuan Vawrate pawh an kal thui tawh khawp mai a. A uih zawn ang vut vut a kal annih avangin Hualtu khua pawh an hlat ta hle mai. Ruaka kal ni mawlh heklo le. Vawrate pawh chu a hah ve tawhin thlantuiin a bual ve zawih zawih tawh a. Tlema hmun inthup lai deuh,luite tui lakna remchang siah chuan chawlh hahdam deuh a,chhun chawfak zai an rel ta. Luite kam lungpui phek duai chungah chuan ţhu hahchawlin vaibelte an han pak talh talha . An lal fanu mutna tur atan hnahnem an han la khawm zung zunga,lungpui chungah chuan hnahnem tam deuh hlek chu phahin a chungah chuan puan an han phah leh a. Thing hlimin a hliah chinah mutna chu siamin an lal fanu chu duat takin an han mut a. Darchawii pawh chu a taksa chau nen,tui tak chuan muhil siai siai a. Phirthanga chuan," Kan lal fanu chu an lo va nghaisa nasa awm mang tak e aw. A lainatawm reuh mange" a han ti a. Sangtuala chuan," A hmel en reng reng hian chawkawpuarin an dah lo tih a hriat mai. Thilsual lo ti reng pawh ni sela. Mihring anih vang tal pawhin ţha taka han enkawl ve awm. Hualtu khua hi hal vek ania ka duh ni" thinrim hmel fe chuan aha ti a. Vawra erawh a ngawi reng thung.
Thawmvunga leh Keiluai anlo thlen phei hnu chuan chhun chaw fak zai an rel ta a. Zan lamah chaw leh chawhmeh anlo siam lawk vek avangin an fun ţhat sa chu an han ţhet zung zung a. Darchawii chu kai thoin chhaw chhun chun an fak ho ta a. Chaw pangngai a ei lohna a rei tawh em avangin Darchawii chuan chaw chu a beng tawn tawn mai a. A chawei chuan a hnawh hlum palh mai ang tihpawh hlauhawm tak tur ani. Vawra chuan Darchawii chu an ena ,a nui leh ruh ruh ţhin a. Midangho chuan Vawra chu an lo melh rum hlawm hle mai. Phirthanga chuan," Vawra,fiamthu thawh hun pawh va ni suh" alo ti hluk a. A thutak hmel lutuk chu Vawra nuih a tiza zual ta tlat pek a. Vawra chuan," Vawkpui chawei ang mai alawm mawle" nui hak hak pah chua a han ti a. Midang tumah an nui ve lo. Vawran chutianga an tih chiah chuan Darchawii chu a chawei lai tawp chawtin a kun chial a,a mittui a sur zung zung a. Vawra chuan inthiamlo takin," Lal fanu min ngaidam rawh. Ka duh aiin kalo ţawng tam ani" tiin ngaihdam a han dil a. Thawmvunga chuan," Fiamthu na chi leh chilo hi hriat tur " alo ti hluk a. Darchawii pawh chuan engmah sawi zui chuanglo chuan chaw chu a bar chhunzawm mawlh mawlh a. Midang an kham vek tawh hnu pawh chuan Darchawii chuan chaw mal khat pawh hmaih palh hlau niawm tak hian ala hai khawm mawlh mawlh a. A entu tan chuan khawngaihthlak lamah a kal zawk hial ta ve ang.
Chaw te an eikham hnu chuan Thawmvunga chuan," Keiluaia nen hian Hualtu lam chetlak dan thlithlai turin kan let leh ang a. Midang zawngin kan lal fanu hi kan ţhiante lamah inlo thlenphei pui vat dawn nia. Kan khaw tlangvalte pawh an awm hla vak tawhin ka ringlo" a han ti a. Vawra chuan," U Thawm,Hualtu lamah chuan kei kalo va kal dawn em ni ang" alo ti thuaia . Thawmvunga chuan," Ni lo e,kan zingah chuan a valai ber leh a chak ber ini a. Kan lal fanu him taka in a thlen theihnan hian i pawimawh em em ani" alo ti leh a. Vawra pawh chuan lal fanu kianga awm chu ning hle mahse aia ute hnial erawh a duh bik talo a. Rem te an ruat fel hnu chuan an hnuhma chu an han thup bo leh zung zung a. Tichuan Thawmvungate chu Hualtu lamah kir lehin Vawrate chuan lal fanu chu an khaw lam panin an kalpui leh ta a.
Vawrate thui fe an kal hnu chuan Hualtu khaw lamah chuan Silai a puak ta dur mai le. Silai chu vawihnih dang a puak zui leh a. Vawra chuan," Min rawn um anih ngei dawn chu" a han ti a. Phirthanga chuan," Vawra, a lan danah chuan min rawn umzui zel anih hmel a. Nang hi kan zinga chak ber ini a. Kan lal fanu hi ilo tlanpui vang vang anga. Kei leh Sangtuala hi helaiah hian min rawn umzuitu te tikhawtlai turin kan lo awm ange. Kan lal fanu himna hi i chungah a innghat ani" a han ti dap dap a. Vawra chuan," Chutin ni lo e. Helaiah hian kan lo chang anga. Kan lo that fai phiar anga nimai lawm" alo ti thuai a. Sangtuala chuan," Vawra,kan thusawi hi i zawm angai ani. Mi engzat nge annih kan hrelo a. Lo chang ngawt ila,kan dan zawhloh chuan kan lal fanu thlengin a tuar dawn ani. Kan ţhian dangte pawh hman turin a chak thei ang berin kal ang che" a han ti leh . Vawran thil dang a sawileh hma chuan Phirthanga a chuan," Silai a puah chhunzawm loh danah hian kan ţhiante chu an dam a beisei awm talo tlat mai. Min rawn umpha thuai dawn a. Vawra, kal thuai rawh" a han ti a. Vawra chuan," Helaiah hian kan thi vek ang" ti a lo chhangin a kal duh ta bik tlat lo mai le. Sangtuala chuan," Vawra, tlawm a lak hnun pawh anih loh hi. Lal fanu hi a him ngei angai ani. Ani chiah hi thil awmzia hrechiangtu ani. Tunah kal nghal rawh" a han ti leh pawh chuan Vawra chu a kal duh ta chuanglo a. Phirthanga beidawng rilru hmanhmawh tawh bawksi chuan Vawra chu Silaiin an tin ta rap mai le. A cheng kau zui nghalin," Vawra, i kal loh chuan ka kap ang che. Heta kan thih vek hian awmzia engmah a awmlo. Kan lo damchhuak zo talo anih leh kan phuba i la rawn la dawn nia. Kal thuai rawh. Hmelmate pawh anlo hnai tawh ange" a han ti leh a. Vawra tan pawh han hnial buai chi ni heklo le. Phur lo zet chuan Darchawii chu a han pua a,a ţhiante chu a kalsan ta a.
Chawhnu her bawih ah pawh chuan thawm riva dang reng reng hriat tur a awmlo a. Vawra chuan a ţhiante chu an thi vek turah a ruat hmiah tawh ani. An vaia kal rual alo rawt lo kha pawi a ti em em . Phuba ka la rawn la ngei ngei ang tih ngaihtuaha insehruh ţeuhin Darchawii paw chung chuan a kal ta zel a. Behliang mun hun awm velah chuan Vawra chu a hah deuh tawh avangin Darchawii chu luite kamah hian a chawlh pui ta a. Tuite chu in in a han inphih harh a . Darchawii chuan Vawra chu uluk tak hian a lo en ngawih ngawih mai a. A rilru tak chuan a tlangval lo hmuhsit em em ţhin chu a ngaisang tawh hle ani. Chuti tak maia Darchawiin alo en a han hmuh chuan Vawra chuan," Tikhan min en vak vak teh suh. Ka khawng thal tawp mai tur che nia" a han ti ta mai. Darchawii chuan dam thlap hian," Vawra,min haw hle ani maw. Mahse a awm tho e. Ka lo sual ţhin em ani" a ti chuai raih a. Vawra chuan," Nia,i khawsak dan hi chu tlang hriat alawm. Tunah lah kan pasalţha chhuanvawr pali lai mai nangmah vangin an boral leh chu ani ta sia. Mi chu i chawk buai hneh khawp alawm" alo ti leh mai a. Darchawii chuan,"Hetiang thlen tir hi ka duh bik lo asin" tiin a ţap ta feih feih mai a. Vawra lah chuan a ngei zual deuh sawt hian a hria a. Reilote an chawlh hnu chuan kal zai an rel leh dawn ta a. Vawran Darchawii puak ahan tum leh chuan Darchawii chuan," Ka kal thei tawh ang. I hah lutuk ange" tiin alo hnial a. Vawra chuan," Chuti nih ahnu,i kal poh ani ang chu" alo ti a. An han kal ta ale,thui pawh an kal hma chuan lal fanu chu a tlu a tlu ta maia. Vawra chuan," I la kal thei em" a han ti a. Darchawii chuan chhang lemlo chuan akal ngai chuan a kal leh a, a tlu leh ţhin a. A tawpah chuan Darchawii chuan," Vawra,ka kal thei ngang tawhlo ani. Hetah hian min that mai rawh" a ti ta maia. Vawra chuan lal fanu chua an paw lawp a," Lal fanu, ka haw reng reng hlei nem che. Mahse engemaw tal hrechhuak ve la ka ti mai ani" ahan ti a. Vawra bawk chuan," Lal fanu ini a, engkim titheiah te ilo in ngai ani maithei e. Mahse atakah chuan engmah ini biklo. Midang an tho ini " a han ti charh charh a. Darchawii chuan," Nungdama ka awm leh thei anih phawt chuan ka thiltih ţhalo te hi ka sim tawh ang" a han ti a. Ţawng chhunzawm a tum lai chuan Vawra chuan," A tawk tawh e. I chau lutuk ange. Zan lamah kan chhunzawm dawn nia" alo tih khalha . Tichuan hma lam pan chuan an kal ta zel a.
Khaw thim deuh hnu thleng pawh chuan eng thawm riva mah hriatzui tur a awmlo a. Hnung lama umzuitu hmel leh thawm hriattur a awmlo ang bawkin hma lama an ţhiante hmel pawh hmuh tur a awm chuang hek lo. Riahbuk sual ngei ngaia a lan tak avangin Vawra chuan hmun rem lai deuh a melh kual char char a. Hmun rem lai deuh leh tui hnaih na lai deuh athlen chuan Darchawii chu an nghat a. Buk zarna tur hmanrua chu an la khawm nghal char char . A che vel chu Darchawii chuan alo en ngun hle mai a. A hmaa tlangval enga angaihloh kha tunah chuan ama tan inpe zo takin hna a thawk leh ta si a . Vawra chuan Buk chu an zar zung zung a. Pahnih riahna tur chauh anih avangin rei buaipui ngai anilo. A buk zar chhung chuan Darchawii chuan meite alo nun ve a. Vawra chuan thingtuah turte lakhawm nghalin chawllo in a phe kual char char mai a. A duh ang tawk thing a fawm hnu chuan tuichawi turin kawrte lamah chuan kal a tum ta a. A kal dawn chuan Darchawii chuan," Keimah chuan ka awm ngamlo nia" a lo ti a. Vawra tan tihngaihna awm heklo le. Ngaw hnuaia hmeichhia mahni chauha han dah chi ni heklo . Kawrte lamah chuan an inzui phei ta a. Kawrte an va thlen chuan Vawra chuan kawr kama mau te chu tuium tur leh an eirel na tur atan an sat a. Darchawii chuan meichher alo keng ve thung a. Mau a sah zawh chuan Vawra chuan tuium tur siamin tui an thal nghal zung zung a. A thal zawh chuan a bul hnaia changel chu an sat chhawk hmawk hmawk a,a vui awm ang angte chu chawhmeh atan an la a. Darchawii chuan," Chakai vakchhuak te hi an awm mial lo maw" alo ti reuh a. Vawra chuan Darchawii chu zak theilo ati phian mai a. Mahse engmah sawi lemlo chuan kawrte a lung lian deuh deuhte chu an phawk a. Chakai hrawl fe fe mai sawm vel lai aman hnu chuan buk lamah chuan an inzui phei leh ta a. Buk an va thlen chuan Darchawii chuan," Vawra,Chakai kha chu ka rilru a awm ka rawn sawichhuak tawp ania. Ka tihpalh lutuk ani" inthlahrung tak chuan a han ti a. Vawra erawh engmah sawi lemlo chuan ei a rel zui nghal bawrh bawrh a. A ţawng tlem em avang chuan lal fanu chuan a thin a rim anih ringin a be zui ngam ta biklo ani. Vawra chuan a buhfai neih tlemte chu an chhum a. Chakai leh Changel vui chu a chhum pawlh bawk a. A peih fel hnu chuan Zanriah chu an kil dun ta a. An chawei lai chuan Darchawii chuan," Vawra,min la haw hle ni maw. Min ngaidam theilo anih pawhin a awm ka ti tho ani" a han ti a. Vawra chuan," Chaweikhamah kan sawi dawn nia" tih chauhin alo chhanga. In biak pawh in be lemlo chuan chaw chu an ei dun a.
Zanriah ei khamah chuan Vawra chuan a mutbu ken ang angte chu an phah a. A tuk lama hmabak khirh ang reng tak avang chuan mut vat ţhain a hre deuh ani. Meipuite a chhawm ţhat leh hnu chuan mut zai an rel ta a. Mut hmunah chuan Vawra chuan," Lal fanu, lal inchhunga i chungchangthu an rel lai leh pawn lama an thehchhuah lai che khan lal in hnuaiah khan ka awm reng asin" a han ti a . Darchawii chu lungchhe thar niawmtak hian a ţap ta feih feih mai a. Hualtu khuain an tihdan zawng zawng chu a sawi ta vek mai a. Vawra chuan," I tuar nasa hle mai maw. Phuba chu kan la ngei ngei ang" a han ti charh charh a. Vawra bawk chuan," An sawi dan chuan hrai hlum che a. Nauchhiat a thi anga kan lal hnena lo thlen an tum ani awm e. Mahse an duhloh zawngin thil a thleng dawn ta sia. Engtin tak ngai ang maw" a han ti leh a. Darchawii chuan," Ni e. Ka thih chu an duh ngei ang. Keipawh thih kha ka chak rum rum ţhin a. Mahse ka nau pai avang tal pawh hian ka dam angai ani" a han ti a. Vawra chuan," I naupai chu i hmangaih hle mai maw. Lal fanu meuhin lal fapa aia midang in thlang mai hi amak ani" a han ti a. Darchawii chuan," Hetiang hian thil a kal sual ang tih ka ring ngailo a. Bakah hmangaih miahloh neih chu thil harsa tak ani. Lal fapa neiha ,lal nupui nih ai chuan ka hmangaih ber neiha hrehawm chatuan pawh ka thlang zawk ang" a han ti salh salh a. Vawra chuan," Pasalţha Darchhawka hi i hmangaih viau ani ang maw"tiin ahan zawt a. Darchawii chu an ngawi vang vang a," Ka hmangaih hmasa ber chu i U Ramliana hi ani. Kan tleirawl chhuah tirh ata tawh khan ka duh em em a. Mahse amah khan mitmei vawikhat pawh min hmuhlo ani. Ka duh thu ka hrilh ve pawhin pangngai takin min hnial zel a. Tunah chuan a duh ber anei ta ani" tiin a thuruk diktak chu a rawn phawrhchhuak ta a. Vawra chuan sawi mai tur pawh a hrelo. Darchawii bawk chuan," In chhungkua anga lal te zah thiam hi an awm lo a. Ka pa pawh hian a zah em em che u a. Mahse i U Ramlianan min duhloh avang khan in chhungkua khan ka haw ta em em mai che u a. Pasal ka neih hma thleng pawh khan. Min ngaidam theilo anih pawhin kei chuan sawi theih ka neilo " a han ti leh a. Vawra chuan," Anih leh Darchhawka hi??" Alo ti thuai a. Darchawii chuan," U Darchhawka hi i ute ţhian zinga mi tho kha ani a. I U khan min duh lem silo khan a ţhianpa tan khan min rawn hel ta zawk a. Amah ka duhzawk thu ka sawi pawhin a ţhianpa chungchang chiah min sawipui duh a. I u in nupuite an neih takah chuan keipawhin beisei zui zel chiah ka ngaih takloh avangin theihnghilh ka tum ta a. Darchhawka pawh pasalţha tlawmngai leh huaisen tak ani ve tho a. Reiloteah chuan kanlo in ngaina chho ve ta a. Heti hi kan thleng ta ani. Tunah chuan ka hmangaih ber ani tawh" nui var var chung chuan an ti a. Vawra chuan," I nuthlawi hnu hian alo duhlo palh ang che aw" nui hak hak chung chuan an ti a. Darchawii chuan beidawn hmel fe hian," Chu zawng ka hre tawh biklo le. Minlo pawm thei tawhlo anih pawhin ka demlo. A fa ka hrin sak dawn tho si a" tihpahin a dul chu an tuai vat vat a. Vawra chuan," Lungngai suh,alo pawm duhlo che anih pawhin keini pawh kan la awm tho alawm" nui ţhaw chung chuan a han ti a. Darchawii chuan Vawra chu chum taih taih chung hian," Nangni unau zawng hriatthiam theih pawh inni lo e. Mi awmthei deuhte lah in hnar kir zel a" ahan ti a. A nui vei ar ar a. Vawra chuan," Tumah kan hnar hlei nem. Mahse mi awmthei deuh chu hrawn an har e an tia. Kan fimkhur deuh mai ani" a han ti a. Darchawii chuan," Mi khawsathei fa kan nih avang ringawt hian kan sualin kan chapo veklo asin. Dengi tepawh an khawasathei tho a" nui hak hak pah chuan an ti a. Vawra chuan," Dengi chu a danglam alawm. Mi zawng zawng chungah a ţha em em vek a. Tumah a be chhe ngailo" a han ti ve leh a. Vawra bawk chuan,"Ani ang hi chu tumah an awmlo ang. Lal fanute anga mi hlauhawm ni ve heklo" nui ţhaw chung chuan a han ti leh a. Darchawii chuan," Vawra,lal fanute mizia hre turin i rim ve tawh reng em" a lo ti khauh a. Vawra chuan,"Rim teh suh ei. Rim ngam ni heklo che u" a han ti leh a. Darchawii chuan," Vawra,rim ngam kan ni lutuk asin. Lal fanu kan nihna avang hian mi hian min ţih duk maia. Ţhiante pawh kan mamawh ve a,chutiang bawkin inlengte pawh. Ka nau hi rawn rim chhinla i hre mai ang" a han ti let ve ngat a. Vawra chu a nui ringawta . Darchawii bawk chuan," I ngaihdan hi a diklo tih hriat nan tal pawh him taka in kan thleng thei anih chuan kan inah lo leng ang che. Chu chu min tiam thei em" a han ti a. Vawra chuan," kan la ngaihtuah ţha dawn nia" tih chauhin a chhanga .Zante a rei takah chuan mutthilh zai anrel ta a. Ram ngaw hnuaia riak anni a. Thawm chi hrang hrang hriattur a tam em em a. Hmeichhe tan han hlauh loh chi ni heklo le. Darchawii chuan Vawra chu an kuah leh chawih ţhin a. Vawra pawh chuan an lal fanu chu hrethiam takin alo kuah ve mai a. Mahse abak engmah a thlenpui lo. Vawra rilruah chuan a u Ramliana ringawt chu a awm a . A fiam dan turte an ngaihtuah kual vel a. Tichuan a tuk lama an hmabak turte ngaihtuah neuh neuh chungin an muhil ta a.
Hualtu lam erawh Darchawii tuichawi a bo tak daih avang chuan a khaw phekin an buai mup mup mai a. Darchawii hnuhma engmah an hmuhloh mai bakah a tuium takngial pawh an hmulo a. Hualtu lal Zangama rilru pawh a buai hle mai. A upate chu kokhawm nghalin Darchawii bo chungchang chu an sawiho ta a. Zangama chuan," Awle,kan dinhmun chu kan hre vek a. Ngaihdan siam thiam pawh a har khawp mai. Ka upate u,ruahmanna eng ang nge in neih le" tiin a upate chu a han rawn a. Upa pakhat chuan," Lal pa, a hniak awm ang pawh kan hmuh miahloh danah hian Suartui lam hian an rawn ru chhuak ani mai lo maw?" a rawn ti a. Lal chuan," Chu chu thil ni thei tak pawh ani a. Mahse Suartui lam hian an fanu kan enkawl dan hi lo hria se zawng a ruk chhuah ringawt hi chu an rawn ti lo tawp ang" a han ti leh a. Hualtu upa min Selţhuama chuan," Lal pa, Darchawii kha amah a tlanchhuak tur chua a chak tawklo ani. Kan upa sawi ang deuh khan rukchhuah anih ka ring ta rum rum mai. Anih loh vek pawhin kan khaw mi ţhenkhat hian anlo thup pawh ani thei tho a" a rawn ti ve a. Ruahmanna mumal an siam thei ta reng reng lo mai a. Chutah upa pakhat chuan," Lal pa,ka ruahmanna hi in pawm zawn ani emaw chu," Darchawii hi thi angin than tir ta mai ila. Suartui lamah hian zualko in tirh nise. Tin, Darchawii thlan lem atan thlan danglam leh mawi tak kan lo siam anga. Chu chu Suartui lamin an rawn hmuh chuan kan duat hle angah an ngai dawn ani. Kei ka rin ve dan chuan Darchawii hi amahin a tlanbo anih ka ring a. Vawiinah hian kan tlangvalte zawn tir ila. An hmuhna laiah that nghal mai sela a ţha lo maw" a rawn ti a. Lal Upa min Selţhuama chuan," Ni e Lal pa,Suartui lam hian lo hria nise min rawn run duh ngei dawn a. Chumi avang chuan Suartui lama palai chu va tirh phawt a. Darchawii chu hmuh na naah thah mai chu ţha ka ti e" a rawn ti ve leh a. Tichuan Hualtu lal leh upate chuan Suartui lama zualko tirha ,Darchawii nauchhiata a thih thu va thlen turin tlangval pathum an tir nghal a. Tlangval dang zawng chuan Darchawii chu an phek zawn anga,an hmuhna apiangah an that tawh mai dawn ani.
Hetih lai mek hian Hualtu aţanga nikhat kal velah chuan Suartui leh Lungmam tlangval 300 rual zet mai te chu Hualtu khaw run tura inpeih sa in an awm khup mai a. Anni hi Vawrate lalin a tirhchhuah hnua Hualtu khaw run tur hrim hrima rawn kal anni a. An ruahmanna ang chuan an pasalţha panga kal hmasate nen an inhmuh veleh ro an rel ho dawn ani. Suartui leh Lungmam tlangvalte zingah hian Darchhawka pawh a tel ve a. Amah hi Lungmam lal Raltawnan a farnu chunchanga a ruahmannate ahma daih tawha alo hrilh lawk avangin a hmangaih Darchawii tan alo pen chhuak ve mek bawk ani. An ruahmanna ang chuan Hualtu khua hi hual beh a,an tlangvalte an inpek duhloh chuan thah vek a,an lal leh upate man fai vek ani. Darchhawka chuan Darchawii chu alo thi palh mai ang tih a hlau em em a. A hmanhmawh lutuk chu a za zek zek tawh mai ani.
Darchawii bo zan chuan Pasalţha Thawmvunga leh Keiluaia bakah Phirthanga leh Sangtualate chu Hualtu khawdaiah chuan an ţhu kar mai a. Vawrate nena an inthen hnua Silai puak ri an hriat kha Hualtu tlangval ramvakte Sanghal kah ri mai mai alo ni a. Khatia Vawra leh an lal fanu chauh an kal tir hnu khan Phirthanga leh Sangtuala chu Silai rikna lam panin hmanhmawh leh fimkhur takin an kal phei zar zar a. An ţhiante an thi tawh ngei ni a ringin thinrim eng phiarin an kal hlawk hlawk a. Silai rikna zawn an hnaih viau ta maw tihah chuan Thawmvunga leh Keiluaia anmahni lam hawi zawnga lokal chu an han hmu ta thut a. Chutah thil awmziate inhrilhin an han ţhu khawm a. Umzuitu hran an awm lemloh avangin Vawra leh Darchawii chu ngaihtuahawmah an ruatlo ani. Chutia an titi lai mek chuan an awmna chhak lama mihring ţawng thawm an hre ta tlat mai. Thawm awmna lamah chuan fimkhur takin an kal chho a. An han hnaih ta viau maw tihah chuan tlangval pathum Hualtu chhuahsan zawnga kal hi an han hmu a. Tlangvalte chuan an lal rorel dan chu an rawn sawisel thla nak nak a. Chutia hlim taka an kal lai chuan Suartui pasalţhate chuan lo tlan khalhin lo lambun an tum ta a. Hualtu tlangval pathumte an channa lai an lo thlen chiah chuan Thawmvunga chuan," Ding rawh u. Thawm inchhuah vaih chuan ka kap nghal ang che u " alo ti tuarh a. Hualtu tlangval pathum te chuan banphar mai nachang pawh hreloin anmahni silai a lo tintu chu phawk fe hian an en a. Chutah Thawmvunga bawk chuan," In ban phar rawh u ka tih chu mawle" a rawn ti leh takah chuan an bante chu an han phar leh hnuhnawh a. Keiluaia chuan lo phuar nghal zung zungin ram pilril lamah chuan an in kai lut ta a. Tlema hmun biru deuh an thlen hnu chuan an chawlhpui ta a. Thawmvunga chuan," Khawi lam kal tur nge innih" tiin an mi man te chu an zawt a. Mi man zinga pakhat chuan," Suartui khaw lama zualko tur mai kanni. Min thatlo hram rawh u" a rawn ti a. Thawmvunga chuan," Tu thihna chunchangah nge in va zualko dawn a" tiin a han zawt leh a. An mi man te chuan," Kan lal fapa nupui Darchawii boral chungchangah ani e" anlo ti leh a. Phirthanga rawn ţawng ve thungin," Darchawii chu a boral tak meuha maw" a rawn ti a. An mi mante chu an hlauthawng ta hle mai a. An thil hriat zawng zawngte chu an hrilh fai ta vek a. Keiluaia chuan," Tunah chuan mitthi ang inni tawh. Kan lal fanu inlo sawisak dan zawng zawng avang hian in khua hi kan hal dawn ani " a rawn ti siah siah a. Tlangval pakhat chuan," Khawngaihin min nun hram ula. In tan ţangkaina pawh kan nei mahna" hlau chung chung chuan a rawn tia a. Thawmvunga chuan," Engatan mah kan tilo che u. Mahse in khaw kang lai chu inlo ral khat thlir thei ang" a han ti a. Tichuan an mi mante chu an phuar hlawm a. An auchhuah mailoh nana an ka te hnawh sakin Hualtu khawdai lamah an kir pui ta ani.Hemi zan hian Thawmvunga leh Keiluaia chu khuaah lutin khaw thleng awmdan zawng zawng leh Zawlbuk len zawngte an va thlithlai a. An duh tawka khua an fan hnuin ram lamah an kir leh ta ani.
Hualtu lal leh upate erawh nilenga Darchawii an zawn hnu pawha an hmuhloh avangin an buai ru hle tawh a. Suartui lama an zualko tirhte thu hawn dan azira hmalak ţhaa an hriat avangin nghah rih phawt an tum ta a. Hualtu lal Zangama chuan," Suartui lam chuan an lo awih lemlo pawh ani thei a. Eng pawh thleng thei lakah kan inbuatsaih angai dawn ani. Kan tlangvalte pawh a rang lama ral do thei tura lo inpeih turin kan hriattir dawn nia" a han tina. Upa pakhat chuan," Lal pa, Darchawii hi rukchhuah alo nih ngat chuan zualko a kan tirh tlangvalte kha kan hmu tawh kherin ka ringlo ani" alo ti a. Lal chuan," Zualko em that tur chuan an a lo ang. An thinrim viau anih pawhin an thuchah rawn keng tur tal an mamawh ang chu. Bakah Suartui khua te zawngin min run ngamlo ange. Ka unaute phuba lakna an tuar zolo ang" a han ti vei ar ar a. Tichuan zu te in zuiin an buaina theihnghilh ţhak khawpin an ri leh bung bung tawh a. Chutih lai mek chuan Hualtu lal fanu leh an monu erawh Darchawii ngaihtuah avangin mutmu pawh an tuah theilo a. Ram pilrila amah chauha vak rek rek tura an han chan phei chuan an rilru ana vawng vawng a. Engmah tihtheih nei silo chuan an awm hmunah an insawh an insawh mai ani.
Bung-29
Khawfing chah hma hret chuan Vawra chu a harh hlawl mai a. Ngaw chhung chu ala thim ruih a. Vawra chuan a mit an nuai salh salh a. Lal fanu in a kuahna kut chu dimte a la thlain a thochhuak ţham ţham a. Zunram thiar tura buk aţanga a chhuah dawn lai tak chuan an buk lam pana mihring lo ţawng phei mar mar ri chu a hre ta. Chutah hmanhmawh takin a iptepui leh a Silai chu an la nghal a. Lal fanu chu a ka hupsakin an kai tho a. Thil awmzia pawh sawi hmanloin a mutbu chawp chuan a pawm lawk a,buk chhak lam ngaw ah chuan bihrukna remchang zawngin a luh chhoh pui ta nghal a. Vawra chuan lal fanu chu thingzungthlar phenah hian a han bihruk tir a. Vawra chuan," Hetah hian lo awm lawk la. Kalo let leh thuai ang" tih leh buk lam pana kal chu a rual ta nghal a. Darchawii chuan hlauthawng ru takin Vawra kal liam tur chu a thlir zui ngawih ngawih a. A lo let leh lo palh maiang tih a hlauthawng hle ani. Vawra chua an riahna buk lam chu fimkhur takin a hnaih thla hret hret a. An buk lan theihna lai a zuk thlen chuan an riahna buk chu tlangval pali hian anlo belchiang that that mai a. An awmna kar ala hlat deuh avangin enge an sawi a hre theilo a. An hmel en ringawt chuan an khaw tlangvalte chu anni lo tih a hre thei mai. Tlangval palite chu buk velah chuan ţhuin an titi malh malh a. Vawra chuan an ţawngri hriat phak tumin a hnaih zel a. Thawmdim tak chunga thui vaklo a kal leh hnu chuan an ţawng ri pawh a hre thei tawh a.
An titi khawchang aţang chuan Vawra chuan chu tlangval palite chu Lungmam khua anni tih a hre thei ta. Vawra pawh a thla a muang ta huai mai. Lungmam khua leh tui annih avang chuan Vawra chuan pawh mai chu ţhain a hre deuh a. Va in lan a ţha ang nge ţhalo ang tih a ngaihtuah mek lai chuan buk tuala tlangval pakhat chuan," Laiman, Suartui lal hi a thutiamah a ding nghet ngam tak meuh ang maw" tiin Laimana Vaibel pak khu tual tual lai chu a han zawt a. Laimana chuan," Ngam turah ngai ang. A ngamlo tak leh a fanu kan ruk chhuah sak anga. A tlan nan ţhi leh Dar kan phut leh mai dawn alawm" alo ti sam et a. An thusawi a hriat chuan Vawra chu mak tihna in a khat a. Eng thu chiah nge an sawi hriat chian lehzual tum chuan a tawlh hnai sauh sauh a. Tlangval pakhat chuan," Kan ruahmanna hi Suartui lal thupek mah nise kan fimkhur hle loh chuan pialral kawngkaa inbarh lut ang kan ni hawt dawn zu nia" a han ti leh a. An hruaitu ber Laimana chuan," Ni e,Darchhawka pawh hi pasalţha tho ani a. A inthlahdah bik hauh dawnlo a. Hualtu khua kan va run hunah chuan a ruk thei ang berin hnung lam aţanga kutpalh dan kan ngaihtuah angai dawn ani. Hualtu kan thlen hma eng pawi mah kan khawih tur anilo. Tuman kan thiltum hi an hre tur anilo bawk" a ahan ti leh charh charh a.
An thuruk zawng zawng ngaithla ru tu an awm tih hre lek lo chuan an ruahmanna te chu an sawi siam siam a. An thusawi hmang chuan Darchhawka ala dam tih chu Suartui lal Lianvunga chuan tu ka aţang emawni chuan alo hre ru chu ani ngei anga. Tunah pawh hian midang hriat ve lemlohin a rukin Darchhawka dahţha tur alo ruai ani tih Vawra chuan a hrethei mai a. Tin ,a mi rawihte chu tuna tlangval pali te chauh chu annilo tih Vawra chuan a hre thei mai bawk ani. Vawra chuan chung mi te chu han thah nghal mai a duh rum rum a. Mahse an ngaihtuah ţha leh a. Lo that ringawt tase,midang lalin a rawih veho chu tute nge annih tih a hrechhuak thei dawnlo a. Chumai bakah an lal thil tih dikloh hai chhuah nan chuan chung mite chu an dam ngei angai a. Thudik midang hnena puanzar tir annih loh chuan thu hretu awmloin lal chu thiamloh q chan tir thei silo ani. Vawra rilru chu a buai hle mai a. A tawpah chuan Lal Lianvungan Darchhawka that tura a rawihte chu kal tir phawta,enthlak zui a rel ta a. He a thutlukna hi a dik ber angem. Anmahni hi manin lal chu a diklohna ah chuan thiamloh a chan tir thei angem. Lal chuan a duh duhin mi a that thei tih chu a chiang a. Engtin tak awm zel ang maw..
An riahna buk ata tlangvalte an kalsawn hnu chuan Vawra pawh Darchawii a bihruktirna hmunah chuan a kal chho leh ta a. A han thlen chhoh chuan Darchawii chuan alo lawm hle mai a. Rin ai daiha a kalbo rei avanga a lo thlaphan hmanziate alo hrilh mawlh mawlh a. Vawra chu a ngawi reng a. Darchawii kianga ţhuthmun rem pah chuan," Lal fanu,Hualtu lal kha a sual iti viau em" tiin ahan zawt khawl mai a. Darchawii chuan mak tih hmel takin," Chu chu enga tan nge itih a . Ni e,min enkawl dan aţang kha chuan mi nunrawng tak leh lainatna neilo chu ani chiang alawm" a han ti charh charh a. Vawra chuan," A dinhmun ang chiah kha i pa hian tawng ve tase engtin nge a tih a irin??" tiin a han zawt leh a. Darchawii chuan," Ka pa chuan khatiang em em khan tumah a enkawlin ka ringlo ani. Chutiang tiduh turin a rilru a bawlhlawh heklo" uang deuh tak chuan ahan ti a. Vawra chuan," Mihringte hi zawng,kan lo in ang tlang chek anih dawn hi . Lal tepawh hi an duhlohnaah chuan mi nunrawng tak vek anlo ni a. An duhnaah chuan aţha ber angin an awm leh lawi si. Lal ţha leh fel tehna atan chuan thil pakhat chauh hi chu a tawklo deuh iti lo maw" a han ti leh a. Darchawii chuan thinrim hmel fe hian," Hualtu lalin ka chunga a tih zawng zawng kha i hrelo ani. Kha thil kha lal fing leh fel tihdan ani ngailo ang. Ka pa chuan khatiang khan ati bawk heklo ang" a han ti charh charh a. Vawra chuan Darchhawka chungchang chu lal fanu chuan hre ve se a duh tlat a. Chutah Vawra chuan," I pa chu i chhuang hle ani maw" nui chung hian a han ti leh a. Darchawii chuan," Ka chhuang anilo. Mahse Hualtu lal ang em zawng anilo ang ka ti mai ani" a han ti leh a. Vawra chuan," I pa chuan Darchhawka that turin Lungmam tlangvalte a ruai asin" a han ti kauh mai le. Darchawii chu a dang nghal sawp sawp a," Ka pa chuan chutiang a tilo ang. I hresual ani ang e" ahan ti leh hram a. Vawra chuan," A hma zawnga Darchhawk chunga i pa chetdan i hre tawh a. Tuna mi pawh hi awihloh chi aniin ka hrelo. Ka thil hmuh leh ka hriatte hian min bum anih ngawt loh chuan i pa chuan Darchhawka lu manah Ţhi leh Dar tamtham tak a tawktarh ani. Lal te hi zawng. An duhnaah chuan pawisak anlo nei vaklo anih dawn hi" a han ti ta dap dap a. Darchawii chu a rilru ahah ta em em a . Vawra kuta vuan chungchuan," Chung thil a thlen chu i remti tur anilo" a han ti ringawta. Vawra chuan," I pa chunga thuneituah min ngai elo maw. Thudik ka hai lan hma chuan ka tawp hauh lo ang. Darchhawka te chhungkua hnawhchhuah kha a tawk viau tawh ani. Thah kher hi a ţulna ka hrelo" a han ti piap piap mai a. Darchawii chuan sawi tur pawh a hre tawhlo a. Beidawng rilru tak chuan a en ngai chu a enreng a. A hmangaih Darchhawka chu a thih palh mai a hlau em em ani. Ngawi renga an ţhut hnu chuan Vawra chuan," Lungmam tlangvalte anlo lan mai theihdan aţang khan kan khaw tlangvalrualte awmna pawh a hla vak tawhin ka ringlo e. Hawh i kal teh ang" tih pahin Darchawii chu an kai tho a. Vawra chuan Darchawii chu paw nghalin an khaw tlangvalte awmna tur awma a rin lam,nichin maia Lungmam tlangvalte lo chhuahna lam chu a panpui ta a.
Tukţhuan ei hun awm velah chuan Vawra pawh an lal fanu paw chung chuan hmalam panin a kal zel a. Kawng a mumal vakloh avang chuan an kal sawt mawh hle mai. Tlema tlan bawk lai deuh an thlen chuan Vawra chuan an kalna tur lam chu an thlir vang vang a. An awmna aţanga hla vaklo,ruam thuk deuh lai aţanga meikhu lo zam chhuak chiai chiai chu Vawra chuan a hmu thei ta a. Nui suk pahin Vawra chuan," Lal fanu,i tlangval rualte i hmu thuai dawn e" a han ti sup a. Darchawii chuan," Hmingchhe taka ka kir leh tur hi ka phur vakin i ring em ni" a lo ti kauh mai a. Vawra chuan," I thiltawn chu eng ang a hrehawm leh nasa pawh nise. Nangmah vanga tlangval ramu te hmuh chu chak hle tur ini" a han ti charh charh a. Darchawii chuan," Vawra, keimah vang ni lovin lal thupek anih vang chauha lokal anni zawk " alo ti a. Vawra ngaihdan ani ta tlatlo mai. Hmun rem lai deuhah chuan Darchawii chu an nghat a,a mit taka en kal pah chuan," Suartui tlangvalte hian an nula chhan nan an thisen fal ral raih khawpin an ţang ngam tih i hria em. Lal thupek lo pawhin thih thlengin midang tana nun hlan chu kan huam ve bawk asin. Midang chunga rilru ţha pu thei tur hian eng ti fakaua hrehawm tawrh nge i mamawh a" a han ti ta piap piap mai a. Darchawii chuan inthlahrung takin," Vawra , midang tan in nun in hlan ngamlo ka ti hlei nem. Kei chu in chunga ţhat chhuah ngai miahlo ka ni a. Chumi avang chuan mi zawng zawngin ka hrehawm tawrhna pawh awm rengah an ngai dawn ani. Nang ngei pawh hian a tir kha chuan min haw hle anih kha. Kei tehlul hian en thilţha nge ka tlangvalte lak aţang ka beisei phak ang ni" a han ti dam dap a. Vawra pawh chuan lal fanu ngaihdan chu awm a tihpui ta khawp mai a. Lal fanu chu an kai tho a,puak lawp pah chuan," Lal fanu,ka tihpalh ani. Ka thirim thut ţhin alawm mawle. Suartui tlangvalte hian i pa thupek avang chauhin chhanchhuah che an tum anilo. I chunga hetiang thil ti duh tute chunga phu ba lak pawh hi an chak em em ani" a han ti a. Darchawii chuan," Vawra,ka lawm e" a ti sap a. Tichuan hmalam pan chuan an kal chhunzawm ta zel a. Tlang pang aţanga meikhu lo zam chhuahna lai an va thleng dawn hnai tihah chuan chhak lam ngaw aţang hian," Ding rawh u. Tute nge innih" a rawn ti tuarh mai a. Vawra chuan," Khual pang zin satliah mai kanni e. Hlauhawm kan awmlo e" alo ti thuai. Aw lo chhuahna lam aţanga tlangvalte chuan," Vawra,kan tihpalh ani. Kan hai che lawm. Kha khawilam nula nge i rawn puak kha. Ava han chhe hrip hrep ve" Vawra lam pana lokal pah chuan an rawn ti lang lang a. Vawra chuan," Kan lal fanu anih hi" alo ti thuai a. Chulai hmuna ralvenga lo awm Suartui tlangvalte chuan Vawran a puak nula chu an lal fanu ani tih an han hriat chuan mak an ti em em a. Chuti tak maia nula hmelţha leh hleitlingin hmel bumro tak mai leh taksa mumal pawh neilo a an awm chu an awih theilo ani. An lal fanu kiangah chuan anlo hriatloh avanga ngaihdamte dilin buk lam panin an kal pui ta a.
Suartui leh Lungman tlangvalte awmna buk an va thlen chuan tlangvalte chuan Vawra chu anlo chibai sap sap a. An lal fanu hmel erawh rapthlak anti hle thung. Tlangval ţhenkhat chuan an valupate thupek angin lal fanu chu ei leh in tur an lo hlui mawlh mawlh a. Vawra erawh an va kalna chanchin sawi turin buk pakhatah chuan val upa leh pasalţhaten an ko a. Buk chhungah chuan Suartui val upa leh pasalţhate bakah Lungmam lam val upate an awm khap a. Vawra chuan a va kalna chanchin chu an sawi zar zar a. An lal fanu an va rukchhuah dan te. Kalkawnga an mahni umzuitu te lo dang tura an pasalţha dangte an tawi khawmuan thu leh an dam chhuah a rinloh thute leh himdam taka anlo thlengkim leh theilo pawi atih ziate an sawi dap dap a. Suartui lampang chu an pasalţha pali lai mai chin hriatloha an awm avang chuan an ngui nghiai mai a. Val upa Tawna lo ţawngchhuakin," Vawra, kan pasalţhate chu huaisen takin kal lal fanu chhan nan an nun an hlan tawh a. Nangpawh in thiamlo duh suh. An thu zawmin kan lal fanu him dam takin i rawn thlen a. Tunah chuan Hualtu khua mei vapa chantur chiah kan hmabak ani ta" a han ti riap riap a. An lal fanu anlo enkawl danah leh an pasalţhate anlo thah sak avang chuan Suartui lampang chu an thinrimin phuba lak chakna chuan an khat tawh a. Lungmam lampang pawh an bang bik chuang awm lo e. Val upa pakhat chuan," Kan lal fanu hi hetiang em em hian anlo tiduhdah ang tih ka ring ngailo.
Hualtu lal hi mihring pawh va ni suh. Thi tlak ani" a han ti piap piap a. Midang ho pawh chu an inhrosa kuk kuk hlawm a. Ro an rel zawh chuan kal chhuah mai inpeih turin tlangvalte chu an han hrilh a. Vawra chuan a ute chu an hruai fal deuh a. A thil hriat zawng zawng chu an hrilh fai ta kelh mai a. Sawivela chuan," Nizan lamah khan kalkawng lo va enfiah turin kan val upate chuan tlangval an tirchhuak ngei mai a. Chung mite chu annih dawn chu" a han tia . An thu hriat ang te chu Darchhawka hrilh chu ţha an ti tlang a. An kal chhuah dawn chuan Val upate chuan lal fanu lo haw pui tur chuan tlangval sawmhnih rual chu an han dah a. Anni hian an lal fanu hi an lo hawn pui anga,Mahse Lungmam lal Raltawna duhdan angin a farnu chu Lungmam lamah a la awm hmasa phawt dawn ani. Vawra pawh a hah tawh deuha an hriat avangin lal fanu awmpui tur zingah chuan tel tir an tum a. Mahse aman a hnial nasat em avangin an ti lui duh talo ani. Val upate chuan tlangvalte chu thil awmdan an han hrilh zung zung a. Tin an ruahmanna tepawh an han hrilh bawk a. Tukţhuan lo ei tawh vek annih avangin chhuah zai an rel ta a. Hualtu lam pana an kal dawn chuan Vawra chu lal fanu an dahna lam pan chuan ava kal phei a. Lal fanu Darchhawkan biak mawlh mawlh paha alo chul heuh heuh chu ava hmu a. Darchhawka chu biak duh hle mahse tihbuai loh chu ţhain a hre ta zawk a. Kal kawng lama hrilh mai chu ţhain a hria a. Tichuan tlangval dangte zuiin Hualtu lam pan chuan a kal ve ta nghal ani. Hualtu run tuma kal Suartui leh Lungmam tlangvalte hi an vaiin mi 300 bawr vel zet anni a. Silai fung pawh sawmruk vel lai an keng tel thei nghe nghe ani. An tumdan chuan tlai lamah Hualtu khawdai chu an thleng anga. A tuk zing khawvar hmain khua chu an luh chilh dawn ani.
Hualtu lam pana khawhnih tlangval inthurual taka an kal mawp mawp lai chuan pasalţha Phirthanga leh Sangtuala pawh Hualtu lam aţangin an ţhiante pawh turin anlo kal ve mek a. Anni hi thi tawh a ngaih anni a. Vawran lal fanu a tlanchhiatpui laia a hnudawl tura lo awmte kha anni. Hualtu lam pana tlangval phuba lak chakna leh thinrimna in a tuam mekte an kal mawp mawp lai chuan Vawra chuan Pasalţha Darchhawka chu an bekbawr sar sar a. An pahnih chuan an ţhiante hnung lamah chuan an tawi khawmuang ta a .
An ţhiante nen an inhlat deuh ta maw tihah chuan Darchhawka chuan," Tlangval,eng thu hlaah chuan nge maw min han biak duh ni" a han ti a. Vawra chuan ," Nangma chungchang thua kan lal thupek mawle. A lan dan chuan kan lal hian nangmah that turin Lungmam tlangval thenkhat a ruai a. I lu man atan Ţhi leh Dar tam tham tak a tawktarh ani awm e" a han tih chuan Darchhawka chu thinrimna in a khat nghal a. Thinrim avanga insehruh ţeuh chung chuan," Lal Lianvunga chuan a la duhtawklo cheu ani maw. Lo ngai tak rawhse. He thil a zawhfel hunah hian ka chunga a thiltih rul let turin ka kal ngei ngei ang" a han ti ta phiar phiar a. Darchhawka bawk chuan," Vawra, he thil min hrilh avang hian ka lawm em em ani. In lal mi rawih te chu an hmel i hre thei angem" tiin Vawra chu ahan zawt a. Vawra chuan," Hre thei tuk e. Mahse an pali bakah midang an awm tlat maia. Chung ho chu tute nge annih ka hre biklo a. Kan khaw mi leh sa pawh anlo ni thei a . I fimkhur hle angai dawn ani" a han ti a. Darchhawka chuan," Theihtawp a fimkhur chu kan tum ani ang chu. . Mahse mihring vanneiihna hian tawp chin anei ţhin a. I ţanpuina ka mamawh dawn ani" a han tu ve leh a. Vawra pawh chuan ţanpui chu a hnial lemlo. Darchhawka bawk chuan," In lal mi rawih te chu a nung chunga man dan kan ngaihtuah angai dawn ani. Thudik midangin an hriatve hi a ţulna awmin ka hria" a han ti leh a. Thu dang dang an sawi leh hnu chuan an ţhiante umphak tumin an kal leh ta nghal a.
Tlai ni tlak dawn suarah phuan Vawrate pawhin Hualtu khu chu an hnaih tawh hle mai a. Khaw en laia khua an hnaih lutuk chuan Hualtu lamin an lo hmuh palh mai an hlauh avangin khua aţanga hla deuh takah chuan an han chawl rih a . Khaw thim hnuah khua chu an hual ţan dawn ani. Chutia an chawlh ho lai chuan Suartui pasalţha Phirthanga leh Sangtuala chuan an ţhiante chu an rawn pawh hlawl mai a. Suartui tlangvalten anlo hmuh chuan mak an ti hle mai. Vawra lah khan thi bo daih turah a ruat tawh bawk nen. Tichuan hlim takin an pasalţhate chu an lo lawm a. Midang pahnih pawh an la dam thu leh khawdaiah an awm thu an han hriat phei chuan a lawlo fa reng an awm awmlo e. Vawra chu a lawm berte zingami ani ang. Chutia thi daih tawha angaihte anlo la dam takah chuan anmahni lawm tur chuan ava kal nghal a. Phirthangan Vawra alo hmuh chuan," Vawra lah ni rengin. Kan lal fanu chu aţha maw" alo ti thuaia . Vawra pawh chuan an chanchin tlangpui chuan hrilh a. Khaw enthla tura an tirhte ber anlo la dam vel takah chuan val upate pawh chuan ro an han rel ţha leh a. Hualtu khua chu an luhchhuah thei dawna alan loh chuan hal mai an rel nghal bawk ani.
Zanreh ar khuang chu a ri al al maia. Hualtu lam chu engmah hre heklo le. Thlamuang takin an mu siai siai a. Hualtu lal Zangama pawhin run annih mai chu a rinloh avangin a upate ho nen zu inin an hlim dar dar hle mai. Darchawii chu khawi emaw laia thi bo daih turah an ruat tawh a. An palai tirhte lo haw hun chu an nghak deuh tawp mai ani. Chutia thlamuang taka an awm lai chuan an khaw run tur khaw pahnih tlangval zathum vel zet te erawh an chetchhuah hun tur nghakin an ţhu ţhap tawh ani.
Khawvar dawn hnaih lamah chuan Suartui tlangval 100 rual zet mai te chuan Hualtu khawchhung chu an lut ţan tawh a. Zawlbuk lam pan ding nghalin thawm dim thei ang berin an kal ţhem ţhem a. Hualtu khaw zawlbuk chu alo lian hle mai a. A landan aţang ringawt chuan tlangval an nghah hmel hle ani. Zawlbuk hual tur kal te hi Vawra u Sawivela leh val upa Tawnan an ho a. An ruahman dan chuan Khaw hmawr lama silai a puah veleh Zawlbuk chu an hal dawn ani.
Vawrate pawh an val upate thu angin Lal in piah ngaw lamah chuan an biru fel vek tawh a. Hualtu leh nupui fanaute chu him dam taka man an duh avangin leh an tlanchhuah mai loh nan Vawra hoin tlangval sawmhnih rual vel chuan Lal in chu a luhchhuah dawn ani.Lal in piah lawka ngaw hnuaiah chuan silai rik hun nghakin an ţhu kar mai a. An phur tawh lutuk chu an za zek zek tawh mai ani. Tlangval la bqng zawngte chu hmun thumah inţhenin khawchhungah chuan an rawn in zar pharh ve mek bawk a. Veng mawng lam aţangin Vawmaia leh ahote an rawn lut chho a. Chhim lam aţangin Darchhawka leh Lungmam pasalţhate an lo lut ve mek bawk a. Hmar lam veng tawp aţangin Suartui pasalţhaThawmvunga leh a hote an lo lut ve thung ani. Vawra chuan Darchhawka chu a ngaihtuah ru riau maia. Hnung lam aţangin beih a tawk ang tih a hlau thawng em em ani. Suartui lam hian an ruahmanna anga thil akal anih chuan khua hi hal kher an tum lemlo ani.
Suartui lam vanneihn tur nge hemi zan hian ruah a sur cherh cherh mai a. Tam phei chu anilo a,mahse mut ti tui tawk leh khawthim tichhah zual tawk chauh ani awm e. Hualtu khua chu rauhsan ang maiin a reh ţhuap a. A mi chengte pawh thlamuang takin an muhil bawrh bawrh mai ani. Vawrate erawh Silai a puah veleh a lal in luhchhuah turin an inring hle tawh a. Veng chhung lama miten Silai an hmet puak har ta lutuk chu an thinrim hman lek lej tawh ani. Vawrate hian inbeihna a thlen tak tak hmaa Hualtu lal chu man theih an in beisei deuh a,. An lal ber an man hnu chuan a khaw tlangvalte chu an ţangrei thei dawnlo ani.
Khawvar lam ar pawh a rawn khuang al al tawh a. Vawrate te pawhin lal in chu an hnaih chilh hle tawh a. Inring taka an awm lai chuan Veng mawng lamah chuan Silai a puak ta ţhuai ţhuai mai le. Silai a puah rual chuan nu nau thla phang au rawl chu a ri nghal chuah chuah a. Chutih rual chuan Hualtu khaw thler tin maiah chuan Silai a puah chhunzawm mawlh mawlh a. " Ral ral ral" tia au thawm leh na tuar khek rawng rawng thawmtena zui nghal a. Pasalţha in hrosa thawm leh Val upaten tlangval an fuih lauh lauh thawm pawh hriattur a awm ani. Vawraten Silai ri an hriat rual chiah chuan Hualtu lal in chu an hual nghal a. Lalin kawngka tlangval pakhatin han kaih hawn a tum lai tak chuan Lal in chhung lam aţang chuan silai a rawn puak thawr mai a. Tlangval pakhat chu duhloh paih an mai hian a tlu thal awrh mai a . Lal in chu han kah rawn chi lah ni hek suh. Vawrate chuan tlemin an han hlat leh hret a. Chutih lai chuan Khawchhung lamah chuan Silai ala puak ulh ulh reng a. Lal in lam pan chuan Mipui an lo tlan khawm ţuk ţuk mai lehnghal a. Hualtu pasalţha leh tlangval ţhenkhat Zawlbuka riak ve lote chu lal in lamah an lal venhim tumin an rawn tlan khawm ve bawk a. Vawran chu chu alo hmuh chuan an chan a chhe thei tih hriain a hote chu an tawlh kian pui deuh a. Lal in lam pana lo tlan Hualtu tlangvalte chu an lo sai ta nghauh nghauh mai le. Silai te an kap ruak ta maw tihah chuan Hualtu lam pawh chuan Silai an rawn hmetpuak ve ta a. Vawrate lam pawh pathum vel chu an tlu tawh a. An tam hneh em avangn Vawrate tan han tihvak ngaihna a awmlo. Lal inchhug aţang chuan a khaht tawkin Silai q puak ve reng bawk nen Vawrate chu ram lamah chuan tlem tlemin an tawlh hret hret a. Hualtu lal in chu a akhaw tlangvalte chuan an rawn hual ve leh ta thunga . Khawchhung lamah erawh inbeihna chu ala nasa hle mai a. Hualtu lam chu an tawlh khawm zel a. Zawlbuk tlangval rual tamtak thi tawh mahsela a tlanchhuak awmchhun leh pa valai leh pasalţhate chuan theitawp chhuah tak meuhin ţan qnla khawh ve ţang ţang a. Lo inring lawklo mah nise khawlian ve tak anih avangin pasalţha pawh an ngah ve a. Chuti maia han tlawm mai chi anni biklo. Suartui lam pawh chuan nuai chimih vek tumin an han nawr let leh tak tak a. Inring penpawn a awm sa leh inrin hmanlo kar chu a zau ta hle mai. Hualtu khua chu thisenin a bawh khat zul tawh a. Nunau te chunan ţe chel chul mai a. Ţhenkhatin an chhungte an lo ţah hawm hawm bawk a. Silaite an kah ruah takah chuan Chempui leh Fei hmangin an inbei ta a. Hualtu khawlaih chuan ruang alet rem rum tawh a. Hliam tuara lo khek rawng rawng tawk lah bo lo. Hualtu lam chuan an theih ang tawkin lal mual lamah chuan ţan an la khawh ve a. Vawrate pawhin a khat tawkin silai an la hmet puak ve reng a. Lal in lama luh lehna hun ţha erawh an la nei thei biklo.
Vawra kianga tlangval ding pakhat chu a hlawm nawk a. A chatthla zui nghal a. Chutih rual chuan Hualtu lam chuan an lal te tlanchhuah pui hman beiseiin Vawrate awmna lam chu haw haw chungin Chempui nen an rawm bawh phei ta huk mai le. Vawrate chuan an lo sai malh malh a. Kah thluk sen ni hek lo le. Siali zen sawhna hun lah awm hek suh. Vawra chuan a chempui chu an phawrh a,a kut lehlam chuan fei a keng bawk a. Chutah ," Suartui tlangvalte u. Thih thlengin aw" an ti tuarha .Midang ho pawh chuan Chempui phawrh nghalin Hualtu tlangvalte chu anlo hmachhawn ta ran mai le. Hualtu tlangval lo tlan hmasa pakhat chu Vawra chuan a fei ken chuan alo khawh tlang zawk mai a. An inpawmchilh chhunzawm chu ani ta mai. Chempui in khak ri chhawk chhawk leh mihring na tuar ţe ri chuan a zui a. Vawra hma a ding apiang mai chu an tlu phawk phawk zel mai . Vawrate chuan an theih ang tawkin bei mahse an intam hleiih em avang chuan an chan a chau ta hle mai. Chutih lai chuan Lal mual lamah chuan Suartui val upa chuan Hualtu lam chu inpe mai turin a au lauh lauh a. Hualtu lampang erawh chuan inpek mai anla tum awzawng lo mai. Inpek ahnekin an lal chhanchhuah hram tum chuan Vawrate awmna lam chu a siruk lain an rawn bawh phei ta huk mai. An lal leh a chhungte chu Hualtu tlangvalte chuan rawn kai chhuakin Vawrate awmna lamah chuan an rawn kal pui zel a. Vawrate chu an chan a chhe takzet tawh a. Tlem tlema aram lama tawlh lut zelin ţan an la khawh hram hram a. Hualtu lam lah a kawtawpa ţang annih tawh avangin pawisak an nei tawlo hle mai. Chutih lai erawh chuan Hualtu lal mual lama tlangval ţan lo la khawh tu tlemte te chu Suartui leh Lungmam pasalţhate chuan an rawn sam phei miah miah mai a. Hualtu lam pawh an tawlh tawm zel a. An lalte chu tlanchhuah pui hman hram am tum ruh hle ani.
Vawra chu thisenin a bual zui tawh mai a. A awm leh ban bakah a nak velah te chuan fei leh Chempuia hliamna hnuhma a awm nual tawh mai a. Chuti chung chuan a tlangval hruaite chu fuih lauh lauh chungin ţang hmun rem zawngin anla tawlh kir zel a. Theihpatawpa an ţang khawng chung pawh chuan Hualtu lamin an rawn tam hnen em avangin an in veng senglo chu ani ta chha mai. Hualtu lam chuan an lal chu Ramchhungah an luh pui hman tawh a. Chutih lai chuan Vawra u Vawmaia leh a hote chuan lalmual a Hualtu tlangvalte chu paltlangin Vawrate awmna lam chu an rawn bawh chho ve leh ta a. Vawmaia chuan," Suartui tlangvalte u lo zam suh u. Kha kan lokal e" ti in a han au lauh lauh a. Tichuan Vawmaia leh a hote chuan haw haw chungin Vawrate awmna lama Hualtu tlangvalte chu an bawhchho ta ale. Vawrate awmna lam erawh ţan khaw a harsa tulh tulh mai. Mahse vanneih thlak takin Hualtu lam chuan an lal sahimna an zawn lutuk na lamah Vawrate chu helin an ţan khawhloh na lamah chuan an kal pui hlauh mai a. Vawrte dang bet tur chuan tlangval tlemte chauh an awm tawh a. A bak zawng chu an lal hoin ram lamah an tawlh liam zel a. Vawmaia te chuan Vawrate awmna lam chu an rawn hnai phei zel a. Hualtu lam ţan lo khawh ve tute tan beih ngaihna a a takloh ah chuan an inpe ta nge nge a. Hualtu lam an inpek meuh chuan Vawrate lam chu pariat lai an lo in hloh hman tawh a,Hualtu lam khan an lal kha tlanchhiatpui lo se zawng an thi mang vek ngei ang. Khawchhung lama tlangvalte chu an inpe vek tawh a. Vawra chau lutuk chu a ţhu hnawk a. A hliam aţangte chuan thisen alo chhuak zawih zawih mai a. Vawmaia chuan va pan nghalin a va dawm a. Vawra chuan," Kan dang hneh ngang lo ani. Khi lamah khian an tawlh liam ta nih kha. Hmanhmawh takin han um tawh u" alo ti a. Vawmaia chuan," Vawra,lo tuar hram hram ang che. Kalo kir leh thuai ang" tih pahin a hote Hualtu lal te kalna lamah chuan Tlangval sawmnga rual zet nen hian an tlan liam ta nghal a. Vawra chu tlangval dangte chuan rawn buaipui nghalin a thisen chhuakte chu an rawn tihtawpsaka. Vawra hruai tlangvalho chuan Vawra chu mak tihna nen an en tlawk tlawk mai a. Khati khawpa tlangval ţuanţha leh ral beihdan thiam kha an la hmu ngailo ani. Vawra khan Hualtu lamin an rawn bawh hul khan an tan ţan harsa tih hriain a hote kha a tawlh let pui zel a. Ral hoin an bawhchilh pup theihloh nan tanhmun a siampui zung zung a. An inhloh hnem loh phah reng ani.
Khawchhung lama hliamte an buaipui sang sang lai chuan Lal in mual chhak lam ngaw ah chuan silai a puak ta ut ut mai le. Tlangval ţhenkhat chu Silai nen an liam chho leh nghal sang sang a. Vawmaia leh a hote khan Hualtu tlangvalte kha han nangchingin an han kap a. Hualtu lam chu q tlem zawk annih tawh mai bakah an lal an chan palh hlauin an inpe ta a. Vawmaia leh ahote chuan Hualtu lal leh a pasalţhate chu khaw lamah chuan an rawn khalh haw ta a.
Vawra chu vanneih thlak takin hliam na em em a tuarlo hlauh a. A thisen a hloh hnem lutuk avang erawh chuan a chau hle thung ani. Suartui leh Lungmam tlangvalte chuan Hualtu tlangval thi bang zawngte chu lal mualah chuan an khalh khawm vek a. Hualtu lam hian an tlangvalte an hloh nasa em em a. An tlangval tam zawk an thi a,tamtakin hliam an tuar bawk a. Suartui leh Lungmam pawh sawmthum vel lai mai an inhloh ve bawk ani.
Bung-30
Hualtu khaw kawttlerah chuan thisen a luang zel zul mai a. Kil tin maiah chuan ruang a thal pheng phung bawk a. Lal in tualah chuan mipui zawng zawng chu khalhkhawm vek anni a. A fapa,an pasal,a unaute leh an pa te ruang bawisawmtu neilo a kawtthlera thal huang maite chu lainat takin an thlir ngawih ngawih a. Ţhenkhat chu lungchhe taka an ţah hawm hawm laiin ţhenkhat erawh thinrimna leh phuba lak duhna thinlungin a tuam mek thung. Naupangte chuan hauh hre ve heklo le, an pa te leh an unaute ruang chu an theih tawka kuahin an han ţah khum ve a. Tlangval nunrawng deuh ţhenkhat chuan naupangho pawh chu an han vin tuarh tuarh a. Mipui awmna lamah chuan an hnuk phei leh dawrh dawrh ţhin a. Chutia naupang meuh pawh dimna tello baksaka an han khawih takah chuan Hualtu lama putar pakhat chuan," Naupang engmah hrelo te chu dim ve deuh ula mawle" tiin alo au a. Mipui chuan putar lam chu an hawi ţhapa a. Chu putar chu Lungmam tlangval pakhat chuan an tlawh thal huang mai a. Thil awmdan Suartui Pasalţha Thawmvungan alo hmuh chuan Lungmam tlangval chu va pan hnaiin an theh thal tawp a," A tawk . Vawi engzat nge hrilh nawn in ngaih dawn" a han ti tuarh a. Lungmam tlangval thinrim zak bawk si chu a sen awp awp mai a. Thawmvunga chuan putar chu an kai tho pahin," Ka pu,i hriatthiam angai ani" a han tisap a. Putar chuan," Naupang chungah tal chuan zahngai ula ka duh ani" khur deuh dar dar chung chuan a han ti a. Thawmvunga pawh chuan hrethiam takin tlangvalte chu tu chungah mah kutthlak tawhlo turin an fuih thar leh a .
Hualtu lal chhungkuate pawh lal in lamah chuan an rawn thleng fel tawh a. Vawra chu hliamho an dah khawmna lampangah chuan a ţhu ve a. Vawra chu an hawi kual vel a. Darchhawka hmel reng reng a hmu ta hauhlo mai . Chutah beidawng rilru tak chuan a tha neih zawng zawng sawmkhawmin an ţhian thi tate ruang an dahkhawmna lamah chuan ava phei a. Ruang an khuhna puante chu an hawk den den a. A enkual vek hnu pawh chuan Darchhawka hmel reng reng hmuh tur a awm ta hauhlo mai le. Chutia beidawng taka Vawra ding chu a u Sawivela chuan alo hmu a. Vawra awmna lamah chuan a rawn kal nghal a . Vawran a u Sawivela alo hmuh veleh chuan," Ka u ,pasalţha Darchhawka kala hmu hauhlo mai" alo ti thuai a. Sawivela chuan," Ka ngaih a ţhalo tlat. Kalo zawng ru reng tawh a. Buka i mi hmuhte kha a thi zingah hian an awm emaw chu" a han ti a. Vawra chuan," Awmlo. Tlangval hliam ho zingah sawn pakhat chu a awm. Kan dawp chhin dawn em niang" alo ti var a. Tichuan Vawra leh Sawivela chu hliam ho awmna lamah chuan an kal phei a. Sawivela chuan pasalţha Phirthanga chu an bekbawr zauha. Phirthanga pawh chuan lo hrethiam nghalin a ţhian pasalţha dangte chu an ko khawm a. Tichuan Vawran buk a a hmuhte zinga mi pakhat chu thu zawh fiah turin an hruai hrang ta a. Tlangval dang ho chuan mak tih hmel takin anlo en a. An pasalţhate thil tihdan chu an hrethiam lemlo nain engthil emaw chu awm turah ang ngai vek ani.
Lungmam tlangval chu a hlauthawng ta hle mai a. Mahse a inthup hram hram a. Suartui pasalţhate chuan in ruak pakhatah hruailutin thu an han zawtfiah ta a. Lungmam tlangval chuan engmah a hriatloh thuin a chhang char char a. Vawra chuan," Tlangval, in hotu Laimana hoa buka in thusawi kha ka hrevek asin. Tunah hian engkim min hrilh loh chuan thahna tur chein chhan ţha tak ka nei ania" a han tih meuh chuan Lungmam tlangval chuan thih mai chu a hlau ta. An ruahmanna zawng zawngte chu sawiin Darchhawka chu khaw mawng lam ramah Hualtu tlangval tlanchhiate uma kal an hmuh thu leh chumi lamah chuan a ţhian pathum te bakah an thurualpui tlangval pahnih nen a umzui nghal thu ahan sawi a. Chu thu an hriat meuh chuan Suartui pasalţhate chu hmanhmawh takin khaw mawng lam pan chuan an tlan liam ta nghal a. Vawra erawh a hliam avangin a kal ve lo.
"Mi dawihzep ho. Hnung lam aţanga min bei ngam tawk chauh maw innih a" ti a inhrosa chungin Darchhawka chuan amah rawn pan mektu tlangval pathumte chu alo an khum bawrh bawrh a. A Dar veilam kahna hliam aţang chuan thisen alo baw nghal zawih zawih a. Darchhawka chu a tha neih zawng zawng sawm khawmin a han ding a. A chempui chu a Kut dinglama phawrhin amah pana lokal mek tlangval pangate chu alo hmachhawn ta a. Tlangval pakhat chuan," Kan kapphlum nghal law law dawn em ni ang" tiin an hotupa ber Laimana chu an rawn a. Laimana chuan," Ni rihlo e. Pasalţha chu zahawm takin kan thih tir ani ang chu" tiin alo khap a. Darchhawka kiang an va thlen chuan Darchhawka chu alo ding kak teu mai a," Mipa innih chuan min han thah tum chhin ula" alo ti khur khur a. Laimana chuan," Darchhawk, a pawi ka ti khawp mai. Mahse Suartui lal pawi i khawih avangin i thih ngei angai dawn anih hi. I cho rualloh tur lal fanu ilo khawichhiat avangin" a han ti a. Darchhawka chuan," Lal fanu chungchang chu pialrala sawiah khek ang hmiang. Suartui lal chuan eng thuchah dang nge a han fah che u ni" a han ti leh a. Laimana chuan," I lu manah Ţhi leh Dar tamtham tak min tiam mawle. Tu pa han hnar rual va ni suh. I zarah kan hleikang awk dawn zu nia. Lal thupek lah tuma hnial rual anilo a" intithei fe chuan a han ti a. Darchhawk chuan ," Chuti nih ahnu Mipa inih ngai chuan ka lu lak chu han tumchhin ta che " a han ti charh charh a. Laimana pawh hi Lungmam pasalţhate zinga pakhat ani ve a. Darchhawka kaihhruaina hnuaia Lungmam tana theihtawp chhuah ve ţhin ani. Mahse Darchhawka hi a el phakloh em avangin a hming a chher hman meuhlo a. Darchhawka erna rilru sual tak a lo pu sa tawh nen Suartui lal Lianvunga tan pawh thlemthluk a awlsam em em ani.
Laimana chuan a Chempui phawrhin Darchhawka amah hmachhawn chunga lo ding chu a rawn veh phei thauh thauh a. Darchhawka hi hliam na tak tuar mah nise Laimana te ang tan hi chuan beih tham fe ala tling ngei ang. Darchhawka lam pana kal thauh thauh pah chuan Laimana chuan," Pialralah chuan ka hnungzuiin ka rawng i bawl tawh dawn nia" tih pahin Darchhawka chu sah tumin a rawn zuan phei ta a. Laimana rin dan chuan Darchhawka chu awlsamtea a sahhlum mai theih a ring ani. Mahse chu zawng a ring sual ta tlat mai. Laimanan Darchhawka sah tuma a zuang phei chiah tihah khan Darchhawka chuan lo tawlh sawn zauhin Laimana nak thler duai khawp chuan alo sat hman tlat mai. Laimana chu a au ţhawt a. A nak dawm vawng vawng chung chuan mak tih hmel fein Darchhawka chu a rawn en a. Darchhawka lah chuan Laimana chu chhaih thinrim a,in bawh tir buan buan chu a tum ru ran mai a. Tlangval dangho chuan hmuhnawm titakin anlo thlir ţhap mai . Darchhawka chuan," Uai, kan Lungmam pasalţha chu a sahliam lakah a beidawng ta mai em ni" tiin an au el vel a. Laimana chuan," Nanga mi tenawm tih beidawn mi ka ni love" tih pahin Darchhawka chu a rawn zuan phei leh ta a. A chempui chu a rawn vai thaw phei fua fua a. Darchhawka pawh a inveng hmanlo ţhelh ta mai,Laimanan zak kau dawrh khawpa Darchhawka rawn chhipthlak a tum chu Darchhawka chuan a Chempuia lo khak perin thir leh thir chu a in khak ri ta chhak mai le. Chumi rual deuh thaw chuan Darchhawka chu hnung lamah a per let phei dawrh a. Hliam tuar zawk mah nise Darchhawka chu ala che rangin ala harh phian mai . A ban veilam hmang thei tawhlo mahse Laimanate ang tan chuan hneh mai theih chi ala ni awzawng lo . A tum anga a thah mai theihloh avang chuan Laimana thin chu a ur zual sauh mai a. Ţawngkam chhe tinrenga Darchhawka an khum pah chuan a Chempui chu a rawn vaiphei leh ta buan buan mai le. Darchhawka chu tlem tlema lo tawlh hnung zelin Laimanan a Chempui vaina tha a thlah rual chiah chuan an hnaih chilh phei thut a,Laimanan a ban a vai chhuak leh chiah tihah chuan Darchhawka chempui chu a phe vuai a. Laimana chu a ţe ţhawt a. A Chempui ken lai chu thlauhin a ban ding lam uaihnup chu dawm nghal a. Chutih lai tak chuan Darchhawka chuan dimna tel hauhlo chuan an tlawh ţhuai maia. Laimana chu hnung lamah chuan a thal phei huang mai a. Thinrim tak chung chuan a rawn dingchhuak leh ta a. Darchhawka chuan Laimana Chempui chu an theh phei sak leh a. Chutah Darchhawka chuan," Thisen far tawp rak thlengin aw ni ang. Mipa inih ngai chuan i Chempui chharin min han bei leh ta che" nuih pah chuan a han ti a. Laimana chu a kut dinglam hliam avang chuan a ţhen tlawk tlawk a. A kut dinglam a hmang thei tawhlo bawk nen Darchhawka chu a hneh dawnlo tih a hrethiam mai. Chutah fin khekrek chhuah tumin a naute chu Darchhawka that tur chuan an au tuarh tuarh maina. Tlangvalte lah chu engmah tih tumlo hian an ding ngawi reng a.
" Kap rawh u ka ti ani lawm ni" tiin Laimana chuan a tlangval hruai ngawi renga dingte chu an au tuarh tuarh a. Tlangvalte lah chuan kap tan'ge an ti chuanglo a. Laimana thinrim hmanhmawh bawk si chuan a Silai chuh mai a han tuma . Tlangval pakhat chuan Laimana Silai a lo tin vah chung chuan,"Mipa takin kan zo fel dawn em niang. Ţhi leh Dar chu i tello pawh hian kan insem thei thoin ka ring ani" alo ti ta mai . Laimana thinrim leh makti lutuk chuan," Ka tello chuan engmah in hmu hauhlo ang. Lal chuan ka hnenah chiah ani thu a thlun ni" a han ti pap pap a. Tlangval pakhat chuan nui chung hian," Nang ber i thih tawh chuan lal thutiam chu kan chungah a tla dawn zuk nia. Darchhawka saw iva thah theih chuan chan pawh ila nei ve mahna" alo tih khum a. Laimana chu thinrim teh mahse tih theih dang nei heklo i. Phur lemlo tak chuan Darchhawka awmna lam chu a pan phei leh ta a. Darchhawka chuan," Phatsantu chuan amah ang bawk a tawng ta zuk nia. Tunah chuan chan in ang. Dinhmun in ang chiah kan ni ta. Silai mu dawngtu zawk nih kan inchuh dawn a ang ta hle mai" tihelh deuh tak chuan a lo ti a. Laimana chuan chutianga a hoten an han phatsan mai chu a ring theilo a. A ruahmanna zawng zawng chu a thamral dawn ta ani. Inchhir lahin awmzia anei tawh silo. Laiman hruai tlangvalte chuan," Zo fel thuai tawh u. Ţhi hrui vet a Dar khawn nan khua kan tlai ange" tiin anlo au a. Laimana chuan a dam chhuah mial takin Darchhawka chu thah ala tumruh hle a. Darchhawka ve thung chuan hun khawhral paha Laimana chu beih vel mai mai a tum ani. A rilruah chuan Vawrate kha anlo kal ala ring fan ani.
Laimanan Darchhawka sahhlum tuma a beih apiang chuan Darchhawka chu lo inbum zelin Laimana chu Chemphek te hian alo hlap ri leh pawp ţhin a. A chang leh na lo te hian alo sat a. Laimana chu Chempui chuan an hrut hliam leh zauh ţhin bawk a. Laimana beidawng thih hlau bawk tihngaihna hre lo chu a ţap deuh pur tawh mai a. A taksa pum chuan thisenin a bual zui tawh a. Damchhuah lah a beiseiawm chuang bawk silo. Ami thah tum pa lah chuan a chhaih kual vel mai mai bawk nen. Darchhawka pawh a chau tawh hle mai a. Rei aţang thei dawnlo tih a hria a. Vawrate chu lo thleng har a ti tawh khawp mai a. A thi ngei turah inruatin a rilru chuan Darchawii chungah ngaihdam an dil mawlh mawlh a. An duh anga thil a thlen tak mailoh avang chuan Laimana thurualpui tlangvalte chu an thinrim ta deuh a. Laimana hruai tlangval panga zinga pahnihte hi Suartui khua leh tui anni. Tlangval pakhat chuan," Laiman, han ţang deuh la mawle. I thah hlauh chuan Ţhi awrh khatte chu i hlawh mahna le" tiin alo au el vel a. Laimana chuan a damchhuah a beisei tawhloh em avang chuan," Phatsantu tenawmho. In duh ang chuan han ti ta che u. Min han kap ula ti nia" tiin an au a. Tlangvalte lah chu an nui mai mai a. Tlangval pakhat chuan," I sawi ang em em chuan ilo huaisenlo anih kha. I duh ang chuan ni hmiang chu" tihpahin Laimana kah tum chuan Silai chu an lek kang a. A kap dawn chiah tihah chuan chhak lam aţang chuan Silai a rawn puak pawp a. Lungmam tlangval kut ata Silai chu a per nawlh a. Tlangval chuan a kut a hup nghal ngawih ngawih mai. Chutih lai chuan chhak lam aţang chuan aw ring fiah kek kawk mai hian," Tumah che tawh suh u,. In chet vaih zawngin pialralah kan thawn liam nghal ang che u" a rawn ti tuarh mai a. Laimana hote makti leh hlauhthawng lutuk chu chet mai nachang pawh hrelo chuan an ding zum duk mai a. Chhak lam aţang chuan Suartui Pasalţha Pali lai mai chu Silai dawm far chungin anlo chhuk thla ta ţhem ţhem mai le. Darchhawka thah tumtute tan chuan van pui a chim ani hawt e. Darchhawkate awmna lai anlo thlen chuan Vawmaia chuan Silai leh Chempuite chu a khawm sawk sawk a. Sangtualan an mi mante chu a lo hnungkhirh mawlh mawlh a. Sawivela chuan Darchhawka chu alo va bawisawm nghal a. Thawmvunga chuan Laimana chu alo tuamhlawm ve bawk a. Darchhawka chuan," Inlo kal tawh dawn lo emaw tiin kalo beidawng hman ţhelh asin. Heng mi dawihzep ho hian hnung lam aţangin min rawn kap a. An kut a tlaw hlauh a. Hei azia phian mai. In chungah ka lawm takzet ani" alo ti a. Sawivela chuan," Duhaiin kan rawn tlai alawm mawle. Lal mual lamah khan an ţangrei thei phian a. Kan inhloh nual mai lehnghal" alo ti vat a. Darchhawk a chuan," Hei a hun takah in rawn thleng alawm. Tlemin rawn tlai deuh ula zawng kan mi dawihzepho hian ka lu hi Ţhi leh Dar thleng nan anlo hmang dawn zu nia" tih pahin an nui hak hak a. Darchhawka bawk chuan," Saw a hnarkaitu ber Laimana nen sawn kanlo infiam hlek alawm mawle. Alo zeilo phian a,hun ka khawhral pui thei hlauh ani" a han ti leh a. Sawivela chuan Darchhawka hliam chu an tuam sak mawlh mawlh a. Ram hmul damdawi an hmuh phak ang ang chu an hnawih sak bawk a. An zawh fel hnu chuan an han ţhu hahdam rih a. Thawmvunga chuan an khaw tlangval pahnih lo telve te en pah chuan," Suartui tlangval ka ni chu inti ve a maw. Mite hian anlo hre tam reu reu ange. A zah pawh in zak meuh nange" a han ti a. Tlangvalte chuan chhan pawh chhanglo chuan an ngawi reng a. Thawmvunga bawk chuan," Tunah rih chuan ţawnglo mah ula kan khaw Mipui hmaah chuan thudik in la sawi tho ang. Anih loh chuan in thi ang" a han ti a. Laimana chuan harsa titak chung hian," Khawngaihin min that mai rawh u. In tan ţangkaina ka nei chuanglo ang" ţah aw ţuauh hian a rawn ti a. Sawivela chuan," A hnarkaitu ber inia lawm. I thawk ţek ţek chhung chuan min zui zel ani ang chu" alo ti a. Tichuan an mi mante nen chuan Khawchhung lam panin an inzui chho ta a.
Hualtu lal in leikapuiah chuan Hualtu lal leh a khawnbawlte chu Suartui leh Lungmam pasalţhate hmaah chuan anlo ţhu ţhap mai a. Chutih lai tak chuan Sawivelate chu lalin tual lamah chuan anlo phei dam dam a. Chutia an tlangvalte hnungkhirh chunga an lo haw leh an pasalţha pahnih hliam an han hmuh chuan Lungmam tlangvalte chu thil awmzia hriatchian tumin anlo ding suau mai a. Sawivela chuan engkim an hriat ve ţula a hriat avangin thil awmdan zawng zawng chu an hrilh fai vek a. Thil awmzia an han hriat chuan Lungmam tlangvalte chu an thinrim ta em em mai a. An khaw tlangval phuara awmte chu chil zui an tum ta a. Sawivela leh midangho chuan lo dangin an mi man te chu thu hretu atan nungdam ngeia an mamawh thu an sawi hnu chuan Lungmam lam pawh an in bengdai ve thei ta ani.
Lal in leikapuiah chuan Hualtu lal thinrim chu a ang tawn tawn mai a," In khua kan rawn run e te in ti a maw. Lo ngai tak rawh u. Ka unaute thinrim in tuar zo hauhlo ang. In lal fanu tenawm zet kha ka tlangvalten duh hun hunah puan an zawn thei asin" a han ti piap piap mai a. Suartui pasalţha Thawmvunga thinrim insum zolo chuan Hualtu lal Zangama chu an hnek thal tawp mai a. Chumi zawh rual chuan Hualtu lal fanu chu an kek thal lehnghal tawpin an hnuk sawn a. Hualtu lal a bek Thawmvungan a hnek na tuar zolo a indawm kun ngawih ngawih lam en pah chuan," Kan lal fanu ilo nghaisak dan chu i chapo pui hle a maw. Hei i fanu tlawm lai hi han en ve teh" tihpah chuan Hualtu lal fanu puan bih chu pawhthlak a tum ta mai a. Suartui pasalţhate chuan dan pawh an tum lemlo. Hualtu lalnu chu lo tlanchhuakin a fanu chu a ran bawhbet tawp a. Ţap hluam hluam chung chuan," Khawngaihin zahngai rawh u. Darchawii chunga thil thleng zawng zawng kha keimah vang vek ani. A rai tih kan hriat khan ka pasal hian in khaw lama lo dah kir leh mai kha a tum a. Chu chu hnialin kan pasal chu thilţhalo titurin ka thlem thlu ta ani. Keimah ni min that mai rawh u" tiin ahan ngen ta lawm lawm mai a. Thawmvunga chu a tho vut a. Hualtu lalnu pawh chu a ţhutna pangngai lamah chuan an kai phei lawp a. Leikapuia Hualtu lal fapa Chhiahthanga lam chu pan lehnghallin," Mahni nupuite thlavang pawh hauh ngamlo khawpa dawihzep maw inih a. Nupui dangte ilo la nei ang lawi a. Khawnge kan that nghal law law ang che" tihpahin an chhir thal leh tawp mai a. Khawih zui atum lai tak chuan Sawivela chuan lo pawm betin," Vunga, a tawk tawh e. In bengdai teh" tiin alo kuah bet a. Chutih lai tak chuan Vawra pawh lal in leikapui lamah chuan a rawn chho a. Thawmvunga a u in alo dawm reng ahmuh chuan a va pan hnai a. " U Vung,kan lal fanu thu min chah kha i hre reng teh ang. Hualtu lal fanu leh an mo nu hi chu kut thlak loh hram tur ani" a han ti a. Thawmvunga chuan," Min hrethiam teh u. Kalo insum zolo ani" a rawn ti a. Vawra chu Hualtu lal fanu tlu sawp niai lam chu a va pan hnai a. Hualtu lal Zangama chuan a fanu chu Vawra chuan a khawih mai dawn emaw tiin," Khawngaih ka fanu kha chu khawih lo hram teh u. In duh apiang chu ka ti mai ang. Min ngaidam rawh u. Ka thiamloh vek ani" alo ti ţawk ţawk a. Hualtu lal fanu pawh chuan alam pana Vawra lokal chu hlau tih hriat tak hian khur hlawk hlawk chungin alo en ţawk ţawk a. Vawra chuan Hualtu lal fanu kiang a thlen chuan kun hniam pahin," Nula enge i hming le" a han ti a. Lal fanu chuan," Rengpuii ka ni e. Khawngaih zahngai hram rawh u" aw khur dar dar chuan alo ti a. Vawra chuan," Rengpuii maw inih a. Nula hmelţha leh fel tak ini. I chunga kut kan lo lek avang khan min ngaidam dawn nia. Kan lal fanu chuan i chungah lawmthu a sawi mawlh mawlh e" tih pahin Hualtu Lal fanu hmelţha Rengpuii chu an kai tho a. Rengpuii chuan chu tlangval hmelţha leh hleitling zet mai amah rawn kaitho a rawn thlamuantu chu chu en pahin ," Ka lawm e" a ti sap a. Tichuan a ţhutna ngaiah chuan a let leh ta a.
Hualtu lal Zangama chuan," Suartui tlangvalte u. In chungah thil lian tak kan lo tisual ani. Khawngaihin ka khaw mipui chungah hian zah min ngaih sak hram ula. Ka ro zawng zawng hi in lungawi theihna anih phawt chuan in la vek dawn nia" a rawn ti a. Hualtu lal Khawnbawlte pawh chuan an khaw mipui la dam awmchhunte himna anih dawn phawt chuan an ro neih ang ang chu pek an huam thu anlo sawi ve bawk a. Suartui Val upa Tawna chuan," Pute u, he laiah hian ro beiseia lokal kan ni lova. Kan lal fanu phuba la tura lokal kanni. Kan lal fanu kha a thiamlo hmasa chu ani ngei mai a. Mahse khati em em a in lo sawisa leh thah hial pawh tuma ro inlo rel tak avanga vawin ni hi thleng kan ni. In khaw mipuite la dam awmchhunte chu kan zuahsak ang che u. Amaherawh chu in lal leh a chhungte bakah in upa ţhenkhat hi chu kan khaw lamah kan hruai haw dawn ani. Lal thisen kai tawh phawt tlan nan chuan Sial Sawm leh Silai fung nga ani anga . Khawnbawl upate tlan nan chuan Se nga leh Silai fung hnih ani thung ang. Inkhua kan chhuahsan aţanga ni sawm ral hma ngeia palai hmel kan la hmulo anih chuan in in lal leh chhungte bakah in upate hi kan sal anni kumkhua tawh dawn ani" a han ti ta ale. Hualtu lal chu a beidawng ta kher mai. Suartui val upate hnenah chuan," Khuaah chuan nungdamin min thlen an tih min tiam rawh u" a han ti ţawk ţawk a. Val upa Tawna chuan," Tumah in thi loang. Mahse kan thutiam i khuaten an rawn ti puitling theilo anih chuan kan tana ţangkaina neilo zawng an lu kan la anga. A bak zawng chu kan salah in awm thung ang" a han ti a. Val upa Tawna bawk chuan mipui lam chu hawiin," In khua kan rawn run na chhan hi in hre ţheuh ang a. Kan lal fanu Darchawii chunga in thiltih tenawm tak avanga phuba lakna ani. In lal leh a chhungte bakah in upate hi kan hruai haw anga. A tlanna sum kan phut ang zat nena hun tiam chhunga palai hmel kan hmulo anih chuan an hmel in hmu leh tawh ngailo ang" a han ti dap dap a. Val upa Tawna bawk chuan,"In chungah hian thinrim hle mah ila khua erawh kan hal sak loang che u" a han ti leh dap dap a. Thute a sawi zawh chuan hmalak dan tur relin Suartui leh Lungmam Val upate leh Pasalţhate chu an han ţhu khawm leh rih a.
Suartui pasalţhate chu an tum ber hlawhtling mahse an lal in Darchhawka chunga a thiltih danah chuan an lungawi ta hauhlo mai a. An lal chu zilh deuh hlak a,mipui hmaa thudik puantir chu an duh ta a. Mahse chumi atan chuan an tlangvalte thlawpna an dawn phawt angai ani. Chu chu hre ranin Phirthanga chuan an tlangvalte chu thil awmdan zawng zawng chu a kip a kawiin an hrilh ta vek mai a. Suartui tlangval rual pawh chuan an lal thiltih dan chu mak an tiin an thirim ta em em a. An pasalţhate chu a tawp thlenga thlawp chu an tiam ta ani. Suartui leh Lungama val upate chuan Darchhawka chu Lungmama lama enkawl ţha an ti tlanga. Tin an lal fanu pawh Lungmam lama la enkawl rih phawt a,a pa thinrim a reh deuh hnua khuaa hruaikir leh an rel ta a. An mithahte chu an tam tham avang leh khawkar a hlat tham avangin an lu chu hawn loa an chhip vun hik mai chu ţhain an hria a. An khaw tlangval thi tate leh hliam tamtak zawn ngai an awm bawk nen. Ral lu za tel han ah haw tel ngaihna a awmlo ani.
Ro an rel zawh hnu chuan Suartui tlangvalte chuan Hualtu khuaa Silai fung awm zawng zawng chunan han la khawm a. Fung Sawmli lai mai hi alo ni a. Suartui lam chuan a khaw lian zawk annih angin fung sawmhnih panga an changa. Lungmam lam chuan fung Sawmpanga an chang ve thung ani. Val upate thu angin Suartui leh Lungmam tlangvalte chuan an ţhiante zawnna tur hlang an han siam nghal zung zung a. A ţhenin an mithahte chhip vun chu anlo hik ve bawk a.
Engkim ruahmanna anga an zawh fel meuh chuan khua alo tlai ta hle mai . Suartui val upate chuan mipuite chu anmahni in lama haw tur leh an tlanvgvalte ruang buaipui tur chuan an thlah zalen ta a. Khawlai a Vawk thau ţha deuh deuh pathum chu kap thluin lal mualah chuan Suartui leh Lungmam lam chuan Zanriah tur an buatsaih ve bawk a.Hualtu nula te chu tirhkah atan an hmang a. Zanriah puar elha an ei hnu cuan Suartui leh Lungmam tlangvalte chuan Hualtu khua chu an chhuahsan ta a. Ruang leh hliam zawntute chu hmalamah chuan kalin midang zawng chuan hnunglamah an mi mante chu an rawn chhawm bawk a. Lam hla kal tur annih avangin a zan la la in an chhuak ta mai ani. Vawra chu hliam ve tho mahse amah aia hliamna an awm avang leh zawn ve a duh tlat loh avangin hlang hnungah chuan a kal ve bek bek a. Hliam leh ruang zawn tur an ngah em avangin tlema hliam na vaklo ho chu kein an kal hlawm reng ani.
Thuife an kal hnu chuan pasalţha Phirthanga chuan Vawra chu a rawn bia in," Vawra, hnunglamah sawn va kal ta mai che. Ruang zawntute leh Hualtu lal te lo hruaitute kar hi a zau tham sia. Kawngah enge kan tawh dawn kan hrelo a. Hliam tuar ni mahla,kan mimante veng tur sawn ka duh che ani" a rawn ti a. Vawra pawh chuan hnial lemlo in hnunglama an khaw tlangval leh an mi mante lokal chu alo nghak ta rih a. An lo thlen chuan Vawmaia chuan Meichher nen hma a rawn hruai lauh lauh a. Vawra lo ding ahan hmuh chuan zawi te hian," Vawra, Hualtu lal fanu saw a hmelţha reuh ngei mai . Hnunglamah sawm a awm a,a kal hlei thei meuhlo lehnghal. A haw hauh chein ka ringlo. Hma lama kal hi chu kan tam tho a. Hnunglamah sawn va kal ta ma che" nui ţhaw chung hian an ti a. Vawra chuan," I tan kalo beisei ru riau asin. Tlangaua fanu ngawt ai kha chuan a zia deuh ang" an ti let ve ngat a. Tichuan hnung lama kal ve tur chuan kawng sirah chuan alo ding khawmuang ta rih a.
Hualtu lalnu leh a fanu bakah an monute chu an kal hleithei meuhlo mai a. Thim tham kal annih mai bakah tlangval rual um annih avang chuan an han fal hle a. Hmeichhe tana tlangval han umphak ngaihna awm heklo i. Thawmvunga chuan hmeichhe awmchhunte chu hnung lama muang changa kal pui mai a rel ta a. An chauh chhiata zawn angaih palah hlauh chuan an indaih dawn hauh silo. Tichuan Thawmvunga chuan Vawra leh Sangtuala bakah tlangval pali dang chu hmeichhe ho muangchanga rawn chhawm tur chuan an ti ta a.
An kal hran hnu chuan tlangval palite chuan hma hruaiin Vawra leh Sangtuala chuan hnung an dawl a. Sangtuala chuan," Vawra,puak ngai chu an awm tawhloh hram ka beisei. Kawng mumal lo zeta in puak kual reng zawng ahneawm em mai" a han ti a. Vawra chuan," Hei a thau pawh an thau ţhat hlawm viau hi maw. Chuti maia han chau chi annih hmelloh hi. Kan lal fanu ang ema favai chiar ring chu anni lo phawt anga" mei nei fe hian a rawn ti a . Hualtu lal fanu Rengpuii chuan," In lal fanu kha eitur tuihnai tak tak kan pe ve bawk asin" alo ti var mai a . Vawra chuan," Nia,a cher danah khan eitur tuihnai in pe ţha tih chu a hriat mai alawm. Kalkawngah chuan Tumbu thukthawlh hlir in ring ang" a han ti let ve nghala. Tlangval dang chu anlo nui dar dar a. Vawra bawk chuan," Hun tiam chhunga palai hmel anlo lan lih chuan favai chiar ei tur kan ngah dawn mange" a han ti pek a. Sangtuala chuan nuih hawk hawk pah hian," Khawtlangin favai chiar kan insiam chhawk dawn zu nia" a han ti leh a. An hmeichhe hruaite chu an ngawu reng a. Thui fe an kal leh hnu chuan Hualtu lal fapa nupui Khualthangi chuan mau phel a rap at ta hlauh mai le. Tihngaihna dang awm heklo le. Vawra chuan a puan ven chu an kai thler kawk kawk a . Kawngsir a hlo rimchhe hnahte nuai pherh nawk nawkin an tuam sak ta bur maia. Sangtuala chuan," Ka rei le. Puak ngai bawk" beidawn hmel fe hian ahan ti a. Khualthangi chuan," Ka kal thei mai ang" alo ti ve bawk a. Kal thei tehreng pawh nise an muan phah viau dawn avangin Vawrate chuan Khualthangi chu an han paw leh ta a. Vawra chuan hnungdawlin Sangtuala leh tlangval dang pali chuan Khualthangi chu inpuak chhawkin hma an hruai a. Vawra chuan," Sangtual,ka hliam hi min awt viau lo maw" tiin hma lama Khualthangi paw chunga Sangtuala kal thauh thauh chu an au a. Sangtuala chuan ngei hmel fe hian," Ka chauh deuh hunah chuan nangmah vawm nan ania ka rawn hman dawn ni" alo ti hluk a. Vawra leh tlangval dang chu an nui dar dar mai a. Thui fe an kal leh hnu chuan zan a rei tawh mai bakah an chauh tlan em avangin Val upate chuan Buk sual an rel ta a. Ralvengte in dahin riah buk chu an sual ta a.
Hualtu lamah ve thung chuan lal khawnbawl man bang pahnih leh tlangval la dam awmchhunte chu rorel in an buai tlang hle mai. Khawnbawl te chuan Hualtu lal u leh naute lalna khawhnih ah chuan an tlangvalte chu thil awmzia thlen turin an han tir nghala a. Suartui lamina an thil phut te chu rawn ngaihtuah sak turin leh hma lak dan tur sawiho tura Hualtu lam lo pan hram turin an han chah mawlh mawlh a. A zan a zan chuan Hualtu tlangvalte pawh hah sawiloin an khaw ţhenawm lamah chuan an tlan ta nghal a. Hualtu tlangval la awmchhunte chu an thinrim em em a. Phuba la tura an lalte umzui mai te chu an duh a. Mahse an val upate leh khawnbawlte chuan an khap dai hram hram a. An lal unaute thu ngaihchan phawt chu ţha an tih bakah va umzui se an lal leh upate an kawl vek si avangin tihngaihna a awm silo. Hualtu lal upa pakhat chuan," A pawi ngei mai. Kan lal a nunrawng lutuk kan tuar ta ani. Khatiang khawpa hmeichhia han sawisak kha zawng a rapthlak lulai em ani" a tichhuak phawng maia a. Val upa pakhat chuan," A hunlaia kan lal kan lo dang lo kha a pawi ta anih hi. Tunah chuan tlangval tihtham kan neintawhlo a. Khawdang belh mai pawh angaih ka hlau hlel love" a han ti charh charh a. Tlangvalte pawh chuan an lal leh upate chu an haw em em mai a. Khatia Suartui lal fanu an sawisa kha a tamzawk chuan an duhlona. Alo mutpui ve tute pawh kha tlangval pawisak neilo hlir anni tave ang. Tlangval pakhat chuan," Kan upate pawhin in duh ang angin in chhaih kual ani lawm ni. Tunah vel nena pawi ti awm ziazanga in han awm der vel chu le. A hunlai khan lo dang ta che u. Nangmahni vanga lan tawrh nasat zia hi in hria em. Thi tlak inni" a han ti phiar phiar mai a. Tumah rengin ţawngzai an rello. Lal upa pakhat chuan," Kan lalnu thu kha lalin a hnial ngam silo a . Bakah kan lo thinrimpui bawk ani" a han ti leh a. Tlangval zinga pakhat chuan," Chu hmeichhe pakhat thuin ro inlo rel ani maw. Pawnfen feng tlak zuk ni che u a. Khaw dangah pem vek ila nimai" a rawn ti leh a. Val upa pakhat chuan tlangvalte chu rawn khapin an inbeng dai thei ta hram ani.
Hualtu lal Zangama hian unau pahnih Zaluta leh Zahunga a nei a. Zaluta hian Zawlpui khua in zahnih vel zet mai awmna chu a awp a. Zahunga hian Hualtu aţanga nikhat kal vela hlaa Samtual khua in 150 bawr vel a awp ve bawk ani. Unau in ngeih tak mai anni a. Zangama hi a upa ber niin a naute hian a thu hi a kawi angilin an zawm ani ber a. Hualtu lal hian a unaute mai bakah lal dang hmelhriat pawh a nei nual mai a. Hualtu lal mana a awm tih an hriat hunah chuan eng tiang takin thinrim ang maw... Kan
No comments:
Post a Comment