Bung-35
Lenchim khua hi khaw nuam tak niin in zahnih bawr vel zet anni a. Lal fel tak Lalhleia awpna hnuaia awm niin a mi chengte pawhin an lal hi an zahin an thlamuanpui em em ţhin a. Lalhleia hian fapa pakhat leh fanu pakhat a nei a. Amah hi pa valai tak la niin a tlangvalte pawh khawilo kal nikhuaah ala zui ve fo ani. Khaw inlungrual tak leh hlim tak ni mahse buaina leh harsatna chuan a kiansan bik chuanglo a. Anmahni aia khawlian zawk leh thurualpui ngah zawk Thingdawn khaw lal Duhmanga hnenah chuan chhiah an chawi angai ta fo mai a. Kumtin mai hian an thil neih ţha ţha bakah an Sialte an rawn kawi sak leh duah duah ţhin a. Lalhleia chuan ning hle mahsela a khaw mipuite himna angaihtuah avangin chhiah chu a pe awl lo. Amaerawhchu Lenchim khua hian kum hmasa lama ei leh bara harsatna an tawh avangin Lalhleia chuan a ro neih ang ang leh a Sialte chu khawdang hnena purchawk nan a hmang zo a. Thingdawn khaw lamin kum tina an rawn tihfo ţhin anga chhiah khawn tura anlokal chuan an phut ang zat an pe thei ta silo a.b Thingdawn pasalţha chhiah khawn tura lokalte chu Lenchim lal chungah chuan an thinrimin kut an thlak ta hial mai a. Chumi avanga Lenchim khaw tlangval thinrim chuan Thingdawn pasalţhate chu manin an sawisa ta hrep mai a. Kut ruakin Thingdawn lamah chuan an haw tir ta ani. A pasalţhate chunga Lenchim khaw ho chet dan a hriat chuan Thingdawn lal Duhmanga chu a thinrim ta em em a. A vua leh vangte bakah a chhiah khuate aţanga tlangval tamtak chah khawmin Lenchim khua hi an va run ta ani. Lenchim lam hian nasa takin lo bei let ve mahse an intam hleih em avangin a tlawm zawkah ang ţanglo thei talo a. An tlawm takah chuan Thingdawn pasalţha ho chuan khawchhung chu an duhtawkin an suasam ta ani. Thingdawn khua tihloh khawdang tlangval Lenchim khaw run naa telve te chuan khua chu an chhuahsan vek tawh a. Tunah tak chuan Thingdawn lal thupek angin a khaw tlangval za rual zet te chuan Lenchim khua chu nuam tawl nan an hmang mek ani. Lal Duhmanga chuan a pasalţhate chu Lenchim khua an chen ral raih thlenga awm a phalsak hial ani. Lenchim khaw tlangval la dam awmchhunte chu lal in tualah chuan an phuar khawm a. Nula leh nutlingte erawh mahni in ţheuhah khawsak turin an duh hun hunah an luhchilh mai ţhina . An lalnu meuh pawh a fanu thlavang a hauh nasat luatah an khawih ve ta hial ani. Lal chhungkua chu lal inah chuan an la awm a. Phuar anni velo nangin an hrehawm tawrh a nep bik chuang awmlo e.
Khawfing chah dawn ruaiah chuan Lianpuii chu a harh hlawl mai a. Vawran alo kuah bet tlat ani tih a han hmuh chuan a hlauthawng lek lek a. Mak ati hle mai a. Mahse puan hlap pathum lai mai alo sin reng ani tih a han hriat chuan zan lam thillthlengte an ngaihtuaha a. A khawsik sang lutuk avanga lungpui kianga atluk tawp lai te chu a ngaihtuah chhuak ur ur a. Vawran a kuahna pawh la thla ta lemlo chuan hlim tak leh thlamuang tak chuan a mut ngai chuan a mu ţha leh mai a,lehlam hawiin a nui ver ver lehnghal. Khua a var fel ta maw tihah chuan Vawra chu a harh hlawl mai a. Lianpuii chu alo la kuah reng a. Ramliana leh Vawmaia chuan mei te nunin an buhfai neih ang ang chu tukţhuan atan anlo siam mek a. Vawra rawn harh an lo hmuh veleh chuan Vawmaia chuan,"Nula pangti lumin an deh meuh chuan thawh nachang pawh i hre talo ani maw" nui hak hak pah chuan alo ti a. Ramliana pawh chuan," I mang a ţha bawk ani ang maw. I mut dan lah vawikhat mah inthlak phallo a" alo tive bawk a. Vawra ute chu an nui dun ham ham a. Vawra chuan," Min kaih thawh ve mai tur cheu nia" a rawn ti nang nanga. Vawra chu thochhuakin kawrte lamah inphih harh turin a phei a. An thawmah chuan Lianpuii pawh alo harh ve a. Ramliana chuan," Ekhai,enge i an deuh tawh a" alo tivara. Lianpuii chuan," Ka khawsik pawh a reh tawhin ka hria. In chungah hian ka lawm takzet ani" a rawn ti var a. Vawmaia chuan," Nizan lamah i mang te a ţha maw. Kan nau khan a delh phar nasa awm si che a" nui ţhaw chung chuan a rawn tive a. Lianpuii lai chhe lutuk chu a hmai a sen ţawn ţawn mai a. Ramliana chuan," Hei rawn in phih harh ve rawh khai" a han ti a. Lianpuii pawh lo thochhuakin a rawn in phih fai ve sawk sawk a. Ramliana chuan," Vawra pawh chu ava rei ve mawle" a han ti a. Vawmaia chuan,"A in paih thawl nghal ani ang chu" alo ti vat a. Chutih lai mek chuan Vawra chu Vahrit pui khai zar chung hian alo phei zan zan mai a. Ramlianan alo hmuh chuan," Uai, kha i ek tlan i rawn ţham haw chu ani em lo maw" alo ti hlut a. Vawra chuan," Ek tlan chu ani chiahlo a. Ek tlan tum chu ani maithei. In eichak vakloh leh keiman ka pumbilh mai ani ang chu" nui var var pah chuan a rawn ti a. Vawmaia chuan," Khawiteh in sawi tuihnai lo em mai keiman kalo puah ange " tihpahi alo ban thuai a. Tichuan tukţhuan hmeh atan Vahrit sa chu an han siam nghal sawk sawk a. Lianpuii chuan Vawrate unau che vel chu hmuhnawm titak hian alo thlir dauh dauh mai a. A rilru tete chuan heng tlangvalho hi an hmelţha in an fel a,an huaisen em em bawk a. An khaw mi leh sa nih ava nuam dawn em tihte alo ngaihtuah nauh nauh a. Chawhmehte an peihfel hnu chuan tukţhuan ei tur chuan an han inbuatsaih ta a. An chawei lai chuan Lianpuii chuan Vawrate unau chu a en tawn sek mai a. A tawpah chuan Lianpuii chuan," Pu te u Unau em ni innih a" a rawn tichhuak ta phawng mai a. Vawmaia chuan," Pu chu kan la nilo deuh ang a" nui ţhaw chung chuan a rawn ti a. Ramliana chuan," Taka,kan chanchin kan la hrilh ve miahlo che tiraw. Unau chu kan nia lawm" a han tina. An hmingte sawiin an lokalna khaw chanchinte an han hrilh ve a. Vawra chuan," Anih Lianpui,veng mawng lama pi Ngami te kha ilo hre ve mial em. An la dam ve ang chu maw" tiin Lianpuii chu a han zawt a. Lianpuii chuan," A hriat chu hre tehreng mai. Mahse run kan tawh aţang khan mumalin tumah kan inhmu thei talo a. An chanchin ka hre zui talo ani" tiin a rawn chhanga . Vawra chuan,"Anmahni kha kan rawn belh tum berte anni a. Kan chhungte anni asin" a han tih chuan Lianpuii chu a harhchhuak zawk mai. Vawra ngaisang hmel taka en chung chuan," Nanghi hman deuha pi Ngami te mikhual tlangval kha ini chiah mai. I chanchin hi kan sawi banglo asin. Ilo kal lai lah khan kan khawchhung kan ţam lai tak alo ni bawk nen" a han ti zat zat a. Vawmaia chuan," Vawra chu rin aiin ilo va che na hle ni maw. Nangmah zawnga kan buai laiin khualkhuaah ilo va in vai parh mai mai anih hmel chu" a rawn ti nang nanga a . Fiamthu te thawh kualin an han nui ho leh dar dar ţhin a. Lianpuii pawh chaw kaw puar a a awmlohna a rei tawh bawk nen tuiti takin chaw leh chawhmeh chu a beng tawn tawn mai ani.
Tukţhuan ei khamah chuan Vawrate chu an chetchhuah dan turte sawiin an titi laih laih mai a. An buaina ber pakhat chu Lianpuii awmdan tur chu ani ta. An kalna apiangah an hruai thei dawn silo a. Lenchim aţanga khaw hnai deuhte lah hmeichhia mahni a han thlah fal nan chuan a hla tham deuh mah mah bawk si. A tawpah chuan Ramliana chuan," Lianpui,hei kan kalna apiangah min zui thei dawnlo a. Ral bei tur kannih avangin hmeichhe han hruai reng thu lah a awm heklo. Ram pa lailengah kan thlahthlam mai thei bik silo che a. I awmdan turah hian ngaihdan te ilo nei ve mial em" tiin a han zawt phawng mai a. Lianpuii chuan ," Ka chunga in thltih tawh zawng zawng pawh hi ka beisei aia sang ani tawh a. Nangmahni tihbuai reng cheu hi ka tan chuan thil nuam tak anilo. Mahse kei chu heti mai hi ka ni a. Pan tur lam pawh ka hre dawnlo a. Kan khaw lamah lah kir leh ngaihna a awm silo. Min hrethiam ula,kan khuain run kan tawh laia khua aţanga tlanchhuak hote min zawnpui hram mai ta che u. Kan khaw chul lamah an tlan in ka ring ani" a han tichuai raih a. Ramliana chuan," Lianpui, kan thlahthlam hauh dawnlo che a. I himna hi kan duh ber ani. I sawi ang chuan in khaw chul lam chu kan zuk fang phawt ani ang chu" a han ti a. Tichuan Vawrate chu Lenchim khaw chul hlui lamah chuan Lenchim khaw mi leh sa zawng turin an inzui chhuak leh ta a. Lianpuii chu mahni a kal thei ziazang ala nihloh avangin an inpuak chhawk ta zel a.
Vawrte chu Lenchim khaw chul lam pan chuan an kal bek bek zel a . Chawhnu herah chuan zaupui chu anut dawn tawh a. Kum hmasa lama an neih chauh anih avang chuan hmun ţhenkhatah chuan thlamte pawh alo la ding nual mai a. Mahse mihring thawm riva erawh hriattur avang hle mai. Beidawng ru tak chungchuan Thlam lo lang hmasa ber ,rawp ve tawhtak ah chuan an han lut a. Mak tak maiin chu Thlamah chuan mihring hnuhma tharlam tak alo awm tlat mai. Thuka mei pawh chu alo la ling vet vet a. Vawrate chuan beiseina thar annei ta. Mahse lehlamah chuan chu Thlama awmte chu tute nge annih an hre bik silo. Tichuan Thlam chu chhuahsanin lo hla lam chu an pan zel a. Mual pawng sang deuh laia an kal lai chuan an awmna mual mawng lama mei khu zam chiai chiai chu an hmu ta hlauh mai le. Tichuan hmanhmawh tak leh fimkhur tak siin meikhu an hmuhna lam pan chuan an kal thla ta nghal a. An zuk thlen thlak dawn chua ralkhata aţangin Thlamah leh a chhehvelah chuan tute nge awm tih an han thlithlai phawt a. Vawra leh Ramliana chu Thlama awmte chian tur chuan Thlam lamah chuan biru chungin an kal thla ta ţhem ţhem mai a. Vawmaia leh Lianpuii chu chhak lamah chuan lo biru in Vawrate che vel chu anlo thlir thung.
Thlam an hnaih ta viau maw tihah chuan Vawrate chuan ţawng nak nak thawm an hre thei tawh a. Thlamah chuan mi an awm ngei a,pakhat mai anni lo tih an hre thei nghal mai. Thlam bul vel chu tlem a a fai ţhat deuh avangin an zuk hnaih chilh theih mai lova. Thlam chhak deuha Fah thing chawr no phenah chuan an biru ta a. Rei ngial an nghah hnu chuan Thlam aţang chuan tlangval pahnih an lo chhuak ta hlawl mai le. Thlam aţanga tlangval lo chhuakte an han hmuh chiah chuan Vawra chu a hlim ta hle mai. Thlama tlangval lo chhuak zinga pakhat chu Lenchim khaw buanchak,a ţhianpa Manthanga ani tih a hte nghal mai le. Chutah Vawra chu an bihrukna aţanga chhuak nghalin," Mana,ilo dam ţhin maw" an ti thut mai a. Thlam luhka a ding mek tlangval pahnihte phu nasa lutuk chu an thaw awk awk mai a. Vawra vek chuan Thlam lama kal pah chuan," Mana min hre tawh nange. Khatia Phung hmu an sawi ang maia min en vak vak ni" a han ti leh a. Manthanga lawm lutuk leh mak ti bawk si chuan sawi mai tur pawh a hrelo. A tawpah chuan," Vawra,hetah enge i rawn tih" a tichhuak thei hram a. Chutih lai chuan Ramliana pawh a bihrukna aţanga lo chhuakin chhak lama awm Vawmaiate chu lo chhuk turin an hui zauh zauh a. Vawrate chu Thlamah chuan lutin an han in chibai nak nak a. Manthanga chuan," Vawra,he lai ram thleng thlenga ilokal leh nachhan hi enge ni. Ka hmuh tirh che khan ka awihlo lutuk kha mit vai emaw ka ti hial a. Mahse nangmah ngei ilo ni sia" an ti nang nanga. Vawra chuan," Ni e ţhianpa,hei inkhuaa lo zin tum kan ni a. Beisei loh thil kan hmuh tak avangin helam hi kanlo pan ta mai ani. In khaw nula Lianpuii kha khawdaiah kan rawn hmu a. Anin thil awmzia zawng zawng min hrilh vek a. Tunah hian amah pawh kan kiangah a awm" a han ti a. Chutih lai chuan Vawmaia leh Lianpuii pawh Thlamah chuan anlo lut ve chiah a. Lianpuiin Manthanga a han hmuh chuan," Khai aw u Man,ithi tawh turah kalo ruat asin " a han ti a. Manthanga chuan," Lianpui, Lenchim khaw tlangval ni tlak pawh kan nih tawhloh hi. Kan venghimzo ta silo che u a" zah hmel tak chuan a rawn ti a. Lianpuii chuan," Chutiang tur ani ngailo e. Hei ila dam a. Beisei tur kan la nei alawm" a han ti leh a. Ramliana chuan," Ni e,kha lam chu i theihnghilh rih ang u. Mana,midang tlanchhuak an awmve em" tiin a han zawt a. Manthanga chuan," Awm ve tuk e. Min rawn beih deuh thut avang khan kan ţang zo ta nganglo a. Kan valupaten in pek mai an rawt lai khan tlangval ţhenkhat chu khawdai lamah kan tawlh liam ta ani. Tichuan khaw chhuahsan hote chu kan infin khawm zel a. Nunau leh tar lam tlanchhe ve hman tlemte te nen Ngaw hnuaiah kan la khawsa rih ani. Ei leh in tur kan theih ang anga la khawmin zan lamah khaw chhehvelah kan han vak ţhin a. Hliam tamtak pawh kan enkawl nual reng ani" beidawn hmel tak chuan ahan ti a. Ramliana chuan," Mipa engzat chiah nge tunah awm che u" a han ti leh a. Manthanga chuan," Tlangval chak ţha pangngai chu panga vel chauh kan ni a. A bak zawng chu hliam tuar kan zawn khawm te anni mai. Nutling leh naupang ţhenkhat an awm bawk a" a rawn ti leh a. Ramliana bawk chuan," Chuti anih chuan in bihrukna lamah chuan kalin hmalak dan tur kan ngaihtuah angai anih chu" a ti leh a. Manthanga chuan," Tute nge innih reng renga. Vawra lo hi chu ka hre silo che u a" ati a. Vawra chuan lo chhangin,"Mana,ka ute annih hi" tihpahin in hmelhriattirna te annei a. Tuchuan hlim takin,beiseina thar nen Manthanga te bihrukna ngaw lam pan chuan an kal ta nghal a.
Manthanga te bihrukna lai an va thlen chuan an tawm buk lo nghak tute chuan hlauhthawn hmel fe hian anlo en a. Manthanga chuan thil awmzia an hrilh nghal zung zung a. Thil awmzia an hriat hnu chuan buka lo awmte pawh an thla a muang ta huai mai. Ramliana chuan Manthanga hnenah chuan,"Man,hei tawi khawmuang hman kan nilo a. Hun kan khawhral mai mai chhung hian in khaw mite tawrhna chu a nasa zual sauh sauh dawn ani. Tunah hian in khaw lamah hian kan unau thumin kan kir leh dawn a. Hliam te hi ţha takin inlo enkawl dawn nia" a han ti a. Manthanga leh tlangval dang lo awm ve ho chuan an khaw tana beih chu anlo chak nasa mai a. Vawrate chu an vaia mai a zui chu an tum ta mai. Ramliana chuan," Awle,in khaw tana thih thlenga beih pawh in huam tih ka hria. Amaherawh chu kan vai kal a rem dawnlo ani. Hliam enkawl tur leh nunau buaipui tur tamtak an awm a. Heg mite hi in tello chuan an boral mai dawn a. Chuvangin kan vai chuan kan kal theilo ang. Manthanga leh Tlangval pakhatin minlo zui sela. A bak zawng chuan ei leh intur inlo ngaihtuah dawn nia. Buk nghaktu nih hi dawihzepna anilo a. Hetah pawh venhimna hna ropuitak inlo thawk dawn ani" a han ti a. Tlangval dangte pawh chuan thuawih takin buk nghak a,hliam leh nunau te lo bawisawmtu nih chu pawi an ti bik talo a. Hma lak zel dan turte an rel zawh hnu chuan Vawrate unau bakah Manthanga leh Rochhuakate chu Lenchim lama kal tur chuan an inbuatsaih ta a. An kal dawn chuan Lianpuii chuan Ramliana chu a rawn kuah vawng vawng pahin," Min ţanpuina zawng zawng avang hian ka lawm takzet ani. Khaunun veng che u sela. Dam takin kan inhmu leh ngei dawn nia" mittui parawl kiang chung chuan a ti a. Ramliana pawh chuan hrethiam takin," Dam takin kan inhmu leh mawlh ang " a han ti sap a. Midang ho pawh chuan an tlangvalte kalchhuak tur chu ţawngkam ţhain an han thlah sap sap a. Tichuan Vawrate chu Lenchim lam pan tur chuan an kal leh ta a.
Lenchim khaw pana an kal mek lai chuan Ramliana chuan," Mana,nang in khaw luhkhan te i hre bel deuh anga. Thingdawn khua nena in inkarah hian chetlak kan tum deuh ber mai a. In lambunna hmun remchangte min kawhhmuh ani ang chu" a han ti a. Manthanga chuan," Tehreng mai. Kan khaw ram chinah sawn lung khawkrawk hmun paltlang ngai hi a awma. In lambun nan chuan a tluka rem a awmlo ang. Engtia hmalak nge in tum reng reng" a han tina. Ramliana chuan," Thingdawn khaw lam aţanga in khaw pan turte lo thah zel a,chutiang bawk a in khua aţanga Thingdawn lam pan turte lo thah vek zel kan rel deuh ani. Chutianga kan tih theih ngat chuan chanchin in hre tawnlo in a awm anga. Kan tan pawh beih zui an awlsam dawn ani. In khaw tlangval an man khawmte khi chhuah dan kan ngaihtuah bawk anga. Thingdawn khaw ho chu an khua thleng rakin kan um darh mai dawn ani" tiin a remruat dante chu a han sawi a. Manthanga leh Rochhuaka pawm zawng tak mai chu alo ni a. Vawra chuan," Vawiinah chuan khawkar kawng lamah kan chet hman a rinawm tawhlo a. Thim hnuah khua kan lut anga. Thingdawn tlangvalho chu kan ru chhuak zeuh zeuh anga ni mai lawm" a rawm ti a. Manthanga chuan," Dik chiah mai. Kan khua ti khawpa rawn suasam a,nunau leh hmeichhe awm nem zawk pawh dim map loa sawisa tute hi chu pawh sawm vek ania ka duh ni" a han ti phiar phiar a. Vawra bawk chuan," Khawdai velah kan vak kual phawt anga. Man tur remchang kan hmuh apiang kan man anga. An vaia thatlo in thuzawhfiah atan pakhat tal a nung chunga man kan tum dawn nia" tiin a ruahmanna chu a rawn sawi ve a. Vawmaia chuan," Vawra chu rin ai daihin i fing mai ka ti. Khatiang lam reng kalo ngaihtuahlo" a lo ti var a. Tichuan hmanhmawh takin Lenchim lamah chuan an kal ta zel a.
Lenchim khawdai an thlen meuh chuan khua a thim fel der tawh a. Vawrate chu khawdaiah chuan zan lama an chetchhuah dan tur relin an ţhu khawm laih mai a. Ramliana chuan," Kan sawi tawh ang khan a rukin khua hi kan lut anga. Thingdawn tlangval pakhat tal thah kan tum ţheuh tur ani. Tumah in man tir loh tur . Tin,ţanpui ngai a ţap lawm lawm an awm pawhin harsa hle mahse kalsan rih mai ala ngai dawn a. Tunah chuan tuin nge an tlangvalte that tih hi an hriat ala rem dawnlo ani. Kan la intam hleih si a. Tu emaw in minlo hmu anih ngat chuan khaw mipuiten an tawrh belh dawm bakah kan tan hmalak zel a harsa dawn ani" a han ti dap dap a. Ramlian bawk chuan," Vawmaia leh kei hi lal in lam chian turin kan han kal anga. Nangni in a remchang in tih na lai laiah hma inlo la ve dawn nia. Thawm neih hauhlo tur ani" an ti leh a. Tichuan hmun hniha inţhenin Lenchim khua chu an lut dawn ta a.
Vawra leh a ţhiante chuan zan thim chhah tak mai hnuaih chuan thawm dim tak leh fimkhur takin Lenchim khua chu an lut ţham ţham a. Khawchhung chuba reh hian a reh ngawih ngawih mai a. A khat tawk a lal mual lama tlangval in hrosa thawm leh hmeichhe ţap rawng rawng ri hriattur awm leh zauh zauh tihloh chu thawm dang hriattur avang hle mai. Thingdawn tlangvalte chu chumi zan chuan lal mualah anlo awm khawm deuh vek mai hi alo ni a. Zu tuitling ruiin anlo hlim hle mai . Lenchim nula ho chu lal mualah chuan dah khawmin an duh duh dan chuan an kai phar vel a. Lenchim tlangval phuar a awm mekte chuan thinrim taka ha chang ţhial bap bap chungin an nulate an sawisa lai chu an thlir tlawk tlawk mai a. Ţhenkhat erawh chu rilru nat luat avangin an kun chal thung. Vawrate pawh khawchhungah chuan an lut zel a. In pakhat an kal pelh dawn lai chuan in chhung lama hmeichhe beidawn rawlin," Kan duh lo. Ka duhlo" ti a au thawm chu an hre ta. Manthanga leh Rochhuakate thinrim insum zolo chu inah chuan tlan luh mai an han tum a. Vawra chuan lo dangin an luh nghal mai chuan thawm an chhuah palh a hlauhawm thu leh inchhunga thawm neilo luh chu a ţhat thu a han sawi a. Manthanga leh Rochhuaka pawh chuan ţha tiin thawm lo chhuahna lam chu an dimte in an pan phei a. A lan dan chuan kawngka chu an kharlo tih an hre thei ta. In bang si chet chuan thawm chu an ngaithlaa. Inah chuan mei alo la eng teng teng a. Bang awng aţanga chuan Vawra chuan inchhung lam chu an bih thla dek dek a. Chhuat lai hmeichhe pakhat hmai hup ngawih ngawih chunga tlangval pakhat lo bawk run chu a hmu thei ta. Vawra chuan a ţhiante chu zazirin amah lo veng tur chuan an ti a. Tichuan a Silai ken chu a ţhiante pein inchhungah a luh chu a tum ta a. Vawra chu thawm dim thei ang ber chuan a pen zel a. An chawl leh rih ţhin a. Thuka mei pawh a mit ţan deuh tawh a. Inchhung chu a la en ve deuh thung. Vawra chu kawngkapuiah chuan a lut dawn tawh a . Nula lo bawhbet mek tu tlangval lah chuan a thiltih mek avang chuan amah veh mektu an awm tih reng reng a hrelo. Ţhahnemngai tak chuan a su tlau tlau mai a. A puan ven pawh a tla vek lehnghal. Vawra chu inchhungah chuan vawilehkhatah a zuang lut thuta a. Nula lo bawhbet ran tu tlangval chu a hnunglam aţanga a ka hupin an rek bet nghal chaih mai. Tlangval chu han tal ve sa teh mah se a rek bettu chu a chak em avangin a tal chhuak zo ta lo. Chutih lai chuan Manthanga leh Rochhuaka chu an rawn lutta hlawl mai. Vawran tlanvgval pakhat saruak a awm alo rek bet an han hmuh chuan an thinrim chu an insum zo talo. A taksa rem lai laiah chuan an chhir ta ngheg ngheng a. A tawpah phei chuan an tlangval man chu a thi ta der mai. Nula lah chu hlauthawng takin in kilah chuan a lo tawm chawih chawih a. Vawra chuan awm rei chi annilo tih hriain a ţhiante hnenah chuan," Mana,kan rei lutuk chuan midangin min rawn hmu hman hlauh ange. Roa khan ruang hi khawdai lamah pu chhuak sela. Nangin nula hi hruai bawk la. In hnung ka rawn dawl ange" a han ti a . Manthanga tepawh chuan zawm nghalin Rochhuaka chuan ruang chu an pu nawlha. Manthanga pawh chuan nula chu pawmin in chu an chhuahsan a,khawdai lam chu a ruk thei ang berin an chhuahsan ta a. A thim em avang leh khawchhugah tumah veivak an awmloh avangin harsatna lian tham an tawklo hlauh mai. Khawdai an thlen chuan Vawra chuan," Mana,tikhan ruang kha lo thukru ula. Kei chu khaw lamaha ka han kir leh ange" a ti a. Manthanga chuan,"Ka lo zui ve ang che" a ti a. Mahse Vawra chuan mahnina kal chu ţha ati zawkna. A ţhiante chuan an khaw mi leh sate hrehawm tuar an hmuh khan an insum zo lo em a. Mahni a kal mai chu ţha a ti zawk ani. Tichuan Manthanga te chu ram lamah chuan an kal ta nghal a. Vawra erawh khawchhungah chuan a lut leh ta zawk a.
Vawra chuan Lenchim a a thlen in pi Ngami te inlam chu apan ding nghal ta char char a. Pi Ngami te in hi veng hmawr deuh a awm ani a. Ava thlen phei chuan a beisei loh tak maiin pi Ngami te inah chuan mei alo la de va va mai a. Vawra chuan in chu a panhnai zel a. Kawngka chu a inhawngsa tih a hmu thei mai a. Bang chhak lam aţang chuan an bih thla dek dek a. Inchhungah chuan pi Ngami chauh chu alo awm a. Vawra chu hmanhmawh takin inchhungah chuan a lut nghal a. Tlangval lo lut thut a han hmuh chuan pi Ngami hlau lutuk chu bang kilah chuan alo ding chawt mai a. Hlau chung chung hian," Tlangval zahngai hram rawh. Ka fanute kha min rawn chhuahsak hram teh u" alo ti a. Vawra chuan pi Ngami lam pan pah chuan," Ka pi hlau suh,Vawra ka ni e" a han ti a. Pi Ngami awihlo leh mak ti bawk si chuan," Vawra maw,ani theilo ang" alo ti a. Vawra chuan pi Ngami chu tap lamah chuan an kai pheia. Pi Ngamin Vawra an hmuh chiah meuh chuan lungchhe takin a inhnit feih feih mai a. Vawra chuan ," Pi Ngam, Chhankimi leh Niliani hi khawnge an awm" tiin a han zawt a. Pi Ngami chuan mittui sur zung zung chung hian," An rawn hruai a,an duh loh hunah an rawn chhuah leh mai ţhin ani. Kan hnial ngam silo a" a ti a. Vawra chuan," Ava pawi tak em. Heta awm rei hman hi ka nilo a. Pi Ngam,minlo zui la ,hmun him lamah ka lo hruai ang che. Chhawnkimite unau chu ka chhanchhuak ngei ngei ang" tiin a ruala chhuak ve mai turin pi Ngami chu an sawm a. Pi Ngami chuan," Vawra,ni lo e. Chhawnkimi te unau lo haw huna ka hmel an hmuhloh chuan an hrilhaiin an thlaphang dawn em mai. Kan vaia kan awm.hian kan hrehawm tawrh pawh a zia deuh ani. Minlo va kalsan mai rawh" a han ti a. Pi Ngami bawk chuan," Ilo kal thu hi ka faten hria se zawng an va lawm dawn em. I hmel hmuh leh chakin i hming an lam fo ţhin asin. Ilokal thu kalo hrilh huna an lawm hmel tur chu ka suangtuah thiamlo. Vawra,min rawn chhanchhuak mawlh ang che aw" a han ti chuai raih a. Vawra chuan," Pi Ngam,Chhuankimi te chu lo hrilh la. Huaisen takin lo awm rawh se. In hrehawm tawrhna hi a rei tawhlo ang. Tunah chuan ka kalsan phawt ang che" a ti a. Tichuan Vawra chu pi Ngami te in aţang chuan a chhuak ta nghal a.
Vawra chhuak ta chu thinrimna lhe phuba lak duh na chuan a khat a. Thingdawn tlangvalte chu chumi zan la la ahan sah sawk sawk mai te chu a duh rum rum a. Mahse chuzawng thil tihchi ani silo. Rilru fim tak put amamawh tih a hrechiang em em ani. Vawra chu khawchhung lamah chuan a lut zel a. Thui vaklo a kal leh hnu chuan tlangval pakhat meichher kenga a awmna lam pana lokal chu a hmu ta hlauh mai le. Bihruk na tur zawng nghalin tlangvak chu thah ngei atum ta a. Tlangval chu alo phei zel a. Khawdai lamah chuan a kal tlang phei ta nul nul mai. Vawra chuam a thim chin aţangin a um phei zel a. Tlangval chu daikal tur hi alo ni awm a. Khaw hmawr deuh in pawh awm mumal tawhlohna lai an thlen chuan Vawra chuan hnung lam aţang hian,"Tlangval khawnge inkal dawn" tiim a han au a. Chu tlangval lah chuan a ţhiante annih a ring ani chek ang chu," Ka va daikal lawk ange" alo ti sam et a. Tlangval chu a meichher nen chuan ramhnuaiah chuan a lut ta a. Vawra chuan tlangval ek zawh hun chu alan nghak rih phawt a. Tlangval e zo khaw lama phei tura a inbuatsaih lai tak chuan Vawra chuan," I e ţha thei meuh maw" a rawn ti thut mai le. Chu tlangval chu a phu nasa kher mai. Makti taka aw lo chhuahna lam en chuan," Enge i duh a" an ti zui nghal a. Vawra chuan,"Nangmah kha mawle. I lu ka la dawn ani. Ka nula hual ilo khawih vangin" a han ti a. Chupa chuan," Nanga nula hual zawng ka khawihlo ang a. Kan pasalţhate pawhin an phal vek" alo ti thuaia. Vawra chuan," Ka chanpuala ka dah ilo khawih lui anih kha. Hrem hlak chu i ngai ani" a han ti a. Tlangval chuan," A tu chu nge maw inih le. Nanga hrem rual ka nilo e" alo ti ve hmak a. Vawra chu mei eng chinah chuan ava in lan ta ale. Chupa chuan ngun takin alo en a. Tlangval chuan," Uai,ka hriat mi ini hauhlo mai ka ti. I thiltih vang hian i inchhir khawp ang" a han ti leh a. Vawra chuan," Nangmah alawm inchhir zawk tur chu. Enge itih theih han en an hmiang" tih pahin a iptepui leh Silai chu an dahthla a. Chu tlangval pawh chu alo duai bik hauhlo mai le. A meichher chu dahthla in Vawra chu a hmachhawn ve ta rap mai. Vawra pawh chuan chu tlangval huai dan chu mak ati letling hial ani.
Chu zan reh tak maiah chuan tlangval pahnihte chu Lenchim khawdaia meichher eng teng teng hnuiah chuan an ihmachhawn ta ran mai le. Thingdawn tlangval chuan,"Khai le" tihpahin Vawra chu a rawn bawh phei ta buan buan mai le. Vawra pawh lo inring sa vek anih avang chuan amah rawn bawhtu tlangval khabe ah chuan a kuttum lawk ve tak mai chuan alo dawm siah mai le. Tlangval chu a thal huang maina. A khabe chu a dawm nghal vawng vawng a. Rawn dingchhuak leh nghalin Vawra chu a rawn bawh leh ta. Vawra chuan chupa kawngah chuan lo man chatin an bin ţhuai maia. Thingdawn tlangval chu a tla thum awk a. A khuh khak khak mai a. A tlak nat em avang chuan tho leh chi ziazang ani talo. A tawpah chuan Vawra rawn en pah chuan," Tlangval i tih duh chu ti rawh le. Ka hneh nganglo che ani" a rawn tichhuak ta phawng mai. Vawra chuan," I huaisen hle mai. Min beih ngam kha ka ring lo asin" a han ti a. Chu pa chuan," Tu hmaah mah kala tlanchhe ve ngailo. Tlanchhiat pawh ka tum heklo" a tita reuh a. Vawra chuan chupa chu thu zawh fiah atana nungdama hruai chu a duh ta a. Tichuan a kutte phuar sakin a auchhuah mai loh nana a ka chu puanin a hnawh a. A ute nena an innghahkhawmna hmun chu a pan pui ta nghala .
An innghah khawmna hmun a zuk thlen chuan a ute leh a ţhiante chu anlo awm kim ţhap tawh mai a. Ruang pali lai mai chu alo let rum bawk a. An nula chhanchhuah chu kilkhatah chuan alo ţhu bawk a. A uten anlo hmuh chuan Ramliana chuan," I Va rei ve mawle. Ţhiante zaia chet ve ţhin tur ani ngaia" alo ti var a. Vawra chuan a mi man pa chu a dar aţanga theh thla ţhuai pah chuan," Duhaiin kan kan Kan kan pasalţhate thupek zawm a awm mai chauh kan Chu tlangval chuan," An la dam ţha khawp mai. Tumah kan
Bung-36
Suartui lal remruatna angin Lungmam khuate chu Suartui lama insuan phei tur chuan an inbuatsaih ta mup mup mai le. An buh leh bal zawng zawng phurh vek theih ani silo a. Nunau leh tar chaklo deuhte chu kal hmasak tir a. Anmahni vengtu tur tlangval sawmnga rual in an zui bawk anga. Lal leh a khawnbawlte chuan hnung dawlin tlangval leh mipa rit la thei chin apiang chuan an buh leh bal neih ang angte chu an phur thung dawn ani. Lungmam khua leh tuite chuan hun rei taka ta an lo chen tawhna an khua chhuahsan chu harsa an ti ve hle mai. Mahse vawi tamtak khaw thar kai fo annih avang erawh chuan an tawrh erawh azia deuh thung. Naupangte chuan Arawtah an Ar neih ang angte chu an thun khawm a. Ţhenkhatin Ar bawmin an Ar neih zawng zawngte chu an kawt bawk a. Vawkte tepawh a awt ah khungin an phur ngek ruai ruaia a. Vawkpui leh Vawkpa te chu an khalh nguk hrut hrut bawk a. Tlema neinung fal deuhte chuan Sial an kawi duah duah thung. Suartui leh Lungmam inkar hi a hlat loh avangin Lungmam lam chu an inphur bawr hle mai. Thul a leng bak an thuamhnaw te chu Emin an phur bawr luah mai bawk a. Khua an han chhuahsan dawn meuh chuan an ri chel chul mai ani. An lal ro leh a thil hlu dangte chu tlangval sawm velin an phurh sak bawk a. Lal thupek angin an buh leh bal phurh bangte veng turin tlangval sawmhnih vel lai Lungmam lamah chuan anla cham rih thung. Tichuan a khawnawt chuan Suartui lama pem turin an kal chhuak ţan ta a. An sahimna tur leh an tana ţha zawk anih miau avangin tumahin lal thupek chu an hnial reng reng lo. Lal Raltawna erawh a lalna tawp mai tur ang leh a khuate a chan dawn anga a lan tak avang chuan a rilru chhungril tak chu ana ngawih ngawih a. A pa lalna hnuaia han kun leh chu thil phurawm tak chu ani tehchiamlo ani. Darchawii pawh rai puar lung chungin midangte rual chuan a kal ve a. Suartui lama an han let leh tur chu a ruk tak chuan a phur em em zawk ani. A hmangaih Darchhawka pawhin remchang hmasa ber a palai lo tirh a tiam avangin hlim takin a awm ani. Suartui pasalţha Kapvunga leh tlangval dang Sawm vel chuan hma an hruaia a. Mipui nawlpui karah chuan Lungmam tlangvalte chu ralthuam nen engpawh hmachhawn thei tura inring sa rengin an kal ve a. An tunlai boruakin a zirloh em avangin thlamuang taka kal theih ni heklo le. Tluang taka an kal anih chuan tlai ni tlak hmain Suartui khua chu an lut tawh dawn ani.
Lungmam khaw mipuite Suartui lama pem tura an inzui duah duah lai chu ralkhat aţangin an hmelmate chuan an lo thlir reng a. Anmahni lo thlir mektute hi Hualtu lalin rawlrala che tura a tirh tlangval sawmhnih te kha anni. An beisei loh tak maia Lungmam mipuiten an khua an han chhuahsan takah chuan hmalak zel dan tur an sawiho ve nak nak a. An hruaitu ber pasalţha Neihdula chuan,"Lungmam lal chu a fing ve riau mai ka ti. Suartui khuaa an luh vek zawngin beih an harsa ta deuh dawn anih hi maw" a han ti nang nanga . Tlangval pakhat chuan," Tunah hian kan va phin darh vek dawn em ni ang. Hei baka beihna hun ţha kan neiin ka ringlo ani" alo ti a. Tlangval dang pawh chuan va beih mai chu an duh vek hlawm a. Neihdula chuan," Naute u. In hmanhmawh lulai em mai. Tunah zawng beih mi anni lo e. Uluk takin han en ula. An tlangvalte saw ral bei tura inring sa vek anni a. Keimahni letin an tam bawk a . Tunah hian an inrin loh laiin lo va kap ta reng pawh ni ila. Kan tum loh dan angin pawisawilo nunauin an tuar zawk dawn ani. Silai panga chiah kan nei a. Tunah chuan beih rihloh hi a him zawk ani" a han ti dap dap a. Tlangvalte pawh chuan an pasalţha thu chu hnial an tum ta chuanglo a. Neihdula bawk chuan," Kan lal hnenah Lungmam leh Suartui chu an in suihfin ta ani tih hrilh turin tlangval pahnih in va kal vang vang anga. Kan lal hnenah chuan hmanhmawh a ţul thu in rawn hrilh bawk dawn nia. Kulh neia an in sawh ngheh tak tak hmaa kan beih vat angai dawn ani. Chuti anih lo zawngin kan ruahmanna zawng zawng hi engmahloah a chang thei tlat" a han ti a. Tichuan thil awmdan Hualtu lal hnena thlen turin tlangval pahnih chu an tir ta nghal a. Neihdula bawk chuan," Tunah chuan a hma aia nasa in kqn che tawh ang. Khaw chhuahsan kan hmuh remchan apiang chu kan that tur ani. Hmeichhia leh tarchaklo bakah naupang erawh kan khawih lo ang. Chung te chu kan sala chhawr atan kan khek thung anga. Mipa ral kai thei chin kan hmuh apiang erawh kan dim tur ani lo" a han ti leh charh charh a. Tichuan Suartui ram lam panin an chhuak ve leh ta a.
Lenchim lal inah ve thung chuan Thingdawn pasalţha Hranghrima leh a hote chu an tlangval pariat lai mai chin hriatloha an bo tak avang chuan anlo buai ru hle mai a. Hranghrima chuan,"Kan tlangvalte bo na chin hria kan awm em. Hnu hma engmah in hmulo a maw?" tiin a naute chu an an khum bawrh bawrh a. Tlanvgval pakhat chuan," Nimin piah khan Huala leh tlangval pahnih chuan nula pakhat hruaiin ram lam an pan chu ka hmu a. Chhunah an rawn let a,zan lama an kal leh kha tun thleng hian hmuh tur an awm talo ani. A bak zawng kha chu nizan lama bo vek anni a. Kan lo rui ve bawk nen. An kalna chin lam reng reng kan ngaihtuahlo ani" a rawn ti a. Hranghrima chu a lung a awi thei mawlh lo. Lal inchhunga vei thuak thuak pah chuan,"A tu phiangsen chuan nge maw ka tlangvalte kut lo thlak chu ni. Khawchhung in tin hi fang chhuak vek ula. Zanin aţang chuan tumah mahni inah pawh an lawi tawhlo ang. Lal mualah hian kan khalh khawm vek tur ani. Tichuan khawchhungah ral veng kan indah tawh ang" a ti khur khur a. Hranghrima vek chuan," Vawiinah tlangval panga Thingdawn lamah kan tir anga. Kan mi man te chungchangah hian kan lal pawhin thutlukna rawn siam vat teh se. Hetiang khaw ţawphnawk lutuk a awm hi ka ning tawh e" a han ti leh a. Tichuan Thingdawn tlangval panga te chu an khaw lama kal tur chuan an inbuatsaih ta a.
Vawrate pawh Lenchim leh Thingdawn khaw inkar a lung khawkrawk hmunah chuan mi veivak an awm leh awmloh ngaihvenin an ţhu leh far tawh a. Rochhuaka chu an nula chhanchhuah tak hmun him lama hruai tura an tih avangin an zingah chuan a tel ve lo thung. Lenchim khaw ram chin lung hmunah chuan kawng ruh hi a kal tlang chial a . Chulai hmun chu in lambunna atana ţha fahran hi ani bawk a. Vawrate chu kawng lan theihna lai lungpui phenah an biru a. Ramliana chuan," Khua aţangin Silai ri a hriat phak chuang dawn tawhlo a. Vawiin lam chu tha i khek deuhte ang u. Kah remchanga an awm veleh kan kap anga. A bak zawng chu kan sathlum tawh mai dawn ani" tiin ruahmanna a han siam a . Vawrate unau thum chauh chuan Silai an keng a,Manthanga erawh chuan fei a hawl thung.
Fehrehsan hun awm velah chuan Lenchim khaw lam aţang chuan mihring ţawng al al thawm an hre ta . Vawrate chuan thawm lo chhuahna lam chu an en rual deuh ţhawt a. Lung hmun inţanna lai vel aţanga tlangval panga anmahni lam pana lo kal mek chu an hmuthei ta. Tlangval panga zingah chuan Silai keng pakhat a awm ve a. Chu zawng buaina tham ani lo. Thingdawn tlangvalte chu Lung hmunah chuan an rawn lut phei zel a. An hmalam a enge awm ang tih pawh ngaihtuah lem lo chuan an rawn titi phei lang lang a. Vawrate awmna lungpui an rawm thlen phei dawn lai tak chuan Vawilehkhata Silai a puar tuarh mai a. Thingdawn tlangval a pathumte chu duhloh paih ang maiin an hlawm nghal tawp tawp mai a. Che chang zui tur an awm talo. A la dam pahnihte chu bak lengin Lenchim khaw lamah chuan an tlanchhe nghal a. Lung hmun tawp lam an va thlen phei dawn chuan an hmaah chuan tlangval pakhat hi fei lek kawh va chung hian alo ding teu mai le. Thingdawn tlangvalte chuan beisei tur dang nei tawh heklo le. An Chempui phawrhin an hmaa lo ding pa hmachhawn tur chuan an inring ta nghal a. Chutih lai tak chuan an hnung lamah chuan tlangval pathum Silai kengin anlo kal phei mek bawk a. Thingdawn tlangvalte tan chuan chet ngaihna a awm tawhlo. Mahse tlangval ve nafam chu awlsam taka thih mai an tum bik lo. An hmalama ding tlangval awmna lam pan chuan an tlanphei ta nghal a. An hmaa ding pa awmna an thleng phei ţep tihah chuan fei alo in khawh chhuak zawk a. Thingdawn tlangval pakhat zawk chu a vir nawk a. A awma fei bur vu avang chuan chet thawh thei ziazang ani tawhlo. Thingdawn tlangval la dam awmchhun chuan," Mi dawihzep ho. In ngam anih chuan amalin in bei ang hmiang. Mi inringlo lai bei tawk chauha huaisen maw innih a. Mipa in awm nange" a han ti piap piap mai a. Midangin an chhan hma chuan Manthanga chuan," Kan inringlo lai min rawn bei ve a. Tunah zawng i chanah a tla ve ta anih kha. Khawnge kei Lenchim tlangval ngei mai hian kan satsawm vek teh ang che " tihpah chuan Thingdawn tlangval awmna lam chu Chempui nena pan a rual ta nghal a. Thir in khak ri chhawk chhawk ri chuan a zui nghal a. Manthanga chuan a sualpui pa chu a dulah an tlawh nghenga . Thingdawn tlangval chu a thal tawp a. Rawn tho chhuak leh nghalin a Chem ken vai pawp pawp chungin Manthanga chu a rawn bawh phei leh a. Manthanga chu lo tawlh hnung zelin Thingdawn pa in Chem vaina tha a thlah ta chiah maw tihah chuan rawn bawh thutin Thingdawn pa dar kau hawk chuan a rawn sat ta siah mai le. Thingdawn tlangval chu a awp nghal rawp a. A Chem ken lai chu thlauhin a bawkkhup nghal rawp mai. Manthanga chuan an sat nawn leh siaha . Thingdawn tlangval chu chechang zui tur a awm talo.
Ruangte an senghawi hnu chuan Vawrate chu Lungpui chunhah ţhuin an hmalak zel dan tur an rel ho a. Ramliana chuan," Tunah chuan Thingdawn tlangval sawmpathum lai mai kan that tawh a. An pasalţhate chuan thil awmzia an man chhuak vat dawn a. Chuvangin zanin ah hian Lenchim tlangval phuara awmte saw chhuah dan kan ngaihtuah angai dawn ani" a han ti a. Vawmaia chuan," Khawchhungah hian ral engzah chiah nge awm kan hrelo a. Zanin thut thuta chutia han chet chhuah chu ala tihchi ber awmlo mange a" tiin a u rawtna chu a rawn hnial a. Ramliana chuan," Lenchim tlangvalte hin chaw kawpuarlo a an awmrei lutuk chuan mi beihna tur tha an nei tawhlo anga. Kan tan chet a harsat phah vek thung dawn ani. Tha anneih lai hian kan beih vat angai ani" a han ti a. Manthanga chuan,"Khaw thim hnu chuan an tlangval mante saw an ngaihsak zui vak ngailo a. Khuaah sawn a ruka lutin kan va chhuah thei maiin ka ring ani" a rawn tive a. Ramliana bawk chuan," Lal mual saw khawdaia aţanga luh a harsa angem" a han ti a. Manthanga chuan," Harsa lutuk lo e. Lal in kawmchar lam aţang sawn a rukin kan luh theih mai ka ring. Zawlbukah sawn kan hmanrua an man khawmte kha a awm vek a. Zawlbuk lama kan luh hmasak theih chuan kan tan ţan hmun siam a awl deuh dawn ani" a rawn ti a. Ramliana chuan," Anih chuan hmun him lama awm tlangval dangte pawh kha kan zuk ko chho vek mai ani ang chu. Zanin la la hian engkim chin fel vek mai a ţha in ka hria" a han ti a. Ramliana bawk chuan," Mana,nang in khaw ram chin ani bawk a. I zuk tlawmngai leh dawn em ni ang. Khawdaiah kan innghahna hmunah bawk khan kanlo nghak ang che" a han ti a. Manthanga pawh chuan hnial loin an ţhiante ko tur chuan a kal ta nghal a. Manthanga kal liam hnu chuan Vawra chuan," Thingdawn tlangval ho chu an huaisen angreng hle mai. Tumah han zam chhe awm hmel reng reng an pulo mai ka ti" a rawn ti a. Vawmaia chuan," Tlangval ral bei ngam chin chuan hlauh an nei vak bikin i ring em ni" alo ti thuai a. Ramliana chuan," Khawkhat bei tura thlanchhuah ţhiau anni a. Kan fimkhur hle pawh angai dawn ani. Hawh u khaw lamah i kir leh tawh ang u hmiang" a rawn ti a. Tichuan Lenchim lam panin an kal leh ta a .
Pi Ngamite inah chuan pi Ngami leh a fanute chuan zanriah an kil ho mek a. Nidang chu nise hlim takin an nui ho ngei ang le. Chu zan zet zawng a tu amah chu ţawng peih a ram pawh an awmlo a. Chaw barkhat lem pawh chu harsa an ti tlang vek hlawm hian a lang ani. Pi Ngami chuan a fate hnenah chuan,"In tawrh hram hram angai ani. Chaw kha eilui hram hram rawh u. In chakna atan in mamawh dawn si a" a han ti a. Niliani chuan," Ka nu ,thih ka thlang zawk ani" mittui far fep fep chung chuan arawn ti a. Tumah rengin an chawei an ngaihsaklo. An ţhut hmun ţheuhah chuan lungchhe takin an inhnit hlawp hlawp mai a . Pi Ngami chuan a fate chu an kuah khawm a. An samte chul sak heuh heuh pah chuan," Beiseina tlem kan la nei asin. Nizanah Vawra nangmahni chhanchhuak tur che u alo kal asin" zawi sap chuan an ti a. Chu thu an han hriat meuh chuan Chhawnkimi te unau chu mak tihna leh lawmna in an khat a. Chhawnkimi chuan," Ka nu,u Vawra chu alo kal tak tak em ni. I mangchhia mai mai te hi anilo maw" awih ngam silo,beisei ru tak chung si chuan a han ti a. Pi Ngami chuan,"A tir chuan keipawhin ka mitvai mai mai emaw ka tireng ani. Mahse a tak ani ngei alawm. Kan inah ngei hian rawn kal in huaisen taka awm turin a chah che u ani" a han tih chuan Chhawnkimi te unau hmelah chuan lawmna mittui a luang nghiai nghiai a. Niliani chuan," Ka nu,u Vawra chu ka va han hmu chak tak. Min la hre ve angem le" alo ti sa sa a. Pi Ngami chuan," Hre tuk e a. A hmuh chak zia che u a sawi chamchi asin" a han ti a . Tichuan nufa khawngaihthlak tak te chuan beiseina thar nen an hmalam hun tur chu an thlir a.
Khuan hmasa khuan hun awm velah chuan Vawrate leh Lenchim khaw tlangval pasarih lai maite chuan Lenchim khua chu an pan mek a. Hemi zan hian Thingdawn tlangvalte chu hmun khata riak loin khaw chhuga in ţhenkhatah chuan an riak darh hlawm a. Khaw mipuite erawh Lal mualah an khalh khawm vek thung ani. Ralvenga an dahte chu lal in tual zawl thlang lamah chuan mei chhemin an muthlu lawp lawp mai a. Zan tamtak nuam tawla khawsa tawh annih avangin an chau tlang hle tawh ani. Vawrate chuan Zawlbuk awmna lam chu an pan ngil nghal char char a. Zawlbuk an han thlen chuan Zawlbuk chhungah chuan thawm dim thei ang berin Vawrate unau chu an lut ţhem ţhem mai le. A thim em avang chuan Zawlbuk ah chuan mi an awm leh awmloh pawh an hmu thei hauhlo mai. Vawran Zawlbuk Bawhbel a bawh liam chiah ah chuan mi pakhat ke a rap fuh palh ta hlauh mai le. Chupa chuan," Tunge" a rawn ti tuarh a . Vawra chuan," Ka mut a chhuak tawh em mai. Min han thlak tawh" alo ti thuai a. Chupa chuan a sira tlangval awmve pahnih dang sawi nawk nawk pah chuan," Tho tawh u,ka ţhiante men chhawk an ngai e" a han ti a. An han chet ţual ţual takah chuan Zawlbukah chuan tlangval pathum anlo riak ve ani tih an hre thei ta. Vawra u Ramliana chuan," Le" a han ti zauh a. Chumi rual chuan Vawrate chuan zawlbuka tlangval lo awmte chu an han bawh nghal ţhuai a. An thophang bawk nen,chutiang thil chu a thlen ring heklo le. Thingdawn tlangval Zawlbuka riakte chu Vawrate chuan an hrawk hrui an zai chah sak ta miah miah mai . An thi fel ta maw tihah chuan Zawlbuk chhung chu an han dap kual a. Fei leh Chempui an lo dahkhawmte chu an pawm chhuak a. Silai fung nga lai a lo awm tel hlauh lehnghal. Ralthuamte an lak zawh hnu chuan Lal mual lamah chuan fimkbur takin an chho leh ta a.
Ral veng an dah te mei chhem pawh a mit lek lek tawh a. Vawra leh Manthanga chuan ralvenga an dah tlangval pahnihte chu an va veh hnaih hriau hriau a. Hnug lam aţang chuan an han rek ang chiap chiap mai a. Thawm chhuah hman in an awmlo. Vawrate chuan an silai ken chu laksak nghalin tunah chuan Silai fung kua an nei thei ta. Mipui an khalhkhawmna leh tlangval man te an dahkhawmna hi a in anglo a. Mipui awmna lai nen hian a inhlat ve deuh hlek ani. Lenchim tlangval an man khawm te hi lal mual sir hmar lampangha an awm a. Mipuite erawh chhim lampangah awmin nunau leh tar chaklo deuhte erawh an khalhkhawm velo a. Nu valai deuh leh nulate chauh an khalhkhawm ani. Ramliana leh tlangval pathumin Lenchim khaw tlangval phuara awm mekte an phelh sauh sauh lai chuan Vawra leh Manthanga chuan lal in lam chu an pan phei zel a. Tlangval dangte chuan ralthuam pu bawr lukin Ramliana ten an chhuah hmasak apiang chu an ralthuam ken tur anlo pe zel a. Tlangvalte an phelh zawh thleng chuan eng harsatna mah an tawk lo hlauh mai. Ramliana chuan tlangvalte chu khawchhung lamah chuan an sem darh zel a. An ruahmanna ang chuan in ţhenkhat chu an hal mai angai dawn ta ani. Vawrate pawh lal in kiangah chuan an ţhu ran tawh mai a. Lal in kiang velah chuan Thingdawn tlangval ţhenkhat chu anlo muhil bawrh bawrh a. Vawra leh Manthanga chuan thawm dim thei ang berin Thingdawn tlangval muhil laite chu an hrawkah Chempui hriam tak chuan an zai hrawih hrawih zel mai . Chutia fimkhur tak an ral te an thah nghauh nghauh lai chuan vawilehkhatah lal in kawngka chu a rawn in theh hawng ţhuai mai le. Lal in aţang chuan meichher kengin tlangval pakhat hi a lo chhuak ta . Vawrate chu lal in hnuaiah chuan an tawlh lut hman hlauh a. Mahse engkim a buai chuar zo ta vek mai. Chupa chuan Lenchim tlangval an man khawmte an lo bo ta vek a han hmuh chuan inchhungah tlan lut leh nghalin ," Hranga thawh kan hai e. Kan mi mante an tlanchhuak vek" tiin a au tuarh tuarh mai a. A thawm hria chuan midang pawh an lo harh nghal a. Hemi zan hian Hranghrima hian Lenchim lal fanu Kumpuiah lokai puiin a duhaiin alo mutui palh hlauh ani. Hranghrim leh lal ina tlangval dang awmte chu meichher nen an rawn tlanchhuak sap sap a. Chutih lai chuan lal mual lam aţang chuan Silai a rawn puak ta tuarh tuarh mai a. Lal in aţanga lo chhuak tlangval te chu an thal ta phak phak mai le. Silai a puah takah chuan khawchhunga Thingdawn tlangval riak ho pawh chu an lo tho sang sang a. Meichher nen lal in lam chu an rawn pan ta sap sap mai le.
Thingdawn tlangvalte tihsual lian tak mai pakhat a awm. Meichher kengin anlo tlanchhuak a,an mahni rawn beitute tan chuan awlsam taka lo kuk thluk nghauh nghauh theih annih phah ta ani. Thingdawn pasalţha Hranghrima chuan," Thingdawn tlangvalte u,zam reng reng suh u" tiin an au lauh lauh a. Lal inah chuan tlam lut lehin Lenchim lal leh a nupui chuba rawn kai chhuak ta rawk rawk mai le. Lal in leikapuiah chuan din puiin," Lenchim tlangvalte u. In inpek loh chuan in lal hi a lu ka la ang" a rawn ti a. Mahse Lenchim tlangvalte chuan an ral beih chu an bang duh chuang lo a. Khawchhungah chuan inbeihna nasatak mai a thleng mek ani. Lal inhnuai aţang chuan Silai vawihnih a rawn puak dur a. Thingdawn pasalţha Hranghrima leh tlangval pakhat Lenchim lam vuan mektu chu an tlu sawp nghal nuaih mai. Chutih rual chuan Ramliana chuan," Lenchim tlangvalte u. In khaw tan theihtawp han chhuah rawh ule" tiina rawn au tuarh tuarh a. Vawra leh Manthanga pawh rawn tlanchhuakin Lenchim lal in vela Thingdawn tlangvalte chu an rawn sam ta miah miah mai le.
Silai a puak leh dur ţhin a. Lal muala mipui awmte chu an tlan darh sung sung a. Zan thim hnuaiah chuan in hriat hran a harsa ngang mai a. Vawra tih ngaihna hrelo chuan meichher pakhat chu la in lal in bul hnai bera in pakhat chungah chuan a vawm kai ta nawlh mai. In chu akang hluah hluah a. Lal in tual chu a eng pup pup mai. Lenchim tlangval ţhenkhat chuan an lal leh upate chu khaw dai lamah an lo tlan pui lawp lawp a. In a kan hluah hluah takah chuan Vawra leh Manthanga chuan khawchhung lam an pan ve ta nghal a. Hmelma lam pawh chuan in chu an rawn dep kai ve ţan ta. Thuam nei ţha zawk leh Silai fung kawl hnem zawk annih avang chuan Thingdawn lam chu an chan a ţha hret hret zel a. Vawra chuan," Mana,ti ringawt chuan kan in chan zo mai dawn haw teh kan ral te hi an hnung lam aţangin i va bei teh ang" a han tina. Tichuan Vawra leh Manthanga chu thim chinah tawlh liamin an hmelmate chu an leh hual ta a. Thingdawn pasalţha pakhat chuan anaute chu zam lo turin a au lauh lauh a. Lenchim tlangvalte chu khawdai lamah chuan an tawlh lut zel a. Thingdawn pasalţha Lutmanga chuan ," Thingdawn tlangvalte u, khawnge Lenchim khua hi in lem zo law law teh ang" tih pahin hma lam pan chuan Lenchim tlangvalte chu a va bawh phei ta buan buan mai le. Silai an kah ruah vel tawh avangin an in pawmchilh ta rap mai a. Thir leh thir in khak ri chhawk chhawk leh na tuar au thawm in khua chu aluah khat hneh hle mai. Ramliana leh Vawmai chuan Lenchim tlangvalte chu an han fuih sauh sauh a. Theihtawp chhuah ve mahse chaw kawpuar a an awmlohna chin a rei tawh em avang leh a tlem zawk annih miau avangin Lenchim lam chu an tawlh lo thei talo. Lenchim lam an tawlh zel avang chuan Thingdawn lam chu an phur tulh tulh a. A bawh hian an bawh phei ani deuh bwr mai a. Chutih lai tak chuan Thingdawn tlangvalte hnung lam aţanga chuan ," Lenchim tlangvalte u,zam reng reng suh u" tiin Manthanga chu a rawn au lauh lauh mai a. Vawra leh Manthanga chuan Lenchim tlangval a hnung lam deuha ţang ho chu an rawn vai hma phei ta mial mial mai le. Vawra chuan a kut ding lama Chempui kengin a vei lamin fei a lek kawh va bawk a. Amah rawn hnaih tua apiang mai chu a thi hmasa an ni zel mai. Thingdawn tlangvalte chuan an hnung lam aţanga beih an tawk tih hriain an rawn leh hawi ve leh ta a. Tlangval pakhat lo tlan phei chu Vawra chuan a dul nema fei tlang zawk khawp chuan alo khawh zawt mai a,che zui tur a awm talo. Vawra hmaah chuan Thingdawn tlangval ding zo reng an awmlo. Lenchim tlangvalte pawh beiseina thar neiin an rawn nawr let ve leh ta a. Ramlian chua au lauh lauh renga. Vawrate awmna lamah chuan Thingdawn ho chu an rawn tleh phei ta huk mai le. Vawra chuan,"Mana,i tawlh zel phawt ang" a han tia. Tichuan anmahni inveng pah leh ral bei reng chung chuan an tawlh hret hret a . Chutia an tawlh zel lai chuan Manthanga chu Thingdawn tlangval pakhat chuan feiin a rawn khawh zawt mai a. Manthanga chu a ţe tuarh a,a tlu ta rawp mai. Vawra chu Manthanga lamah chuan tlanphei nghalin Manthanga khawh tu tlangval nen chuan an inhmachhawn ta ran mai le. Thingdawn pa chuan Vawra chu au tuarh pah hian a rawn bawh phei a. Vawra chu pawh chuan lo bawh zui ve nghalin Thingdawn pain a rawn sah hma chuan Thingdawn pa ban bul chu an sah chhawk sak hmawk mai a. Thindawn pa chu a in dawm kun tlawk tlawk mai a. Vawra chuan ," Kha le zawng sen pa" tihpahin Thingdawn pa chu an tlawh thla leh nghal tawp mai a. Ramlianate pawh chuan Thingdawn tlangvalte chu an dim lo hle mai. An hmaa awm apiang mai chu an rawn sat chhawk hnawk hmawk zel mai a. Vawra chuan a ţhianpa chu a veng hi ani tawp mai. Vawran ţhahnemngai taka ral a bei lauh lauh lai chuan Thingdawn tlangval palian pui mai chuan Vawra chu a rawn bawh chilh rup a. Lei charah chuan an tlu thal ta huang huag mai a. Vawra chuan chupa hrawkah chuan manin an hrawm vak a. Thingdawn pa chu a thaw hrawk hrawk a. Mahse a tlawm mai biklo. Vawra mitmu ah tak chuan an khik ta siah maia. Vawra na ti lutuk chuan chupa chu a manna thlahin a tlawh lir phei nawlh mai a. Chutih lai chun Thingdawn lam chu an chan a chhiat tawh em avangin Ramlianate hmaah chuan anlo ţhingţhi ţhap tawha. Vawra leh an buanchak pa inbei lai chu an lo thlir ngawih ngawih mai ani.
Vawra chu amit nuai nawk nawk pah chuan a tho nghal a. Thingdawn pa pawh chu rawn tho ve leh nghalin Vawra chu a rawn bawhzui nghala. Vawra chuan amah rawn bawh tu pa bekah tak chuan alo hnek siah mai a. Thingdawn pa chu a pai phei nawk nawk a. Thinrim eng phiara rawn hawi chhuak lehnghalin Vawra chu a rawn bawh leh a. Vawran hnek tuma a ban alo vai chu bumin chupa chuan Vawra kawngah chuan a rawn man chat a,a sir lamah chuan a theh thal ta huang mai le. Vawra ute lah chuan an nau chu puih a hnekin hmuhnawm ti takin anlo thlir mai mai a. Vawra pawh rawn tho leh nghalin Thingdawn pa nen chuan an inveh leh ţhem ţhem tawh a. Vawra chuan Thingdawn pa chu a va bawh phei thut a, ţan a khawh ve hmaa chawikangin an vawr thal ve leh ta huang mai le. Thingdawn pa chu in beng fai sut sut pah hian alo tho leh a. Vawra a rawn hmachhawn leh chiah tihah chuan Vawra chuan bawh leh nghalin a chupa zakah chuan dawm thutin an paih thal leh ţhuai mai a. Thingdawn pa pawh alo fei ve ngang mai. Thei leh theilo a rawn ding chhuak lehin Vawra chu arawn bawh ve ta a. Vawr chuan Thingdawn pa chu a na thei ang ber mai hian alo hnek dak awr mai a. Thingdawn pa pawh chu a thal tawp a. Thei leh theilo hian," Tlangval,ka tlawm e" a rawn ti sup a. Vawra pawh chuan khawih zui ta lemlo chuan ami beih pa sirah chuan aţhu hnawk a. A thaw ta hle hle mai a.
Bung-37
Thingdawn tlangval tlawm tate chu Lemchim lal in kawtah kawtah an ţhingţhi ţhap mai a. Nuam anlo tawlna khua ngeiah chuan an dam ang nge an thi ang tih ngaihtuahna nen thinphu dep depin an kun tlawk tlawk mai ani. An pasalţha ralhrat deuhte chu inbeihnaah khan an thi deuh vek mai lehnghala. Tlangval za rual zet kha tunah chuan sawmthum awrh pawh an tling tawh awmlo e. Lenchim khaw tlangvalho thinrim lutuk chuan an mi mante chu an han tlawh leh pawp ţhin a. Ţhenkhat chuan chilte an chhak khum ţhawt ţhawt a. Khati khawpa an khaw mite lo nghaisatute laka zahngaihna lantur chu a harsa viau ngei ang le. Lenchim tlangval an lal tlanchhiatpui tute pawh lal in lamh anlo thleng tawh a. Chutihlai chuan Vawra chuan a ţhianpa Manthanga hliam chu a lo bawisawm mek bawk a. Inbeihna kha a nasat em avangin Lenchim tlangval a tam zawk chu an boral nghe nghe ani. Vawrate unau erawh hliam na em em tuarlo in an awm hlauh thung. An hmelmate ber an tlawm takah chuan mipui pawh chu lal in tual lamah chuan an rawn chhuak khawm leh ţuk ţuk tawh a. Ţhenkhat chuan an hmelma nungdama la awmte chu lunga vawm pahin anchhe tinreng an lawh bawrh bawrh a. Mipuiin an chil zui mai loh nan Lenchim tlangvalte chuan an mi mante chu an veng rih a.
Vawran a ţhianpa hliam a buaipui mawlh mawlh lai chuan a hnung lam aţang chuan tuemawni hian," U Vawr" tiin a rawn ko tlat mai. Vawra chu a hawi let vat a. A hnung lama Chhawnkimite unau lo ding chu ava hmu a. Vawra chuan," Mana tikhan lo awm rih teh aw" tihpahin a ţhianpa chu an thawhsan leh rih a. Manthanga chuan ner sak chung hian," Nula kan nih ve siloh chuan kan lo tlu thal heng huang mai ang chu" a rawn ti hluk a. Vawra chuan a ţhianpa thusawi chu hrezui awm pawhin a lang tawhlo. Chhawnkimi te unau kiang ava thlen chuan Chhawnkimite chuan Vawra chu en pawh anlo en ţha ngam meuh lo a. Vawra chuan," In lo dam ţha maw. Hetiang thil hi a thleng ang tih ka ring phalo ani" a han ti a. Niliani chuan Vawra rawn kuah nawk pah chuan," U Vawr,an duhdan danin min sawisa nih kha. Ngatinge ilo kal vatloh" tiin a ţap ta hawm hawm mai a. Vawra chuan," Ka tihpalh ani. Hetiang hi a thleng ang tih ka ring chhin ngailo ani" a han ti sap a. Vawra bawk chuan," Hawh u,in lamh i zuk hawng teh ang u" tihpahin Chhawnkimi te unau chu an in lamah chuan a hruai hawng ta a. Ramliana leh Vawmaia chuan an nau che vel chu an lo en reng a. Vawmaia chuan," Kan naua chu rin aiin alo che na dawn tlat" nui var var pah chuan an ti a. Ramliana chuan," Kha nula pahnihte kha aniang maw a bo laia khuaa hruai hawng tute chu. An in lamah khan innghat ila aţha ange" a lo ti sup a.
Lenchim lalpa chu tlema a lo hliam ve deuh avangin lal inah chuan an mut hahdam tir a. Lal pa chuan a upa leh a tlangvalte hnenah chuan," Engtin nge khatiang thil kha a thlen thut theih . Min puitu an awm em ni" tiin thil awmzia chu a han zawt a. Tlangval pakhat chuan," Lal pa, Vawra kha ihria em. Hman deuha alo zin ţuma hmeithai pi Ngami te ina thleng kha" alo tithuai a. Lal chuan," Hre tehreng e a. Ka tlangvalte Sapui lakah pawh min chhan him sak nghe nghe kha mawle. Amah kha em ni min rawn puitu" alo ti thuai a. Tlangval bawk chuan," Lal pa,amah chauh chuan ni lo e. A ute pahnihin an rawn zui ve bawk ani awm e" alo ti leh a. Lal chuan," Min han ko sak ta che u. Lawmthu sawi pawh ka duh e" tiin Vawrate unau ko tur chuan a tlangvalte chu an tir nghal a.
Ramliana leh Vawmaia lal ina an han luh chuan Lal khawnbawlte chuan lawmthu sawiin an lo chibai sap sap a. Lal chuan," Vawra ute maw innih ah. Khawnge kan khualţha Vawra chu" alo ti var a. Ramliana chuan," Lal pa,kan nau chu a thlen in lamah alo kal hman ani awm e" tiin alo chhang a. Lal chuan," In unau chungah hian lawmthu ka sawi tak meuh meuh ani. Tu ţanpuina mah kan lo beisei ngamlo asin. In tan hian enge tihsak theih che u ka neih le" a han ti a. Ramliana chuan," Lal pa,engmah kan phut reng reng lo. Ţanpui ngaia in awm tih kan hriat khan theihtawp chhuaha ţanpui che u kha kan tum sa reng ani. Bakh keimahni mai kan nilo a. In khaw tlangval huaisen tak tak Manthanga leh Rochhuakate bakah midangte nen kan nia lawm" a han ti leh a. Lal pa chuan," A enga pawh chu lo nise. Hetih tehnuai hi kan ni si a. Ruahmanna te siamin reilote tal minla cham sak ani ang chu" tiin lal chuan a rawn ngen a. Ramliana leh Vawmaia pawh chuan chutia lal meuhin a ngen takah chuan cham rih chu an hnial loh thu an sawi ve bawk a. Lal chu pawn lama dingchhuak thei chi anih loh avangin a aiah a upa min Zathanga chu lal in tuala mipui pung khawmte hmaa thusawi tur chuan a tir ta a . Zathanga chu lal in leikapuiah dingin mipuite chu ngawi turin a han zap a. Mipui an ngawih ţhap hnu chuan Zathanga chuan," Lenchim khua leh tuite u. Kan lal ropui tak chuan hliam a tawrh avangin in hmaah a rawn inlan theilo a. A pawi kan ti takzet ani . Kan lal chuan vawiina kan hnehna chan avang hian a tlangvalte chungah lawmthuba sawi mawlh mawlh a. Tin, hnehna kan channa atana sulsutu ber Suartui pasalţha pathumte chungah pawh lawmthu a sawi tak meuh ani. Kan lal chuan a mipuite chu huaisen taka awm turin min duh a. Kan tawrhna zawng zawngte kha hnungchhawn a beiseina thar nena bul ţan ţhat min tiam ani" a han ti dap dap a. Zathangan thu a sawi zawh chuan mipuite chu anmahni in lam ţheuhah an hawng ta a. Zan lama inbeihnaah khan in tlem a zawng anlo hal hman avangin in nei velote chu ţhenawm inah an la han awm mai rih a. Lal leh upate bakah a tlangvalte chu an mi man te chungthu rel sak tur chuan lal inah chuan an ţhu ţhap mai a. Tlangval tam zawk chuan an mi mante chu thah vek mai an duh a. Mahse lal chuan khapin an mi mante chu ţangkai zawka hman dan an ngaihtuah ta a. An mi man zinga pahnih chu Thingdawn lal hnena thu thlen tur chuan an tur ta vang vang a. Thingdawn lal chu a tlangvalte tlan nana Sial Sawmhnih rawn kai tur leh Silai fung Sawm kenga ni sawm chhunga lokal turin an chah a. Hun tiam chhunga alo thlen hman loh chuan a tlangvalte chu nungdama a hmuh tawhloh tur thu an han chah bawk a. Tichuan Thingdawn tlangval pahnihte chu Lenchim kha lal thu kengin an khaw lam pan chuan an kal ta a.
Chumi nileng chuan Vawra leh a ute chu khawchhunga ruang senghawi chuan an buai a. Chauh leh hah pawh sawilo Lenchim tlangvalte chu an pui mawlh mawlh a. Lenchim nulate pawh an awl biklo. An tlangval hnawthawkte chu tui te lo pein an phak ang tawk tawkin an buai vek mai a. Lenchim nulate chuan Vawrate unau chu an ngaihsangin no tak taka lo melh tawk lah bo lo. Lenchim tlangvalte lah chuan Vawrate unau chu tlukloh ena an en mai bakah kawng engkimah chuan ruahmanna siam turin an ti ta zawk mai a. Tlangval an indaihloh em avangin ruangte chu thlankhur pakhatah pathum zelin an phum ta tawp a. Ral bei zo hlim mah nisela tumah chauh avangin an phunnawi lo. Ruang te an senghawi zawh meuh chuan khua a thim dawn ruai tawh a. Lal chuan a tlangvalte tan chuan zanriah a buatsaih sak a. Lal tualah chuan hlui siamin an kil khup mai a. Zanriahte an eikham hnu chuan lal chuan a tlangvalte hnenaha chuan lawmthu sawiin a ţin tir a. Vawrate unau erawh lal in lama leng rih turin a sawm thung.
Lal ina an han luh chuan lal chuan," Tlangvalte u,kan mi tenawm ho khan ka zu bel zawng zawng an chawi thla zo a. Zu tuitling han khawn tur che u takngial pawh ka neilo anih hi. Min hrethiam ani ang chu" alo ti a. Ramliana chuan," Lal pa, a pawi reng reng lo. Zu han zuk tlak pawh kan ni nem" a han tina. Lal bawk chuan," Enga pawh chu lo nise. Thingdawn lamin eng thu nge an rawn neih dawn kan hrelo a. A theih hram chuan min la cham pui ani ang chu. Ka khua a in awm chhung na na na chuang engmah in tlachham lo ang" a han ti a. Ramliana chuan," Lal pa,kan lawm lutuk e. Reilote chu kan la cham thei ang. Min duhsakna avangin kan lawm lutuk e" a han tina. Lal chuan Vawrate chu a ina thleng turin a ti tlat mai a. Vawrate erawhin an hnial ve deuh a. Lal chuan thleng tura a tihluih tlat avang chuan Ramliana chuan hnial zui zel chi niin a hrelo a. A tawpah chuan," Lal pa,kan naua hi chu a thlenin hmasa lamah a innghat duh dawn a. Kei leh Vawmaia erawh hetah kan thleng ange" a rawn ti a. Lalhleia chu a lawm thiam khawp mai a. A upate pawh chuan Vawrate unau chungah chuan lawmthu an sawi chamchina. Lenglen hun awm velah chuan Vawra leh a ute chu pi Ngami te in lam pan chuan an inzui thla hnak hnak a. Pi Ngami te in an zuk thlen chuan pi Ngami te chu tapchhakah an lo ţhu khawm laih maia. Vawrate lokal an han hmuh chuan pi Ngami chuan," Vawrate lah nirengin. Kha i ute chu anni ang maw" alo tivar a. Vawra chuan," Aw,hei ka ute annih ve bawk ni. Han belhchian tlak tak tak pawh an awmlo" nui tet tet chung hian a han ti a. Pi Ngami chuan," Thlamuanpui tham vek innih hi maw. In unau zawng in vannei e" a han ti a. An ţhut fel hnu chuan Ramliana chuan," Hei ka pi kan nau hian in fel zia a sawi cham chi mai ţhin a. A chunga in ţhatna zawng zawng avang hian lawmthu kan sawi tak meuh meuh ani. Nangmahni vang liau liau a nungdama la awm ani si a" a han ti dap dap a. Pi Ngami chuan," Ekhai,chutiang ni lah lo e. Vawra hian nasatakin min pui zawk asin. Kan chunga a ţhatna tamtak avang hian kan chhungkua hian kan theihnghilh ngai lovang" a han ti a. Vawra lo ţawng ve in," Hawh u thudang i sawi teh ang u. Khatiang renga in titi zawngin a ninawm dawm em mai" a rawn ti a. Tichuan titi pangngai vawrhin an nui ho ta dar dar a. Rei vaklo an len hnu chuan Ramliana leh Vawmaia chu an thlenna tur lam panin an kal a. Vawra erawh a la awm rih thung. A ute an kal liam hnu chuan Niliani chuan," U Vawr,i unau hi in va hmelţha thei em em. In khuaah chuan nula hoin an ngaizawng vek ang che u a" a rawn ti a. Vawra chuan,"Kan khuaah chuan hmelţha an tam lutuk a. Keini unau ve zawng bang kila Armawnghawlh an lek ania kan nih . Hei nupui pawh hmu zolo in kan la len hru hru hi" nui hak hak pah chuan a han ti a. Chhawnkimi chuan," Hmu zo lo tihte chu sawi ve mai mai. Vawiinah pawh kan khaw nula ho mi fukna ber ania lawm" alo ti hmak a. Vawra chuan," Nangmah telin ami" alo ti zauh mai a. An vai chuan an nui ho dar dar a. Rei ngial an inkawm hnu chuan Vawra pawh Zawlbuk lama riak turin a chhuak ta a. Zawlbuk a lawi ta mai lo chuan a ţhianpa Manthangate in lamah chuan a kal leh ta rih a.
Lenchim lal fanu hmelţha Lianchhingi chu lal in leikapuiah chuan a a ţap feih feih mai a. Inchhung lamah chuan Lal le a upate bakah pasalţha ţhenkhatte chuan an hmalak zel dan tur an rel ho a. Chutih lai tak chuan Vawmai leh Ramliana chu lal in lam pan chuan ngawi hle hle hian anlo kal chho a. Lal in an luh dawn a leikapuia nula lo inhnit hlawp hlawp an han hmuh chuan Vawmaia chuan," U Ram,minlo va luhsan mai ta che" a han ti a. Ramliana pawh chuan hrethiam nghalin lal in lamah chuan a lut zui a. Vawmaia chuan lal fanu ţhutna lam chu pan pheiin a bul hnai deuha din pah chuan," Lal fanu , kalo ţhu ve thei angem?" tiin a han be hmasa a. Lianchhingi chuan," Lo ţhu ve ta che" tihpah hian Vawmaia chu a rawn en a. Vawmaia chu lal fanu kianga ţhut pah chuan," Lal fanu,engvanga lungngai em em nge maw inih le" tiin a han zawt rawih mai a. Lianchhingi chu hnuai lam bihin a ţhu ngawi ran mai a. A mittui chu an hru leh zauh ţhin a. A chhan mai loh avang chuan Vawmaia chuan," Ka zawhna kha i huat zawng anih chuan i ngaihdam ka dil e. Lo titipui che ka tum mai ania" a han ti a. Lianchhingi chuan zawi sap hian," Pasalţha inti,hmeichhe awm nem zawkte duh ang anga sual lui ţhin chu inih veloh hram ka beisei" a rawm ti ta kauh mai le. Vawmaia chuan thil awmzia chu a man thiam ruak mai . Lal fanu hi Thingdawn tlangvalten an sawisakna avanga rilru nain a ţap ani tih a hailo. Mahse engtia han biak chhunzawm tur nge a hre silo. Lianchhingi bawk chu lo ţawng lehin," Hmeichhiate hi mipate nawm chenna tur ringawta piang kan lo nih dawn hi le. Tunah zawng ka tan pasal neih ngam pawh ani dawn tawhlo anih hi" a ti chuai raih a. Vawmaia chuan," Lal fanu,a pawii ka tihpui khawp mai che. Mahse engmah siamţhat theih ani tawh silo a. Huaisen takin awm la,pasal ţha tak , khawi lam khual khaw lal fapa emaw i nei thei ngei ngei ang" alo ti ve tlawng mai a. Lianchhingi chuan," Nilo,i hrechianglo ani. Khual khua aţangin min rawn rimtu an awm pawh ani anga. Mahse ka chanchin an hriat meuh zawngin an tan mi tenawm ka ni mai dawn si a" a han ti leh a. Vawmai chuan," Nangmah hmangaih tu tak tak chuan i nihna zawng zawng nen a pawm thei tur ani. Chutiang mi chu an awm ngei ngei ang" a lo tive leh hrama . Lianchhingi chuan," Chutiang tlangval chu an awmin in ring chiah amaw. Tlangvalte hian nula thianghlimlo nupuiah an iai viau ţhin ani lawm ni. Khawi lai hnamchawm tlangval emaw chu a hmuh pawh kan hmu mahna" a rawn ti leh a. Vawmaia chuan," Chutiang ani ngawt lo. Tlangval zawng zawng kan inang vek hlei nem. I nihna zawng zawng nena pawm thei tu che an awm em em ang. Mahse thil pakhat,hnamchawm tlangvalte avanga khua hi ding ve ţawk ţawk ani asin" an ti ve hlak a. Lal fanu in hnamchawm tlangval an hmusit deuh kha a la na viau ani ngei ang. Lianchhingi chuan," Ka tihpalh, kalo ţawngsual palh ani . Min duh tu chu an awm ngei anga. Mahse chungte pawh chuan ka nihna an hriat meuh chuan min thinrik leh si dawn ani. Thianghlim taka pasal neih hi ka tum ve asin" a han ti leh a. Vawmaia chuan," Mihringte hi tum ang ngawtin a awm theih hlei nem. Mahse chumi avanga in dawm kun tur chu kan nilo. Inihna zawng zawng nena pawm thei tu che an awm ang. Ka tiam ache" a han ti ve a. An titi chho zel takah chuan lal fanu pawh chuan hlim hmel te a rawn pu ve tawh a. A khat tawk chuan a nui leh sen sen ţhin a. Nakin deuhah chuan Vawmaia hnenah chuan," Anih leh i hmangaih ber hi ka dinhmun angah hian ding tase i nei duhin ila hmangaih reng thei angem" ? tiin a rawn zawt ta chat mai le. Vawmaia chu an ngawi deuh vang vang a. A ţawng leh hma chuan lal fanu chuan," Kha maw,nangpawhin i theih tawploh kha. A landan chuan kei ngei pawh hi i hmangaih lo ni ta ila. Min iai dawn ta tihna ani maw" a han ti ta mai a. Vawmaia chuan," Ka la inngaihtuah ve deuh anih kha mawle. Min ţawngkhalh zung zunga. Thudik kan sawi ange. Ka hmangaih ber chuan i dinhmun ang hi lo tawk tase. Ka hmangaihna chu a ngai reng ang" a han ti let ve a. Lianchhingi chuan," Chuti chu keipawh min iai dawnlo tihna ani maw" nui hak hak pah hian a rawn ti a. Vawmaia chuan," Iai zawng iai lul lo e. Lal fanu nilo la zawng ka hel ka hel tawh tur che" nui chung chuan alo ti ve a. Lianchhingi chu Vawmaia lama tawlh hnaih set set pah chuan," Anih lal fapa kher lo duhlo ta ila. Pasalţha neihte lo duh ta ila" a rawn ti sa sa a. Vawmaia chuan," Chu zawng i duh a thu aniang chu. Pasalţha huaisen tamtak an awm alawm" a lo tive a. Lianchhingi chuan," Min han tihdan vel chu min iai anih chiah hi" hui hak hak pah chuan ahan ti a. Tichuan in pawh dun takin an titi a. Vawmaia chuan a chawk phur thiam bawk a. Lal fanu pawh chuan a lungngaihnate chu a theihnghilh ţhen ve ani ngei ang. Hlim takin an inkawm a,zan te alo rei takah chuan Vawmaia chu Zawlbuka riak turin a kal ta a..
Lenchim khua an chhanchhuah ni aţanga chhiara nithum a liam hnu chuan Vawrate unau chu sapela ramchhuah chhuanlamim Vawra ro phum rukna lam pan chuan an kal ta a. Lenchim aţanga nikhat an kal leh hnu chuan tlang lian vaklo,lung kelha hmun ang deuh reuh hi an va thleng a. Vawra chuan tlang hnuai lam tlema ruam lai deuh chu kawkin," Sawlai saw ka ro phumna lai chu ani tawh e. Him pialin lo la awm tak ang maw" a han ti a. Ramliana chuan," I thuhruk ţhat leh ţhatloh a thu ani ang chu" alo ti hluk a. Tichuan tlang bulţhut ruam deuh lai chu an va thleng phei ta a. Ruam an va thlen chuan puk pakhat hlam thum vela thuk leh Hlamhnih vela zau tur hi alo awm a. Puk chhung chu ramsa zun leh ek hian alo chiahpiah nuai mai a. A hing thang nghur mai bawk nen. Vawmaia chuan," Vawra,ava rimchhe ngai ve. Helai hi ani tih i chiang maw?" tiin Vawra chu a han zawt a. Vawra chuan," Ni tuk e. Khawnge kan hai chhin ang aw" tihleh puk chhuata lung phek hlai zet zet mai chu phawh a rual ta mai a. A ute chuan an rawn pui ve nghal a. Lungphek pali vel an phawh hnu chuan tlema khuar bik deuh lai hi alo awm a. Chutah chuan puan hlap hlui zet tawh mai hian enge mawni hi alo in tuam bawk a. Vawra chuan puan hlap chu an kai thler nawk nawk a. A Ţhi leh Dar dahţhatte chu him pial mai hian alo la awm a. Ramliana chuan," A tawpah chuan kan hlawhtling ta e. Ka rin aiin alo la tam daih mai" a han ti a. Vawmaia chuan," Kan thuruk kual leh hrep angai dawn ni maw. Tun ţum kan zinchhuak zet chu a rukin thil kan ti reng mai" a rawn ti a. Tichuan an tum ber an hlawhtlin takah chuan Lenchim khaw lam pan chuan an kal leh ta nghal a. Ramvak tur anga kal annih avang khan Sa kap lo a han haw tawp chu an hreh deuh avangin chumi zan chuan sa pela riah an rel ta a.
Ni lenga hmun hran hrana an vah hnu chuan Vawrate chuan an vanneiha siamin Sanghal pakhat leh Sakhi pakhat an kap hlauh mai a. Zan tam riaka kal tum annih lemloh avang leh Sapelh chu an kal chhan ber anih loh avangin a tuka haw mai chu an tum a. Zan lamh chuan an ro phurh tur chungchang vel chu an sawiho a. Vawra chuan," Kei chu lal hnenah hian zep lo a sawi mai ţhain ka va hre ve" tiin a ngaihdan chu a rawn sawi a. Vawmaia chuan," Chu zawng thil tihchi anilo ang. Lal te hi an fel viau emaw kan tih pawh hian ro chungchangah hi chuan an kut lek duhna hi a te teh ania. Thuhruk zel phawt a ţha rih ang" a rawn tive a. Tichuan an ro phurh chu tuma hriatloha thuhruk zel phawt chu an rel ta a. A tukah chuan Vawrate chu Lemchim khaw lam pan chuan an kal leh ta hnak hnak a. Chun chawfak hun velah chuan khua chu an hnaih tawh hle mai a. Chawlh hahdam pahin kawrte pakhatah chuan an han ţhu vang vang a. An ţhutna thlang lama thingkung lianpuiah chuan Nauban hi a par vul chuk mai. Vawran pangpar a hmuh chuan a ute a hrechhuak zawk a. Thlang lam pang hawi vung vung pah chuan," Ka u hliri te hawnah ka van duh em ve aw. Dam takin anlo awm em ang chu" a han ti a. Vawmaia chuan," Ni e,dam takin an lo awm em ang chu maw" a rawm tive bawk a. Vawra chu a tho hlut a kawng thlang lamah chuan chhukin Nauban par chu a zuk ban thla ta mial mial mai a. A ute chuan engmah sawi lemlo chuan anlo en liam ve tawp a . Nauban par keng ţun chung chuan a rawn chho ţuih ţuih a. Ramliana chuan," Vawra engatan nge itih reng reng a.?" alo ti var a. Vawra chuan," Neihfaka rilbawmah ka ti mai ani. Khu han thleng phawt ila. U Vawmaian hmanna zawng a hria ang chu" a ti vei ham ham a. An hahdam deuh hnu chuan khaw lam pan chuan an kal leh ta a.
Khua an thlen dawn chuan hlado pawh chham lemloin an lut ve mai a. Khua an va luh chuan hmeichhe naupang rualin an lo inkawibah nak nak a. Vawra pangpar hawn an han hmuh chuan mawi an ti ngang ani ange,anlo thlir dauh dauh mai a. Vawra chuan hmeichhe naupangte chu ko pheiin a Nauban par lak chu an sem dan dan a. Naupangte chuan lawm takin pangpar chu an la a,an samah te chuan an han thiat vel a. Vawra ute chuan lal im lam panin Vawra chu an kalsan daih a. Chutia pangpar sema a buai lai chuan hnung lam aţang chuan," Vawra,pangpar kha minlo pe ve ta che" tih aw hi a hre ta a. Vawra chu an leh hawi vat a,a hnung lama Lianpuii thigphur haw lo ding reng chu ava hmu a. Vawra chuan," Ekhai,Lianpuii lah ni rengin,i va han phur hnem em em ve" a llo ti thuai a. Lianpuii chuan," Nia ,hei ka duham luatah ka hah pui ta hrep anih hi" a lo ti a. Vawra chuan ,"Khawnge nauban par chu kan tawn sak ang che tih pahin Lianpuii sam buah chuan pangpar chu rem leh remlo hian an thiah sak nghoh mai a. Lianpui chu a nui ver ver a. Lengah te in sawmin Vawra pawh a thlenin lam pan chuan a kal ta nghal a. In a zuk thlen chuan Niliani chauh chu alo awm a. Vawra sa phurha a han hmuh chuan a lo lawm thiam hle mai. Vawra chuan," Khawnge i u te?" tiin a han zawta . Niliani chuan," Daihnaia kan thing eh sa an va phur lawk anih kha. An lo haw har lo ang. Lo ţhu hahdam rawh" alo ti a. Vawra chuan a phur nghatin a sarep te chu an phawrh a. A ro ţhalo deuhte chu Sisepah dahin rapah chuan an hak nghal a. Vawra chuan," Liani,zanriah hmeh atan Sakhi sa nge iduh Sanghal sa" a han ti a. Niliani chuan," Sanghal sa kha Anţam rep nen kan bai pawlh dawn em ni ang. Ka ei chak em mai" alo tithuaia. Vawra chuan," I siam thiam a thu ni ang chu" nui chung chuan a han ti a. Niliani chuan," Kan siam mah anga,i lei i lem hial tave ang" nui ar ar pah chuan a rawn ti a. Tichuan Vawra chuan sa hrang ţha deuh hlek chu dahchhuakin a bak zawng chu rapchungsanga Kawkah chuan a hak ta a.
Nite aliam zel a. Thingdawn lal pawh chuan a tlangvalte tlanchhuah nana Sial sawmhnih leh Silai fung sawm pek mai chu a rem tive ta a. A pasalţha ralhrat rual tamtak a hloh avangin a khaw ralmuanna pawh a chhiat phah mai a hlau hle a. Thingdawn lal chhiah khaw ţhenkhatte pawhin Thingdawn khaw pasalţhate an thi fai deuh vek tih anlo hriat chuan chhiah awl dan tur chu anlo ngaihtuah ve mek bawk a. Thingdawn lal Duhmanga chu a hlauthawng ru hle mai a. A tlangval la dam awmchhunte tlanna tura Lenchim lal in a phut zat keng chuan a tlangvalte leh a upa pakhat chu a tir ta nghal a. Tlawmngaiin phuba lak chak viau mahse tun dinhmunah chuan hma han lak ngaihna a awm silo a. Hun remchang nghah mai chu a duh ta zawk ani. Thingdawn lal mi tirhte Lenchim khuaa an lo luh ni chuan Vawrate unau pawh lal inah anlo awmve a. Lal inah chuan Thingdawn khaw palaite leh Lalhleia chu an inbia a. Lalhleia chuan," Hei hun tiam chhungin kan phut ang zat chiah tlanna sum in rawn keng thei a alawmawm khawp mai. Tlanna sum hi ka duh ber anilo a. Ka duh ber chu in lal hian pawngpaw hnenchhuah mai mai theih kab nilo tih hi lo hria sela ka duh a. Tin ,tun achinah chuan a chhiah khua kan ni tawhlo tih rawn hre bawk rawh se. Kei leh ka tlangvalte hi kan thisen fal ral raih thlengin kan khaw tan hian kan ding ngam reng ani" a han ti dap dap a. Thingdawn upa Kulluaia chuan," Lal pa,kan tlangvalte chunga zahngaihna inlo lantir avangin kan lawm e. Lenchim khaw do zawng hian ke kan rawn pen tawh ngailo ang" a han ti a. Lalhleia chuan," Chu zawng thu hriat nuam tak anih chu. Tunah chuan in tlangvalte hruaiin in kal thei tawh ang. Ka khua hi chhuahsan thuai thuai ula ka duh ani. Chuti lo zawng in chunga kan thinrimna hi nung thar lehin he khaw chhuahsan tur hi in awmlo dah ange" a han ti leh a. Tichuan Thingdawn palaite chu an tlangvalte hruaiin an khaw lam pan chuan an kal ta nghal a.
Thingdawn khuate an kal liam hnu chuan Vawrate chu lal inah chuan an va lut a. Ramliana chuan," Lalpa,Thingdawn lal hian a rawn er let leh che u in i ring em" tiin ahan zawt a. Lalhleia chuan," Ring tuk e. Mahse tunah mai zawng ani lo ang. A tlangvalte a hloh hnem em a. Alo let leh hunah zawng keini pawh kan lo inpeih ve tawhin ka ring ani" a ti a. Ramliana bawk chuan," Lal pa,hei Thingdawn lam nena in kar thu a fel deuh takah chuan keini pawh kan khaw lam pana chhuah mai kan duh tawh dawn a. Rem min tihsak ang chu maw" a han ti a. Lalhleia chuan," Cham reng turin duh viau che u mahila. Chhung leh kua nei vek inni si a. Han ui beh chi inni silo anih hi. Rem intih hun hunah in kal mai dawn nia" a ti a. Tichuan Vawrate chu a tuk lama Suartui lam pana chhuah chu an rel ta a.
Vawran an haw tur thu a han sawi meuh chuan pi Ngami te inchhung chu lungngaihna in a khat ani ber e. Mahse in dan reng theih ni heklo le. Niliani chuan," U Vawr,engtikah nge ilo zin leh ang. Ka ngai dawn em mai che" a han ti a. Vawra chuan," Remchang hmasa berah kalo zin leh dawn lawm. Kan dam anga kan la inhmu leh em em ang" tiin ahan hnem a. Chhawnkimi chuan," Ilo zin loh chuan keimahni kan lokal dawn nia" nui hak hak pah chuan a rawn ti a. Vawra chuan," Min rawn zui haw ve nghal ula ti nia mawle" alo ti thuai a. Hlim takin an han nui ho leh dar dar ţhin a. A tuk maia hawng tur anih tawh avang chuan Vawra chuan a phur turte chu an siam fel zung zung a. Chhawnkimite chuan anlo pui bawk a. A phur turte a siam fel hnu chuan Vawra chua a ţhianpa Manthanga kan turin a chhuak ta a. Manthangate in a va thlen chuan Manthanga chu tapchhakah alo ţhu kuk mai a. Vawra lo lut ahan hmuh chuan Manthanga chuan," Vawra lah ni che in. Min tlawh serh ta emaw kalo ti hial asin. Lo leng ţhu teh khai" alo ti var a. Manthanga chhungte pawh chuan Vawra chu an lo be vei luam a. Vawra chuan," Ţhianpa,hei naktuk lamah kan khaw panin chhuah kan tum tawh a. Rawn mangţha tur che a lokal ka nih hi" a han ti a. Mana chuan," Ani maw. In tan lah han cham reng thu a awm silo a. Kan inţhen leh phawt angai chu anih si hi maw. Keilah hei rawn thlah tur cheuin ka la vakchhuak peih silo a. Min hrethiam ani ang chu. Tin, kan khaw tana in inpekna zozai hi engtikah mah ka theihnghilh tawhlo ang. Nang ang ţhian ka chhar che hi vannei ka inti hle ni" a han ti dap dap mai a. Vawra chuan," Ţhiana,chutiang an sawi ngailo e. Nangpawh i dam vat tawh anga. Chhawnkimite unau mawlh saw minlo ngaihven sak ţhin dawn nia" a han ti a. Manthanga chuan,"Nang berin itih te chuan kan hnial ngam nang" nui var var chung chuan a han ti a. Tichuan in ngai em em chungin an in mangţha ta a. Vawra pawh a tuk maia haw tur annih avang chuan Zawlbuk kai loh mai chu a rilruk ta a. A thlen in lam pan chuan a haw phei leh ta hnak hnak a.
A thlenin lam pana a kal mek lai chuan a rilruah Lianpuii alo lang hlawl mai a. Han Manţha ve loh em chu tiin Lianpuiite in lamah chuan a kal leh ta zawk a. Lianpuii te in ava thlen chuan Lianpuii leh anu chauh chu anlo awm a. Vawra alo len takah chuan Lianpuii nu chu chhuanlam engemaw siamin a chhuak ta daih a. Lianpuii leh Vawra chauh chu an inkawm ta a. Vawra chuan," Lianpui,hei naktuk zing varţianah kan khaw lam panin kan kal dawn tawh a. Ka rawn mangţha dawn che anih hi" a han ti a. Lianpuii chuan," Vawra,cham hlen ve mai ula ka va han titak em . Ka chunga in thiltih zawng zawng hi rulh theih che u ka chak hle mai. Engmah lah ka ni silo a" inthlahrun hmel tak chuan a rawn ti a . Vawra chuan," Chutiang lam chu i sawi tawhlo teh ang. Nangpawh ţha takin lo awm la. Khuanu ven na zarah kan la inhmu leh em em ang" tiin a han hnem a. Lianpuii chuan," Khami ni a ka thlaphan zia kha aw. In hmel ka hmuh pawh kha kalo hlau em em che u a. Khatia min rawn chhan mai kha ka awihlo lek lek ani. Mahse a tak ani ngei si a . Khami ni aţang kha chuan ka rilruah hian in thi thei tawh hauhlo ani" a ti leh a. Vawra chuan," Keini pawhin kan hre reng ţhin che lawm. Huaisen takin awm la. Pasal pawh ţhatak ila nei dawn nia. I hmelte a ţha in i pian pawh a ţha a" fiamthu titak deuh chuan a han ti a. Lianpuii zak chu a hmai a sen ţawn ţawn a. Vawra pawh en ţha ngamlo chuan," Khatin min ti kher suh aw. Keini zawng hmaia belmang hnawih an sawi ang vel kan nih hi" a han ti a. Vawra nuih za chu an nui leh rih ţhin a. Tichuan hlim taka inkawmin leng hawn Ar khuan vel leh chuan Vawra pawh a thlenin lam panin a kal ve ta a.
Hemi zan hian Vawmaia leh Lal fanu Lianchhingi pawh leikapuiah ţhuin an inkawm a. Lianchhingi chuan," Hei min haw san leh daih dawn chu ani sia. Nupui tura min duhtu pawh an awm dawn talo anih hi" nui hak hak pah chuan a han ti a. Vawmaia chuan,"Min iai loh viau zawngin kan lo zin leh reng duh mahna le" alo ti sam et a. Lianchhingi chuan,"In unau chungah hian ka pa hi a lawm em em a. In lakah pawh hian engmah ui neilo ang. Ka pa chang nilo,khaw mipui zawng zawng hian in chungah hian bat kan nghah hle ni" a han ti a. Vawmaia chuan," Anih chu i pa chuan nangmah pawh hi min pe phal mai ang a" nui ţhaw chung chuan a rawn ti a. Lianchhingi chuan," Phallo pawh nise kan um lui duh ang che u mawle" nui chung chuan alo tive bawk a. Tichun inpawh takin an titi a. Reilote chhungin ţhianţhaah an insiam ani der mai.
A tuk zing varţianah chuan Vawr chu a tho a. A hmai te phih faiin a phur te chu an en fel a. Chhawnkimi leh Niliani pawh chu anlo tho ve nghal a. Chutia Vawra an haw leh ta mai tur chu an ngaingam ngang lo a,an hnuk te a ulh ţeuh mai a. Vawra chuan ţawng thlamuanin remchang hmasa bera zin leh ngei chu a tiam a. Vawran lal in lam pana a kalsan dawn chuan Chhawnkimi te unau chuan Vawra chu an kuah vawng vawng a. In chelh reng theih nilo le. Ngai tak chung chuan an inţhen ta a. Vawra kal liam tur chu Chhawnkimi te chuan a lan theih chhung zawng chuan an thlir a. A tawpah chuan ngui leh khawhar takin inchhungah chuan an lut leh ta ani.
Lal in a han thlen chuan Vawra ute pawh chu an lo in peih fel vek tawh a. Lenchim lal chuan Vawrate chu lawmman atan Darbu pek a tum tlat mai a. Vawrate a te chuan an hnial ţang ţang a. An hnial fithla thei hram ani. An chhuah dawn chuan lal chuan," Hei ka khuaah lo zinin thil ropuitak min rawn tihsak a. Hengte hi engtiklai mahin ka rul seng dawnlo cheu ani. Tluang takin va kal ta ula,in chhungte nen chuan hlim takin va inhmu ang che u. Tin,ka khuaah hian engtiklai pawhin in tan hmun a awm reng ania" a han ti a. Vawrate chuan lal hnenah chuan lawmthu sawiin duhsakna te an hlan a. Tichuan a tawp nan in chibaiin lal in chu an chhuahsan ta a. Lal fanu Lianchhingi chu leikapuiah lo dingin," Lo zin leh thuai ula aw. Dam takin mangţha ule" tiin Vawrate chu alo au lauh lauh a. Vawmaia chuan," Nangni pawh dam takin lo awm ula. Kan inhmh leh vat dawn nia. Mangţha le" tihpahin a ban chu an vai lauh lauh a. Vawrate pawh chuan an ban chu vai ve in Lenchim khua chu an chhuahsan ta a.
Lungchuan khaw lamah ve thung chuan pu Doţhiauate chu an in thar tur relin an buai hle mai a. Lungchuan lal hi Sangthanga niin lal fel leh zaidam tak ani reuh a. Khual thuthang aţangin Vawra u Ramliana leh Sawivelate hi chu alo hre zauh zauh tawh a. Ramliana lek phei chu Lungchuan khuaah hian a zin ve fo avangin Lal Sangthanga hian a hre hle nghe nghe ani. Pu Doţhiaua te an lo pem luh hlawl pawh khan Ramliana pa te annih tih ahriat avangin alo lawm em em. Khawtlangin an chen lailawkna tur in an sak sak nghal mup mup mai ani. Khawtlang in sak sa chu a tet deuh avangin Sawivela chuan in thar a lo rel mek a. Ramliana ţhianpa pasalţha Chungthanga leh a ţhiante chuan anlo pui ve ţhin a. A khaw mipuite an fel em avang chuan Vawra chhungte pawh chu an ngampa ve chawpchilh nghal mai ani. Hemi lai vel hian Lungchuan khua hi Kut hmang tura an inbuatsaih lai mek ani a. Nula leh tlangvalte an buai tlan em avangin lal chuan pu Doţhiaua te in rel pui tur pawh chuan hnatlang ilo takngial pawh a ko ngam biklo a. A hman remchang apiang chuan an pui reng thung ani.
Suartui lamah ve thung chuan khawtlang chu an buai phili hle mai a. Lungmam lam pang anlo pem phei vek avangin a khaw phekin an buai a . Chutih lai karah an khaw ramvak patling pahnih lai lu bunga an khawdai maia an hmuh avangin boruak a ralmuang lo zuala a. Lal Lianvunga chuan a tlangvalte chu khawchhung hual velin kulh a siamtir a. Ral ven bukte pawh siam belhin eng pawh tawk thei turin anlo in buatsaih ve mek ani. Chutih lai reng chuan Hualtu lal Zangama leh a thurualpui lal palite chuan Suartui khua runa ,a mi chengte chu sala hruai turin an pasalţhate leh tlangval Zanga rual zet mai chu an rawn tir ve mek bawk a. Suartui leh Lungmam khaw insuihfin te hian Hualtu lal leh a thurualpuite hi an lo dang zo angem le???....
Bung-38
Lenchim khua an chhuahsan aţanga ni li lai a liam hnu chuan Vawrate pawhin Mualvum khua chawhnu her hretah hian an lut leh dawn tawh a. Khaw kawtchhuah an thlen chuan an kal hmasak lai anglo tak maiin kawtchhuah ah chuan nula leh tleirawl rual thingphur an lo chawl ţhap mai. An hmanhmawh vakloh avang chuan Vawrate chu midang lo chawl ve te ţhutna piah deuhah chuan an ţhu hlawm a. Nula thingphur chawl ve ho chu a khat tawk hian an nui leh hak ţhin a. Vawrate unau chu an enduh hlawm hle mai. An chawlh lai chuan Vawra chuan," Mualvum lam pawh a ralmuang hle tawh ani ang maw" a rawn ti a. Vawmaia chuan," A nih hmel hi. Khaw ralmuanglo lutuk a luh zawng a hahthlak ţhin em mai. Thinthi diaia han mut pawh a chakawm tawh e" a han ti a. Ramliana chuan," Ka rilru ang hi in pu ve emaw chu. Kan khaw lam leh kan chhungte ka ngaihtuah thar ta riau mai. Engtiang takin lo awm ang maw. Fate ngaih pawh a na tawh mange" tiin a lunglen thu a rawn sawi chhuak ve phawng mai a. Vawra chuan," Ka u,chutianga patlinga pumpa han lunglen kur dup mai zawng a awm ang lo em mai. Ngaih neilo pawh kan ni biklo a" alo ti a. Ramliana chuan," Fa nau nei leh neilo kar hi a hla teh ania. Ram pa laileng a Piring lo awm mai mai tepawh hi tlangval lai kha chuan kan han la lawk a,kan thlawh vei nal nal ţhin a. Tunah zawng fate tan tiin iptepuiah kan ak ru zuk zuk tawh mai ani. In neih hunah in hrethiam ve mai ang" titak fe chuan a rawn ti a. Vawra bawk chuan," Chuvang chuan ani maw nimin piah a Puvanasaihlum kan hmuh khan i chhar uk a,i paih leh si kha" nui hak hak pah chuan a rawn ti a. Vawmaia lo ţawng ve in," Hmanni kan ramvak pawh kha Kawi kawm ţha zet hi a ak nulh pek a. A rukin zanah kalo paihsak daih anih kha. Khatiang ram hla thamah engatan nge maw a tih reng ni" nui chung chuan a rawn tive a. Ramlian chuan thutak fe hian," Fate ngaih natzia hi zawng in hriat thiam phak ala nilo e. An nui ri hriat ringawt pawh a hahdamin tunah tak phei chuan lungchhe taka an ţap hawm hawm lai pawh hmuh ka chak hial ani" a rawn ti a. Vawra chuan," Kan thleng thuai dawn alawm. Hawh u i kal tawh ang u hmiang" tiin kal chu a rawn rawt a. Chutia khaw lam pana kal an tum lai mek chuan naupang rualkhat sava veh hi kawtchhuah lam pan chuan anlo tlan hlawk hlawk a. An lo thlen phei chuan nula thingphur lo chawl ve te chuan," Naute u a engatia khati tak maia hmanhmawh nge innih" anlo ti var a. Naupangte chuan thaw hlawp hlawp chung hian,"Savawm khuai la lai kan hmu a. Laiawrhan perh ang u ati tlat a. Kan perh a. Savawm chuan min rawn um a. Khuplala a man daih. Laiawrha vang vek. Kan rawn tlan haw char char" an han ti a. Vawrate chuan naupangte thusawi chu an lo hre pha a. An phur te hlang thla lehin naupang ho chu an va pan a. Ramliana chuan," Naute u khawilaiah nge Savawm chu a awm. Min hruai ta che u" a han ti a. Naupangte chuan," Sawtah kan sava channa bulah . Laiawrha vang vek anih kha" an ti nang nang a. Laiawrha chuan," Keimah ka ani biklo e a. In perh ve tho" a lo ti ve a. Ramliana chuan," In sava chan na ah chuan min han hruai ta che u" a ti leh a. Naupangte pawh chuan phur takin Vawrate chu an sava chan na lam kawhhmuh tur chuan an hruai ta a.
Naupang rual sava channa Khuangthli buk hnuai an va thlen phei chuan eng thawm ri va mah hriattur a awmlo a. Vawra chuan," Nau te u ,khawilaiah nge Savawm chu in hmuh" tiin a han zawt a. Naupang ho chuan thlang lam panga Savawmin khuai alo lakna thing ding luah chu an han kawhhmuh a. Vawrate chu thlang lam pan chuan an chhuk ta nghal a. Savawmin khuai a lo lakna thing lianpui kiang an zuk thlen thlak chuan a thlang lam deuha naupang ţap ret ret thawm chu an hre ta a. Ramliana chuan ,"Tlangval lo zam reng reng suh" tiin a han au a. Thawm lo chhuahna lai an zuk thlen thlak chuan Khuplala chu thin kung zar awn deuh hlek pakhatah hian ţap pur chung hian alo uai tang ţawk ţawk a. A hnuaiah chuan Savawm lian ţha zet chuan alo hel thut thut mai lehnghal. Vawrate lokal a han hmuh chiah chuan Sawvawm thinrim chu Vawrate lam pam chuan alo tlan ta thut mai le. Vawrate pawh in ring lawk sa vek anni miau a. Anmahni lam pana Savawm lo tlanchho chu an han kap rual deuh ţhawt mai a. Pasalţha Silai chelek ţhang ţhah annih avang chuan an tum chu an ţhelh haulhlo mai. Savawm pakhat tan Silaimu pathum han dawl zawh thu awm.hek suh. Savawm pawh chu a awp nghal rup a. Thaw hruih hruih in thlang lamah chuan a lum thla tual tual mai a. Khuplala uaina thing chuan alo dang a. Savawm chu a thichiang tawh tho a a hriat avangin Vawra chu Khuplala lamah chuan a tlan thla nghal a. Thingzara Khuplala lo uai tang tlat chu pawmthlak mai an tum a. Khuplala lah hlau leh khur chunga lo awm anih vang nge a thing vawn chu a thlah duh ta hauhlo mai . A aw pawh chhuak hlei theilo chuan alo inhnit hlawp hlawp a. A chawn puar lai velah chuan Savawm hai na hnuhma a rang nuai mai a. A thi zawih zawih bawk a. Vawra chuan," Khupa ,Savawm chu athi tawh e. I thing vawnna kha thlah tawh rawh le" a han tih pawh chuan Khuplala chu a la uai bet ţang ţang a..a kut te chu a khawng zo hman hial alo ni. A ka te alo chih zo a. A khur hlak hlak mai a. Vawra chuan pawm thla luiin a ke hliam te hruk fai sakin an tuamsaka. Chutih lai chuan Ramlianate chuan Savawm chu zawn mai theih turin an lo sawngbawl ve bawk a. Naupang rual pawh an lo thleng thla tawh a. An ţhianpa pawh ngaihsak zui lemlo chuan Savawm chu an bawr laih laih maia. A ke tinte chu a changtu nih tumin anlo inchuh nak nak bawk a. Vawra chuan Khuplala chu tui in turte pe in a kut te alo hmeh sak vel a. Khuplala chu a ngawi reng mai a,a lal hlau hle ni tur ani,a phu leh zawk zawk ţhin a. Vawra chuan," Khupa, a hlauhawm tawhlo e. Savawm pawh kan that daih tawh alawm" tiin an thlamuan. Naupang ţhenkhat chuan an ţhianpa chu an rawn be ve sap sap a. Laiawrha chu a in thiamlo ngang ni tur ani. Khuplala kiangah chuan ţhu vein a khat tawkin," A na em" alo tive chhen mai a. Kal mai tura an inpeih fel hnu chuan Vawra chuan Khuplala chu a pua a. Ramliana leh Vawmaia chuan Savawm sumruk ţha zet chu an zawn ve thung a. Naupang rual chuan a hmaa an hlauhzia theihnghilhin hlim takin Ramlianate chu an zui haw ta dam dam mai a. Savawm thattuah hial an inngai ta ve ang. Khuplala pawh a hlauhte rehin a rawn ţawng peih ve tawh a. Mahse a ke Savawmin a hliamna chu anat ve deuh avangin han kal thei chi ani biklo ani . Khatia Savawm khuai la lai an perh tliar tliar lai khan Khuplala hi Savawm hnaih lam berah a awm a. Savawm thinrim rawn tlan let thut an hmuh khan an vai tlanchhiat a. A hnung bera tlan khup lala kha tumahin hmu phak heklo le. Savawm chuan a seh ta mai emaw tiin an rawn tlanchhiatsan vek a. Khuplala erawh chu thingkung a hmuh remchan hmasak berah chuan a lawn a. A thingkung lawn tum na ber lah a zar alo hniam si ,a kak hmasa bera a uai chho laiin Savawm chuan rawn nangchingin a ke a rawn ban pha hlauh mai a. Khuplala ke chu an hai a,a chang leh an seh tum leh uaih ţhin a. Khuplala chu thei leh theilo a in man tang ţawk ţawkin a ke chu a theih ang tawkin an khai chho a . Savawm lah chu a thingkung rinchhanin a rawn ding leh ur ur ţhin a. Khuplala chu a ham pha leh zauh ţhin bawk nen. Khuplala hlau leh hamhaih lutuk chu a aia sang lawn lam pawh ngaihtuahta lo chuan alo in ham tang char char alo ni. Khatia Vawrate lo ţawng thawm leh amah an rawn au thawm a hriat khan au vak vak mai a duh a. Mahse a tha a khurh nasat em avang leh a hlauh em avangin a au pawh a au chhuak ţha theilo a. A beidawng lutuk kha alo ţap tawp mai ani.
Khatia Vawrate Savawmin naupang a sehna hmun lam pana an tlan liam hnu khan kawtchhuah a nula chawl hote pawh hmanhmawh takin khaw lamah an tlan haw nghal a. Khua a tlangval an hmuh hmasak ber hnenah an thil hriat ang ang chu an han hrilh a. Tlangval chuan midangte pun khawmin Savawm awmna lam pan chuan anlo tlan thla ve nghal a. A khaw kawtchhuah anlo thlen mek lai chuan Silai puak thawm an hrezui a. Tichuan hmanhmawh takin Silai puahna zawn lam pan chuan an tlan leh ta nghal a. Silai rikna an thlen phei hma chuan an lam pana naupang lo ri phei nak nak thawm an hre zui a. Anmahni hruaitu ber Mualvum pasalţha Kapliana chuan," Ilo nghak rih teh ang u" tiin a tlangval hruaite chu ding turin an ti hlawm a. Chutia an lo nghah ţhap lai chuan mikhual tlangval, a hmaa an khua rawn paltlang tawhtuten Savawm lian ţhazet mai an rawn zawn hawng leh naupang pakhat paw chunga an lo kal phei chu an han hmu a. Mualvum tlangvalte chu va tlanphei nghalin Kapliana chuan," E khai,kan pasalţhate zawng kan hmakhalh hman meuhlo che u ani maw. Khawiteh u kan lo chhawk tawh ang che u" tiin Ramlianate Savawm zawn chu anau te hnenah zawn chhawk turin an ti a. Mualvum khaw ho hian Vawrate unauin Lenchim khua na chhanchhuah dan zawng zawng kha an lo hre vek tawh a. An ngaisangin an zah em em ani. Vawra naupang puak lai pawh Mualvum tlangvalte chuan an chhawk tawh a. Mualvum pasalţha Kapliana chuan Vawrate chu lawmthu an hrilh mawlh mawlh a. Kapliana chuan," Kan nula thingphur hoin thil thlen dan kha an rawn sawi a. Nangni lo awm hlauh lo ula zawng ka inchan hman dawn zu nia. Inchungah hian kan lawm tak tak ani" tiin lawmthu ahan sawi vei luam a. Ramliana chuan," Lawmthu sawi angai reng renglo. Kan tih theih ve tawk alawm. Thil awmzia ka hriat khan tihtheih kan neih mial takin tiin kan tlan phei a. Naupang kha thingah alo lawn hlauh mai a. Nungdamin alo awm phah ta nih kha" tihpahin thil awmdan tlangpui chu an hrilh a. Kawtchhuah an thlen chho chuan Vawrate chuan an phur chu an han zawng a. An hmu ta reng reng lo mai le. An phur zawnga an hawi kual vel ruai lai chuan Kapliana chuan," E khai pu te u,engmah kalo hrilh hmasa lo che u a. In phur kha kan nulaten an rawn phurh haw sak vek che u nih kha. Pawi intih loh hram ka beisei" alo ti thuai a. Vawrate pawh chuan pawi tihin awmzia anei tawhlo tih hriain lawmthu te an sawi a. Tichuan Mualvum lam pan chuan an kal ta nghal a.
Khua an han thlen chuan tlangvalte chuan Savawm ruang chu lal in lamah an zawn phei a. Khuplala erawh an in lamah an paw hawng thung. Alo hmu apiang chuan lal in lamah chuan an zui chho zel a. Lal in tual an thlen meuh chuan Savawm ruang en tum chu tam tham tak anni tawh ani. Mualvum lal Hratliana leh a khawnbawlte pawh lal in leikapuiah chuan an tlangvalte lo thlen hun nghakin an lo ţhu ţhap mai a. Chanchin rawn thlen hmasa tuten mikhual tlangval pathumin an khaw naupang chhanchhuah an tum thu an han hriat khan a hma lama an khaw rawn paltlangtu leh Lenchim khaw chhanchhuaktu pasalţha Vawrate an nih ngei an ring nghal ani. Tlangvalten Savawm ruang an rawn chho mek lai leh a hnung lama Vawrate lo kal Lal in a han hmuh chuan," En teh u,ka ring dik chiah mai. Pasalţha huaisen pathumte kha" alo ti nghal a. Tlangvalte lal in tual anlo thlen chuan Savawm chu an han nghat thla a. Naupang ho chuan an bawr laih laih nghal a. Mualvum pasalţha Kapliana chuan thil awmdan ţhenkhat chu an sawi zung zung a. A hria apiang mai chu Vawrate unau chungah chuan an lawm em a. Chutih lai chuan lal chu leikapuiah chuan dingin thil awmzia hriat tuma mipui lo kal khawmte hnenah chuan," Ka khua leh tuite u. Vawiinah hian heng kan khualţha pasalţha huaisen tak tak te hian kan fapa Savawm aţangin min chhanchhuah sak ani mai lo. Kan ţhenawm Lenchim khaw awptu ral te chu phindarhin kan khaw tan pawh thil ropui tak min tihsak ani. An chungah hian lawmthu kan sawi tak meuh meuh ani" a han ti a. Mipuiten chung thu an han hriat chuan Vawrate unau an ngaihsanna chu a zual em em a. Kut thing meuha chibai tawk lah bo lo. Sawi tur ang ang an sawi zawh hnu chuan tlangvalte chuan Savawm ruang chu puah turin lal in char lamah chuan an chawi phei ta a. Ramlianate unau erawh lalin inchhung lama lenglut tura a sawm avangin lal inah chuan an lut ta a. Lal inchhungah chuan Vawrate thil phurh pawh him takin anlo dah sak a.
Lal ina an ţhut fel hnu chuan lal Hratliana chuan," Ekhai tlangvalte u. In lakah hian engtia lawmthu han sawi tur nge pawh ka hre lo. Ka lawmzia chu ţawngka hian a sawifiah phak awmlo e. Kan lawm zia entir nan khawnge pu Kai,kan pasalţhate hi hah zu i han zuk ang hmiang" tiin tlangaupa hnenah chuan a zu bel chu han chawi chhuak turin a ti a. Tlangaupa chuan Mualvum lalpa Zu tuitling chu Seki khat pum hian a rawn siak eng kulh mai a. Ramliana chuan hma hruaiin tlemte an in zauha ," Mualvum lal zu nge nge a thlum narawh e. Chhawl hal a hnemin hah pawh a dam ta huai mai" tiin a han fak a. Vawmaia leh Vawra pawh chuan tlemte lem ve in lal zu thlum tui zia chu an sawi ve bawk a. Lal Hratliana bawk chuan,"Ka khua inchhuahsan hnu khan dama ka hmuh leh che u ka beisei tawh hauhlo mai a. Nung dama ka hmu leh ch u anih chuan ropui takin kalo hmuak ang che u ka tih kha. Naktukah hian Savawm lu aih pahin khawtlang ka hrai anga. Chawimawi che u hi ka duh ani" a han ti a. Ramliana chuan," Lal pa,kan chunga i ţhatna leh min fakna hi kan phulo em em a. Chawimawi lah kan phu heklo. I thu kan hnialna nilo se,cham khaw muang thei kan ni tawhlo ani. Kan tum dan chuan naktuk zing varţianah kan khaw lam pana kal kan rilruk a. Rem min tihsak hram ka beisei ani" a han ti a. Lal Hratliana chu an ngawi deuh vung vung a. A zu no a tlak pup zawh chuan," Ni e, in chhungte pawh in ngaihtuah ve tawh anga. Mahse ka khaw tan thil ropui tak min tihsak avang hian kut ruak chuan ka kaltir theilo ang che u. Ka se huanga induh ber Sial pakhat in kai hawng thei ang" a han ti a. Ramliana bawk chuan," Lal pa,eng thil ropui mah tih reng kan neilo e. Ţanpui ngai kan hmuh avanga ţanpui mai chauh kan ni. Khang tezawng mitin tih theih ani" tiin lal pa chu an chhang a. Lal Hratliana chuan," Ka khaw tan hian eng thil nge in tih hi in hrelo ani. Lenchim run tute in va thah kha Lenchim khaw tan mai ni lovin kan tan hian a hlu em em asin. Khatiang khawpa Lenchim nghaisa tute khan kan khua pawh an zuah dawn si lova. Min chhan him ani" an ti leh a. Lal khawnbawlte pawh chuan lawmthu an lo sawi ve bawk a. Zanriah kil dawn thlengin lal inah chuan an titi ho a. Vawrate chu lal in a ina zanriah kil ve nghal tura a tih avangin lal inah chuan zanriah chu an kil zui ve mai a. An kham hnu pawh chuan lal chuan hmun danga an kal a awihlo a. Zan lamah pawh a in a riak nghal turin an tizui a. Vawrate tan pawh han hnial zui chi ni heklo le,lal inah chuan tuilo deuh chung chuan an ţhu ve reng mai a. Lenglen hun awm velah chuan Vawra chu lal in aţang chuan chhuanlam engemaw siamin a chhuak daih a. Mualvuma akal hmasak ţuma a thlen in te tlawh tur chuan a kal ta a.
A zin hmasak a thlenna pu Buangthangate in a zuk thlen chuan pu Buangate chu an chhungin an lo awm ţhap mai a. Vawra an ina a rawn lut thut an han hmuh chuan Thanliana chuan," A, u Vawra" alo ti thuai a. Pi Sati chuan," E khai,Vawra chu . Lo leng ţhu rawh khai. Vawiin lamah in chanchin kan lo hria a. Khaw mipuite titi tui ber inni asin" alo ti var a. Vawra aţhut fel hnu chuan pu Buanga chuan," Vawra,ilo kal hmasak pawh khan tlangval satliah ini lo tih kha ka hre thei mai. Tunah phei chuan pasalţha huaisen tak ini tih ka chiang ani" a lo ti dap dap a. Vawra chuan,"E khai,chutiang ani lo e. Pasalţha a han chhiar ve tlak kan ni nem. Mi tha phenah hmingţhat kan hlawh ve mai alawm" alo ti thuai a. Thanliana chuan," U Vawr, sapelin kal leh ila" alo tive a. Vawra chuan a tuk maia haw an tum thu leh chamrei thei annih loh ziate an sawi a. Chutia tui taka an titi lai chuan pawn lam aţang chuan ," In awm em" an rawn ti a. Pi Sati chuan," Awm e,lo leng rawh u" alo ti vat a. Tunge ni ang aw ti a kawngka an lo thlir ţhap lai chuan Tlangval pakhat hi alo lut a. Tlangval alo hmuh chuan pi Sati chuan,"Chula lah ni rengin, enge ni ta" alo ti var a. Chula chuan," Pi Sat,eng ni lah love. Kan pasalţha hi lawmthu hrilh tur leh naktuk lama chaweia sawm turin pu Zarlawma ten minlo tir ani" a han ti a. Vawra chuan," Chuti a va lawmawm dawn ve. Chaweia sawm tlak pawh kan ni nem. Naktuk lamah lah chhuah nghal mai kan tum si a. Pu Buang,ka va lengphei zawk mai ani ang chu" a han ti a. Pu Buanga chuan," E khai va leng tak rawh. I hmel hmuh pawh an chak ange" a han ti a. Pi Sati pawh chuan," I cham rei hman silo a. Dam takin va kal ta ula. Ilo zin leh thuai dawn nia" a han ti a. Tichuan Vawra chu a thlen in te mangţha in pu Zarlawma te in ,an naupang chhanchhuah takte in lam pan chuan tlangval pa chu a zui ve ta nghal a. Pu Zarlawmate in an va thlen chuan an fapa damlo kanin ţhenawm khawvengte pawh anlo awm ve ţhap mai a. Chutia Vawra leh Chula lo lut an han hmuh chuan in leng dangte chuan anlo en ţhap a. Khuplala nu pi Ngaii mak ti leh awihlo bawk si chuan," Chula,kha ilo hruai elo" alo ti var a. Chula chuan," Hruai teh suh ei. Ama thu a lokal anih hi" tiin a chhang a. Vawra chu ţhutna tur an han pe a. Pu Zarlawma chuan," Tlangval,kan fapa minlo chhan him sak avangin i chungah hian lawmthu sawi sen loh kan ba ani. Engmah han tihsak theih che lah kan nei ve silo" inthlahrung tak mai chuan a han ti a. Vawra chuan," Ka pu, kan thiltih kha eng tham mah ani hlei nem. Lawmthu sawina tur a awmlo e" a han ti a. Tichuan an chanchin in zawtchhuakin hlim takin an in kawm ho a. Zan te a lo rei tak deuhah chuan Vawra pawh lal in lam panin a hawng ta a. A tuk zing varţianah chuan Vawrate chu Suartui lam pan turin an in zuichhuak leh ta a. Mualvum lal thilpek erawh an hnial fithla thei hram ani.
Chhun pachang lai tak mai chuan Suartui khaw ralven buk hmar lamah chuan Silai a puak ta dur dur mai le. Silai puak ri an hriat chan mipui thlabar chu an mahni in lam pan chuan an tlan khawm ta rawk rawk a. Nutling te chuan an fa khawlaia awmte chu zawngin an au chel chul mai. Hmar lam ralven buka silai a rik zawh rual deuh thaw chuan Chhim lam ralven buk lamah chuan Silai a puak ve leh ta zawt zawt mai le. Suartui lal Lianvunga leh a upate chu lal inah chuan an ţhu khawm ţhap a. Chutih lai chuan ralven buk lam aţangin tlangval pakhat alo tlan lut hlawl mai a. Tlangval chuan ," Lal pa,hmun hnih aţangin beih kan tawk ani. Tam chu annilo mahse kah remin an awm duh hauhlo mai" a rawn ti a. Lal Lianvunga chuan," Tute nge annih in hre thei em. Engzah vel nge annih ang" alo ti vat a. Tlangval chuan," Lal pa,sawmthum aliam chu anni lo ang. Ral ven buk kha an rawn kah chilh thut a. Kan inhloh nual mai" a han ti a. Lal Lianvunga chuan hmanhmawh takin a pasalţhate chu an ko khawm a. Tlangval ţhenkhatte chu ral ven buk lamah chuan a tirh belh nghal a. A pasalţhate an lo thlen kim chuan lal chuan," Hei kan rin ang ngeiin beih chu kan tawk ta ani a. Mipuite tan sahimna zawnga tlandarh na chi ani tawhlo a. Theihtawp chhuaha kan beih angai ani" a han ti a. Rei tak ţawngna hun a awm loh avang chuan Suartui pasalţhate chu ralven buk lamah chuan an tlan liam ve ta nghal a.
Silai chu a la puak ulh ulh reng a. Mak tak maiin hmelma lam chuan an rawn nawr nasa duh hauhlo mai . Suartui lam chu an inhloh nual tawh a. Hmelma lam pawh a tlu tawk chu an awm ve tho mai. Rei ngial an in kah hnu pawh chuan hmelma lam chuan khua chu rawn luhchhuah tum pawhin an lang lo a. Ni leng chuan Silai puak thawm a inchhawn ut ut reng a. Suartui pasalţhate rinloh tak maiin an hmelma lam chu an tawlh kiang ta daih mai. Silai ri te a reh fel hnu chuan hmelma lamin ralven buk an rawn kah chilh laia an kah hlum tak te ruang chu hlawmin khaw lam chu an panpui ta a.
Chumi zan chuan Suartui lal inah lal leh a upate bakah a pasalţhate chu rorelin an ţhu khawm a. Lal chuan," Hei kan in ko khawm chhan chu kan hre ţheuh anga. Kan beisei ang ngeiin beih chu kan tawk ta a. Engtia hma han lak zel chi nge ni ang" tiin a upa te leh a pasalţhate a han rawn a. Pasalţha Phirthanga chuan," Lal pa,min rawn beih dan aţang hian min la chhaih vel mai mai niin ka hria. Rem itih chuan kan tlangval ţhenkhat hi hruaiin khua hi khan dang aţangin kan chhuahsan anga. Kan hmelmaten khua an rawn beih veleh kan lo hup barh thei dawn ani" tiin a rawn rawn a. Mahse upa min Khamvela chuan," Lal pa,kan tlangvalte tirchhuah chu thil tih chi ani loang. Tunah hian beihin kan awm mek ani a. Kan tlangvalten min chhuahsan hlanin khua hi rawn bei thut sela. Min that mang vek dawn asin" tiin Phirthanga rawtna chu a rawn hnial ta a. Lal pa a rawn ţawng leh hma chuan Phirthanga chuan," Lal pa, kan hmelma ten hetianga min rawn beih zeuh zeuh chuan reiloteah kan Silai hlo neihsa te hi kan hmang zo thuai anga. Chumi hunah chuan awlsamte a hneh theih kan ni mai dawn ani. Khawngaihin va beih chu min phalsak rawh" a rawn ti leh a. Lal Lianvunga chuan," Awle,tunah rih chuan khua hi chhuahsan lo phawt a him ani. Upa Khama sawi ang khan kan ţan hmun hi kan chhuahsan tur anilo" tiin pasalţha Phirthanga rawtna chu a rawn hnawl ta a. Ro an rel zawh chuan Pasalţha Phirthanga leh Kapvunga chu ralven buk lam panin an kal a. Kawngah chuan Phirthanga chuan," Kap a,kan lalin ka remruatna a hnawl kha chu pawi ka tilo . Mahse khami avanga kan tawrh nasat turzia hi ka dawn ngamlo ani. Tunah chuan hmelma lam hian nitinin min rawn bei zeuh zeuh anga. Kan Silai hlo leh amu kan kah ral meuh chuan bel chhunga sa ang kan ni tawh dawn ani. Tunah lah khua chhuahsana chak lak ngaihna a awm ta silo a. Mipuite ka lainat mange" a rawn ti a . Kapvunga chuan," Ni e,upa min thu zawng kan ngam talo anih kha. Kan Silai mu leh a hlo kan ren angai deuh dawn ani. Engtikah nge min rawn beih dawn kan hre silo a. Ramlianate lah lalin alo hnawtchhuak zui nen. Tun ţum zawng kan hun a thleng ve dawn ta ani ang e" tiin alo chhanga. Phirthanga chuan,"Kan lal hi ala inchhir hle dawn ani. Chutih hunah chuan engkim kan chan tawh awm si a" a ti a. Tichuan ralven buk lam pan chuan an kal ta zel a.
Beih an tawh ţanni aţanga nithum chhung chuan nitin mai hian ralven buk lamah chuan Silai a puak reng mai ţhin a. Hualtu lam chuan Silai mu leh a zen an ren hauhlo mai a. Suartui lam tan kah let loh ngaihna a awm ţhin silo. Nithum an liam leh meuh chuan Suartui lam chuan Silai mu leh a zen an tlachham ţan chu ani der mai. Suartui pasalţhate chuan theih ang angin Silai mu chu an hum hram hram a. Pasalţhate chuan tlangvalte chu fuih sauh sauhin engpawh tawk mai thei tur chuan an inbuatsaih mek ani.
Beih an tawh aţanga ni thum ni zanah chuan dan pangngaiin Suartui lal inah chuan lal leh a upate bakah a pasalţhate chu rorel turin an ţhu khawm leh ţhap tawh a. Lal Lianvunga chuan," Awle,hei nithum lai mai a zawna beih kan tawk tawh a. Engtia hma han lak zui chi nge ni reng reng ang" a rawn ti a. Pasalţha Kapvunga chuan," Lalpa tunah chuan Silai mu leh a zen kan tlachham chu ani ta der mai. Kan theih ang tawk chu kan hum ţawk ţawk nain ralpui phiar nan chuan a beitham tawh deuh ani" tiin an dinhmun chu a rawn sawi a. Upa Kaphleia chuan," Lal pa,khua han chhuahsan dawnin min hual bet vek mai bawk si a. Heti hi chuan rei kan daih dawn hauhlo mai. Kan tlangvalte tirin kan va luhchhuah mai dawn em ni" tiin a ngaihdan a rawm sawi a. Lal Lianvunga chuan," Ka pasalţhate u,enge in ngaihdan le" tiin a pasalţhate chu a han rawn a. Phirthanga chuan," Lal pa,tunah chuan hmelma awmhmun khuar nghet tawhsa bei turin Silai leh a zen kan nei tam tawk tawhlo ani. Kan tih theih awmchhun chu inring taka lo nghah tawp ani mai. Tunah chuan min rawn beih mai tumin an inbuatsaih tawh ngei anga. Kan theihtawp chhuahin lo dan kan tum ang" a han ti a. Lal chuan," Ka pasalţhate u,min ngaidam teh u. In thurawn kha lo hnawl lo tur ka ni asin" a ti chuai raih a. Phirthanga chuan," Lal pa,kan la thi em hlei nem . I tlangvalte hian a tawp thlengin kan bei dawn ani. Eng pawh lo thleng rawh se. Thih thlengin kan bei ang" a han ti dap dap a. Eng han tih theih awm silo le. Hmelma te lo lan hun nghaka theihtawpa in buatsaih chu an tih makmawh ani..
Suartui ramchhung Hawlhak ngaw hnuaiah chuan Hualtu khua leh a thurualpui khaw pathum pasalţhate leh an tlangval zanga rual zet mai chu an ţhu tlim hmur mai a. Buk pakhat lian deuh tak chhungah chuan khaw pali aiawh pasalţhate chu Suartui khaw beih dan tur relin an ţhu khawm laih mai a. An zinga hotu deuh ber pasalţha Zamuka chuan,"Awle,kan ruahmanna anga thil a kal takah chuan naktip zing khawvar hma ngei khian Suartui khua hi kan luhchhuah tawh tur ani. Tunah chuan Silai mu leh a zen an tlachham tawh ngei anga. Ralven buk hmun thum aţanga beiin khua khi kan kap anga. Tunah chuan tlanchhe chunga kap tawhloin hma lam pan chungin kan kap ang. Ralven buk kan luhchhuah veleh khaw chhung chu hmun thuma in ţhenin kan lut anga. Kan hmaah tumah an ding thei tur anilo. Suartui lam pawh an awm mai mai bik dawn lo a. Khaw pahnih insuihfin anni tih kan hriat aţha bawk ang. Pasalţha ralhrat tak tak an kawl ţeuh mai a. Mahse chung ho vang chuan kan zam chhe tur ani lo. Anmahni aiin kan chak zawk a,kan huaisen zawk ani tih kan entir tur ani" tiin a hote chu an fuih a. Zamuka bawk chuan,"Mi nunrawng leh lainatna neilo kan nilo a. Tumahin nunau leh tarchaklo bakah hmeichhe chungah kut in lek tur anilo. Kan thah bang zawng chu an lal chawpin salah kan hruai vek anga. Suartui khua hi a ding leh tawh ngai dawnlo ani. Ka sawi zawng zawng hi in tlangvalte hnenah in hrilh hre tur ani. Tupawh hmeichhia lo khawih emaw,anmahni beilet thei pawh nilo nunau leh naupang bakah tar chaklo deuhte lo sawisa an awm chuan keimah min hmachhawn angai ang. Chu chu hria ang che u" a han ti dap dap a. Ţawng chhunzawm leh nghalin Zamuka chuan,"An tlangvalte chuan nasatakin minlo bei ngei anga. An tlawma an inpe duhlo anih chuan kan that fai vek ang. An lal leh upate erawh tumahin kut in thlak tur anilo " a han ti leh a. Tichuan Hualtu lal leh a thurualpui khaw tlangval zanga zet maite chu Suartui khaw run tur chuan an in buatsaih ta mup mup mai le.....
Bung-39
Ţhal thli a thaw vuk vuk a. Dithlifarfem te chu a chhem ri sang sang a. Mau ro keh te chu thliin a chhem ri rat rat a. Chuzan zet zawng Suartui khaw tan chuan zan duhawm tak ani hauhlo ang. An khaw boruak tawn mek chu mipui lakah thup eng ang mahse mipui chuan thil awmzia an hre vek a. A zawna nili vel lai mai Silai a puah takah phei chuan khaw mipuite chu thlamuangin an awm tawh hauhlo ani. Chumi zan pawh chuan Suartui khua chu a reh tlawk tlawk mai a . Naupang tualchai thawm hriat tur reng reng a awmlo. Khaw laih veivak tumah an awmlo a. A khat tawka ralven buk lama tlangval kal thawm leh lal in pana pasalţhate inzui thawm chu hriat theih awmchhun ani awm e. Nu te chuan an fate muhil lai chu hlauthawng tak leh lainatna nen an thlir ngawih ngawih mai ani. Thil awmzia hrethiam pha chin tan thinthi diaia mut hmun rem ngaihna awm tawh silo. Nula inah tlangval leng hmuh tur an awmlo a. Nulate lah chuan an hmelmate chuan engtikah nge an lo beih ang a,engtin nge an sawisak ang tih ngaihtuahna nen khumah chuan an mu meng kar mai a. Tlangval leh pa ho zawng zawng chu mahni chhungte kianga tawm mai mai an awmlo.
Suartui lal inah chuan lal leh a upate bakah Val upa leh pasalţhate chu ral relin an ţhu khawm laih mai a. Beih an tawh palh thuta inven dan tur an sawiho a. Lal Lianvunga chuan,"Awle,hei hun khirh tak ka hmachhawn mek ani a. Tunah hian kan khaw mipuite him tlan theihna turin ruahmanna kan siam angai dawn a. Engtia hma han lak tur nge ni ang" a rawn ti a. Khawnbawl upate chu an ngawi ţhap mai a. Tumah reng chuan ruahmanna ţha han chhawpchhuah tur annei lo ni mai hian a lang ani. Chutia an ngawih ţhap lai chuan pasalţha Kapvunga chuan," Lal pa,beih kan tawh hunah chuan ral te hi khuaa luh tir lo a dan beh hram kan tum hmasa ber ang a. Kan hriat ţheuh angin kan khua hian luh khan pathum chiah anei a. Chung hoah chuan ralven buk kan dah vek bawk a. A khawi lai khan aţang pawh hian beih kan tawk thei vek a. Tunah hian Ralven buk tinah tlangval za rual zelin kan indah vek a. A bak zawng chu khawchhung lamah kan in sem darh thung ani" tiin an thil lo ruahman tawh leh an hmalakna chu a rawn sawi a. Phirthanga lo ţawng ve lehin," Lal pa,tlangval Sawmnga rual velin lal in hi an veng anga. A bak mipa ral bei thei chin zawng chu khawchhungah hian a pawl pawla inţhenin ralven buk lama kan indan hnehloh palha khawchhunga ţan lo khawh turin kan awm thung ang. A chhe ber thleng tawk thei kan ni a. Min rawn beih tumtute hi khaw pali insuihfin anni a. An tam thawkhat viau turah ngai ila. Khan pathum aţanga min rawn beih chuan kan tan pawh dan a awlsam deuh anga. Chuti nilo a khan pakhata an rawn bawh huk chuan kan indang hneh dawnlo ani. Tunah chuan an chet rawn thawh dan tur nghah tawp hi kan theihtawk ani rih a. Huaisen takin kan lo bei let anga. Kan inhneh tir hauh tur anilo" a han ti dap dap a. Lal chuan," Ka pasalţhate thu nge nge a fingin a thlamuanthlak teh e. Khuanun zah ngai sela,hnehna chang thei turin min hualhim mawlh teh se" a han ti chuai raih a. Lal ina rorel an zawh hnu chuan Val upate leh pasalţhate chu tlangvalte dinhmun en fel turin an chuuak leh ta a.
Zawlbukah chuan Suartui val upa leh pasalţhate chu an tlangvalte sem darh dan tur leh an hmelmate beih dan tur rel hoin an ţhu khawm a. Val upa Tawna chuan," Awle,heti hi kan ni tasi a. Kan ralven buk lam thawm ngaichang rengin kan awm anga. Beih kan tawh hunah chuan kan tlangvalte hi zam hauhlo turin kan fuih sauh sauh tur ani. Hmar lam ralven buk lam saw pasalţha Kapvungan a ho anga. Chhim lam saw pasalţha Phirthangan a ho thung anga. Keima hoin tlak lam ralven bukah kan awm thung ang. Kan indang zo lo palh ani chuan khawchhung lamah kan tawh lut hret hret anga. Khawchhung lama awm tura kan ruatte nen insuihfinin kan bei leh dawn ani. Ralven buk pakhatah chauh minlo bei anih chuan chu lamah chuan kan tlankhawm anga. Mahse kan vai chuan niloin. Theihtawp chhuahin kan bei anga. Kan hneh ngei tur ani. Thisen far tawp thlengin kan khaw tan hian kan bei anga. Hei hi kan khua ani a. Tumahin min rawn chhuhsak tur anilo" a han ti dap dap a. Tichuan chan te an insem fel hnu chuan anmahni awmna tur hmun lam pan chuan an kal darh leh ta a..
Suartui khaw pasalţhate ral rela an buai mek lai chuan Hualtu leh a thurualpui khaw pathum tlangvalte chu Suartui khaw luhchhuah tura inpeih sa diamin an awm tawh a. An valupate leh an pasalţhate chu a beih ţan dan tur relin an lo ţhu khawm ve mek a. An hruaitu ber pasalţha Zamuka chuan," Awle ,tunah chuan hun rei tak ata kan lo ruahman tawh chu zaninah ngei hian puitlin ani dawn ta a. Suartui khua in kan chunga an thiltihdan zawng zawng kha kan hrereng tur ani. Tumah kan hnungtawlh tur anilo. Suartui khua hian an thiltih pawizia hi an hriatchhuah ram ram theih nan a khua hi kan hal darh vek anga. An tlangvalte thah sakin a bak zawng chu salah kan hruai darh vek dawn ani. Kan insem darh dan tur leh kan beih dam tur chu kan val upa Vutan rawn sawi sela" a han ti a. Vuta chuan," Kan hriat ţheuh angin Suartui khua hian luhkhan pathum chiah anei a. Chumi anih avang chuan hmun thumah kan in ţhen phawt anga. Pasalţha Zamukan tlangval zahnih a ho anga. Pasalţha Manchhunga leh pasalţha Thangzamloa ten tlangval za sawmnga ve ve an ho bawk ang. Pasalţha Zamuka leh a hote hi Hmar lam khaw luhkhan bei turin an kal anga. Pasalţha Manchunga leh a hote Chhim lam luh khanah,tin,pasalţha Thangzamlova leh ahote tlak lam luh khanah an kal thung anga. Khawfing chah hmain kan awmna hmun turah kan ţhu fel vek tawh tur ani. Hmar lam ralven buk kan bei hmasa ber anga. Pasalţha Zamuka leh a hoten hmar lam ralven buk hi an kap chiam anga. Silai a kap reng chungin khua a luh an tum dawn ani. Nasataka kan kah hnuah chuan rei an ţang thei dawn lo a. Kan nawr tawm zel anga. Chumi chhung chuan hmun dang aţanga bei tur ten thawm engmah inla chhuah tur anilo. Hmar lam aţang chauha bei tur angin kan awm phawt anga. Reife chu hmar lamah chauh thawm kan chhuah ang. A hma a kan tihdan anglo takin kan bawh phei anga. Suartui lamin hmar lamah chauh kan bei emaw an ti dawn ani. Suartui tlangvalte hmar lama an lo tlan khawm sup sup huna van lam hawiin Silai vawinga kan hmet puak a. Chu Silai ri in hriat veleh Chhim lam leh Tlak lama awmten khua chu rawn luh in tumve tur ani. Hmun thum aţanga kan beih meuh chuan an tan ţan khawh a har dawn a. Khawchhung lamah nawr tawm hret hret zelin khua khi kan luhchhuah dawn ani. Nasatakin minlo dan an tum dawn a. Mahse chuchu kan hlau tur anilo. Kan hneh anga,rallu tamtak nen ropui takin kan kir leh dawn ani" a han ti dap dap a. Tichuan val upate chuan tlangval rual chu hmun thumah an han ţhen phawk a. Chumi hnu chuan Suartui khaw run turin an kal chhuak ta a. .
Khuan hmasa khuan zawh hnu lawkah chuan pasalţha Kapvunga chuan an mahni awmna lam pana meichher lo eng phei chuah chuah chu a hmu ta. Rangtakin hmuh chian lehzual tumin an dak fan deuh a. An lam pana lo kal ngei anni tih ahriatchian hnu chu a hote chu an kai tho sap sap a. An channa khanpui an lo luh chiah a lo kap nghal thei turin Silai keng te chu a inrin tur nghal a. An awmhmun turte an siamfel zawh meuh chuan meichher eng pawh chu alo hnai tial tial a. Kapvunga chuan an naute chu zam hauhlo turin an fuih sauh sauh a. Silai kengte chuan an ralte anlo lan veleh tum bik neiin anlo kap anga. Silai zen an sawh leh chhungin tlangval dangin feiin an hmelmate chu an lo khawh dawn ani. Meichher eng chu alo hnaih zel chu a lang tlem tial tiala a. A tawpah phei chuan meichher eng reng reng hmuh tur a awm talo mai. Ala thim em avang chuan eng thilin nge an awmna lam rawn pan tih chu an hre theilo a. Kapvunga chuan ral ngei annih ringin a hote chu inring turin a fuih sauh sauh mai a. Reilote ah chuan thawm lo ri phedat dat hi an hre ta a. Thawm chu a tawp leh ţhin a. Reiloteah a lo ri phei leh zel thung. Kapvunga leh ahote chuan uluk takin an mit chu an len ruai mai a. Chutia enge mawh hmuh beiseia an mit an lenkual ruai ruai lai chuan vawilehkhatah Silai a lo puak tuarh tuarh mai a. Silai mu chuan ralven buk chu a deng tlang pawp pawp a. Ralven buka lo awm Suartui tlangval panga lai mai chu an an taksa chu Silai mu chuan a deng tlang nghal pawp pawp mai. Chutah Kapvunga chuan," Kap rawh ule" a han ti tuarh a. Suartui tlangvalte chuan Silai puak sen zuaih zuaih an hmuhna lam chu an han pawng kah ve chiam mai a. Hmelma lam pawh Silai mu tuar an awmve ani ngei ang le,na tuar ţe vawn vawn thawmin a zui nghal a. Suartui lamin an Silai an kap ruak zo chiah tihah chuan hmelma lam aţang chuan Silai a lo puar ri leh zawt zawt mai a. Silai mu chu a sur in a sur hial ta ve ang. Suartui tlangval ţhenkhat chu an tlu nghal phawk phawk mai a. Silai zen pawh an sawh muk hma chuan hmelma lam aţang chuan Silai mu alo fing phei leh ta zawt zawt mai le. Suartui tlangvalte pawh chuan an theih ang angin an han kap let ve a. A ţanhmun rem zawk a awm annih na chuan ala chhanhim hram hram ani. Silai chuna puak ulh ulh reng a. Hmelma lam chu an lo hnaih phei hret hret laiin Suartui lam erawh an tawlh hret hret lo thei talo a. An inkah rei viau hnu phei chuan Suartui lam chuan Silaimu an tlachham ta tlat mai le. Kapvunga chuan a naute chu an tawlh kian tir zel a. Chutih lai chuan khawchhung lam aţangin anmahni pui tur tlangval anlo thlen belh ve mek bawk a. Midang anlo thlen belh leh takah chuan Kapvunga chuan," Khai le,tlangvalte u a tawp thlengin aw" tihpahin ral ho awmna lamah chuan a tlanphei ta a. A hote chuan Silai kap puak zawt zawt chungin an rawn umzui ve a . Hualtu lam chu an tawl let ve leh hret hret thunga. Suartui lam chuan an chan aţha ta emaw tiin haw haw chungin an hmelmate awmna lam chu an bawh phei ta buan buan mai le. Chu zet zawng an thil tihsual ber ani. Hmelma hmatawng te nen an insah rik chhawk chhawk lai chuan vawilehkhatah hmelma lam aţang chuan Silai alo puak leh ta zawt zawt mai a. Suartui lam chu an hek ta hiau hiau hle mai. An dinhmun chu aţha hauhlo tih hriain Kapvunga chuan a hote chu tawlh turin an au leh a. Chutia an tawlh veleh chuan hmelma lam chuan haw haw chungin an rawn bawh phei ve ta thung a. Chutih lai chuan pasalţha Phirthanga leh tlangval ţhenkhat an lo thleng ve leh ta a. Phirthanga chuan," Suartui tlangvalte u,zam reng reng suh u" ti a au lauh lauh chungin hmelma ho awmna lam chu a rawn pan phei ta ruak ruak mai le. Hualtu lam pawh an tum ang ngawt chuan an che biklo. An ţanhmun a rem loh zawk miau avangin an inhloh ve nual tawh mai. Chutih lai chuan Hualtu lam pasalţha Zamuka chuan a hote chu nawr zel turin an au lauh lauh a. Inbeihna chu anasa ngang mai a. Suartui lam chu hmar lam khaw luh khan lamah chuan an tlan khawm zel a. Tunah chuan an hmelmate chu an nawr let ta duai duai mai leh. Suartui lam chu an phur ta hle mai a. An hmelmate chu an tlawm dawn taah ngaiin an nawr tawm zel a.
Chutia hmar lam luh khan ngawt buai pui a an hmanhlel lai chuan hmelma lam aţang chuan van vawr zawngin silai a puak ta ulh ulh mai a. Silai a puah zawh rual chiah chuan Suartui khaw luhkhan pahnih dang aţang chuan Silai a puak ri ta zawt zawt mai a. Suartui tlangvalte chu an phawk ta hra mai. An hmelmate chuan an hual bet vek tawh ani tih an hre thei mai a. Kapvunga chuan," Phira,khaw lamah tlan let ta la. Tlangvalt hruaiin midangho saw va pui teh khai. Keinin helamah hian theihtawp kan lo chhuah ange" a han ti a. Phirthanga pawh chuan hnial loin khaw lam pan chuan a tlan ta nghal a. An ţhiante thawm an hriat takah chuan Hualtu lam chuan an rawn nawr let nasa leh ta mai a. Silai pawh hmang tawhlo chuan an rawn bawh phei ta hum hum mai le. Kapvunga leh a hote pawh chuan an theihtawp chhuahin anlo bei let ve a. Hualtu pasalţha Zamuka chuan hma rawn hruai zelin Suartui tlangvalho chu arawn sat thlu zawt zawt mai a. Kapvunga chuan lo hmu thuaiin Zamuka lam pan chuan an nawr phei ve leh ta a. Kapvungan ţhahnemngai taka Hualtu lam a sah thluk nghoh lai chuan Silai alo puak dur a . Kapvunga chu a hlawm nghal nawk mai a. Chechang zui tur a awm talo. An hruaitu ber a thih tak avang leh An in tam hleih t em avang chuan Suartui lam chu an tawlh lo thei talo a. Khaw chhung lamah chuan an tawlh lut hret hret a. Hualtu lam lah an pawngpawrh deuh deuh a. An pasalţha Zamuka hmaah chuan Suartui tlangval ding zo reng an awmlo.
Inbeih na chu anasa hle mai a. A khawi lam lam pawh ruahmana fel tak nei lawk sa ve ve annih avang chuan awlsam taka inhnehchhuah ngaihna ala awm biklo. Chutih rualin Suartui lam erawh an chan a chhe hret hret a. Khawchhung lamah chuan an tawlh khawm zel a. Hualtu lam lah an phur zual sauh mai a. Khua a var fel meuh chuan inbeihna chu khawdaiah niloin Suartui khaw chhungah ngei chuan a ni ta. Suartui lam pawh khawchhung nghak tura an dah ho nen ţan anlo khawh leh meuh chuan Hualtu lam pawh an hek ve leh ta hiau hiau hle mai. Mahse a tam zawk annih miau avangin an chan ala ţha zawk fan a. A tawpah phei chuan Hualtu lam chuan Saurtui khua an thlen phak chin a in awm ang ang chu an hal ţan ta mai. Nunau thlabarte chu lal in lam panin an tlan dawr dawr mai a. Ţhenkhat erawh tlanchhuahna remchang zawngin khawdai lamah an tlan liam ve thung a. Hualtu pasalţha Zamuka chuan a tlangvalte chu bei zel turin an au lauh lauh mai a. An tum anga khu an lak theih mai lo avang leh a tlangval tamtak a hloh tawh avang chuan Keipui thinrim an sawi ang mai hi ani tawh a. A hmaa lo ding apiang chu a sat chhawk hmawk hmawk zel mai a. Chutih lai chuan val upa Tawna leh Hualtu lam pasalţha Manchhunga chu an lo inbei mek a. Val upa Tawna hi a tlangval lai pawh a tlangval chak leh huaisen ani ve reng a. Mahse a tha aţhum deuh tawh avangin Hualtu pasalţha Manchhunga lakah chuan a ding zo talo. Val upa Tawna chu a nak sahna thler duai mai hup chung chuan a tlu hnawk mai a. Manchhungah sah nawn leh a tum lai tak chuan pasalţha Phirthanga chuan Manchhunga chu a rawn tlawh thal ta huang mai. Manchhunga chu lo tho leh nghalin thinrim eng phiar a Phira rawn melh pah chuan," Nang ui cho,khawnge kan sat sawm vek teh ang che" tih pahin Phirthanga chu a Chema sah chhawk hmawk tum chuan a rawn bawh phei ta a. Phirthanga chuan Manchhunga Chem vai chu lo bumin Manchhunga ban vei lam chu alo chhawk hmawk mai a. Manchhunga na ti lutuk chu a kun tlawk tlawk a. Rawn in thing harh leh in rak teng tung chung chuan Phira chu a rawn bawh leh a. Phirthanga sah tuma chem a rawn vai kual phei pup pup lai chuan Phirthanga chuan Manchhunga dar kau hawk khawp chuan a lo sat leh ta mai. Manchhunga chu a tlu hnawk a. Hreh tak chung chuan a chatthla zui ta a.
Theihtawp chhuaha an bei chung pawh chuan Suartui lam chu an chan a chhe zawk ta zel a. Lal mual chu an tawlh thleng dawn tawh a. Chutih lai chuan Lal in vengtute chuan Hualtu lam chu an lo sai thlu nghoh nghoh mai a. Chu chuan Suartui lam tan beiseina thar siamsakin an hmelmate chu an tha tawp chuan an nawr leh tak tak mai a. Lal muala mipui tlan khawmte chu an ţe chel chul mai a. Hualtu lamin an hneh chin a in awm apiang an rawn hal zel avang chuan khawchhung chu meipui ri nen ,na tuar ţe rawng rawng thawm leh nunau ţap thawm bakah pasalţha inhrosa thawm chuan a luah khat a. Lal in veng tura ruat tlangvalte pawh chu an ţhiante pui tur chuan Hualtu ho awmna lamah chuan anlo tlanphei ve tawh a. Theih tawp tak meuh meuh a an beih hnu pawh chuan Suartui lam chu an bet zel a. Lal muala mipui awmte chu lal in leh a chheh velah chuan tawlh phei tawhin ip chawih chawih chung hian an tlangvalte leh hmelma lam inbei lai chu an lo thlir a. A ţhen erawh chu an hmai hupin an lo ţap rawng rawng bawk a. Suartui lam chuan lal in an rawn hnaih tawh hle mai a . Zamuka chuan a hote chu a aia nasa a nawr tur chuan an fuih sauh sauh mai a. An tlawm hma zawnga beih tur an tih avang chuan Hualtu lam chuan Suartui lam chuan tlawm thu an sawi hma chuan an beih zui ta zel a. Lal Lianvunga chuan a tlangvalte chu an thi zo takngial dawn hian a hria a. A tawpah chuan a upa min Khamvela hnenah chuan," Upa Kham, kan inhloh zo takngial dawn e. Kan hmelma lam hian zah an ngaih theih tak mialin kan tlawm thu leh zahngaihna dil turin i va tlu lut rawk mai dawn em ni ang" a han ti a. Upa Khamvela pawh chuan tlawm chu hreh hle mahse an tana ţha zawk tura anih avangin an tlawm thu auchhuah pui tur chuan a va chhuak ta a. Lal kawt zawla va ding pah chua ring leng lawng hian,"Kan tlawm e,kan tlawm e,. Zahngai rawh u. Kan tlawm e. Suartui tlangvalte u,in ralthuam kha paithla rawh u" mittui tla zawih zawih chung chuan a han ti a. Suartui lamin an tlawm thu an rawn au chhuah pui takah chuan Zamuka chuan,"Tlangvalte u,duh tawk tawh rawh ule. Kan mi tenawm ho chu an tlawm tak hi" a han ti lung lung a. Hualtu lam pawh chuan Suartui tlangval ralthuam dahthla tawhte chu beih chhunzawm lo in Suartui tlangvalte chu hmun khatah an khalh khawm a, an ralthuamte chu la khawmin an veng ta a.
Suartui khua chu a kang dur dur mai a. Thler tin maiah chuan thisen a luang zel zul a. Mitthi ruang a let bel bul mai bawk a. Lal in leikapuiah chuan Suartui lal leh a upate chu an ţhu ţhap a. Hualtu tlangvalte chuan an hual tuau mai a. Suartui khaw mipuite chuan an chenna in kangral mek leh an tlangval te thi ruang chu mittui tla zawih zawih chungin an thlir ngawih ngawih mai a . An hmelmaten engtin nge an tih ang tih ngaihtuahna nen thinphu dep dep chuan an ţhu ngawi ţhap mai a. Lal in leikapuiah chuan Zamuka chu a ding vah mai a. A rin phak baka tam a tlangvalte a chan ve avang chuan ala thinrim ţun mai a. Thinrim insehru ţeuh chung chuan,"Suartui mipui te u. In lal tenawm tak , a fanu ler lepchiah zia pawh hre duh hauhlo a a thlavang hauh zel tu avang a he thil hi thleng ani tih in hria em. Nge in lal hian bum kual cheu in a fanu tana bei turin a thlem thlu zawk che u. En teh u,hmeichhe lepchiah vanga in tawrh nasat zia hi in hria em. Hei hi Hualtu lal Zangama phuba lakna ani tih lo hria ang che u. Tunah hian tumah kan khawih lo ang che u. Amaherawh chu he khuaah hian tumah in chengzui lo anga. In lal chawp hian kan chhiahhlawh ni turin kan hruai vek dawn che u ani. Tunah chuan kan sal ini tawh a. Kan rawng in bawl tawh ang" an ti phiar phiar mai a. Suartui mipuite chu an thi dawnlo ni a alan takah chuan tlemin an thawveng huai mai. Mahse sal nih hrehawm zia leh sal te dinhmun chhiatzia an ngaihtuah erawh chuan an dinhmun chu a ţha fahran chuanglo ani. Zamuka chuan Lal Lianvunga en pah chuan ," Tunah chuan hneh nih hrehawmzia i hre ta maw. I chapona chuan a hnuk hniam ta che anih hi. Tunah chuan khua tihtur inei tawhlo a. Hualtu lal rawng i bawl kumkhua tawh dawn ani" a han ti a. Lal Lianvunga chuan chhan ngaihna reng a hrelo . A en ngai chu a en tlawk tlawk mai ani.
Hualtu lam chuan an tum ber an tihhlawhtlin tak avangin an rallak thil insem dan tur leh an sal hruai dan tur relin an ţhu khawm laih a. Zamuka chuan,"Hei kan tum ber chu tih hlawhtlinin a awm ta a. Beisei loh tak maiin kan tlangval tam tak kan hloh bawk a. Thinrima han thah vek mai ka duh a. Mahse mi tlawm tawh hnu kut han thlak chi ani mang silo a. Kan dawh hram hram ani mai ang chu" a han ti a. Val upa Vuta chuan," Kan pasalţha nge nge zahngaihna pawh i nghah na rawh e. Kan rallak thil leh sal ho in engtia han insem chi nge ni ang le" tiin midang chu a han rawn a. Tumah chuan ţawng hmasa nih an duh hauhlo mai a. Zamuka bawk lo ţawng lehin," Midang an ngawih tak siah chuan ka ngaihdan kan sawi mai anga. Kan lal duhdan angin Suartui lal chhungkua leh a upate hi chu kan khaw lamah kan hruai anga. Mipui zawng zawng hi kan hruai vek chuan kan tan hnawksak anni mai dawn a. Tar chaklo deuh leh nunau nawi deuh te hi khuaah hian kan hnutchhiah mai dawn ani. An dam khawchhuahna tur tawk chu anlo in hai kaw thei mai turah ngai ila. An nula leh an tlangvalte hi khaw tinin a zahna in kan insem anga. Naupang se en rual chin hi kan hruai tel bawk ang. Nausen pawm leh nunau nawi lutuk chu khuaah hnuhchhiah tur ani. A bak ro thil pawh kha a inzat chiahin kan insem bawk dawn nia" tiin a ngaihdan a rawn sawi a. Midang pawh chuan ţha an ti tlangin Zamuka rawtna anga kal chu an titlu ta a. Tichuan mipui chu an han kai hrang ta a. Hmun li ah dah hrangin an sem kual zel a. Tar chaklo deuh leh nausen pawmlai bakah naupang la sen deuhte erawh chu an lak tel anni lo.
Hualtu lam chuan an tihtur ang ang an tih fel hnuah chuan khua chu an chhuahsa dawn ta a. An han inţhen dawn meuh chuan Suartui mipuite chu an ţap chuah chuah mai le. Ţhenkhatin an fate chu an han kuah ngawih ngawih a. Naupangte chuan an nu leh pate kal liam tur chu ţap chungin an um a. Unau kai ţhenin a awm a,nu leh a fate lah hmun khata kal thei hek suh. Nula leh tlangvalte pawh an hmangaihte nen a kaih ţhena an han awm meuh chuan lungchhe taka ţap lo reng ang awmlo. An hmelma te lah chuan ngaihsak lo leh hmusit tak chung hian an vin tuarh tuarh bawk a. Patling pui pui pawh an fate leh an nupuite nen damchhunga inhmu tawhlo tur ang annih tak avang chuan an nupui fanaute chu an han kuah vawng vawng a. Tumah reng insum zo an awmlo. Hlim taka an tualchai ţhinna khua lah meivapah a chang zo tasi. Chhungkuaa khaw khat a kal ho thei te chu vannei an inti viau ang le. An fanu,an u leh nau,an nu leh pa kal liam tur te chu ţap chungin an thlir a. Tih theih nei heklo le. Hreh tak chungin mittui nen an khua chu an chhuahsan ta a. Khua an chhuahsan dawn chuan Dengi chuan mittui tla zawih zawih chungin an khaw lam chu an thlir vawng vawng a," U Vawr,pialralah tal kan intawng leh dawn ni aw. Tunah chuan i hmangaih hi mitthi ang mai ka ni ta e. Khua ilo thlen huna lo lawm tur che a ka awm theilo hi min ngaidam ang che aw. I tello chuan rei ka dam zo dawnlo a. Min rawn ngaihtuah suh ang che. I tan chauh ka rinawm ani. U Vawr,pialralah tal kan in tawng leh dawn nia aw. Dam takin mangţha . Fanua maltluan chawiin hlim takin leng ang che. Kei zawng hmangaih tlak ka ni dawn talo" a ti vawng vawng a. Tichuan Dampui khaw lam pan chuan an hmelma te chuan an hruai ta a.
Hualtu lam chuan an ţhian thi tate ruang chu an lu laksakin an chhungte hmuh atan an hawn sak a. An ral thah te erawh an chhip vun an hik sak thunga. Khua a in zawng zawng,lal intiloh chu an hal vek a. Lal in erawh sala an hruai ve takloh te chen nan an zuah sak hram thung. Suartui khua a ro awm zawng zawng leh an Sial te chu an laksak vek a. Suartui khua chu ding leh tawh ngailo turin anchhe tinrengin an chilh hnan bawk. Tichuan hlawhtling inti takin anmahni khaw lam ţheuaha chawimawi an nih hun turte suangtuah chungin Suartui khua chu an chhuahsan ta a. Suartui mi ţhenkhat an hnutchhiahte chuan an chhungte kal liam tur chu beidawng tak leh hrilhhai takin an thlir zui vawng vawng a. An u leh nau leh an ţhianţha an hmangaihte chu an hmu leh kher angem. Tlangval hliam tamtak bawisawm ngai an awm bawk si avangin an hrehawmna pawh hrechanglo in a pui apangin an buai nuai nuai a. Beiseina tlemte an neih chu mawi takin ala par chhuak ngei ang le.
Mualvum an chhuahsan aţanga ni nga lai a liam hnu chuan Vawrate pawh Khuangsih leh Suartui in karah chuan an awm tawh a. Khua an hnaih tawh em avang chuan an hlim em em maia. Khua an thlen huna an awmdan vel tura an duhthusam chu an sawi tlang vel a. Vawra nupui neih turah bawk chuan an lut leh . A ute chuan Vawra chu Dengi nena an inneih ngei theihnan a hmalak pui chu an tiam a. Vawra pawh a hlim surh surh hle mai. Tlai ni tlak dawn thlenga hlim taka an kal mek lai chuan Khuangsih ram aţanga an khaw lan theihna tlang chu an han chuang chhuak hlawl mai a. Hlim taka an khaw awmdan thlie tuma an mit an len lai chuan an beusei loh deuhin an khaw zawnah chuan mei khu alo tungchho ta nghuah nghuah mai le. Vawrate chuan an phur chu an dah thla hnawk a. Lungchhe tak chungin an khua chu an thlir ta ngawih ngawih mai a. Ramliana chuan," Chhei le,ka hlauh ang ngei ngeiin maw. Engtin tan kan khua chu awm ang maw. Kan chhungte chu baihvai takin chhantu neiloin an awm awm si a" mittui tla zawih zawih chung chuan a han ti a. Vawra leh Vawmai erawh ţawng pawh ţawng chhuak theilo in an indawm kun tlawk tlawk mai . Chutia engmah tihna chang pawh hrelo a an indawm kun lai chuan Ramliana chuan," Ekhai,a enga kan lungchhiat vak chu ni. Naute u, i inti pa chang hram hram ang u. Kan khua chu tupawhin lo run rawh se. Phuba kan la ngei ngei ang" tihpah chuan a an ding hluai a. Ramliana bawk chuan," Tunah chuan beidawng thei kan ni lo. Kan chhugte leh kan khaw mipuite tan kan beih angai ani. I kal thuai ang u" tiin a naute chu a han bia a. Vawra chuan," Kan khaw runa beitute chu tupawh ni rawhse. Kawlkil thleng pawhin ka that vek hma chuan ka umzui zel dawn ani" a han ti ve a . An beudawnna leh an lungngaihna te chu thinrimna leh phuba lak chakna in a rawn thlak a. Phuba lak ngei tumin hmanhmawh takin an khaw lam chu an pan leh ta nghal a.
No comments:
Post a Comment