Pasalṭha Chawngvawra 9-15

Bung-9

         Chhun ni sensa hnuai,kawng ruh mumal pawh awmlohnaah chuan Nula hmelţha tak mai,a thiltih ţhalo avanga lungngaihna chhumpuiin abawm mek chu mal leh khawhar takin a tlan bek bek zel a.A thlantui leh mittui chuan a bual nasa tawh mai.A kephah te chu a vung lek luk tawh a.A chang apiangin an tlu bawk leh thlawp ţhin a.Chutia hah taka a tlan hlawp hlawp lai chuan a hma lama lui luang ri her her chu a hre thei ruai ruai a.Beiseina nung nei tharin kawrte lam pan chuan a kal leh ta a.Thui pawh akal lo tihah chuan luite tui thiang tak mai lo luang ham ham chu a hmu thei ta.Lui ava thlen chuan a hah lutuk chu a ţhingţhi hnawk a.Luite tui chu a dawt ta kiang kiang mai.Chutia hahdam tak leh thlamuang tak tui a in khawlh khawlh lai chuan a hnuglamah amah thah chak em em tu tlangval pahnihin an en reng tih erawh a hrelo.Tui a in zawh hnu chuan luite pang daiah chuan hah tih hriat tak hian an ţhusawp niai mai a.Amah lo en rengtu tlangval zinga pakhat zawk chuan," Ti sawn chawl hahdam rih rawh se,hmabak ko tak hmachhawn tur ala nei si a,a chakna bakah ramhuai chakna thleng pawhin a mamawh dawn ani" tiin a ţhianpa chu an be sur sur a.

          Chhingi chu rei vaklo a ţhut hnu chuan a pute khaw lam pana kal turin a inbuatsaih leh ta.Hmalam pana kal tuma a inher leh chiah tihah chuan a hnung lam aţang chuan aw ring tak leh fiah kek kawk mai hian," Nula,tunah chuan he lamah zawk hian ilo kal tawh ang" tih ri hi a hre ta tlat mai.Hlau leh khur chungin hnung lam an hawi kir a le,khawvela thil hmuh duhlo ber ani ang chu.Nundanga leh Vankhupa,Thangbawnga ţhian pahnihte chuan thinrim hmel leh thutak hmel fe hian anlo en a.Chhingi chuan chetsawn zai a rel thei talo.A thi ngei dawn ani tih chu a hre thei mai.A dinna ngaiah chuan a ding reng a.Chutah Nundanga chuan," Awle,in ngaihtuah lungchhiatna hun chu a zo ta,khawnge kan satsawm vek teh ang che" tih leh Chhingi lam pana tlan chu a rual ta mai a.Chhingi chu tlan sawn pawh tumlo chuan a din na ngaiah chuan a ding reng a.Chhingi chu Nundanga chuan a va phih ţhu lawp a,a Chempuia tin pah chuan," Nang hi maw ,nang mi lepchiah vang hian maw kan ţhianpa in kut thlawn a tuar le,thisen tamtak i luan tir tih hre ta che.Dam reng tlak pawh inih loh hi" tih paha han sah hlum nghal mai chu a tum a.Vankhupa chuan lo dangin," Ţhianpa,in sum hram teh,heta kan thah mai zawngin a tan a nuamsa lutuk ange,.Thisen tamtak luan tirtu hi midang ho hmuhah pawh i khek teh ang" a han ti a.Nundanga chuan thinrim tih hriat tak hian Chhingi chu an theh thal ţhuai a.Hmeichhe chunga kutthlak chu duhlo hle mahse a thinrimna chuan a hneh hrih em ani.Tichuan Chhingi chu an phuar a,a puan bih te siamţhat tirin hruiin an thlunga.Dampui khaw lamah chuan hlawhtling inti takin an kir leh ta a.

         Dampui lamah chuan Suartui tlangvalte chuan an ţhiante ruang chu zawn theih mai tura siamin anlo peih fel diam tawh a.An chanchin kimchang Suartui lal hnena thlen turin tlangval pahnih an tir nghal bawk a.Dampui lalinah chuan Damlui lal leh a khawnbawlte chu Suartuo tlangvalte nen chuan an awm khap mai bawk .Chutah Val upa Tawna chuan," Awle ,hei kan lal Zaidam leh nunnem tak Lal ropui Lianvunga duhdan angin kan mithah lu hi kan hawn dawn lova.Amaherawhchu kan mi tenawm Hlunchhingi erawh a nungchung ngeiin kan khuaah kan hruai haw anga.Tah chuan rorel sakin a awm dawn ani.Tunah chuan eng duhdan mah sawithei inni lova.Khaw inţhenawm,a hma aţang tawha lungrual taka awm ho ţhin kannih avnagin tun ţum na na chu zahngaihna kan lan tir ange.A lehpek a awm leh anih ngai chuan Dampui khua hi mei vapah kan chantir tawh ang" a han ti dap dap a.Dampui lal Tuţhiaua chuan," Suartui pasalţhate u,min ngaidam mawlh teh u.Tuna kan dinhmun aia ţha hi keini tan chuan a awm love.I duh ang chuan ni zel rawh se.Tin,ka khaw mipuite leh keima chungah ngei pawh zahngaihna in lantir avangin ka lawm em em ani" a han ti a.Chutia an titi malh malh lai chuan Suartui tlangval pahnih chuan Dampui nula Hlunchhingi chu lal in lamah chuan an rawn kai phei ta hnak hnak mai a.Khaw mipui ţhenkhat pawhin thil awmdan chiang zawka hriat duhin an rawn zui hlawm a.Lal in leikapuiah chuan lawn chho puiin an din tir ta vang mai.Suartui pasalţha leh val upate pawh chu Dampui lal leh a khawnbawlte nen chuan an lo chhuak a.Midang tumah an ţawng hma chuan Dampui upa Sangvela chuan," Chhingpui,duat takin kan enkawl che a.Hetiang rilru ţhalo i put hi ka ring ngai lo asin.Min va han ti zak em em ve" tih phiar phiar paha a fanu chu han ben mai a tum a.Vankhupa chuan lo dangin," Ka pu,kha chu keimahni chanpual ani.A chungah thuneihna in nei tawhlo e" a han ti chang fal mai.Lal tualah chuan mipui an rawn pungkhawm leh luai luai tawh a.Chutah Nundanga chuan," Le,kan nula hmelţha i chu,i ruahmanna hlawhtling tak leh fing tak te kha han sawi ta che.Mipui ten ngaithla chakin an thlir ţhup tawh che nia" a han ti a.Chhingi chu a ngawi reng a,a mit aţang chuan mittui alo luangchhuak ţhiam ţhiama.Hetiang dinhmuna ding tur chuan a in suangtuah phak ngailo ani.Tichuan chhingi chuan Bawnga nena an inruk dan zawng zawng leh a thil ruahman te chu an sawi ta a le.Mipui thinrim chu an ri nuai nuai a..Thah mai an duh tih a hriat mai,an fapa leh an pasalte thihna thlentu chu tumahin zuah an tumlo ani.Vawilehkhata mipui chuan lal leikapui lam chu an rawn zim huk a.Suartui tlangval te chuan lo dangin an han innawr deuh a.Chutia an han innawr nak nak lai chuan Chhingi lu chu a ri chhawk a,a tlu sawp nghal nuai mai a.Suartui tlangval ten an va en chian nak chuan a bek dinglam leh a tukkhumah chuan lungtum lian zet hian anlo deng ani awm a.Thih chu ala thi em lova,mahse a damchhuah chu a rinawm.tawhlo ani.Mipuite thawm a reh hnu chuan Nundanga leh Vankhupa chuan Chhingi chu an han bawisawm nghal a.Chhingi nu chu lo tlanchho in," Ka fanu,a van pawi tak em aw" tiin a ţap ta hawm hawm a.Mipui lam chu Suartui val upa chuan ngawi turin an ti a.Chutah pu Sangvela chuan," Ka fanu te chu ila ti alo,nangni hmeichhe tlaktlailo ho,min va han tizak zozai ve leh" a rawn ti ta phiar phiar a.Chhingi chu thei leh theilo hian alo meng ţawk ţawk a.Chutah rawn ţawngchhuakin Nundanga leh Vankhupa hnenah chuan," Min ngaidam rawh u.U Bawnga nu hnenah pawh khan ngaihdam min han dilsak ang che u.Ngaihdam tlakloh ni mahila.Ka nu leh pa te erawh ngaidam hram ang che u" a han ti ţawk ţawk a.Nundanga leh Vankhupa chu an ngawi renga.Chhingi bawk chuan," Ka nu,i fanu ni tlak pawh ka nilo.Ka pa,min ngaidam hram ang che aw.Ka tlin ta lo ani" a han ti chuai raiha.Tichuan a thiltih tenawm tak avanga thisen tamtak luan tirtu nula Chhingi chu a chatthla ta riai riai a.Bumin a awma,chu chu a thiamloh anilo.Hmeithai inah lawiluh pawh a duhlo,chu pawh a thiamloh anilo.Tupawhin nuamsa taka awm chu an chak ţheuh ai a.He inbum kualna tenawm takah hian tunge mawhphurta nag le.Mahse thil tihsual lian tak pakhat anei ani,Bawnga khan a hmangaiha,mahse ani chu hmangaihtu der ani.Chu tak chu ani Chhingi thil tihsual lian tak chu,a hmangaih miahloh hnenah," Ka hmangaih che" alo tih avangin.

         Suartui lam chu anmi duh ber ho lam taka an thi ta mai chu an lung awilo em em a.Han tih theih lah an nei silo.Tichuan Suartui Val upa chuan Dampui lal hnenah chuan," Awle hei kan mi duh ber lah a heti ta si a.Bawnga nu hnena kan thu lo tiam tawh kan hlen talo ani a.Chhingi man atana kan rawn pek Sial sawm leh Dar bu erawh kan hawn sak angai dawn ani.Tin,Silai fung pawh kan ţhian boral ta chhungte hlan atan kan la bawk ang" a han ti charh charh a.Dampui lam chuan an tlangval te tirin an han buaipui nghala a.Suartui lam pawh chu ruang zawn tur nei te anla nih bawk avangin an duh ang an hmuh hnu chuan Dampui lal chu thutiam kamna neih turin Suartui lam panin an chhuak ta a.

          Suartui tlangvalte chu an ţhiante zawnin thinrimna nen an khaw lam chu an pan zel a.Vawra chuan a u an zawnna hlang chu a thlah duh hauhlo mai a.Midangin chhawk an han tum pawhin nawr sawn zawh ruallohin a ţang tlat mai.A ngawi renga,engmah a sawilo.Ramri lui an thlen chuan Suartui lam aţang chuan anmahni chhawk tur anlo kal a.Thil awmzia te sawiin khaw lam aţanga lokalte chuan rammu te chu an han chhawk sang sang a.Vawran a u Ramliana leh Sawivela an hmuh chuan," Ka u ka venghim zo talo" tiin lungngai takin a ute chu alo kuah a.Chutah Ramliana chuan," Vawra,inti pachang hram hram rawh.Mipa tan mittui tihtlak a mawilo e.Hei hnehna chnagin ropui takin in lokir a.I u kunga pawh huaisen takin a thi alawm.Lungngai lutuk hmel put reng tur anilo" tiin an hnem a.Tichuan khaw lam panin an in chhawm chho leh ta a.Kawtchhuah an thlen chuan lal hnenah khua an hnaih tawh thu hrilh turin tlangval an han tir a.Rallu pakhat mah an hawn loh bakah an ţhiante hliam tamtak leh ruang zawn annih avangin a zan a zan chuan khuaah chuan an lut nghala.Ruang te chu lal inah an han kalpui phawt a.Lal chuan sunna thute sawiin rammu a kal ,nungdama lonhaq ve talo te chawimawina hun chu an hmang a.Tih tur ţula ang angte an tih zawh hnu chuan anmahni in lam ţheuhah an zawn hawng ta ani.Lal leh mipuite chuan an mi duh ber Chhingi rorel sak tura an khua a thleng zo talo chu pawi an ti em em a.Engmah tihtheih a awm tawh silo.Chumi zan chu chhungkaw tamtak an fapa te leh an pasalte him dam taka an lo hawn avangin an hlim em em a.Thenkhat tan erawh ţahna ,lungngaihna hun ani thung.Suartui khaw thlertin maiah chuan ţapa chiau vawn vawn thawm hriattur a awm a.Indona hi chu a va rapthlak tak em..

         Vawra chuan a u thi chu a tuar em em a.Mi zingah pawh a tal tamloh phahin a nu leh pa leh a ute kiangah chuan a tap chawt reng mai a.Nikhat chu Vawra chuan," Ka nu lo lamah tihtur em em ala awmlo a,buhtuh ala hun chuanglo bawk nen.Daihnaiah ka va vak khaw thawng mai mai ange " a ti a.A nu leh a pa pawh chu an lawm hle a," E va vakchhuak tak teh,hetia tawi kual reng zawng aţha ngailo e" an ti a.Vawra chu tukţhuan ei kham chuan Sairawkherh leh chempui kengin Sava veh pahin daihnai mai mai hrutkual turin achhuak ta a.Nilenga avah hnu chuan Sava pawh a iptepui hnawh puam awk khawpin a perhthla tawh a.Haw mai tuma an kal mek lai chuan a bul maia thingkung dingah chuan nauban alo par vul chûk mai a.A mawi atih em avang chuan a farnute hawn a tan tiin thingkungah chuan a han lawn a,a duh ang tawk a lawh hnu chuan thingtuai satin a hmawrah naupan par chu a ţawn khawm a.Thingtuai chu tiangah hmangin a ţhun haw a,hlim takin a haw ta a.Kawtchhuah a thlen chuan midang pawh anlo awm ve nak nak a.Nidang anglo takin an lal fanu upa zawk Darchawii thingphur pawh a ţhiante nen anlo ţhu chawl a.Vawra chawlh khaw muan pawh tum lemlo a kaltlang mai an tum lai chuan Darchawii chuan," Tlangval , i nauban par thliah chu ava nalh em em ve.Khawiteh a ţhen kha kalo hawn ve ange" a rawn ti a.Vawra chuan," Lal fanu,min hrethiam la,hei zawng ka ute tana ka hawn ani.Ni dangah kalo thliah zawk ang che" ti a chhangin kal zel a han tuma.Darchawii chuan chapo tak hian," Ka duh chuan ka laksak lui thei che tih i hria em" a han ti leh a.Vawra chuan ," Aw,lal fanu hria e.Mahse hei chu ka ute tana ka hawn ani" a ti ve leh ngat a.Darchawii bawk chuan," In inla lian ve hle mai maw,engang chiah nge inih kan en ang chu" tih pahin a bula tlangval lo ţhu ve hnenah chuan ," Pangpar saw va laksak tawh" a han ti a.Lal fanu chu tumahin hnial ngam heklo le tlangval pakhat chu rawn pheiin Vawra pangpar ken chu rawn lak mai a han tuma .Vawra chuan," Lal Fanu,khawngaihn min hrethiamla,a dang ka lo hawn ve mai ang che" a han tih pawh chuan Darchawii chuan a awih ta tlat lo mai a.Tlangval hnenah chuan," Han chhuhsak vat tawh" a han ti tuarha ,.Tlangval chuan Vawra pangpar chu a han ban zuai a,Vawra chuan a kutah lo manin a herh thal tawp mai le.Tlangval tlawmngai chu alo tho leh nghala.Vawra chuan a thil ken lai chu dahin amah rawn pan tu tlangval chu a kawngah a la lawk a,a vawrh thal leh ta uau mai.Tichuan a hmanruate la fel sawk sawkin a han kal zui nghal a.A kal liam tur chu Darchawii chuan," Lal fanu meuh pawh i zahloh avang hian i tuar ngei ngei ang.Lo ngai tak rawh" a han tizui a.Vawra chu hre awm pawhin a lang lo.Hmanhmawh takin an in lam panin a kal ta daih a.Vawra an in a thlen chuan a farnute chuan a iptepui chu anlo hlan thlak sak a.A sava perhtlakte chu an phawrh a.Ţuahpuii chuan," kan pasalţha chu i va rawn hlawhtling ve" a han ti a.Vawra chuan," Eng tham mah anih lo kha ka u.Hei Nauban par ka lo hawn che u nia" tih pahin pawn lama a tiang hawla nauban par chu ava la a.Pangpar an han hmuh chuan Hlirthangi chuan," Awi Vawra a van mawi em em,khawi rawh kalo tawn chhin ange" tuh pahin Vawra kuta nauban par chu ahan la a,an pahnih chuan an samah an han tawn chhin vela .Vawra pawhin a farnute hlim taka an awm chu enin a nui ver ver mai.Chutia hlim taka an awm lai chuan Tlangau chu an in lam panin a lokal a.Vawran alo hmuh chuan thil awmzia alo man nghal a. An in a rawn thlen hma deuh chuan Vawra chuan," Ka u,ka ţhiante inah ka leng lawk dawn.Tikhan lo awm rawh u" tih leh chhuah a rual nghal a. A ute chuan," A mak em em e aw,la han thu hahdam ve deuh la mawle" an tih pawh chu hrelo ang maiin a chhuak ta tho a.Tlangaupa nen an han in tawh chiah chuan," Ka pu,hawh i kal nghal ang.Minlo nghakhlel tawh ange " tih leh lalin lam pana kal chu a rual ta mai a.Tlangau pa chu maktiin a ka ho mai.Engmah sawi lemlo chuan a zui ve ta nghal a.

           Lal in an han thlen chuan Lal leh a khawnbawl ţhenkhat bakah Lal fanu Darchawii an lo awm a.Vawra pa pu Doţhiaua pawh a awm nghe nghe ani.Vawra lalina a han luh chuan a lo am hmasa te chuan ngawi ţhapin an lo en a.Upa Kaihlei a chuan," Vawra hei vawiinah kan Lal fanu Darchawii zahpah lo takin ilo bia ani awm a.Thil hote dil chein ila pe phallo zui bawk a.Chutah a mah zuitu tlangval pakhat ilo khawih silawng bawk ani awm a.He kan thu hriat hi a dik em tih nangma hnen aţang ngei a hriat kan duh ani" a han ti dam dap a.Vawran a chhan hma chuan Lal Lianvunga chuan," Tlangval,dawt sawi ka duh miahlo nia.Dawt min hrilh anih vaih chuan ka hrem ngei ngei ang che.Thudik tak chu han sawi ta che" a han ti ban charh a.Chutah Vawra chuan," Lalpa in thu hriat zawng zawng kha thudik vek ani e.I fanu chuan pangpar chu min dil ngei a,mahse ka ute tana ka hawn anih avangin ka pe phallo ani.Nidangah ama tana ka thliah sak leh tur thu pawh ka hrilh a.mahse anin a duh loa,.Tlangval pakhat kha min rawn laksak turin ati a,ka insum zolo in kalo khawih ta mai ani.Lalpa i pawi kalo khawih avangin min ngaihdam hram ka beisei" tiin thil awmzia an sawi a.Lal Lianvunga chuan," Ka fanu chu chu a dik meuh maw" tiin a fanu chu a han zawt ve leh a.Darchawii chuan," A sawi ang chu ania lawm" alo tih bah hmak a.Lal bawk chuan," Awle,kan thil buaipui hi thil liantham aniih loh khi.Vawra,nangpawh heihi hria la ka duh.Ka fanu hi zah pahlo taka ilo be leh anih chuan hrem lohin ka chhuah tawhlo ang che.Chu chu hre reng rawh.Tin,upa Doţhiau,nangpawh i fapa hi ilo zilh ţha tawh dawn nia" a han ti a.Upa Doţhiaua chuan," Lapa ka fapa thil tihsualah hian ngaihdam ka dil e.A thleng nawn tawhlo ang" tiin an chhang a.Tichuan Vawra chu zilh dan hrang hranga an zilh hnu chuan nidangah Lal fanu chu zah tawh tura in tiamtirin an haw tir ta a.Vawra a haw hnu chuan upa Dothiaua chuan," Lalpa ka fapa thiltih hian min ti zak takzet ani,a ţula anih chuan lei pawh kan chawi mai ang.Min ngaidam hram dawn nia " an ti a.Lal Lianvunga chuan," E upa Ţhiau,kha thil kha chu i theihnghilh tawh teh ang.Lehlamah ka fanute pawh hian nungchang tha hi anlo tlachham ve tawh ani ange.Lei chawina tham ani reng reng lo a.I fapa kiangah pawh khan ka thin a rimlo ani tih minlo hrilhsak dawn nia" a han tih hnu chuan thu dang dangah kaiin an titi ho leh ta a.

          Vawra an ina a haw ta chu a thin a rim em em mai a.A farnuten an biak pawh chuan chuan," Ka pa lo haw hunah" tih chohin a chhanga. A farnute leh a nu chuan eng tak chu ni ang maw tiin ngaihtha zan lo chuan an awma.Tlai lamah chuan a Vawra u Vawmaia thlam chung chih a kal pawh a lo hawng a.Chutia Vawra lo ţhu ngawi remg a hmuh chuan a lungleng khawha emaw an tu ngawt pek a." Vawra, tu chu nge maw in ngaih leh pek le.Khatia kawmthlang lam hawia i ţhut tak veng veng mai" a han ti a.Hlirthangi chuan," Hei vawiin chu a ţawng ţha duh hauhlo mai.Ka pa lo haw hunah tih bak ala sawilo" an tih chuan Vawmaia chuan," Eng tak chu ni ang maw,nula rim tur hrelo lungngai chu ini emlo ang chu maw" an tih chuan a ute ho chu annui dar dar a.Vawra erawh a la ngawi reng a.Chutih lai mek chuan apa lal in a leng pawh alo haw ve chiah a.Vawran a pa lo hawng a hmuh chiah chuan," Ka pa pem ang u" a lo ti tawl mai a.A u te chuan mak ti takin Vawra chu an en a.Vawra nu Mangchini chuan," Vawra a enga tia pem te i sawi tak mai le" a han ti a.Chutah Vawra pa chuan Vawiin lama Vawra thiltih dan zawng zawng chu a han sawi a.Chu thu an hriat meuh chuan a frnute chuan pawi an ti em em a.Ţuahpuii chuan," Vawra,min ngaihtuah viau chu kan hria a,kan lawm lutuk a.Mahse pangpar chu lal fanu chu ilo pe mai lo nia aw" a han ti a.Vawra chuan," Ka u, hah takin ka la a,lal fanu mah nise awlsam taka min laksak kha a tihtur ani biklo.Kan phalloh chuan min dilluih veloh mai tur nia" a n ti nang nang a.A pa chuan," Khaih khaih khaih, Vawra chutin an ti ngailo.Miin anlo hre reu reu ange.Lal fanute hi lal annih anga zah em em tur ani.Kan thiamna ngei ngeiah pawh thiamloh chan kan chan fo te angai ania.Kan lal hi lal fel tak ani a.A fate pawh a lo zilh ve mai ang.A thinrim loh thute pawh hrilh turin min ti che nia" a han ti a.Vawra chuan," Ka pa pem mai ila nimai" a han ti leh a.Vawmaia chuan," Vawra,pem hi thil tih mai mai chi ani hlei nem.Mi khuaa va awma,engkim bul va ţanţhat a har teh asin.Bakah lal sual tak hrawn te hi a hlauhawma.Tumah an pem mai mai ngai hlei nem" a rawn tive a.Tichuan Vawra pawh rawn pangai ve leh in annui ho leh dar dar tawh a.Zanriah te kil hoin hlim takin an titi siam siam a.

          Leng len hun velah chuan Suartui lal leh a khawnbawlte chu lalin lamah chuan an ţhu khawm laih tawh a.Lal Lianvunga chuan," Hei kan tunlai khua chu ka ngaih atiţha tawhlo lampang chu ni.Ruah reng sur a tumlo mai.Tiang chuan kan thlaichi thlak tepawh a thi zo mai dawnin ka hria.Ruah koh nan Ngha tkang vuak kan rawt mai dawn em mawni chu kalo ti deuh a.Enge in ngaihve dan le" a han ti a.Upa Thanghrima chuan," E Lalpa,keipawh chu chu kalo ngaihtuah lai mek ani.Tiang ringawt chuan thlai thar tur pawh kan neilo mai ang tih a hlauhawm e" a ran tive leh a.Tichuan Nghatlang vuak chu an rel thlu ta a.Nikhat inbuatsaihna hun nise,chumi hnuah Kurung lui ,Suar dar lam chu Ngha tlangvuak na atn nise tiin an rel ta a....

                   Bung-10

           Suartui khaw nula leh tlangval hlim taka titi a an nuih ho dar dar lai chuan Tlangau chu thler tinah," Naktip maiah hian Kan Lal chuan Sanghatlangvuak a rel a,naktuk lamah ru la tura fehchhuah ţheuh tur ani.Tin,ru lakkhawm sa te chu lal tualah dahkhawm tur ani" tiin a rawn au lauh lauh a.Nula rimnaa tlangval awmho chuan," Chhei le,kan lal chuan a rawt ta nge nge maw.A nuam leh dawn mange aw.Suar dar lamah a rawt leh ngei anga" an han ti sap sap hlawm a.Nulate chuan an thangbo hlana an ngaih tur zia leh an lunglen tur ziate anlo sawi ve bawk a.Tin,Sanghatlangvuaknaa nula kal ve an phal ngailo chu pawi an tihthu te an sawi vel luam a.Tlangvalte chu Sangha tamtak mana lo hlawhtling haw ngei tura an duh thute an sawi sap sap hlawm.

         Chutia Suartui khua hlim taka an awm lai chuan Lal khawdai aţangin tlangval pahnih hian hmanhmawh takin lalin lam chu an pan hlawk hlawk a.Lal in an han thlen chuan lal in a luh an han dil hmasa te te a.Chutah tlangauin luhphal anih thu a han hrilh hnu chuan lalinah chuan an lut nghal a.Suartui lal inah chuan lal Lianvunga leh a khawnbawl upate chu an lo ţhu khawm ţhap a.Chutia mikhual tlangval an han hmuh takah chuan lal chuan," E khai,khawilam khual nge maw innih chu le" tiin alo chhawn var a.Mikhual tlangval zinga a upa zawk Ngama chuan," Lal pa ,Lal Hauthanga khua Hliappui aţanga lokal kan ni e " a han tih chuan Lal Lianvunga chuan ," E khai,Hliappui khaw tlangval innih chuan khualţha innih chu le.Tlangaupa zu han zuk tawh ,an chhawl tepawh a hal tawh ange" a han ti a.Tlangau chuan zu te a han zuk hnu chuan Lal bawk chuan," Ka unaupa Hauthanga chu a dam alawm maw.Eng thuah chuan nge he lai thleng thleng a in lokal tak" tiin a han zawt a.Ngama bawk chuan," Lal pa vanduai thlak takin kan lal Hauthanga fa naupang ber a thinkung lawn a chesual palh hluah mai a.Mihring kan in chan ta lo ani.Kan lal Hauthanga chuan a unaupa inih na anga rawn hriattir ve che a duh a.Chumi thu kenga lokal chu kan ni e" a han tih chuan lal chuan," A va han pawi tak em ve aw.Kei lah khual rala han kal chi ka ni silo a.A enga pawh chu nise ka unaupa chuan helai thleng thleng hian min ngai pawimawhin alo tir che u a.Ka lawm zia entirnan leh ka tupa ka sun zia entir nan kut ruaka in kir ka remti dawnlo ani.Ka pasalţhaten in khua thlengin an rawn thlah ang che u" an tih chhunzawm a.Ngam bawk chuan," E ,Lalpa chu zawng keini han hnial rual va ni suh.I remruat dan ang ang chu kan pawm e" a han ti leh a.Lal leh a khawnbawl upa te chuan lal tupa boral chungchanga lal Hauthanga hnenah a ralna leh tawrhpuina atan ţhi leh dar engemawzat pek chu an remti tlang a.Tichuan Hliappui khaw tlangvalte thlah tur chuan an pasalţha Ramliana( Vawra u..Nupui neia in hrang chang tawh) leh tlangval dang pahnih in an zui dawn ani.An thawmhnaw ken turte chu an phurh pui ang.Lal lianvunga chuan Hliappui khaw tlangvalte hnenah chuan," Awle,hei in lokal na te a hla tham si a.Zanin chu ka inah hian in riak phawt anga.Chau viau mah ula,cham khaw muang loin naktuk zing lamah ka pasalthate nen chuan in chhuak lehnghal mai ani ang chu" a han ti leh a.Tichuan a tuk lama chhuak maithei tura inring tur chuan Tlangau chu Pasalţha Ramliana ko tur chuan an tir a,.Ramliana alo thlen chuan thil awmdan zawng zawng an lo hrilh a.Ani pawh chuan remti in a ruala tlangval kal tur pawh an han ruat nghal zung zunga.Tichuan a tuk Fehrehsana Hliappui lama kal tur chuan an in buatsaih ta a.Hliappui leh Suartui inkar hi patling pangngai ni li kal awm vela hla ani a.Hliappui leh Suartui inkarah hian khaw lian ve tak pakhat Khuangsih khu a awm bawk ani.Khuangsih hi Suartui aţangin nihnih velah a ban theih bawk.Lal thupek ang chuan Ramliana chu a tuk maia Hliappui pan tur chuan a in buatsaih nghala.A ruala kal ve tur tlangvalte pawh tlangau chuan hrilh kual nghalin ,a tuk zing ţukţhuan eikhamah lal inah na kal phawt anga .Tichuan Hliappui lam panin an kal dawn ani.

       Chumi zan chuan Vawra chuan han lenna mai tur pawh a hriat lemloh avangin a u Vawmaia chuan," Vawra,zanin chu khawi lam nula nge maw han lem i tum le" a han ti a.Vawra chuan," Ka hre hauhlo mai,ka ţhiante nen naktuk lama kan rulei lakna tur vel kan lo sawiho mai mai ang chu ka tia" tiin a'n chhanga .Vawmaia chuan," E,naktukah zawng kan pahnihin kan chhuak dawn nia.Nikum lama kan chul hluiah khan rulei chu a tam nanngiang mai.Sava kah turte kan zawng pah anga.Zanin chu min rawn zui ta che " an ti ve leh a.Vawra chuan nula rim tura unau naua han in zuichhuah chu a ti lo viau mai.Mahse han lenna tur a hre vak der chuang silo a.A u hnenah chuan," Ni hmiang chu mawle.Nula mit ka la bik lutuk tur hi chu min thik lo la" nui ţhaw hian ahan ti a.Tichuan an unau chuan an chhuak dun ta a.Vawra chuan ," Khawi lamah nge min han len pui i tum le" tia a u ahan zawh chuan a u chuan," Min zui phawt la" a tiduh chauh a.An pahnih chuan tuikhur mual lama nula hmelţha ," Zikpuii te in kawtah chuan an ding ta ran mai a.Vawmaia chuan," Vawra hma han hruai tawh" tih leh," In awm em" tih a han rual nghal a.Vawra pawh chuan eng khaw sawi set set lo chuan a u thu angin an lut nghal thawr mai le.Chutah Zikpuii chuan," Lo leng ţhu rawh" tih pahin ţhutna awl lam chu ahan kawh hmuh a.Vawra chuan a u kha a lo luh ve mai a ring chu niin.A u lah chu khatia Vawra a luh chiah khan hmundangah a kal daih mai sia le.Vawra tan pawh han chhuah lehna mai na chi ni heklo.Tuilo zet chuan tuium hunna lai chuan a ţhu ta a.Tlangval dang pawh anlo awm ţeuh tawh mai a.Vawra chu a zak angreng hle a,a u tello chuan chu nula chu a rim chhan tur a awmlo.Chu nula,an khaw nula hmelţha chu a rual phalo mai pawh niloin a ute rual ala ni pah bawk nen.Tuilo zet chuan an ţhu a.A u chu a ruk tak chuan a ngei em em a.Vawmaia lah chuan tifuh inti em em in Vengchhak lamah a len san daih mai sia.Zikpuii chuan tlangval lian thekthawk ,hmel fang ţha zet mai lo leng chu tunge anih a hrelo.Vawra hming an sawi chu a hre tawh ngei a,Vawra hmel erawh ala hmu lo ani.Vawra chuan a u thiltih dan hlir ngaihtuaha a ţhut ngawi reng lai chuan Zikpuii chuan," Tlangval minlo hrethiamla,ka va'n hre mailo che ve.Khawi lam mikhual nge inih le" a han ti a.Vawran a chhan hma chuan tlangval pakhat chuan," Ekhai,Zikpuii mai mai chu,nakin lawka kan khaw innghahna la ni mai tur Savawm pawh zûk hlum thei Vawra pawh ilo hrelo amaw?" nui hawk hawk pah chuan a han ti a.Zikpuii chuan," A khai aw,ka bengvar lo lutuk hi chu a apawi ani.Vawra Savawm zûk hlum thei chu ka hre ngei a,mahse tlangval hmelţhatak ani tih kalo hre tel hlei nem" nuih seih pah hian ahan ti a,.An tum dan deuh chuan Vawra ,tleirawlte mai chu han chhaih za vel an tum ni awm tak ani.Vawra lah alo zamlo nasa si ale." A,U Zikpuii hmelţhatna hian min zem nasa ngang maia,han hmuh ve reng rengah ka ti alawm le" Vawra chuan a rawm ti ta kauh mai.Zikpuii bawk chuan," Khaih khaih,keini hmelin mi va phak ve suh ei" a rawn ti ve leh a.An thang kamah chuan an awk dawn ta zawk tlat mai.Chuchu hriain tlangval pakhat chuan," Tun kum kan Sanghatlangvuak tur chu a phurawm tawh khawp mai.Lui kamah dulhmul khat phuarin Nghatun sa han lim leh nghek ila ni mai lawm" tiin titi dang a rawn vawrh a.Tlangval pakhat chuan," Keini ve zawng kan tel theih hmelloh hi.Hei Vawra u Ramliana ho hian kan lal thu angin Hliappui lamah kan kal daih dawn a.A phurawm tehchiamlo ani" a rawn ti charh charh a.Zikpuii chuan," Anih chu aw,khual khuaa nula zunin a va phuar hlen emlo ang che chu maw" a han ti ve leh a.Tlangval bawk chuan," Khual khuaa lungdi neih ai chuan Zikpuii zunah pialral thlengin ka uai ve ta lawng" a han tih chuan an nui dar dar a.Titi dang dang an han vawrh a.Vawra pawh chuan a phawk chhuah zuiin," U Ziki zawng alo hmelţha ngang ani ange ,kan kawmthlang putar pawh sawn Zikpuii zun a ti deuh reng mai" a han tih phei chuan tlangvalho lawmah a tla a,an hlim tlang hle mai.Vawra chuan a aia u vekte nena han awmho chu nuam atih tehchiamlo a.Midang tumah an haw ve hma chuan an ding hluaia," E khai,keini naupang zawng mut hi kan kham mawh khawp a,kalo va ţin tan'ge" tih paha chhuah mai a han tuma.Tlangval pakhat chuan," Vawra,la leng ve rihla mawle,leng hawn ar pawh ala khuan loh hi '" a rawn ti a.Zikpuii pawh chuan ," Ni e,hei ala hma lawm le.Nge i lung kan kuai zo meuhlo zawk" nui sang chung hian a rawn ti a.Vawra lah pek chuan," Tlangval tam pui karah zawng hun ţha hmuh a har em mai.Ni danga tan biahthu pawh kan khek zawk ange" a han tih chuan tlangval lo awmho chu annui leh dar dar a.An in manghtha zawh hnu chuan an in lamah a hawng ta nghal a.

          A tuk fehrehsan ah chuan Vawra leh a u Vawmaia pawh kum liamta a an chul lamah chuan an kal hnak hnak a.Ramliana tepawh lal Lianvunga tirh angin an mikhualte nen chuan Hliappui lam pan turin an kal chhuak ve mek bawk a.Vawra ten chul an va thlen chuan an duh ang ngeiin rulei chu alo tam hle maia.An duh ang tawk an lak hnu chuan Vawmaia chuan," Vawiin chu silai kan keng ve ve bawk akan chhak ngawah khian Sava kah tur i han zawng teh ang" a ti a.Vawra phur zawng tak mai niin an pahnih chuan an vak chho ta a.Rei ngial an vah hnu chuan Vahrit Panga lai mai an kap thlu der mai.Tichuan hlawhtling inti takin khaw lam panin an haw leh ta hnak hnak a.Khaw kawtchhuah an thlen chuan midang pawh anlo chawl ve nak nak a.Vawrate unau an han hmuh chuan chawl ve turin an lo sawm a.Vawrate pawh chu an han chawl ve rih a.Kawtchhuaha midang chawl ve te pawl phaklo deuhah chuan nula tuaitirte hi mahni hian an ţhu rek rek mai a.A hmel te chu a chawrche in hna a thawkrim hle tih a hriat theih.Vawran chu nu midang kiangah pawh chawl ve ngamlo a han hmuh chuan a va pan hnaia,nula kiangah chuan ava ţhu ta a.Nula chuan lao en hrek hrek a.Vawra chuan han be hmasa in," Nula i va han chau awm ve.Khawnge i kal a" a han tih chuan nula chuan," Chau em em love ,Thingtuah phurin ka kal e ka ti mawle" a han ti a.Vawra bawk chuan," I hming min hrilh thei em.Kei hi chu Vawra ka nia" a han ti a.Nula chu a zak tih hriat tak hian a hmai te a sen awp awp a,hnuai lam abih ngar ngar mai a,bah deuh niai hian," Tuikhur mual a hmeithai Khami fanu Vantei ka ni" a han ti a.Vawra chuan a zak tih a hriat avangin ţha tak chuan a be zel a.A Vahrit pachal kah thlak chu pakhat pek a han tum ngawt a.Nula chuan," U Vawr iti zahthlak em mai,ka nu pawhin mak min ti lutuk ange" tiin a lo hnar a.Vawra chuan," Engmah tham anih loh hi.Bakah ţhian angin ania ka pek che.Miin an zawh che pawhin U Vawran min pek ti la a fel vek mai ang" ti a an thlem hnu chuan nula chuan lawm takin ala ta a.Vawra chuan," Remchangah in inah pawh kalo la leng dawn nia" a han ti zauh a.Nula chuan," Keini ang hmeithai inah te ilo len duh athu ani ang chu " a han ti a.Tichuan an pahnih chuan titi zelin in pawh tak chuan an han nui leh hak ţhin a.Chutia an titi siam siam lai chuan Vawra u chuan a aw then kharh kharh pah hian," Vawra,in va hlim awm ve,.Hawn zai kan rel dawn em ni" nui ham ham pah hian a rawn ti a.Vawra pawh chuan ," Ni hmiang chu" tih pahin an tho a.Vantei chu a thingphurhte chawiin khawchhung lam pan chuan an in chhawm chho ta hnak hnak a.An kawng kal lai chuan Vawra leh a u chuan Vantei chu tha taka bia in fiamthute an han thawh khum leh bawrh bawrh ťhina .Vantei pawh chuan nuam ati em em a,chutiang taka tlangval biak nuam leh fel unau chu ala tawng ngailo ani.A rilru chuan Vawrate unau chu a ngaisang em em a.An kiangah chuan a thlamuang em e ani.Khawchhunga an luh chuan in manghtha in mahni in lam ţheuh panin an kal ta a.

           In an thlen chuanVawra farnu te leh a nu bakah nidang anglo takin a pa pawh alo awm a.Vawrate an thlen chuan lo be lumlam nghalin a farnute chuan an ipte te chu anlo phawrh sak nghal a.Vahrit puitling pali lai mai ahan hmuh chuan Ţuahpuii chuan," Kan pasalţhate chu in va rawn hlawhtling em em ve.Kan tlai leh dawn mange" a han ti a.Vawmaia chuan," Kha mah mah a palian ber ala tello.Vawran a tawnthar di a hawn tir daih a" nui ţhaw chung hian a han ti a.Ţuahpuii bawk chuan," Iau,kan tlangval chu khawilam hmuh ţha nge maw ava hmuh chu le " a han ti a.Vawmaia bawk chuan," Tunlai chu a chu hmuhţhat a hmu deuh reng mai.Nizanah pawh kan khaw nula hmelţha Zikpuii te tap kilah a va tawm kha mawle" a rawn tih hnu phei chuan an vai nuih ta dar dar a.Tichuan hlim takin an titi ho a.Zanriah te an kil ho a.Chumi zan chuan Vawra chu khawiah mah a chhuak lo a.An inlengte an haw hnu chuan a tuk maia an kalna tur te ngaihtuahin a muhil zui a.

        A tuk zing fehrehsan ah chuan Suartui tlangvalte chu Sanghatlangvuak anneih na tur lam Kurung lui a Suar dar an tih lam pan chuan an inzui thla nghuah nghuah a.Behliang mun hun awm velah chuan an tumna hmun chu an thleng tawh a.Val upate chuan ro han rel zung zungin a ţhenin buk an sa a,thenkhatin thingtuah tur lo lakhawmin a ţhen chawhmeh zawngin an vak chhuak a.Buk te an sak zawh chuan an han ţhu hahdam rih a.Kurung lui hi a hlat tham ve deuh avangin zankhat riak turin an insiam ani.Tihtur ţul ang ang an tih fel hnu chuan khua pawh alo thim dawn hnai tawhna.Chawhmeh zawnga vakchhuak tepawhin Sakhi te,vahrit te ,ramar bakah hrui zik ilo leh tumbu te an rawn hawn hlawm a.Zanriah turte an chhum hmin hnu chuam puar elhin an han ei a.A tuk lama an thil tihtur te sawi ho nak nakin chu zan chu an hmang ral ve ta mai a.Vawra chua tuk zing hma takah chuan a tho a.Tui te chawiin mei te an nun a.Tlangval dang ho pawh lo thoin Tuţhuan tur an han chhum a.Tukţhuan te an ei zawh hnu chuan Sangha vaw turin Suar dar lamah chuan an phei ta a.Val upate chuan thiltih dan turte an han sawi zung zung a.Suar dar an va thlen chuan an ru lakkhawm te chu hmun rem laiah chuan an han phelh a.Thingtum ban puam tiat vel turte satin ţangphel aia sei hret tur hian an tana.An ru lak te chu lung chungaj dahin an han vaw sawm ţan ta a.An vuak sawm hmasak apiang chu tlangval ţhenkhat chuan tuiah anlo va chil ta ţhina .An ru ken sa zawng zawng an vuak zawh meuh chuan Kurung lui a Suar dar lai vel chu a phuan thla burh burh a.Tui chu a paw chuk mai a. A hnu deuha chuan a rawn sen deuh kuka .Suartui tlangval tepawh Sangha ruih hun chu nghakin vaukamah chuan an ţhu ţhap mai le.Rei ngial an nghah hnu chuan li ah chuan Sangha an lo perh ta phurh phurh mai.Li pawn lang deuhah te chuan Sangha lu lo dawk zawk zawk pawh a hmuh theih ta. Val upa pakhat chuan," Awle hei an rui ţan anih tawh hi, kan chhar ţan dawn em ni ang" a han ti a.Tlangvalte chuan phur takin luinlamah chuan an kal a.Val upate chuan tlangval ţhenkhatte chu a repna tur buaipui turin anlo ruat bawk a.Sangha lian tak tak,Nghatun,Nghangiai,Ngharul ,Nghavawk ,Ngahrah tih velte chu an tam nangiang mai.Chutia sangha an rut ngauh nghauh lai chuan Vawr te awmna li thlang chiah a tlangval pakhat sangha la tur chu lung nalah a tawlh palh a, a tlu ta ţhuai mai.Li thukna lamah chuan tawlh lut pheiin a pil dawn ta mai a.Thei leh theiloin a ban ala rawh phar chhuak a.Vawra chu tlangval chhan tum chuan li ah chuan a zuang lut ve nghal a.Tlangval awmna lamah chuan a hleuh phei ta a.Tlangval kiang a va thlen chuan tlangval chu boruak a hip theihnan tiin Vawra chuan a kawngah va man a,han dah chhuah tir mai a tum a.A pakhat pa thlaphang lutuk chuan Vawra chu a lo kuah bet chawt mai a.A thlah duh ta reng reng lo mai.Tui chuan li thuk lamah a len zel bawk a.Vawra chu tlangvalpa chuan a kawngah a kuah bet tlat a,Vawra tan pawh tih ngaihna vak a awm talo.An pahniha an rihna nen chuan hleuh a har ţalh tawh mai si a.Pakhat lan alo tang mar nasa bawk si nen.Vawra chuan tlangval chuan tha ala hman theih chhung chuan athlah mai mai dawnlo tih hriain tlangval pa hmaiah chuan duhtawk ana hian an hnek bur mai a.A hnek tu kutthlak ana bawk ani ang.Tlangval pa chu a zal ta riai riai a.Vawra a vawnna pawh a thlah chawpchilh nghal a.Vawra chuan lo man bet ve thungin vaukam lamah chuan a hleuhchhuah pui ta a.Midang chuan lo buaipui nghalin tui tla pa chu an han mut zangthal tir a.A awmah te an nem vak vak a,thawkte an han pek hnu chuan tlangval pawh chu alo harh ve leh ta a.Buk lamah hruaiin anlo hahdam tir a.Suartui tlangval ten khaw thim dawn thleng a sangha an chhar hnu chuan buk lamah chuan an phei ta hlawm a.An Snagha chhar an han dahkhawm chu a tam hle mai a.Val upa pakhat chuan," Hei le,kan tum chu kan hlawhtling ta chu ani a.Sangha lah kan man tam narawh e.Zanin chu hetah riakin kan han ur phawt anga.Naktuk zingah khaw lam panin kan kal dawn nia" a han ti a.Tlangval rual chuan hmun hrang hrangah meipuite chhep kualin sa repna tur chu an siam belh ţeuh a.Tichuan an sangha te an rep tlar dul hnu chuan hlawhtling inti takin an ţhu hahdam hlawm a.

          Chumi ni tlai lam unau hmel hai velah chuan Ramliana te mitthi rala Hliappui khuaa kal turte pawhin Khuangsih khua,Hliappui leh Suartui khaw inkar ami chu an lut dawn hnai tawh a.Kawtchhuah ah chuan an han ţhu thlandai rih a.Ramliana chuan a naute hnenah chuan," Hei Khuangsih khua kan lut dawn ani a.Eng ang mize pu nge annih kan hre tamlo khawp mai a.Chuvangin mi tupawhin enge in phurh tia an zawh che u chuan Sa rep leh hman rua engemaw mai mai ani tiin in chhang zel dawn nia" in ţawng kam fimkhur hle ang che u" a han ti a." lal in lamah kan han in lan phawt anga,a tul dam a zirin thlenin kan zawng dawn nia.Tin,hmunkhatah thlen ho kan tum hram bawk ang" a han ti leh a.Ramliana bawk chuan," Tupawhin engtik hunah nge in chhuah dawn tiin an zawt thei che u a.Khawvar rualin kan chhuak ang in tih chuan Tukţhuan ei khamah kan chhuak anga.Tukţhuan ei khamah kan chhuak dawn in tih chuan zing vaetiannah kan chhuak thung a ang.Amaherawhchu lal hnenah chuan kan kal chhan leh kan thil phurh ah hian thudik akn sawi thung dawn ani" tiin a nau te chu thu an chah mawlh mawlh a.Tuchuan Khuangsih khua chu an lut dawn ta a.

                     Bung-11

           Khuangsih khua hi lal Rumvunga khua ani a.Hliappui khua te nen pawh hian an inkal pawh fo a.Suartui lam nen erawh chuan an in hnimhnai lutuk lo.Chutihlai erawh chuan khaw inhal tia sawitur pawh anni chuang lem lo ani.Ramliana leh a ţhiante pali pawh Khuangsih khua alut tur chuan an kal leh bek bek tawh a.Feh haw tlai deuhte chu an han kal pel leh zauh zauh ţhin a.Anmi tawhte chuan khawi lam khual nge annih tih leh eng titura lokal nge annih tihte an han zawt leh zauh ţhin a.Ramliana tepawh chuan a mawi tawk zelin an chhanga.Khua an luh dawn chuan Ramliana chuan," Ţhiante u,hei kan mi tawh apiang ten min han biak vel danah chuan khaw fel tak chu annih hmel phawt mai.Mikhual biangbiak dan reng an thiam mai a.Amaherawhchu fimkhur thu hlaah ka thusawi kha chu in hre reng dawn nia" a han ti a.Tichuan Khuangsih khaw lal in lam pan chuan an han kal ta a.Lal in an han thlen chuan pawna aţangin lal in chhung luh chu an han dil hmasa te te a.Tlangaupa lo chhuak vatin an remti tih hriat nan lo lut turin a han ti a.Lal ina an han luh chuan Lal leh a upa tlem a zawng chu anlo ţhu far hlawm a.Chutia mikhual in phur bawr luk mai an han hmuh chuan lal chuan," E khai khawi lam kal tur nge innih le chuti taka in inphurh bawr chu le" a han ti a.Ramliana chuan," Hei Lapa,kei leh ka kianga ding pahnihte hi lal Lianvunga khua Suartui tlangvalte kan ni a.Tin midang pahnihte hi lal Hauthanga khua Hliappui tlangvakte anni bawk a.Lal Hauthanga fapa a boral avangin kan lal thu angin a ral tura kal kan ni a.Hei zaninah hian khua in min thim hnan ta si a.I khuaah zankhat riah min phalsak theih tak mialin tiin kan rawn lut rawih mai ani" a han tia .Lal Rumvunga chuan," E chuti ani maw,Suartui len Hliappui khaw tlangvalte innih zawngin khual ţha zuk ni che u a.Ka khuaa riah te kha min han dil tak a.In tan chuan engtiklai pawhin hmun a awm reng alawm.Tlangaupa zu han zuk rawh khai,an chhawl tepawh ahal tawh ange" a han tih chuan Tlangaupa chuan lal zu tui tling takţha tak mai chu a han siak eng pup a,mikhual tlangvalte chuan tuiti takin an han dawt khawlh khawlh mai a.Chutah Ramliana bawk chuan,"Khuangsih lal ropui zu nge nge a thlum na rawh e,hah te pawh a tidam ta huai mai" tiin a han fak a.Lal Rumvunga chuan," Hei zaninah chuan khualţha inni bawk a,hmundangah pawh riak buai lovin lal inah hian in riak mai anga.Naktuk lamah chuan in duh hun hunah in chhuak mai dawn nia" a han tia a.Khawnbawl upa pakhat chuan," Tlangval inni bawk a,sawi ve reng rengah kan khaw nula hmelţha Lianchhungite run pawh in lawi ve ani ang chu.Hah viau mah ula in hmuh ve hr hrim atan ka duh ani" tiin an khaw nula hmelţha fak pah chuan a rawn ti a.Lal Rumvunga pawh chuan," Ani dawn tak e a.In khaw nula ho nen a han khaikhin atan pawh zuk rim ve reng reng tawh u" tiin alo tuihnih ve a.Ramliana leh Ngama( Hliappui tlangval) chuan lal hnenah chuan lawmthute an han sawi luam a.An ţhut hahdam hnu chuan Lal nu chuan chawei turte han siam sakin Zanriah chu tui takin an ei ta a.Tui bur hmuam da vel lal inah an han ţhut leh hnu chuan lal ina han ţhut reng chu thil mawi anih loh avangin Hliappui nula hmelţha Lianchhungi rim tur chuan an kal ho ta a.Ramliana erawh nupui nei tawh anih te chhuan lamin hmun danga hawi khaw thawn zai a rel ta zawk a.Ngama ho chuan tlangval pali te chu tlangau chuan Lianchhungi te in lam chu an kawh hmuh a.Ramliana erawh chuan a khawthleng hriatchian tumin khua chu fangin a tei kual vel mai mai a.Ngamate nula in an va thlen chuan khawkhat nula hmelţha chu rimtu alo ngah nangiang mai.Mei eng chinah pawh chuan ţhutna an chang pha talo a.An sawi ang tak chuan Lianchhungi chu alo hmelţha narawh e.Nula fel leh hmelţha tih takah chutia mikhual tlangval lo lut ahan hmuh chuan Lianchhungi chuan,"E khai lo leng ţhu rawh u,khawi lam khualţha nge maw innih chu le" tih pahin ţhutna tur remchangte an kawh hmuh a.Midang awmve tepawh chuan anlo be luam a.Ngama chuan," Hliappui leh Suartui khaw tlangvalte kanni e.Khuangsih nula hmelţha en tur ringawta lokal ni.Hei kan kal thlawn lo viauin ka hria" a han tih chuan Lianchhungi chuan," Khaih khaih khaih,keini hmel tezawngin tu khawkha mah khum suh ei" a han ti a.Chutah tlangval pakhat chuan ," Eng ti tura lo zin nge maw innih chu le" a han ti a.Suartui tlangval chuan," Hliappui lal Rumvunga fapa boral ta ral tura kal kan ni e" a han tia .A zawttu tlangval bawk chuan," Lal fapa meuh boral ral tur chu in rit viau dawn anih chu" a han ti leh a.Ngama chuan," A ,kan lal Hauthanga leh Suartui lal Lianvunga hi unau anni a.A hminga va lang ve mai mai turin a tlangvalte a rawn tir mai mai ani" a han tive thung a.Titi dang dang an vawrh hnu chuan mikhual tlangvalte chuan haw zai an rel ta a.An haw ta maw tihah chuan a ham deuha an thil phurh vel chanchin lo zawttu tlangval leh a ţhiante chu an chhuak ve nghal a.Ngama te lalin an han thlen chuan Ramliana pawh alo ţhu vang tawh a.Lal in a mikhualte ahan hmuh chuan,"kan khaw nula chhuanvawr chuan a chelh ding zo meuhlo che u ani maw.In beisei a pha vak nange" a lo ti luam a.Ngama chuan," Lal pa in khaw nula zawng a hmelţha na rawh e,tu khaw nula mah va el phak awm suh.A zun phurin kan chau zo mai ange kan tia,lam hla kal tur kan la ni nen.Hreh tak chungin kan lo haw ta mai ani.Theih nise cham hlen pawh a chakawm rum rum alawm le" a han ti ham ham a.Lal Rumvunga lawm zawng tak mai niin a mikhualte chu zu an zuk leh ta a.A tuk zingkara chhuak tur annih avnagin Ramliana te chu hma deuh takah an mu ta a.

            Kurung lui kamah chuan Suartui tlangval rual tepawh an tum ber an hlawhtling ta bawk nen hlim takin an titi ho dar dar a.An Sangha man te chu ţha thei ang bera rep an duh avangin an ur hluah hluah bawk a.A tuk zing ,tukţhuan ei khamah Suartui lam panina na haw tawh dawn ani.Sarepte an ur zo ta maw tihah chuan val upate chuan a tuk lama haw mai tur annih avang chuan mut zai rel tawh turin tlangvalte chu an han ti a.Tlangvalte chuan Sapui leh ramsa dang laka an sa rep te a him nan leh anmahni himna tur ni pah fawmin an buk leh a chhehvel ah te chuan tuibur tui al an han theh kual a.Ţhenkhatin Sawhthingte deng sawmin anlo vawm darh ve bawk a.Chutiang an tih zawh hnu chuan meipuite chhep ţhain mut zai an rel ve ta a.Zanlai pel hretah chuan Suartui tlangvalte riahna buk pakhat a tlangval chu a ţe tuarh mai a.A thawmah chuan midang ho chu anlo harah ve ta nghal a.Chu tlangval ţe tuarh riahna buk lamah chuan an phei ta hlawm a.Meipuite an han chhep ţha a,tlangval hnenah chuan thil awmzia an han zawt a.Tlangval chuan " Rul pui,khi lamah khian a zial chho daih" khur hlawk hlawk hian a han tia .An han in en kual dan dan hnu chuan buka riak tlangval pakhat chu a kimlo tlat mai le.Hmanhmawh a ngai tih hriain tlangval ho chuan meichher an han siam sawk sawk a.Rulpui awmna lam ah chuan an chho ta a.Vawra chu hmanhawh tak mai hian a tlan chho vat vat a.An riahna buk chhak thing hmun ngawhnuaia Changel bu karah chuan Rulpuiin an ţhianpa dawlh tuma alo zial mek chu ahan hmu ta a.Rang taka a Chempui chu phawrhin a tlan phei a,Rulpui chu a rem na lai laiah chuan a va sat ta siah siah mai le.Midang ho pawh lo thleng ve nghalin an han sah rawn tak tak mai a.Rulpui chu bung enge maw zatah an chhuah ta a.An ţhianpa chu a zawi vek tawh a,a dang bal mai bawk a.Buk lamah chuan an han zawn thlaa.A mar te an han dek a,a mar chu ala phu det det mai.A taksa vawt thlur mai tih lum nan chuan tui te an han lum a,a rem chang lai laiah chuan tui lum chuan an hmet a.A lo zialtu Rulpui kha alo lian vaklo bawk nen,a thih em chu ala thilo ani.A taksa hmun hrang hrang an hmeh kual a an sawng bawl hnu chuan an ţhianpa pawh pangngai takin a rawn thaw ve leh thei ta a.Val upate chuan tlangval dang ho chu mu leh turin an han ti a.Thenkhat erawhin an ţhianpa chu an men pui dawn ani.Val upate chuan Vawra chu fakin a ţuan a ţhat em avang leh a huaisenna avangin tlangval pahnih an chhanhim theih phah thu te an han sawi a.Vawra chuan amah fakna thu an sawi chu a duh lo hle mai a.Midang tihtheih loh ani bikloh thu leh a che hmasa anih avang maia chutiang chu thleng anih thute chu an sawi a.Tlangval dang ho pawh chuan Val upate thusawi chu an pawm tlang hle ani.Val upate thu angin tlangval ţhenkhatte chu an mu leh sang sang tawha.Tlemazawng chuan an thian damlo chu an men pui a.

          A tuk khua alo var chuan Suartui tlangvalte pawh phur takin an tho leh sang sang tawh a.A ţhianpa pawh la tawngchhuak peih lemlo mahse a harh viau tawh mai.A tho hmasa apiangin tihtur tul ang ang chu an han ti zung zung a.Ţhenkhatin ei an rel laiin ţhenkhat chuan Sangha phurhna tur an lo tah mek bawk a,an ţhianpa zawnna tur hlang buaipuitu an awm bawk.

Khuangsih lamah ve thung chuan Ramliana leh a ţhiante chu hma takah thoin ţukţhuan pawh eilo chuan Hliappui lam panin an inzui chhuak leh ta hnak hnak a.Ramliana chuan," Khuangsih lal pa chu a fel hle mai,a khaw mipuite pawh an vannei na rawh e" a han ti a.Ngama chuan," An tlangvalte pawh an fel lah taka.Nula rimnaah pawh khawtual mi ang maiin kan awm thei alawm le" a han ti charh charh a.Tlangval dangte pawh chuan nuam an tih thute an han sawi ve a.Chutih lai mek erawh chuan Khuangsih leh Hliappui in karah anmahni lambun a lal fapa ralna tura an ken ro zawng zawng chhuhsak tum tuten an chang mek tih erawh an hrelo ani.

           Tukţhuante an peih fel hnu chuan Suartui tlangvalte chuan puar elh awlhin chaw an han ei a.An kham hnu chuan an han ţhu hahdam hlek a.Damlo zawn tur nei te annih bawk avangin muang chang lo in thim hmaa khua thleng hman hram tura kal chhuah zai an rel ta a.Sangha chu an man hnem bawk a an phur chu a rit tlang hle mai a.Tlangval ţhenkhat damlo zawn an awm angai bawk nen.Chuti chung pawh chuan Suartui tlangvalte chu an rit phurh hre changlo ni awm tak hian fiamthute thawhin annui ho dur dur reng a.In lama an thlen huna an nula rim dan turte,nuthlawi puan hmawr an dek dante,an nula buan an hnehloh thute leh thil dang dang sawiin an ri ham ham reng a.Tluang taka an kal anih chuan Losul haw hun velah khua chua an thlen theih an beisei ani.

           Chhun chawfak hun velah chuan Ramliana tepawhin Khuangsih khua chu an hlat tawh hle mai a.An beisei dan chuan ramah zankhat riakin a tuk leng len hun awm velah chuan Hliappui khua luh hman chu an in beisei ani.Ramliana te chu Khuangsih ram chhungah an la awm a.Thui vaklo an han kal leh chuan tlema hmun awih deuh,kham pangper ang deuhah hian an lut ta a.Chutia hlim taka an kalna chanchin leh an hmabak te an sawi ho laih laih lai chuan vawilehkhatah kawngchhak lam aţang chuan silai alo puak ţhuai mai le.Suartui tlangval pakhat chu a let nghal tawpa.Silai a puah zawh rual chuan kawngchhak lam aţang hian mi pakhat hian," Che tawh suh u .In chet leh chuan kan kap hlum vek ang che u" a rawn ti tuarh a.Kawngchhak lam aţang chuan tlangval pasarih lai mai hi anlo chhuk sap sap mai le.Ramliana te chuan Silai pakhat chu an keng ve ngei a,mahse Silai lek na hman a awmve talo ani.An lo thlen hma deuh chuan Ramliana chuan a ţhiante hnenah," Ţhiante u,silai pahnih chauh an kenga ,pakhat lah an kap ruak tawh bawk a.A silai keng ber a hma hruaitu saw keiman kalo bitum anga, kan in tam hleih vak chuanglo a .Kan lo bei dawn em ni ang a han ti a" a thiante pawh chuan an thih tho an rin avangin lo beih mai ţha an ti tlang a.Mahse an thil phurhte nen chuan engtin mah ţan an khawh thei dawnlo tih an hria a.An thil phurhte hlan thlak mai an han tum lai chuan an mahni pana lokal mek tlangval zinga a hmahruaitu ber Dopawrha chuan," In phur kha hlang thla hlek suh u,anih loh chuan ka kap ang che u " a silai lekkawh va pah chuan a rawn ti a.An lo hnaih viau ta maw tihah chuan Ramliana chuam," Thiante u zam hlek suh u,thih thlengin aw" zawi sap hian an ti a.Ramliana chuan a chempui chu a em phurha a zep daih tih a hrechhuak ta.A hnung chiaha ding tlangval hnenah chuan ka chempui kha min han pe tawh ahan ti a.Mahse a tlai ta hret ani,a n che chang vel an hmuh khan lehlamho chuan an rawn bawh chilh nghal mai a.Silai a puak pawp a,Ramliana chu a ţhingţhi nghal nawk a,a malpui aţang chuan thisen alo chhuak nghal zawih zawih mai.Chuti lai chuan Silai vawikhat a puak leh a.Hliappui tlangval chu a awp leh ta rawp mai le.Ramliana chuan ," Zawng sen ho,tu phiangsen nge maw innih chu le." an ti phiar phiar a.Tlangval pakhat chuan eng khaw sawi set set lo chuan an rawn sat leh ta ngheng mai,Ramliana chu tlemin alo in her hmana,mahse Chem chuan a beng a hlawi hlawk a,a nghawngkawl chu a bung nghal hmawk bawk a.A nghawngkawl awmlo se zawng a dar ah Chempui a tang vu ngei ang le.Ramliana ţhiante pawh chu an thal zo der chu ani ta mai.Lo beih ve tum ngial mahse an in tam hleih deuh mai bakah rit phur chung chuan a ngaihna a awm talo ani.Ramliana em phurh chu a tla darh nuaih a.Dinchhuah tuma an in nam khalh lai tak chuan tlangval pakhat chuan a rawn tlawh ngheng mai a.Ramliana chu thlang lam awih pangah chuan a lum thla ta rum rum mai le.Dopawrha te chuan hlawhtling inti tak hian Ramliana te ţhi phurhte chu an han khai a,an han awrh chhin vel a.An mi thah ruang te chu nghaisa zuiin an hmel hmuh tlak loh khawpin an han sawisa vel chiam a.Tlangval pakhat chuan," U Do,thlang lama lum thla ta kha kan zuk zawng dawn em ni ang,alo la thilo reu reu ange" a han ti a.Dopawrh a chuan ţhi fang tla darh chhar khawm malh malh pah chuan ," A hliam ringawt pawh kha thihpui tham ani tawh ang.A lumna awih pang hi a thui bawk a.Damin a chhuak hauhlo ang .Tunah chuan hei kan hlawhtling ta bawk a.Mi khawilo kalin min rawn hmuh palh hma hian i in saseng thuai teh ang u" a han ti a.Tichuan Dopawrha leh a hote chuan hlawhtling inti takin Ramlianate ro phurh zawng zawng chu an la fai vek a.An mithah ruang te chu kawng thlangah nawr liamin an kal san ta a.Dopawrha hi Khuangsih khaw tlangval ani a.Ani hi Ngama leh a ţhianten Khuangsih nula hmelţha an rim laia an thil phurh vel leh an kal chhan lo zawt luam tu kha ani.Khatia ro tamtak phur anni tih a hriat khan a rilru a pawi khawih chakna leh hausak duhna chu a lian ta em em a.Ngama leh a ţhiante haw hnu khan haw ve nghalin tlangval thatchhe rual,aman a fuihpawrh theih ho chu sawm chhuakin a zan a zan in Hliappui khaw lamah an kal a.Awih pang lai kha mikhualten anlo pal tlang ngei dawn tih hriain an lo chang ta ani.

           Losul haw hun velah chuan Suartui tlangvalte pawhin khua an hnaih ta hle mai a.Val upate chuan tlangval pakhat hnenah lo han kal hmasa a,khua an rawn luh thuai dawn thu leh damlo zawn anneih thu lal hnena lo han thlen turin an tir a.Lalin a tlangval Sangha vua a kal te hlawhtling takin an lo haw tih a hriat veleh chuan tlangau au tir nghalin mipuite chu an tlangvalte hmuak tura kawtchhuah lama kal tur chuan a ti ta a.Suartui tlangval ten khawchhung an han luh chuan khaw mipuite chu an hlim ngei mai.Nula te chuan an tlangvalte chhawl hal dawm nan zu tui thlum ţha anneih ang angte chu anlo tulh a.Tlangvalte pawh chuan chutia an nula duh berte nen hlim taka an inhmu leh thei chu an hlim kher mai.Naupang te chu an au chel chul a.Lal in lamah chuan an inzui phei ta dul dul mai le.Lal in tualah chuan mipui an khat hmura,mipui ri mur mur tihreh nan chuan lal chuan a kut a han vai a.Mipui chu an reh duk a,chutah lal chuan," Ka khua leh tuite u,Hei kan tlangvalte ramchhuak chu hlawhtling takin an lo hawng ta a.Ka tlangvalte hi ka chhuang em em a.Hetiang tlangval tlawmngai leh huaisen tam tak ka nei hi ka lawm ani" a han tih chuan mipui chu an au dur dur a.Lal bawk chuan,"Kan tlangvalte Sangha man sa hi in tinin a inzat ţheuhin kan insem anga, rem chanlohna avanga kal ve thei talo leh mipa thawkchhuak tur awmlo tepawh khan inthlahrung hauh loin in chan ai in la vek tur ani.Tumah thlei bik an awm tur anilo" a han tih chuan mipui chu an au leh dur dur a.Chutah val upa pakhat chuan an ram kal chanchin te chu a han sawi zar zar a.A sawi pah chuan Vawra huaisen zia leh a ţuanţhat zia sawiin amah avanga tlangval pahnih nunna an chhan hman thute an sawi phei chuan mipui chuan Vawra chu an en ţhupa,an ngai sang em em ani.Vawra chuan chutianga ama chanchin an sawi chu a duhlo hle mai a.A zak ru hle bawk ani.A u leh a nu leh pa erawh chuan an nau chu anlo chhuangin a chetdan avang chuan an lawm em em thung ani.Thil dang dang an sawi zawh hnu chuan an sangha hawn chu khaw intinin rual khai taka an chan ţheuh theih nan an han chhep hrang ta diat diat a. Sangha vua a kal ten an chan tur ţheuh an lak hnu chuan an chheh sa ,Sangha mana kal ve theilo te chanpual chu a chuang ta vek mai.Chutah val upa chuan naupang harh rual deuh deuhte chu ko khawmin Sangha vua a kal velo leh mipa thawk chhuak tur awm velohna inah te chuan chheh khat ţheuhin a han sem kual tir leh ta zar zar a.Naupang te chuan phur takin Sangha rep tam tham tak chu an tlan kual pui zar zar a.A sem tur ang ang an sem zawh hnu chuan an ţin darh ta hlawm a.

           Vawra leh a u Vawmaia pawh hlawhtling inti takin in lamah an haw ta a.Vawmaia hi a u Ramliana a kal ve theihloh avangin a u aiawh a kal ani.In an han thlen chuan an farnute chuan an phurte lo hlan thlak sakin an insil na turte anlo buatsaih sak nghal a.An insil fai hnu chuan Vawrate chu an han ţhu hahdam a.Vawra u Hlirthangi chuan," Vawra ,in ramchhuahnaah chuan i va che ropui hle ani maw.Nula ho khan an en nasa teh mai che nia " a han ti a.Vawmaia lo ţawng hmasa in," Vawra chu a u nih pawh a nuam sawt hle mai.Keipawh ka to phah ve dawn anih hi" a han ti a.An nui dar dar a.Vawra chuan," Ka u,midang hnenah min fak ngai miah suh ang che u.Khang thilte kha ka vanneih vang mai mai anih kha.Val upate lah hian an sawi uar thiam si ale.A zahthlak ţhin lutuk ani " a han di dap dap a.A ute pawh chuan awm an tihpui hle mai a.Vawra pa lal in kal pawh lo haw in hlim takin Zanriah an kil ho ta a.chawei lai chuan upa Doţhiaua chuan," Fa te u ,hei inlo puitling ve ta hle mai a.Khawtlang mit fukna ber inni tih hriaiin in nungchang leh in khawsa zia reng reng hi fimkhur hle turin ka duh che u ani.Ka tithei tak tih vang maia mi aia chungnung zawka indah tur ani lova.Mahni theihna hmachhuanin midang in va hnuaichhiah tur ani hek lo.Khawnbawl upa ka ni a,ka fate pawh hi midang entawn turin awm ula ka duh ani" a han ti dap dap a.Vawra leh a unaute chuan an pa thusawi chu uluk takin an ngaithla ţhap a.Vawra pa bawk chuan," Mami nangni pawh nula puitling inni ve tawh a.Mipa zuam theih tur leh bawlzan theih turin awm ngai suh ang che u.Tumah in biak chhiat a thianglo a,in ţawngkam hman pawh fimkhur ang che u" a han ti leh dap dap a.Vawra pa chu ţawng chhunzawm lehnghalin," Vawra pawh hei i kum phuloin i lian a.I rualpuite lakah pawh i langsar ta hle bawk a.Kum lamah lah i naupang tawh lo bawk nen hetia tap kila tal hrut hrut tawlo hian zanin aţang chuan zawlbukah in pu lut ve tawh ang che" a han ti leh a.Thu ţha dang dang an sawi hnu chuan hlim takin Zanriah chu an kil zui ta a.

Leng len hun awm velah chuan Vawra pawh a farnute chuan a mutbu tur an lo siam sak mek a.Vawra pawh zawlbuka an riak ve ta mai tur chu a hlim hle mai.A mutbu turte an peih fel hnu chuan Vawra nu chuan aia upate zah thiam tur leh nundan mawi leh tlawmngaihna nei turin an fuih sauh sauh a.Tichuan Vawra pawh phur takin Zawlbuk lam panin a kal ta a.Zawlbuk ava thlen chuan Val upa te leh tlangval ţhenkhat chu an lo titi laih laih a.Vawran bawhbel an bawh liam chiah chuan val upa pakhat chuan," E ,Vawra lah ni rengin,Zawlbuk i kai har ka tirengah,zanin chu hmuhnawm en tur a awm dawn e" an ti nghal zat a.Tlangval dang ho pawh chuan lo be lumlamin a mutbu dahna turte anlo kawhhmuh a.Tlangval dang an rawn haw deuh sap sap hnu chuan val upa Tawna chuan," Hei zanin chu Zawlbuk kai thar kan awm tlat mai.Kan tlangvalte khan in han buan chhin dawn em ni ang" a han tih chuan tlangval pakhat,ria deuh hlek ,fiamthu duh zet mai hi alo ding chhuak a," Kha keiman hma kan hruai ange aw.Khawnge kan tlangval chu kan vawrh thal uau ange " a rawn ti a.Vawra lah lo zam bik hek suh,"Khawnge u zawk ten intih tlat chuan kan inbuan poh ani ang chu,min buan dan tawk erawh in thiam dawn nia" tih pahin a rawn tho ve a.Tlangval inbuan tur an han ding dun chiah mai chu an pumrua ah pawh an inkhan lo hle mai.Vawra hi tlangval ţhangduang tih takah awm parh hlai hlep hlawp,ban bul vuah nghet tlet tlawt,kawng fek rat mai leh Sang ţha zaih mai hi ani a.A kut leh ke te lah chu a invuah fuh bik emaw tih mai tur ani.Tlangval lo ding chhuak pa nen chuan an puan ven ah an han in dawm sak ve ve ta ale.Tlangval chuan ," Khaih aw" tih pahin an ţang vawih tuarha,Zawlbuk a awmho chu an nui hluah hluah mai.Vawra lah chet pawh a che eih lo.Tlangval pakhat chuan," A thin pawh i ti phu zo eihlo anih kha" a rawn ti a.Vawra chuan," Kha keimah aw niang" tih pahin a buanpui pa chu chawi kan a han tum a,a chawi kang thei bik ta reng reng lo mai.Vawra hmel lah chu a ţang nasa tih hriat tak hian a sen ţun a,a thlan a bawl chhuak ţak ţak bawk a.Chutia a tu amah in chawikang thei talo chu.Hah hmel takin an han chawl ta a.Tlangvalho chu an beisei ang an hmulo tih hriat tak hian an ngawi ţhup maia.Vawra buan tuma thochhuak lah an awm chuang lo.Chutah an khaw buan chak Rochuha lo ding chhuakin," Khawnge kan tlangval chu kan buan ve chhin reng reng ange " a rawn ti chuan tlangvalho pawh chu an au leh dur dur tawh a.Vawra pawh lo ding chhuak leh an puan venah chuan an han in man sak leh ta a.Rei ngial an inbeihhnuah pawh chuan a tuzawkmah chu an kang thei ta reng reng lo mai a.Rochuha chuan a buanpui pa chu chak a ti em em mai a.A chawi duhlo lui ani tih pawh a hai lo.Chutah val upa pakhat chuan," Ekhai,kan tlangval chu ichak hmel phian mai,a hah pawh in hah tawh ange.Duh tawk tawh u" a han tih chuan tlangval pahnihte chu in chibaiin an thut hmun lam an pan ta a.Zawlbuk tlangval ho chuan Vawra chu mak an ti em em mai a,an khaw buan chak in a chawi thei mailo kha mak an tih na em em pakhat chu ani.Zan mut te alo hun chuan Vawra pawhin bawhbel kiangah a mutbu chu pharhin a mu zal ta a.

            Chumi zan vek chuan Hliappui leh Khuangsih inkara kham pang awih bir vut hnuaiah chuan Ramliana chuan harsa ti tak chungin a malpui hliam aţanga thisen chhuak chu tihreh tumin a bei fat fat a.Engtia rei nge nikhaw hreloin a awm tih pawh a hre thei mailo.A ţhiante kha engtin tak awm ang maw aw tihte a ngaihtuah a.A beng hliam avang chuan a lu chu a na ngut nguta a.A lum thlakna a thui bawk nen a taksa nalo lai reng reng a awmlo.Chetsawn a han tum ngial pawhin a taksa chu a khawng vek nimai hian a hria.Rei ngial a beih hnu chuan a malpui aţanga thisen chhuak chu a reh thei ta hrama.Thisen a hloh hnem tawh em avang chuan a chau tawh hle mai. Atuite a hal huam huam a.Tui in vat a mamawh tih hriain tui awmna awm tura a rin thlang lamah chuan a chakna zawng zawng sawm khawmin a vak thla ta a....

                      Bung-12

          Chu zân khawharthlak tak maiah chuan Ramliana chu tui awmna zawngin a chhuk zawngin a vak thla hret hret zel a.A hliam tam tak avanga thisen a hloh nasat tawh em avangin khawsikin a rawn man zui bawk a.Ngawhnuai anih avangin a thim chhah em em mai lehnghal a.A hma zawnah chuan enge awma,engti hawi zawngin nge akal tih pawh a hre thei lo.A hriat chin zawng chu a tui a hal em em a,tui zawngin a chhuk zawngin a kal ani tih chauh te chu.Rei ngial a vah thlak hnuah pawh chuan tui riva reng reng hriattur ala awmlo a.A chau tawh hle mai a.A taksa pengte chu a khawng deuh ut mai hian a hria a.Chutah a tawp nan ti niawm takin a hmabak ,a chhuk zawng chuan an vak thla leh ta a.Pasalţha ngang ani bawk a,chuti maia thih chu a tumlo bur mai ani.Amaherawhchu thih tumlo engang mahse a taksa chuan a dawl zawhloh hun ala thleng ngei awm si a.Chutia chau taka a tawlh bek bek lai chuan tui luang ri her her thawm niawm tak hi a hre ta tlat mai.A phurna chuan tlemin a tiharh ve deuh ani.A vak thla zel a,ngaw pawh chu tlemin a hnawng deuh chup tawh tih a hre thei mai.Lui tui luang ri pawh chu chiangtakin a hre thei ta.Rei vaklo a vah thlak leh hnu chuan lui chu a thleng ta a.Tui awmna zawn vel han dap kualin a a kutin tui a khawih fuh fuh takah chuan tlemin an hnaih phei hret a.Tui chu a dawt ta kiang kiang mai.A duh ang tawk a in hnu chuan thui vak thei anih tawhloh avnagin tlem a hmun ro lai deuhah chuan a vakchhuak leh a.A taksa a chau tawh bawk nen.Chutah chuan khawvar hun nghah phawt chu a rel ta a.Ramliana chu a ngaihtuahna akal thui hle a.Anmahni lo rawk tute kha Khuangsih lal tirh ani thei angem tihte a nagihtuah a.Lal han tih em atan chuan a ring chiah bawk silo.A nupui leh a fate a ngaihtuah a,chulai hmunah chuan thi mai thei anilo tih hriain a rilru chuan a infuih mawlh mawlh a.Tichuan a kiang vela thingţo hniam tete ,a ban fuh apiang mai chu ahan thliak a.Amah leh amah chu inkhuh vek in a tuk khawvar chu a nghak dawn ta ani.

       Zing khua alo var a,Suartui khua pawh chu an ri leh chel chul tawh a.Vawra pawh a thawh veleh a mutbu te tel ţhain in lamah a haw ta nghal vang vang a.In a zuk thlen chuan a farnute chuan buh an lo deng dap dap a.Vawra an han hmuh chuan Hlirthangi chuan," Kan tlangval zawlbuk riak chu i muhil theih meuh maw" a han ti a.Vawra chuan," Ka mut hmun ka sawn vang nge ni,ka muhil ţha reng reng lo mai" a ti nang nang a.Ţuahpuii chuan," Tlangval hoin an vawrh nasa lutuk che a i mu theilo ani ang a" a han ti a.Vawra chuan,"Ka ţang nasa lutuk a ka chau vek mai,kan khaw buan chak khan min vawrh lo chauh ani" a han ti a.Ţuahpuii chuan," Chu tumahin an theh thal lo che mi" mak tih hmel fe hian a han ti leh a.Vawra chuan,"Theh thal lo e,tumah pawh ka hneh chuang hlei lo a" nui ham ham pah hian a han ti a.Inchhung ava luh chuan a nu chuan ei alo rel mek a.Pi Manchini(Vawra nu) chuan," Kha hawh teh bal chi lakna bang kha ka lo chhum a,a tui ve phian ang chu" tihpahin ba chhum hmin sa chu khuhhriangah a rawn chhawp hnur mai a.Vawra chu a ţhen a han ei a.Vawra farnute pawh chuan an buh den te chu deng zo tawhin leikapuiah chuan anlo thlei mial mial a.An thlei buak palh te chu Ar in anlo inchuh ve laih laih bawk.Chutih lai mek chuan Ramliana nupui Numami chu alo leng hlawl mai a.Inchhung a han luh chuan Vawra chuan,"Ka u Nui lah ni rengin,enge i ngaihtuah tak mial a.Lo leng ţhu rawh" a lo ti hluai a.Pi Mangchini pawh chuan lo chhawn nghal thuaiin an lolam chanchinte an zawt vei luam a.Numami chuan,"Ka nu,Mimpui chi ila nei mial lo maw.Rapa ka khai ho kha Sazu in anlo ei vek a" a han ti a.Pi Mangchini chuan,"Nei tuk e,mamawh an awm takin ka tia,kawm thum vel chu kalo la dah ţha alawm" tih pahin rapa Vaimim chi chu an la thla nghal a.Vawmaia pawh zawlbuk aţangin alo haw ve chiah a.A u nupui a han hmuh chuan," U Numami lah ni rengin,zing zingah enge i ngaihtuah tak a" a rawn tivei luam a.Numami chuan," Hei ka nu Vaimin chi ka rawn dil e ka tia" a han ti a .Vawmaia bawk chuan,"U Rama khan ka zinbo hlanin thlam chung kha minlo va chih sak tawh a tia ,Vawiin chu Vawra nen kan lokal dawn nia" a n ti zui a.Numami bawk chuan,"A va lawmawm dawn ve.Ţo ruah haw hun ani dawn tawh a.U Rama lah a thang chin tur a hriat siloh a.Keipawh ka va phei ange,naupangho kha bai bel ka vil tir ringawta" a han tia a.Vaimim chi te chu la in," Ka nu ka va phei ange.Chaweitui u" tih pahin a chhuak ta a.A chhuah hnu chuan Vawra chuan," Ka u Rama hi ka ngaihtuah riau mai a.Nizan lamah ka mangah te ka hmu lehnghal a" a han ti a.Vawmaia chuan," Ngaihtuah duh suh,pasalţha ania.Eng anva ti emlo ang.Taka,u Rama khan an vau Khawreng kungah khuaiva bu lun ţha zet a awm e atih tak kha.Vawra hreipui kan keng anga,thlam chung kan chih zawhah kan tuk nghal dawn nia" a han tizui a.Vawra leh a u Chuan pawnah hnang te an han hlai a.Chem leh hreipuite an tah hriam hnu chuan tukţhuan kil turin inah an lut a.

        Ramliana muhil chu a harh hlawl mai a.Ni pawh lo chhuak tawhin sava tepawh anlo chiar nak nak tawh a.A taksa hliam tepawh zan lam ai chuan a zia deuh a.Vanneih thlak takin a malpuia an kahna khan a ruh a khawih chhelo hlauh a.Mahse a lum na lamah a insawh nasat em avang in a taksa chu ana lo lai reng reng a awmlo mai.A beng an sahna pawh thisen khangin a abawh khirh uaih a.A beng chu thler thla hawkin a thler tlang lo hlauh ani.Ramliana chuan a a puan ven chu an kai thler kawk kawk a.A beng chu a tuam ta a.A iptepui leh a Chempuite lamin kawngah khan a awm vek si a.Engtia hma han lak tur nge tihah chuan a buai hle mai.A kalna chin lah a hre der silo a.Thingkunah lawnin han en dawn sela,lawn thei chi ziazang anilo bawk nen.Thei leh theilo in an ding a.A awmna bula thingtuai pakhat chu an kuai tliak pawpa a,a hnah te pawt faiin tiangah a hmang ta a.A rawn chhukna lama chho leh chu ţha ti viau mahse a awih em avangin atan kal ngaihna a awm lo ani.A tui inna lui lo luan thlak na lam chu ava en a.Lui ral lam mual chu kal a nawm hmel zawk avangin a chho zawnga a theih ang anga kal a tum ta a.

         Tukţuan ei khamah chuan Vawrate pawh a u Ramliana Thlam chung chih sak tur chuan an in pu chhuak ta hnak hnak a.A u te in lamah va kal hmasa phawtin hmanraw ken ngai a awm leh awm loh an va en a.Na va thlen chuan a u nupui chuan," E ,kha inlo thleng tawh ani maw.In va hma ve.Hei kan naupangte hian an chawhmeh vil an lo tlanbo san a.Bel dang ka han chhuang leh a,ka tlai ta vek alawm mawle" a lo ti a.Ramliana hian fapa pakhat leh fanu pakhat anei a.Tual chai rual(Kum5-10) anni ve tawh ani.A naupang zawk hmeichhe techuan," A u in lo vil rawh atia,a leng daih a.Ka vil peih bik hlei nem" a ti nang nang a.A u chuan,"Bai bel te chu hmeichhe vil tur alawm.mipa chu duh leh kan leng anga" an lo tive a.Vawra chuan," Mmm anih leh tunge loah lo feh ve dawn a" an tih chuan a u fate chuan," Kei mah Kei mah" tiin Vawra chu an rawn vuan nghal chuk chuk a.Numami chuan,"Khaih khaih khaih, in pate kha bawhbuai lo teh u.In inlo nghak anga.Piring kalo hawn sak dawn che u nia," a han tih pawh chuan naupangte chuan," Piring kan duhlo,loah feh kan duh " tiin Vawra chu an vuan tlat mai a.A nu beidawng chuan," Vawra han hau hlawm teh.A hla tham sia,an chau lutuk ang.A buaithlak ţhin" a han ti a.Naupangte lah chuan," Kan chau lo ang ,puak pawh kan ngeng loang" an han ti ţang ţang a.An ţap dawn ta mai a.Vawmaia chuan,"Thu in awih dawn chuan in lokal ang" an tih chuan a u fate chuan," Aw thu kan awih ang,kawngah pawh kan ţap miahlo ang" phue tak chuan an han ti a.Vawmaia bawk chuan," U Numam,vawiin chu hruai ve ila nimai.Thlamah kan lo awmpui anga,an tibuai lo ang che" an tih chuan Numami chuan," A nih va in siam tawh u.Puak ngen awih loh" a tih chuan a fate chu phur takin an va insiam ve a.a nuapang zawk chuan a em tereuhte mai chu a rawn phur ve a,a upa zawk chuan a sairawkherh leh ipte a saihlum puam alh a ak chungin alo chhuak ve bawk a.Tichuan an in chu thingfaka do in lo lamah chuan an inzui chhuak ta hnak hnak a.Naupangte chuan khawlaia an ţhiante an hmuh apiang hnenah chuan intithei takin," Keini chu lovah kan feh dawn" tiin an han au khum ve lang lang a.Kawtlaia naupang lo awmve te chuan lo feh ve chak takin an lo thlir liam ve a.Kalkawngah chuan Vawmaia leh a u nupui chu hmalamah lo lam chanchinte sawiin an titi a.Vawra chuan an naupang hruaite chu a rawn chhawm ve bawk a.Ramliana fapa Sangliana chuan kawng bula sava leh thehlei ilo te chu an perh leh khak khak ţhin a.Kal paha perh anih avangin perh thlak alawi erawh a nei chuanglo a.A nau Vankungi pawhin phur takin kawng bula pangpar leh hnah nem ilo bakah theudawnte chu a em ah chuan an phur vei um ţhin a.An lo neihna hi a hla tham ve deuh a.Naupangte chuan," Kan va thleng har tawh e" an han ti leh ţhin a.A rei deuh chuan Vankungi em chu Vawra chuan an ken sak a.Kalkawngah te chuan an unau chuan an han in um leh zar zar ţhin a.Lo an thlen meuh chuan Vankungi mutchhuak chu a ham bai bai tawh mai .

           Vawra leh a u chu vauah kalin thlam tukrawp tur leh a kawl tur mau te chu an va pu a. A u fate chuan thlam leh a chheh velah lei de an lo cho dur vel mai mai a.A chang leh annu thlai chi thlaknaah te an kal a.Khaw lum pawh hre changlo chuan hlim takin an unau chuan anlo in kawm ve a.Vawrate pawh chuan thlam chung chu an han chih ţan ta a.Thli a tam phian maia,duh angin an chih zung zung thei biklo.Chawhma zet an chih hnu chuan an chih zo ta a.Thlam chung an awm ta chu a u fate chuan nuam an ti em em a.Thlam namthlakah chuan ţhuin an titi ve siam siam a.Vawrate chuanThlam chung dal leh a fardawn turte an siam zawh hnu chuan thlam kawl chu an han tuk leh a.An zawh fel hnu chuan thlamah chuan an ţhu hah chawl ta a.Numami thlai chi thlak pawhin thlam lam chu a rawn pan mek a.A lo thlen chuan," E khai,inlo zo der tawh ani maw.A lawmawm takzet ani.In zarah thlamuangin kan feh thei tawh dawn zu nia " a han ti a.A fate chuan an rilţam tawh thu an lo sawi nang nag a.Tichuan chawchhun te an ei a.An ei zawh chuan an ţhu hahdam rih a.Vawmaia chuan," U Nu,i thlai chi thlak chu i zo dawn tawh em" a han ti a.Numami chuan," La zo lo deuh a,mahse rei ani tawhlo ang" a han ti a.Vawmaia bawk chuan," Anih chuan keini pawh vawra nen vauah sawn khuai kan lo va tuk ange" a han ti a.Numami chuan," Va tuk tawh u,khuai zu ei pawh a chakawm alawm le " a han ti a.Tichuan Vawra leh a u chu khuai tuk tur chuan an inpu chhuak ta a.A u fate chuan zui ve tum mahse a hlauhawm ziate hrilhin an hnar thei hram ani.Ramlianan khuai awmna atih Khawreng kung an va thle chuan a thing chu a lo lian hle mai a.A zung thlar kawrawngah chuan khuai chuan bu anlo nei alo hi alo ni a.Vawmaia chuan," Uai,khang an bun fur maia,a tak tha dawn hle mai.A kawlh pawh an kawlh hmel viau hi " a han ti a.Vawra chuan," Khawi lamah hian nge kan han hreuh hmasak ang" a ti a.Vawmaia chuan a thing chu a han belchiang vel a,a kaw awmna sir lam pang deuh, a har lak nawmna deuh turah chuan hreuh hmasak ati ta a.Tichuan mei te an han chhem a.Aidu leh Aisuak hnah ro an hmuh ang angte chu la khawmin Khuai awmna kua ah chuan an han hnawh a,an hal khu ta luih luih mai a.Reilote an ur hnu chuan an tuk ţan ta a.A thing kawrawng alo ţha bawk a,reilote ah chuan khuai thlar awmna chu an pawh ta mai a.A zu awmna thlar te chu alo lang eng kulh mai le.Vawrate unau pawh an phur khawp mai.Mau an han sat a,mau chu phelin khuaithlar zai thlakna tur chu an han siam nghal a.Thing kung sirah chuan changel hnah an phah duai a,an zai thlak hmasak apiang chu an dah zel a.Khuai chu alo tak ţha khawp mai a.Khap hnih bial vel zet zet alian thlar sawm chuang lai mai an la thei a.An duhtawk an kak hnu chuan khuaiin an rauhsan hmaa a khuai bu sa dangin an hai loh nan an tukna kua chu lung lian tak takin an hnawh leh nghal a.An khuai lak chu hnaha an fun mai chuan a far nasa dawn lutuk a an hriat avnagin mau burah an thun ta zawk a.Tichuan hlawhtling inti takin thlam lamah chuan an phei ta a.

        Thlam an va thlen chuan a u nupui thlai chi thlak pawh alo zo fel tawh a.An khuai lak an han hmuh chuan naupangte chu an khek chel chul a.An zuang tawrh tawr bawk a.Khuai zu chu duhtawk in an han ei a.A hawn tu nih an chak leh ta zek zek mai.Tih tur ţul ang ang an tihzawh hnu chuan khaw lam panin an haw leh ta a.Khua an han thlen chuan naupangte chuan an ţhiante hnenah ," Keini chu khuaizu kan hawn a" in tithei takin an han ti vel a.An ţhian ţhenkhatte chuan an rawn zui chawpchilh ve mai bawk nen in an han thlen meuh chuan naupang rual chu an ri laih laih tawh mai.Vawrate pawh a ute in lamah chuan kal hmasa in an khuai tuk te chu a zahna in an han in sem a.Numami chuan," Aia,kha tianga tih tur ani ngai love.Kei ni nufa ei khawp chu a tamlo nia.Tlemte dah ula ,a bak kha chu hawn vek rawh u" a han tih pawh chuan Vawrate chuan a inzat chiah chuan an han sem rual ta tho a.Naupang lokal ve te chu khuai zu chu an han eitir ve bawk a.Ramliana fate chuan inti thu takin an ţhiante khuaizu ei chak lo ban ve daw daw te chu an han hau vel ţhin bawk nen.Chumi zan kher chuan an hlim tlang narawh e.An insem fel hnu chuan Vawrate pawh an in lamah chuan an phei va nghal a.

         Hliappui leh Khuangsih inkarah ve thung chuan Ramliana chu nilenga a vah tawh hnuah pawh kaqngruh tak ngial pawh ala hmulo a.Mihring thawm riva hriat tur reng reng lah a awmlo.Ngaw dur khup hnuaiah chuan sava hram ri te leh a khat tawka Sakhi huk thawm bak eng thawm mah hriat tur a awmlo ani.A kal pah chuan ramhnuaia ei tur a hmuh ang ang te chuan an inhnawh puar ve a.A hliam avang chuan kal pawh kal ţha thei tawhlo in an tlu leh khat khat ţhin a.A chang apiangin a awrawl tawp chhuahin han kuk leh rawih rawih thin bawk mahse chhawn tu reng a awm silo.A hliam aţangte chuan thisen thar lam alo chhuak ţhiam ţhiam a.A chauh tawh em avangin a khaw hmuh tepawh a fiahlo ruai ruai tawh a.A rilru a han in fuih thar leh mawlh mawlhin hma lam chu ala ban bek bek zel ani.

        Ni chu suk chen vel awrh choh hi ani tawh a.Hliappui khaw ram lamah chuan Thansiama te pafa chuan Sazuk kah tumin Mualtluang ngawpui hnuaia sih zau ţha tak mai chu an chang ve mek a.Ni chu la liam chiahlo mah se ngaw hnuai anih avangin a thim ţan chu ani der mai.Chawhnu pum an chan tawh hnu pawh chuan eng thawm mah hriat tur ala awmlo.m. Thansiama chu a beidawng lek lek tawh a.A tum maia an khaw lam pan tum anih tawh avangin hlawhchham a hlau hle mai.Chutia an pafa a sih changa an ţhut ngawi kar lai chuan sih piah lam ngaw aţang chuan thawm alo ri phei ta khat khat mai le.Thansiama te pafa chuan thawm lo chhuahna chu beiseina nen an lo thlir doh doh mai a.Thawm chu alo hnai zel a.A chang leh a ri dup a ,a tawp leh vang vang ţhin a.A thawm a reh vang vang a,a rawn rik leh dawn vel chuan rum ri nghut nghut hian a zui ta ziah mai lehnghal.Rei fe an nghah hnu pawh chuan thawm chu alo la thleng thei lo.Thansiama chuan sa pawh anih a ring chiah tawhlo a,an mahni tihbuai tum sih huai anih a ring tawh mah zawk a.Chutia thawm awmna lam en a silai kah inring taka an awm lai chuan ngaw hnuai a ţang chuan mipa puitling pakhat,thisenin a bual nuai leh saruak deuh thaw a awm chu alo vak phei ta zul zul mai le. Thansiama fapa chu a khek deuh ţhawt a,kah tuma silai an tin lai tak chuan apa chuan,"Kap suh,Kap suh" tiin a rawn aua .Thansiama chu a lawnna thing aţang chuan chhuk nghalin mi pakhat thisenin a bual nuaih mai lam pan chuan a silai kah in ring sa rengin a phei a.A fapa hnenah chuan," Lura,silai kah inring rengin lo awm ang che " a han ti a.Thansiama chuan ava hnaih phei zel aA hnaih viau ta maw tihah chuan a mihring va hmuh chu a che ţual ţual a,a lan dan chuan din chhuah a tum ani,a tlu leh hnawk a.A bawk ta hle hle mai a.Chutah Thansiama chuan mihring hliam tlu reng chu ava en hnai deuh a.Chupa lu chu puanin a in tuam bur a.A mal puiah chuan silai kahna hnu hma a awm bawk a.A taksa hmun hrang hrangte chu a duk vung chur hlawm a.Thisen a hloh hnem tawh tih hriat tak hian a dan bal mai bawk a.Thansiama chuan an bel chianga, ala thilo tih a hriat chuan," Lura lo phei rang teh" a han ti a.A fapa pawh chu lo phei ve nghalin an pahnih chuan chu patling hliam tuar chu an buk lamah chuan an paw bahlat phei ta nghal a.Buk an va thlen chuan chupa hliam te chu an han sil fai zung zung a.Ramhmul damdawi a awm ang ang chu a hliamah te chuan an han hnawih sak a.A taksa hliamte an hrukfai a an tuam vek hnu chuan buk chhungah chuan an zalh ta a.Thansiama chuan," Lura ,heti hi kan ni ta si a.Khaw lamah i han zualko mai angai dawm anih hi" a han ti a.Lura chuan," Ka pa hei a hliam nasa hle maia,silai kahna hnuhma te a awm si a.Ral in an kap ni ngei tur ania.Rawn um zuiin kan tan a hlauhawm viau lo ang maw" a han ti a.Thansiama chuan," Chutiang hlauh thawn tur a awmin ka ringlo.A hliam han en reng remg hian thi tawh kal san a an kal san anih tawh hi" a han ti leh a.Chutih lai chuan buk chhung aţang chuan ," Tui tui" ti ri an hria a.An mi hliam chu tui va pe nghalin ,hliam pa chuan," Ka lawm e" a ti sup a, a muhil zui leh ta mai a.Thansiama fapa Lura pawh chuan zan thim pawh pawisa loin an khua Hliappui lama zualko tur chuan a zan a zan chuan a kal ta nghal a.

          Chumi zan vek Leng len hun awm velah chuan Vawra pawhin a ţhiante pahnih Zalawma leh Vanzauate hruaiin hmanni lawk a Vahrit pek nu,nula Vantei rim tur chuan an va kal ta a.Tuikhur mual lamah chuan an kal zel a.Putar pakhat an hmuh hnenah chuan pi Khamj te in awmna lai chu an han zawt a.An in awmna na hriat hnu chuan an kal leh ta nghala a.Tlema veng hmawr lampang deuh a in lian vaklo leh ţawng ve tawh tak mai kawtah chuan an ding ta ran mai le.Chutah Vawra chuan," In awm em" a hqn ti a.Inchhung lam aţang chuan,"Awm e,lo leng rawh u" tih ri an hriat chuan an han lut zui nghal a.An va luh chuan nu phanchang ve tawh tak mai hi mahni chauh hian alo awm a.Hmeithai pi Khami chuan ," E,lo leng rawh u,khawi lam tlangval nge innih a.Enge in duh tak mial kan in angah te in rawn len luh tak" a han ti a.Vawra chuan,"Ka pi hei i fanu Vantei ţhiante kan nia.Lo len kan tum a,amah hi khawnge a awm le" a han ti a.Pi Khami chuan," Ka ţhiante inah ka han kal lawk ange ati nih kha.A awm rei lo ang.Lo nghak rawh u" tih pahin ţhutna te a han kawh hmuh a.Pi Khami bawk chuan,"Tu fate nge innih reng reng le.Ka va han hre ngailo che u ve" a han tih chuan an nu leh pa hming te an han sawi sap sap a.Chutah pi Khami chuan Vawra en pah chuan," Upa Doţhiua fa maw inih a.Ka lo hrelo che chu a ka inti hle mai.I pa leh i ute kan chunga an ţhat ţhin zia hi ka sawi bang lo asin.Mi reng an pui hnem mai a.In chhungkaw zarah lo pawh kan nei thei ve chang chang anih hi" a han ti dap dap a.Vawra chuan," Ka pi chutiang an sawi ngailo,thudang i sawi teh ang u" an han ti a.Chutih lai tak chuan Vantei leng pawh alo haw ve chiah a.Inchhung a rawn luh a Vawrate ţhianho a han hmu thut chu a lai chhe lek lek a.Zak chung chung hian," U Vawr in lo leng ani maw.In va fel ve a " a han ti a.Vawra lah pek chuan," E,hei Vante i zun phur zolo in kan lo pan chuk chuk mai che anih hi" nui ţhaw pah chuan ahan ti a.Pi Khami chuan," Tikhan lo inkawm rawh u,ţhenawm inah kan leng lawk ange" tih pahin a chhuak nghal a.Vawra bawk chuan," Hei Vante zah pawh sawilo in kan duh zia che kan rawn lan tur ta a.Engtin nge minlo chhan dawn le" a han ti leh nghal zat a.Vantei lai chhe lutuk chuan," U Vawra chu i sual thiam em mai.Keini zunah tufa mah va uai ve suh ei" a ti chhuak thei hram a.Tichuan hlim takin an inkawm a.Vawra chuan a ţhianpa Vanzaua leh an nula rim chu an in melh leh zeuh zeuh ţhin tih a hmu thiam ta tlat mai.Chutah," Vantei leh Vanzaua tih hi a inhmeh ngawtin ka hria.In ti ve em " a rawn ti kauh a.Zalawm a chuan," Ti chiah e,zanin a thil thlen dan ka hmuh phei hi chuan'" an rawn ti ve leh a.Vantei leh Vanzaua chu zak tih hriat tak hian an sen awp awp mai a.Vawra bawk chuan," Vante hei tun kum chu in lawm ho ila kan ti deuh a.I duh awm emaw chu.Mahse a binga lawm neih i duh chuan kan hnial thei chuanglo a.Zaua te chu an chak ţha a" a han ti zui kher a.Vantei chuan," U Vawr min lawm duh tak tak te chuan ka chak zawng tak lawm.Mahse in tha ka rul zo lo lutuk ang che u tih ka hlau hlel lo e" a han ti a.Zalawma lo ţawng ve lehin," Lungngai suh,Vanzaua a chak ţha em.A thawh sak vek thei ang che " nui ham ham chung hian a rawn ti a.An nui dar dar a.Vanzau lah chu ţawng pawh ţawng tawhlo chuan a zak tih hriat tak hian a ngawi reng a.Chutia hlim taka an titi siam siam lai chuan an piah lawkah chuan Vawk a ngek ta rawng rawng mai le.Chutih rual chuan ," Sa a tla e" tih a authawm a rawn ti zui nghal a.Vawra chuan ,'" Vante hmanrua han lekchhuah mai tur innei em" a han ti a.Vantei chuan," Ka pa fei hman ţhin kha kan la kawlin ka hria,"tih pahin rap chung sanga a pain alo hman ţhin muzuk fei ung tawh tak mai chu a rawn lekchhuak a.Vawra chuan an la nghal thuai a,pawna mau ro a hmuh ang ang te chu vaw pawr nghal nawk nawkin mei ahan dep kai a.A thiante chu amah aia nau ve ve annih avangim ina lo awm tur chuan a ti a.Sa tlakna lam pan chuan a tlan ta nghal a.

          Sa tlakna lai a va thlen chuan veng hmawr deuh anih vang nge tumah anlo la thleng lo a.Vawra chu Vawk neitute chuan Sakeiin a pu luhna lam chu an lo kawh hmuh a.Vawra chu Sakeiin vawk a put luhna lamah chuan a kal ta nghal a.Sakei chuan Vawk chu a zo vak lo tih hriat tak mai hian a saseh chu a hnuh in ahnuk tih Vawra chuan a hre thei mai.Fimkhur tak chuan a chhui zel a.A rin ai tak chuan Sakei chu alo kal hla hman tlat mai.Tuikhur lui mawng lam a thlen dawn chuan a hmalamah chuan sakei han huk dawr leh thil lum ei rum rum a hre ta tlat mai.Sakei chuan a saseh chu Lui kawr pang awih laiah chuan athlauh palh anih a ring ta a.Tichuan Sakei hnu pawh chu chhui tawhlo in Tuikhur lui chu a zawh thla ta zawk a.A rin ang chiah chuan tuikhur lui mawng lama kham sang vaklo hnuaiah chuan Sakei chuan a saseh chu kawr ruam thuk ve deuh lai aţang a hnuhchhuah tumin alo bei fat fat mai a.lui kam ani a,a lei alo nem bawk nen Sakei chu ama rihna leh a saseh rihna chuan ţan hmun remchang a siam theilo deuh chu ani.A saseh hnuh chhuah tuma an beih nasat deuh chang chuan lei chu a rap tawlh hun hun a,kawr ruam laiah bawk chuan a tla lut leh ţhina .Vawra chuan a zuk hnaih hret hret zel a.A hnaih viau ta maw tihah chuan Sakei chu thinrim tuh hriat tak hian a saseh bawhbet ran chungin Vawra chu alo rum khum ngul ngul a.Sakei chu a luhchilh mai chuan a chan chhe zawkah a ţang thei tih hria in Sakei chu a saseh tlansana amah rawn bei tura thlem chhuah a rilruk ta a.Vawra chuan a dinna bula lung tum lian ţha zet chu a la lawk a.Kawr chhunga awm Sakei nak nemah chuan an deng ta thawr mai,a lung a lian ţha a,a dengtu in a deng na bawk nen Sakei pawh chu a huk ţhawt a .Vawra chu thinrim tih hriattak hian a rawn rum khum leh chhur chhur mai le.A saseh chu kalsanin Vawra,kawr kam loding lam pan chuan a rawn zuang chhuak ta nghal a.Kawr kam hmun nuam deuh laiah chuan Vawra leh Sakei chu an in veh ta ţhem ţhem mai le.Chutih lai tak chuan Sakei huk tuarh thawm kha hriain tlangval dangte pawh kham chung lamah chuan an rawn thleng thla ve tawh a.Midang lokal thawm a hriat chiah chuan Sakein chu a awp hniam sut sut a,Vawra chu a rawn zuan ta nghal a.Vawra chu lo zuang sawn zauhin Sakei dul nemah chuan fei chuan an chhun thawih a,a phawi leh nghal a.Sakei dul aţang chuan thiseh chu a chhuak ta nghal nguai nguai a.Mahse chu chuan a tha ti ţhum phalo.Tlangval dang lokal ve tepawh chu anlo hnai tawh hle mai a.Val upa pakhat chu," Tlangval,zam reng reng suh,Suartui tlangvalte kan lokal e" tiin a rawn au lauh lauh a.Sakei chuan Vawra chu rawn zuan leh nghalin Vawra pawh ahmaa atihdan lo ang deuhin Sakei a lo zuang chhuak chiah tih khan rang takin a thal zawngin Sakei hnuai lamah alo tawlh lut zauh a.Sakei thin hnunah tak mai chuan Muzuk fei tlum thawih chuan an chhun ta a.Mahse a muzuk fei kha alo bil mai bakah a lo ram deuh hlek tawh a a tliak ta mai a.A hmawr lam chu Sakei taksaah a bur vu a.Lehlam erawh chu Vawran a keng ve thung a.Vawra chu tho chhuak nghalin Sakei hmachhawn zawng chuan an ding leh nghal a.Sakei pawh chuan rawn zuan ve leh nghalin Vawra chu alo in her zawk a,inher pah chuan Sakei ke hnung lam pahnih a chuan a man hman ta tlat mai.Sakei chu upa lam anih tawh bakah a hliam dang te nen a chau ve deuh tawh a.Mahse chuti maia han chelh hneh chi chu ani biklo.A ke chu an per lehat at ţhin a.Mahse a mah chelhtu tlangval hi tlangval naran mai mai alo ni bik hauhlo a.A chelhna chu a thlah duh bik hauhlo.Vawra u Sawivela pawh lo thleng tawhin Vawra leh Sakei insual lai chu ahan hmu a.A silai kah theih mai tura inring sa in a zuk veh hnai ve ta a.Sakei leh Vawra chu an inchai tak hle maia.A chang leh an han let dun thial thial a.A chang leh an vir kual zak zak bawk a.Sakei in a ke hnung lam a per zawng chuan Vawra awm chu athai rang nuaih tawh mai lehnghal.Sawivela pawh chuan kahna hun remchang a hmu thei mai lo.Vawran a u lokal a hmuh chuan," Ka u han kap hlum vat teh" tiin alo au a.Sakeiin a tha a thlah a,an chawlh deuh lai chiah chuan silai a puak dur a.Sakei bek veilamah chuan ngen mu chu a lut phei ta siah mai.Sakei chu a leng et et a.A thi fel chu ani nghal der mai.Vawra pawh a chau ngang ani ang,a ţhu hnawk a.A thaw hawi hlawi a.Tlangval dang Vawra leh Sakei insual lai lo entu te chuan Vawra chu chak an tiin huaisen an ti em em mai a.A ruk tak chuan an ngaisang em em a,lo er tawk pawh an awm mahna.Sakei ber a thih takah chuan val upate chuan ro an han rel nghal zung zung a.Sakei leh Vawk zawn na tur te an han siam nghal a.Vawra awm hliam velah te chuan ramhmul damdawi a awm ang ang chu an han hnawih a.Rin ai takin a thi duh phian leh nghal a.Vawra chu Val upa te chuan a huaisen thuah chuan an han fak luam a,chutih rual erawh chuan midangte ngaichang ţhin tawh turin an han ti a.Vawra u Sawivela pawh chuana nau chu mahni chauha Sapui um tawhlo turin alo hrilh ve mial mial a.Mahse a ruk tak chuan val upa te leh Sawivela ngei pawh chuan Vawra chu an chhuang ru em em ani.Vawra chu a hliam vanga zawn an han tum a,alo duhlo nasa mai si.Zawn tum buai talo chuan an sa ruang te zawnin khawchhung lam panin an haw haw chho ta hulh hulh a.

                 Bung-13

          Suartui val rualte chu khaw chhung lam pan chuan an haw haw chho hulh hulh mai a.Hmun rem lai deuh aţang chuan Vawra chu Sakei an zawnna hlangah chuan zawn tel an han tum aVawra chuan alo duh ikhaw lo mai." Keima thah ani lo.U Sawivela kah anih kha " a han ti a.Tlangvalho pawh chuan a hnukchhat tu chu an pasalţha Sawivela ani tih an hriat avangin amah chu hlanga chuang tur chuan an han ti a.Sawivela lahin lo duh bik hek suh.Val upate rawn in rawlhin Sawivela chu an zawn haw ta a.Khawchhung an han luh chuan khaw mipuite chuan an lo zui nghal dul dul mai a.Vawk ruang chu a nei tute in lamah zawn chhoin Sakei chu lal in lam an pan pui ve thung a.Lal in tual an han thlen chho chuan mipui pawh an so mur mur tawh mai.Sakei ruang chunga an pasalţha Sawivela ţhu an han hmuh chuan mipuite chuan a kaptu chu tunge anih an hai lo.Vawra erawh a awm vela hliam a neih nual avangin Lal in lamah pawh kal talo chuan anmahni in lamah a kal nghala a. In a va thlen chuan a nu leh an kawmthlangnu chiah chu an lo awm a.Vawra inchhung a han lut a,a nu in a awm a Sakei ke hnu hma rang nei nuai leh thisen luang ngiai ngiai a hmuh rual chuan," E khai Vawra kha engtizia nge" tiin alo buaipui nghal chuk chuk a.Vawra chuan," Ka nu,eng tham mah anih loh hi.Tlangval chawei titui tawk pawh va ni suh.Kan Bengtawia nen khan kan han in bengberek deuh alawm mawle" a han ti a.Anu chuan tui lum te siam nghalin a hliamte chu an hruk fai sak a.Lal mual lamah pawh chuan mipui chu an zi hulh hulh mai a.Tual laia Sakei ruang an zalh chu hmuh ve loh hlau ni awm tak hian an in nawr kual chhen mai bawk a.Lal chu leikapuiah chuan lo ding chhuakin mipui beng chheng tireh nan a kut a han zap a.Mipui chu an ngawi ţhuap a.Chutah lal chuan," Ka khaw mipuite u,vawiinah hian in lal ka ni hi ka inchhuang takzet ani.Hun rei tak chhung Sapuiin min tihbuai tawhloh hnu ah hei Zaninah vanduaithlak tak maiin kan vawk vulh lai min rawn chhuhsak a.Mahse kan tlangval huaisen rual ten a sa lak an chhuhsak mai bakah chezui thei tawhlo turin a hnuk an chhat thei ta nghal hi ka lawm em em a.Kan pasalţhate leh kan tlangvalte hi ka chhuang em ani" a han tia .Mipui chu an au dur dur a.Lal bawk chuan,"Awle,hei Sapui an thah dan kan hre chak ţheuh a.Kan val upate khan min han sawi sak sela" a han tizui a.Val upa Tawna lo dingchhuakin an sapui beih dan chu chipchiar takin an sawi ta zar zar a.Sapui chu Vawra huaisenna avang chauha that thei annih thu te sawiin Vawra chu ahan fak luama .Mipui te leh lal ngei pawh chuan mak an tiin chutiang a Sakei inchai pui ngam chu huaisen an ti hle a,an ngaisang em em bawk ani.Val upa in a sawitur a sawizawh hnu chuan lal Lianvunga chu lo dingchhuak leh in," Awle ,tunah hian kan pasalţha Sawivela leh tlangval Vawra chu helaiah hian lo chho sela.Mipui ten kan lawmzia leh kan zah entirna ani ang" a han ti a.Sawivela chu lal leikapui lamah chuan an ding chho a.Vawra hmel erawh alang lo.Sawivela chuan,"Lapa Vawra chu hliam tenau a neih avangin in lamah alo haw ta mai ani" a han ti a. Lal chuan hrethiam takin mipui Vawra hmel hmuh chak em em te hnenah chuan," Awle hei kan tlangval huaisen Vawra chu hliam tenau aneih avangin alo lang ve theilo a.Pawi kan tu hle ani.Zanin a ka pasalţhate huaisenzia ka hmuh hian ka lawm em em a.Anmahni chawimawi nan leh Sapui laka kan him lawm nan kan Salu hi naktukah Sialin ka ai dawn ani.Tumah khawchhung chhuah san lo turin kan inhrilh ni rawh se" a han tih chuan mipui chu lawm avangin an au dur dur a.Val upate chuan mipuite chu ţin darh tirin Lal leh a khawnbawlte bakah pasţha Sawivela chu lal inah chuan an lut thung a.Lalin an han luh chuan lal chuan tlangaupa hnenah chuan zu bilh sa,tho ţha tak mai chu chawi chhuak turin an ti a.Tlangaupa chuan lal zu tuitling chu a rawn siak eng pup mai.Lal chuan,"Kan pasalţha Sawivela chu khaw ge ka zu tui ber hi ka no ngei hian han dawm teh se" a han tia .Sawivela pawh chuan hnar buai chi anilo tih hriain Lal no chu a dawm a,zu chu tlem an in zauha ,lalpa zu chu fak luam pahin a pe kir leh ta a.Tichuan hlim takin zu an inho a, a khat tawkin hla an han hril leh bawk ţhin a.Vawra farnute pawh Vawra a hliam tih an hriat khan in lamah hmanhmawh takin an kal nghal a.In an zuk thlen chuan Vawra chu a lo mu zal mai mai a.A nu nen chuan anlo titi siam siam a.Inchhung an luh chuan Vawra chu alo mu khawng tlat mai a.Hlirthangi chuan," Ka nu Vawra chu enge an,hei a hliam tih kan hria a.Kan lo haw nghal a" an ti a.Pi Mangchini chuan,"Hliam na lutuk ani lo e.Saw alo mu zal mai mai nih saw " tiin an kawh hmuh a.Vawra ute chuan Vawra mutna lam chu an han pan phei a.A awm vel chu anlo tuam vek tawh a.Vawra chu han kaih harh mai an tum a.A taksa vel an han khawih chuan alo khawng vek mai a.Ţuahpuii chuan," Ka nu Vawra hi a khawng vek ania,A ţhalo tawp mai.Rawn en ve teh" tiin a au chul a.Vawra nu pawh chuan Vawra awmna lam pana thut phei pah chuan," Nachin kha chuan ala harh viau kha mawle.Eng ti zia nge ni ngai.Mami nang kan Bawlpu i han ko dawn em ni" tiin beidawn takin Vawra chu an sawi ve nawk nawk a.Vawra u Ţhuahpuii Bawlpu koh tura an chhuan tum lai tak chuan Vawra chu a rawn nui chhuak hawk hawk a.Chutah," Bawlpu koh a ngailo ang.Kan khaw nula hmelţha Zikpuiin zu fang min han barh sela ka dam mai ang" nui hawk hawk chung hian a rawn ti a.A farnute thinrim chuan ," Kan Vawra mai mai chu ,min ti beidawng hman alawm mawle.Uan chin tawk hi hre ţhin rawh" tih pahin Vawra chu an han chum nawk nawk a.Vawra chu nui ham ham pahin," E khai,zahngai zahngai,Min chum hlum reu reu ange.In meng phar nasa leh viau mai tur asin" a han ti leh a.Vawra u Hlirthangi chuan," Vawra ilo va han chak awm em em ve.Nula ho in an sawi duh tehmai che nia" a han ti a.Ţuahpuii pawh chuan,"Venglai lama kan upa fanu pawh khana sawi chhen mai che a.Naktuk Sa lu lam hunah chuan nuam iti viau ang" alo ti a.Vawra chuan,"Khaih khaih khaih,mi bulah te hian minlo fak ve reu reu ange aw.Ka duh miahlo nia.Bakah naktuk chu salu lam naah kal ve pawh ka tum hlei nem.Ka hliam min kan tu an awm takin in kalo nghak dawn" an ti chu an nui leh dar dar a.Vawra pawh a hliam avang chuan chumi zan chuan Zawlbukah riak lovin in lamah a riak ta zawk a.

        Chumi zana Suartui khaw mipuiten Sakei an thah avanga hlim taka an awm lai chuan an khaw pasalţha Ramliana erawh Hliappui khaw rama Mualtluang ngaw hnuaiah chuan thichhawngin a let reng mai a.A khawsik sang lutuk avang chuan a ţawngvai nasa hle mai bawk a.Amah enkawl mektu pu Thansiama pawh chuan mutsan ngamlo in a vil chawt chu ani reng mai.A theih ang tawk chuan a taksa lum ruallo tihziaawmnan tuiin an dep kual leh ţhin a.Pu Thansiama chuan a damlo enkawl pa chu engmah sawi hmanlo in a thi palh mai ang tih a hlau em em ani.A fapa zualko tura a han tirh kha a kal tlua g anih chuan a tuk tlai lam behliang mun hun velah damlo chu khaw lam panpui hman a in beisei ani.

        A tuk khua alo var chuan Suartui khaw mipuite chu Sakei ai turin an inbuatsaih mup mup mai a.Fatu tura an ruat te chuan lal pa sial pa tuai chu a inh uai aţangin an han kai chhuak a.Upa Doţhiaua pawh a bang biklo,a fapa Sakei thah lu aina tur chuan se la pakhatin alo do ve bawk a.Chu ni chu Suartui khaw tan chuan hlimna ni ani hawt e.Naupang rual chu sial talh lai hmuh chakin anlo vir buai ve sek hlawm bawk nen.A hmei apa in chumi ni atan chuan an inbuatsaih suau suau a.Tuţhuan eikhamah chuan la mual lam panin mipui chu an kal khawm ţan tawh a.Vawra erawh a hliam chu na tham ni lemlo mahse mipui zi hut hut kara han vah chhuah vel a peih vakloh avngin in lamah a awm thung a.A farnute chuan han sawm ve tak mahse kal chu a tum hranlo ani.A chhungten lal mual lama an kalsan hnu chuan Vawra chu mahni chauhin in leikapui thlang lamah ţhuin zan lama a Sakei beih dan te an ngaihtuah nauh nauh a.A chet sual teuh zia te leh Sakei chak zia te ngaihtuahin a rilru a kawm melh melh a..Chutia muk taka a inngaihtuah lai chuan," Kan pasalţha chu enge maw i ngaihtuah le" tih ri a hre ta a.Hnung lam an hawi chuan Vantei leh a ţhian Zalawma leh Vanzaua te anlo ni a.Vawra chuan," E,Salu lam na lamah in kal ang chu tih naklai a" a han ti a.Zama chuan,"Hliam i tuar tih kan lo hria a,tukinah kan lo kal hman silo a.Lal mual lamah i hmel kan hmulo bawk nen.Hei kan lo kal tawp mai anih hi" a han ti a.Tichuan an ţhian ho chuan an titi siam siam a.Chutia hlim taka an awm lai chuan Vawrate in lam pan chuan nula pathum hi anlo kal ve mek a.Vawrate chu inchhungah ţhuin fiamthu thawh pahin anlo nui ham ham a.An nuih ham ham lai chuan pawn aţang chuan," In awm em" tih ri an han hre ta a.Vawra chuan ,"Awm e lo leng rawh u" a han ti a.Kawngka lampang chu an hawi nghak ţhap a.Chutah Vawrate inah chuan nula pathum tlawntlai ţha zet zet hi an lo lut a.Vawra chuan tute nge annih a hre thei ruak ruak a.A hma deuha a lo kawm ţhin,tunhnua an in lak len em avanga a bansan deuh tak Sangi te ţhian ho anni a.Lo be nghalin," Ekhai lo leng ţhu rawh u.Enge in duh tak mial a" a han ti a.Nula zinga pakhat,Sangi chuan,"Nizan lamah i hliam tih kan lo hria a,hei zah pawh dawnlo in kan lo kan che anih hi " a han ti a.Sangite ţhianho hi chhungkaw khawsak pangngai tak anni vek hlawm a.Sangi pa hi khawnbawl upa Kaihleia ani a.A ţhiante hi Neihthangi leh Dengi te anni a,anni pawh hi chhungkaw khawsa thei tak ani hlawm.Vawra chuan,"In va ti lawmawm ve,kan lo beisei phak reng reng hlei nem che u.A rem lai laiah khan lo ţhu mai teh u" a han ti a.Nula ho pawh chu chhuat rem lai deuhah chuan an han ţhu a.Sangi leh a ţhiante chuan Vantei chu an en leh hrek hrek ţhin a.Vawra chuan a hmuhhmaih hauhlo a,Vantei hi a ngaizawng hauhlo a.Mahse a inleng thar ten chutia ngei hmel taka an han en vel chu a ngai theilo khawp mai.Dengi chuan,"Engmah rawn kan na tur che pawh kan nei silo a,hei artui kan lo keng tawp a.Min pawm sak ani ang chu " tih pahin artui pali lai mai chu Vawra a han pe a.Vawra chuan," Khatiang rawn tih kha angailo asin le.Mahse inlo ken takah chuan lawm takin kan pawm mai ani ang chu.Kha Vante fairelah khan min han thun sak tawh" tih pahin Vantei chu an pe deuh kher a.Sangi leh a ţhiante chu an lungni lo nasa,mahse lanchhuah tir loh hram hram an tum ani.Vawra bawk chuan," Hei ka ţhiante annih hi" tih pahin a ţhiante chu an hmekhriattir zung zung a.Sangi chuan,"A lo ni maw,in mikhualte emaw kalo ti mai asin.Tlema vakchhuak lo deuh ho hi chu hriat pawh ka nei lo e" a han ti khauh a.Midang chu an ngawi ţhap a.Vawra bawk chuan," Nia,hei kan vak chhuak tamlo khawp a.Anniho nen hian kan in thlawp tawp hi ani mai a.Ţuanna mual te a inan tak lohah chuan in hriat pawh a harsa ve deuh ani ange " a han ti a.Zalawma chuan," U Vawr,keini zawng lal mual lamah kan lo chho tawh ange" tih pahin an tho hluaia Vanzaua leh Vantei pawh chu an tho ve ta nghala.Vawra chuan hrethiam takin,"Lo han chho tawh u.Keipawh ruai kil tur tal chuan lokal ka tum ange,hei ka chhungte lah ei han rel vel tur an awm silo.Ka lo kal loh tak leh zan lamah kan inhmu dawn nia" a tih rual chuan Zalawma te chu an chhuak zui mai a.An chhuah hnu chuan Sangi chuan,"Lal mual lama chho chu i tumlo tak tak em ni" tiin Vawra chu ahan zawt a.Vawra chuan," Tum em em hranlo e,hei chawţhing te atama Artui lah min rawn ken sak ţeuh lenghal a" a han ti a.Neihthangi chuan," U Vawr,i ţhiante kha an vannei ka ti e.Pasalţha ni bawk,hmelţha bawk ţhian han neih chu" a rawn ti a,an nui dar dar a.Vawra chuan,'"Thangi vanneih thuah chuan i tlangval tluka vanneih an awm dawn em ni.hmelţhat thuah lah nangaia ţha va awm bik suh" a han tih chuan Thangi chu a nui ar ar a,a hlim tih hriat tah hian vawra chu an melh relh a.Dengi chuan,"Khaih khaih,midang pawh kan la awmve bawk hi aw.Khatia nangmahni chauh in in thlur bik ten" nui seih pah hian a rawn tia .Vawra chuan,"Nangni zawng khawkhat nula chhuanvawr in la ni ngei anga.Chung hunah chuan in khawngaihna kan la rawn dil awm sia" a han ti a.Sangi chuan,"Kan pasalţha in kan khawngaihna min rawn dilte anih ngat chuan kan um nghal dawr dawr ani mai ang chu" alo tive bawk a.Hlim takin anin kawm ho a.Rei fe an ţhut hnu chuan Vawra chuan," Ţhiante u,in lo lenga ka lawm viau mai.Mahse hei khua te pawh a tlai mai dawn a.Khi lamah tlangvalin an lo zawng nasa lutuk ang che u.Han chho tawh u ,kei lah ka chhuak peih silo a" a han ti a.Dengi chuan,"Chutia nang berin min ning viau tawh anih te chuan kan kal ani mai ang chu" an ti bul hmak a.Vawra chuan," Ning lul lo e.Keimah vangin mi zingah pawh in tel ve hman silo a.Inthlahrun ana ve ta deuh alawm mawle" a han ti a.Neihthangi chuan,"Min ning deuh reng reng ani ang.I ţawngkam chhuak reng hian min hnar ru riau a ka hriat chu" nui ham ham pah hian an ti a.Sangi pawh chuan,"Dik chiah,tirawh u i chhuahsan daih ang u"tih pahin a tho thut a.Vawra chuan," Zan lamah te kan la inhmu leh ani ang chu,ruai ţheh pawh a hun tawh hi" a han ti a.Dengi chuan," Zanin ah ilo len loh chuan ka hre rei viau ang" nui seih pah hian an ti a.Vawra chuan,"Nang berin i tihte chuan kan lo leng poh ani ang chu" an tih chuan Neihthangi chuan," Nangni pahnih hi a tur aţangin in in thlur bing char char,ka ngaihdan anilo reng reng" bah hmak hian an ti a..An nui ho dar dar a,tichuan zan lama lengah te insawmin an in ţhen zuia.Vawra ngaihtuahnaah chuan Dengi chu a awm ru riau mai a.A felin a hmelţha bawk a.Mahse lehlamah chuan Sangi leh Neihthangi pawh an ţha ve tho bawk si nen.An ngaihtuah kual neuh neuh a.Han rim kual vel phawt chu ţhain a hre ta a.Chumi zan chuan Dengi rim a chhuah phawt chu a tum ta deuh a.A farnute ruai ţheh zo an lo haw chuan Vawra zanriah tur chua an han rel sak nghal sawk sawk a.Vawra chuan,"Vawiin chu in han hmang nuam bawk maw,khawnge u Vawma pawh hi,vengchhak lamah ah liam chho leh pek tawh em ni" a han ti a.Chutih lai tak chuan Vawmaia chuan sumhmun aţangin," Tunge vawiinag a hliam chhuanlama in lama nula tawm pui le" a rawn ti al al a.A farnute chu an nui ham ham a.Vawra bawk chuan," U Vawma chu i va rawn haw hma ve,nula hoin anlo be ţha vak na che nge" a han ti a.Vawmaia chuan,"Be ţha tuk e,ni leng leng a nula bula awm zawng a hneawm em mai,nangpawhin i hriat kha" a han ti leh.Vawra pawh zanriah te a ei kham hnu chuan Vantei te in lam pan chuan a kal nghala.

           Hemi ni vek hian Khuangsih khaw pasalţha Huliana leh a hote ram vak haw lam chuan an khaw ram chin awih panga kawng ruh laia thisen lo inchap dar nuaih chu an hmu a.Anni hi an ramchhuak hlawhtling,an khaw lam pana rawn zingchhuah anni a.Chutia kawnglai tak maia thisen lo baw nuaih Hulianan an hmuh chuan a naute chu inring turin an hrilh nghal a.An phur te dahthla in Silai leh chempui an lek chhuak far mai a.Huliana chuan thisen baw nuaih awmna lamah chuan inring tak chuan an phei a.A va thlen chuan thisen chu a hlui deuh tawh tih a hre thei mai a. A hote chu lo phei turin an hui a.Huliana chuan thisen buak nasat danah chuan inbeihna nasa tak a thleng tih a hre thei nghal mai.A hote chu thisen buak na bul velah chuan engemaw hmuh beiseiin an dap kual tir a.Huliana chuan thlang lam awih pangper lama tawlh thlakna hnu hma ni a tak chu a han hmu ta a.An zuk dak fan leh deuh a a thil zuk hmuh chuan a ţhawng kher mai le.Mihring ruang engemaw zah chu luang bul chuan alo dang khawm hi alo ni a.A hote chu auin awih pangah chuan an chhuk ta a.Ruang te chu alo uih deuh hlek tawh a.Huliana chuan an hai let vel a,ruang pali lai mai hi alo ni a.An taksaah chuan silai kahna hnuhma leh Chema sahna hnu hma a awm thluah mai bawk a.An hmelah chuan tute nge annih pawh hriattheih tawhloh khawpin anmahni thattu te chuan an sawisa ani.An hmai vun te chu a hik luai a,an hnar te chu a hek huam maina. Huliana chuan mak ati em em mai a,mak atihna chhan ber chu an ruang hmuh te chuan lu anla nei vek chu ani.Tichuan ruangte chu kawng lamah chuan an han hnuk chho a.A rem laiah chuan an zalh ta a.Huliana rilru chu a buai em em a..An khaw ram chhunga chuti zat ruang awm chu tute ruang nge anih ang,engvangin nge a thattu te hian an lu an lak loh,engvang khera hetia sawisa nasa nge annih tihte a ngaihtuah a.Chutia angaih tuah lai chuan a hmalam hnim buk deuh laia thil de zeuh zeuh chu a han hmu thei a.A va en chian nak chuan ţhi fang hi alo ni a.Tichuan Huliana chuan a hote chu uluk leh zuala chulai vel dap tur chuan a han ti a.A an han dap kual tak tak hnu chuan ţhi fang engemaw zat chu an hmu ta a.Huliana chuan rin dan anei thei ta.Helai hmunah hian ro inchuha in beihna emaw,in suamna rapthlak tak a thleng ngei ani tih chu a ngaihdan ani.Tichuan ruangte chu chhawlchhinin hmanhmawh takin khaw lam chu an pan ta a.Losul haw hun velah chuan khua an lut ta a.Khua an thlen dawn chuan hlado pawh chham ta lemlo chuan lalin lamah chuan an kal ta nghal a.Lal in an va thlen chuan lal leh aupa te chuan mak tih hmel fe hian an lo en a.Lal Rumvunga chuan," E,kan pasalţha Huliana te lah ni rengin,hlado chham ri lah kan hre silo a.In rawn hlawh tling maw,.A enga tia he lamah te in rawn in phurh luh tak mai" a han ti a.Huliana chuan," Lal pa kan lo ţhawn thut avang che in minlo hrethiam la.Thu hmanhmawh thlak tak i hriat ngei tur thil hrilh che kan duh vanga hmanhmawh taka he lama lokal hmasa kan ni e" a han tih chuan Lal leh a upate chu an phawk hra mai a.Lal bawk chuan,"Eng thu pawimawh nge ni ta ngai,in phur te kha han nghat ula,i thil hriat chu min han hrilh ta che" a han ti a.Chutah Huliana chuan a aw han then kharh kharh pah hian,"Lal pa hei kan ramchhuak hlawhtling kha khaw lam panin tukin khan kan rawn zing chhuah a.Hliappui khua nena kan inri na,kan khaw ram chin awihpang lai khuan ruang pali lai mai kawngthlanga lo let reng kan rawn hmu a.Ruangte lah chu an hmel pawh hriatchian theihloh khawpin a thattu ten an sawisa ni awm tak ani.Hmel a lawi pawh an neilo a.Chulai hmunah chuan inbeihna nasa tak a thleng tih hriat takin thisen te pawh a baw darh nuaih mai a.Mak tak maiin ruang kan hmuh te lu chu a kim vek a.A ngaihna hrelo taka kan hawi kual lai chuan ţhi fang ka hmu ta hlauha .Inbeihna lai velah chuan ţhi fang alo tam khawp mai a.Kan khaw ram chhunga thilthleng anih avangin ruang te chu kawngah kan kai chhuak a,chhawlchhin nghalin i hnena chanchin thlen turin kan lokal ta vang vang ani" tiin kawnga an thil hmuh chanchin chu a han sawi ta zar zar a.Chu thu an hriat meuh chuan lal leh upate chu hlauhthawnna in an khat nghala a.Upa pakhat chuan," Ţhi fang chu in hmu chiah maw" a han ti leh a.Huliana chuan," Aw,hmu e,pakhat mai niloin tam tham tak kan hmu ani" a han ti leh a.Lal Rumvunga chuan,"Awle,he thil thleng hian min ţhawng hle mai.Tlangaupa,ka upate han kokhawm zung zung la,ro kan rel nghal vat angai ani.Hulian,i chau hle ang tih chu ka ring a.Mahsela thu rawn kengtu inih angin i awmve angai dawn ani.I naute kha chu lo haw mai sela" an ti a.Tlangau pawh chu chhuak nghalin Huliana pawh chuan a naute chu haw turin an tive bawk a.Khawnbawl dangte anlo thlen kim chuan lal chuan Huliana chuna thil hriat zawng zawng chu an sawi tir leh a.A sawi zawh chuan lal chuan," Awle,ka upa te u,kan hriat ţheuh angin nimin piah mai khan Hliappui leh Suartui tlangval panga ka inah ngei hian kan mikhual a.Hliappui khaw lal fapa boral ralna tur ţhi leh dar an phur tih pawh kan hriat kha. Ka rin dan hi a dik anih chuan vawiina kan pasalţha ramchhuakte thil va hmuh hi kan mikhualte ruang ngei kha anih ka ring a.Engtia hma han lak chi nge ni a in hriat le" a han ti dap dap a.Lal upa pakhat chuan," Lal pa,keipawh i ngaihdan kha ka ţawmpui khawp mai che.Lehlamah chuan alo nilo ve thei mial bawk a,a theih anih chuan Hliappui lamah hian lal fapa ral tura kal te an thlen tawh leh tawhloh chian turin lamkal kan tir mai dawn em ni ang" a rawn ti a.Mi dang pawh chuan khawnbawk upa ngaihdan chu an pawm thuban rawn sawi ve a.Tichuan Hliappui khaw lama lamkal in tirh phawt chu ţha an ti tlang a.Chumi chhung chuan ruang zawn tura tlangval intirh pawh ţha an ti tlanga a.A zan a zan chuan thil chiang zawk hre turin Hliappui lamah chuan Tlangval pathum an tir liam ta nghal a.Hliappui khua te hian ţha takin anlo dawng sawng thei angem le.

          Hemi zan vek hian Hliappui tlangval rualte pawhin Ramliana chu Hliappui khaw lam panin anlo zawn haw ve mek bawk a.Thil thlen dante chu mak an tiin chutia an ramchhunga hliam na tak tuara patling lo awmve ngawt pawh chu mak an ti hle ani.Tichuan hmanhmawh takin zan khawthim hnuaiah chuan Khawvar rual tala in thlen hman tumin an kal ta nghat nghat a.An mi zawn hian enkawlna ţha a hmuh vat loh chuan a thih mai an hlau ani.

Suartui lamah ve thung chuan Vawra leh a ţhiante pawh Vantei te inah chuan an nui ho leh dar dar tawh a.A tu lama Vantei te thlam rel sak chu an rel ta a.Vawra pawh a zawlbuk kal tum chhuan lamin haw hma a duh thu an sawi a.Vantei chuan," Zawlbuk kai pawh ala hun loh hi.Enga in hmanhmawh tak vak ni" a han ti a.Vanzaua chuan," Vawiin lamah hmuţhat a hmuh hlawm kha mawle" a rawn tih chuan an nui dar dar a.Tichuan in manghţha in Vawra pawh Dengi te in lama leng tur chuan a kal ta nghal a.Dengi te in ava thlen chuan tlangval inleng ho chu anlo ri dar dar a.Vawra a va lut Dengin alo hmuh chuan," U Vawra lah ni rengin.lo leng ţhu rawh.Khawi lam thlichhia in nge rawn chhem lut che a kan inah te ilo len va tak mial ni" ţhutna tur kawh hmuh pah chuan alo ti var a.Vawra chuan,"Ţawngkam ţha umin zah pawh sawilo in ka lo tek lut ve thawr mai anih hi" tih pah chuan ţhuthmun an rem ve nghal a.Tlangval pakhat chuan," Kan pasalţha hkiam chu Salu aih na lam chuan a pawtna vaklo ani ngei anga.Tumloh na lamah daih a hmel ka han hmuh chu" fiamthu ti tak hian a han ti a.Vawra chuan,"Ni e,Hei nula hmelţha zun nge nge a pawh alo na deuh ani ta ve ang.Nat pawh sawi lo in kan lo tlan dawr dawr mai anih hi" a han ti a.Tlangvalho chu an anui dar dar a.Dengi chuan," Sawm kher ngai chi ang hi chu a buaithlak anih hi" an lo tive bawk a.Tlangval pakhat chuan," Uai,Chutin sawm bik te kan awm ani maw.Kan va hnawksak duh awmve" nui hama ham chung hian a han ti a.Titi dang vawrh a hun tih hriain tlangval upa lam deuh leng ve te chuan vawiin lama an salu aih nawm ziate,an lal fel zia te an han sawi a.Vawra chua an han fak leh luam ţhin a. Ama chanchin an sawi kai tak zel avang chuan Vawra chuan nuam ati ta chiahlo a.A chauh chhuanlamin haw tuma tho hluai pah chuan," Kei zawng ka meng zo talo chha chu ani mai.Kalo va ţinsan ang che u" a han ti a.Tlangval dang te chuan awm ve rih tur chuan an han ti tliar tliar a.Dengi pawh chuan," U Vawra chu engemaw i hriat le,leng hawn ar pawh ala khuang em lova.In lung kan ti awi zo meuh nange" a han tih chuan Vawra chuan," Chutiang ni lah lo e.Tlai mah var ila kan in ning chuang awm silo a" tih pahin haw mai chu an tum ta tho a.Dengi chuan sumhmun thleng chuan va thlahin," U Vawr,lo leng leg ngei ngei rawh aw.Ka lo thlir reng ţhin dawn che nia" midang hriat phak hlau tak chuan an ti a.Vawra pawh chuan len leh ngei in tiamin Zawlbuk lam a pan san ta a.Dengi inchhunga ava luh leh hnu chuan tlangval dangte chuan Vawra huaisenzia leh chakziate, an chhungkaw fel zia leh an inngaihtlawm zia te chu an sawi siam siam a.Dengi chuan Vawra an faknate chu ngaihthlak nuam a tiin a hlimpui em em ani..

                Bung-14

         Vawra Dengi te in aţanga a haw ta chu khawi dangah peng lo chuan Zawlbuk lam a pan nghal a.A va luh chuan Val upate leh tlangval ţhenkhat anlo titi ma mam a.Vawra an han hmuh chiah chuan val upa pakhat chuan," Kan pasalţha chu kha i rawn chhuak vak peih ani maw" a lo ti var a.Chutia Val upa meuhin pasalţha a han ti chu Vawra chuan a duhlo em em a.Pasalţha tih a han chhalna tham tur thil engmah tiin a inhrelo ani.Vawra chuan,"Pasalţha han tih tlak pawh kan nih loh hi.Hei hliam chhete ah pawh khum betin kan na lo chauh ania " a han ti a.Val upa dangte pawh chuan Vawra chu an han fak luam a.Vawra chuan titi dang vawrhin,"Kan lal hian buh tuh hma hian ramchhuah te hi a rel dawnlo mawni le" a han ti a.Val upa Bula chuan," A ni tak e maw.Buh tuh hma ngeia vawikhat a huhoa han ramchhuah pawh a chakawm khawp mai" a han ti a.Tlangval dangte pawh chuan ramchhuah a chakawm thu te an han sawi ve nak nak a.Val upa Tawna lo ţawngin,"Kan hun tawnin a zirlo em a.Ral beiin kan chhuak bawk nen.Kan lal pawhin ramchhuah hi a rawt ngam chiahlo niin ka hria.Keini lam hian aw kan pawh hmasak chuan a remti nghal in ania ka rin ni" a lo tive a.Val upa Bula bawk chuan,"Ni e.Kan lal pawh hian a tlangvalte hi min han phut ngam chiahlo pawh ani thei tho mai.Lal bengah han thlen hmasa chhin ila.Lo remti ta sela khawi lam ram lam nge i beisei deuh pu Sai" tih pahin val upa Saia chu an en a.Val upa Saia chuan,"Chutia min han zawh takah chuan Lungrahbuk lamah sawn zan sawm r vel riakin thawk chhuak ta ila a tihchi ka ring ani.Sazuk leh Sanghal mai bakah vanneih chuan Tumpangsial thlengin kan beisei thei ang chu" a han ti charh charh a.Tlangvalte chuan ramchhuah an chak thu anlo sawive chhen bawk nen.A tuk lama lal hnena thlen chu an rel thlu ta a.Chu zan kher kher chuan Zawlbukah titi dang a leng thei talo.Tlangval zawng zawng chuan sapel a ramchhuah chu an chak hlawm vek a.Lal chuan remti hram se an tih thu te sawiin chu zan chu an hmang ral ta a.

Vawra chu zing takah thoin an in lamah chuan a haw nghal a.Zan lama an lo rel tawh angin Vantei te thlam rel sak tura thawh chhuah a tum ve avang chuan Vanneih palh thilah therhlo enge maw khan tur a awm takin tiin A silai chu alo hru fai hliau hliau mai a.A pa zing leng alo haw chuan ," Vawra kha khawi lamah nge vahchhuah te in tum tak a" a ha ti a.Vawra chuan," Ka pa vawiin chu Tuikhur muala pi Khami te thlam kan va rel sak ang chu ka ti a.Keini lam kan in zo fel tawh tho a" a lo ti thuai a.A pa chuan," E,va kal tak rawh u.Naktuk lamah chuan Lal thu pek angin Lungrahbuk lamah in ramchhuah hmel kha maw" a han tivar a.Vawra chuan," Nizan khan kan val upate khan an sawi nak nak a.Lal beng alo thleng ta nge nge ani maw" a ti a. A Silaite an en fel zawh hnu chuan inchhungah lutin a farnuten tukţhuan an lo peih ta bawk nen an kil zui ve ta nghal a.Tukţhuan an kil bial laih lai chuan Vawmaia chuan," Vawra,hei tunţum a kan ramchhuak tur chu kalo tel ve hman dawn lo a.Kan chhungkaw ai i va awh ani ang chu" a han ti a. Vawra chuan," U te min uap tu tur in awmloh chuan a va thlamuanthlak awmloh ve" a lo ti a.Chutah Vawra pa chuan,"Hei Vawra pawh i vanneihna in a hual rih che nge ni Sapui te hial te ilo tihlum ve ta a.Mahse engemaw ti a huaisen tak emaw in tih palh te hi a awl ania.Nakinah ral te beiin lal nopui hial tepawh ila dawm ve anga.Chung hunah tepawh chuan a chapo ang zawng leh mite hnuaichhiah zawnga khawsak loh tur ani.Tin,mahni nihna hmachhuana midang thil chhuhsak emaw,mahni hma lo hai hi chinloh tur ani.Dik tak leh huaisen taka tih chuan kan chan tawk chu khuanun alo ruat nge nge ţhin ania" tiin Vawra chu an hrilh dap dap a.Vawmaia pawh chuan," Vawra,ka pa sawi kha hre reng la. In va ramchhuahna ah pawh mi aia thotlai bik nih te,mi thawhsa ei bik nih te tumloh tur ani.Tin mi in sa kut anlo thlak hmasak tawh chuan ah sak tur ani" an tive a.Tichuan thu ţha tinrengte inhrilhin puar takin an ei ta a.An kham hnu chuan Vawra chu a insiam nghal sawk sawk a.A farnute chuan chawfun lo siamsakin kawtchhuah lam pan chuan a inpu chhuak ta hnak hnak a.

        Kawtchhuah a han thlen chuan Zalawma leh Vanzaua chu an lo awm tawh a.Zalawma chuan," Uai,Silaite i rawn putchhuah tak chu.Kut ruak chuan kan haw lo turah ngai phawt ang" a lo ti var a. Vawra chuan," E ,lungngai ma ta che. Kah tur kan hmuh loh tak leh Chakai kan khawrh mai ani ang chu.Kut ruak chuan i haw lo ang" nui hak hak pah hian an ti a.An titi lai mek chuan Vantei pawh a lo inphur chho hnak hnak a.Vawra chuan," Vanzau saw le i lasi nula alo thleng ania" a han ti a.Vantei chuan," U Vawra chu tikhan ti zel lo la" zak tih hriat tak hian a han ti a.Tichuan Vantei chuan an chawfun te phurh sakin lo lamah chuan an inphur liam ta a.

         Vantei te lo an zuk thlen chuan phur te an han nghat sawk sawk a.Reilote an han ţhut khaw muan hnu chuan Vantei chuan thlai chi te an thlak a.Vawrate ţhian ho pawh chuan Thlam rel chu an ţan nghal a.Chawhma zet an beih hnu chuan thlam lian vaklo ruangam chu an din thei ta a.Chaw chhun an fak lai chuan Vawra chuan,"Hei thlam rel pangngai chu kan zo ang chu ani mai a.Vantei nu thilthek sah sa hian a chung tur chu a daih mai turah ngai ila.A chung chih hi hmeichhe tan a harsa si a.Chawhnu lamah in lo chih anga .Kei vauah sawn kalo va vak mai mai ang chu ka tia.Enge in ngaihdan " an ti a.Vanzaua chuan," Ni e,lo va vak tak rawh.I rawn vanneih chuan a lawmawm dawn em mai" a han ti a.Zalawma chuan," Thlam chhuat leh bang tur velte kan lo pu khawl bawk anga. A bak chu kan lo chawl ang,hah lutuk palh chuan sa phurhna tur tha kannei lo palh hlauh ange" a han ti a.Vantei chuan," In zarin thlam nuam takah kan chawl thei dawn ani mai a.Ka lawm takzet ani.Engmah lah han tihsak theih che u ka nei silo a" inthlahrung tak chuan a rawn ti a.Ni e,anni ang nufa rek chauh a awm tan chuan Thlam nuam tak neih chu thil harsa tak mai ani.Vawra chuan,"Vante,ţhian karah kha tiang an sawi ngailo e. Zaua phei chuan a phur khawp ania" tih pahin an nui a.Tichuan hlim takin chaw chu an ei ta a.

         Chaw chhun an fak zawh chuan Vawra chu Vau lamah chuan Silai nen a inpu chhuak hnak hnak a.Zalawma leh Vanzaua pawh chuan thlam chung te chu an han chih ţan a.Vantei pawh chuan chuan lo ţanpui ve in hlim takin an titi ho a.Vantei chuan," U Vawra chu enge maw tal rawn kap se aw" a han ti a.Zalawma chuan," A rawn kah loh chuan Chakai kan khawrh dawn nia" alo ti sam et a.Vanzaua chuan," Chakai khawrh pawh chuba pawi vak dawn loh chu.Phur a rit lo ani mai" alo tive a.An hna ţheuh chu an pu zui mawlh mawlh a.

        Vawra pawh silai nen chuan ram ngaw lam pan chuan a vak zel a.Sahnu thar lam hmuh tur avang riau mai lehnghal a.Ngaw chhungah chuan a vak lut zel a.Uluk taka hnuai lam bih pah chuam thawm dim takin a kal zel a.Kawrte pakhat zawh thla in kawrte in a aia kawr lian zawk a zuk pawhna bul hmun zawl lai deuhah chuan thawm ri khak hi a hre ta.Tichuan eng thawm nge tih hriat chian tumin a silai kah theih tura inring chuan thawm awmna lam pang chu a hnaih phei hret hret a.Ram ngaw thelh hun hnuaia vak anih avang chuan thawm dim taka kal pawh a harsa lo hle ani.Dimte a kal chungin ri lo chhuahna chu a hnaih phei hret hret a.Eng sa emawni in a ke a perh leh that ri chu ahre thei tawh a.Ava veh hnaih zel a,Silai kah nuam tawk vel athlen chuan Zukpui hian hnim alo pet mawlh mawlh mai le.Uluk takin silai chuan an tin vang vang a.A kap dawn ta maw tih ah chuan Zukpui kiangah chuan a no la upa lo tak mai hi alo awm ve reng mai le.Vawra pawh chuan a silai chu ala thla rih a.Zukpui chu a kap chak ngang mai a,an tin leh uaih ţhin a.A theih hram chuan ano hruai kaplo hram tura a pa leh a u ten anlo hrilh fo avang chuan tuilo tak chuan a kal san leh ta rih a.A kal pah chuan amah leh amah chu a inhnem chho mawlh mawlh a,.Sapel tura a hranpa a chhuak annih chuan loh avangin Sa kah chu a ţul kherlo ani tihte a nagihtuah neuh neuh a.Chutia a rilru kawm melh melh pah a ngawi renga a kal lai chuan a hmalam hla deuh hleka Changel hmuna Sanghal in nawr khek thawm a hre ta tlat mai le.Tichun Changel hmun lam pan chuan hmanhmawh tak leh fimkhur tak chuan a kal ta nghal a.A va hnaih ta viau maw tihah chuan Nghalrual hi bual inchuhin changel hmun kara lei nem laiah chuan anlo innawr khek ţhat ţhat a.An bual inchuh chu a changtu nih ţheuh an tum avangin anmahni veh mektu Vawra lokal thawm reng reng an hrelo.Chuti hlim engmah ngaihtuahlo a an innawr khek vak vak lai chuan Silai alo puak ri dur dur a.An zinga lian ve pawl ber,bual laia ding chu a thal nghal tawpa.A ke te a leng nghal at at a.A dang ho chu phi chungin tlan na lam tur bik pawh ngaihtuah hmanlo in an mahni hmazawn ţheuhah chuan an darh ta sang sang a.Vawra chuan Silai mu te an thun leh te te a. A sa kah chu ava pan nghal a.Ava thlen chuan silai mu chuan Sanghal nghawng bulţhutah fuhin a kawchhung hnawl zawng chuan silai mu chuan alo hawrh chu niin.An teh kual thuak thuak a.Sum nga lai mai alo ni a.A pa te anih avangin a til bawr chu a hlep thla nghal a.Reilote a ţhut khawmuan hnu chuan Sanghal chu a iptepui hruiah chuan a kehnung lam leh hmalam a ţawng bet a.A ţhiante han koh kha a buaithlak a hriat avang keh Sanghal sumnga chauh chu a zo viau dawn thoa a hriat avangim a iptepui chuan a phur chho a.Vantei te lo lam pan chuan hlawntling inti tak leh hlim takin a kal chho ta hnak hnak a.

         Khatia vawra sapela a kal hnu khan a ţhiante ho chuan silai rik hun nghakhlel takin an beng anlo chhi kar mai a.Thlam chung an chih zawh hnu pawh chuan Silai ri reng reng hriattur ala awm lo mai a. Zalawma chuan," Kan fiamthu kan fiamthu a,chakai hi kan khawrh haw tak tak angaih hmel mange" an ti a.Vanzaua chuan," Keipaqh ka rin ai chuan a reh rei riau mai.Heng laiah chuan therhlo ilo pawh ava kah thuai ka beisei asin le" alo ti ve a.Vantei chuan," Sa te chu duh duh a kah theih pawh va ni suh,Chakai chu kan vau luiah sawn a tam ang chu" alo ti vei ham ham a.Chutia beidawng ru tak,beiseina nei tho si a an thut lai chuan vau lama ramngaw,changel hmun vel lai chuan silai a puak ta dur mai le.Vanzaua chuan," Chhei le,atawp atawpah chuan" tih leh tlan chhuah a rual nghal a.Zalawma pawh chuan a ţhianpa tlanchhuak chu a umzui ve nghal mai bawk a.Silai rikna lam pan chuan an tlan dun ta nghal mai a.Vantei chuan mak tih hmel tak hian," Thawt thawt che u chuan aw" a han ti a.An hre pha tawh chuang hlei lo a.Ngaw chhung an han luh chuan an han kuk raih raih a.Vawra chuan alo chhawn ve nghal a.Zalawma te chu kuk ei an hriatna lamah chuan an tlan zel a.Thui fe an tlan hnu chuan lo lam pana Vawra Sanghal phur chunga alo kal chho hnak hnak chu an han hmu thei ta.An lawm lutuk chu eng khaw sawi set set lo chuan Vawra Sanghal kah chu an han hlan thlak sak nawk nawk a.An teh kual vel a.Zalawma chuan," I va han kap lian em em ve.I thawm kan hre har lutuk kha kan lo beidawng hman deuh a" a han ti a.Vanzaua pawh chuan," Pasalţha zui man ava awm ve.Kan hlawhtling haw dawn hle mai" a han tive bawk a.Tichuan Vawra ţhiante chuan Sanghal chu an zawn a.Lo lamah chuan an chho ta nghal a.Vantei chuan thlam aţang chuan a ţhiante lo thlen hun nghakhlel tak chuan alo thlir a.Engtak rawn hawn ang maw alo ti rilru neuh neuh a.Chutia nghakhlel taka alo thlir lai chuan vau hrul lama a ţhianten Sanghal an rawn zawn nalh nalh chu ahan hmu thei a.A lawm lutuk chu thlam chhungah te chuan an zuang vel a.Vawrate thlam an rawn thlen chuan Vantei chu thlamluhkaah alo dinga," U Vawr i va han kap lian em em ve.A nuam e vawiin chu" hlim tak hian alo ti siam siam a.Vawra chuan," Nula hmelţha kutruaka haw tir a hlauhawm em alawm" a han ti let a.Vantei bawk chuan," Tikhan tizel lo teh" nui ar ar pah hian ahan ti a.Tichuan Sanghal chu Thlam luhkaah chuan nghatin an han puah a,an chan darh nghal zung zung a.An lo ri te han koh mai tur an awmloh avangin an chan darh a.Ipte pui khat ţheuhin an han beng a. Vantei chuan a zawh tawk tur chuan a emah an siam ve a.An chan zawh hnu chuan thlamah chuan an ţhu hahdam ta a.Vawra chuan," Vau luite a lung lian pui pui phawka chakai tereuh tete man ai chuan a hahdam thlak deuh zawk anih hi" a han ti a.Vantei chuan,". A thau ţha sia,a tui dawn em mai.A nuam e vawiin chu.Pasalţha zarah sa kan hnianghnar dawn sia" an ti ve a.Vanzaua chuan," Sanghal sa ka eilohna pawh a rei tawh khawp mai.Zanin chu kan lim nghek teh ang" an lo ti ve bawka.An ţhut hahdam hnu chuan hlim taka titi hoin khaw lam panin an hawng ta a.

          Khua an thlen chuan Vawrate in lamah an kal hmasa phawt a.An sa phurhte an insem zawh hnu chuan an mahni in lam panin an haw leh ta a.Vawra pawh a ţhiante an haw hnu chuan a han insil fai a,.Vawra nu chuan," Vawra vawiin lama in thlam sak chu in zo fel hman meuh maw.In tihtur ber zo lo hian in zu vak vel mai mai te hi ani ange " tiin a han zawt a.Vawra chuan," A kanu thin hi a.Mipa in hna zawh loh in an kalsan ngai hlei nem" alo ti var a.Vawra uye chuan Vawra sa hawn chu an ţhenawm khawvengte an han sem kual a.Lal sa turte dah hrangin zanriah an peih hnu chuan hlim takin an kil ho ta a.

         Chutih lai mek chuan Hliappui khawdai lamah chuan tlangval rualte chuan Ramliana chu khaw lam panin an zawn ve mek bawk a.Ramliana pawh a khawsik te a ziaawm takah chuan kalkawngah chaw te eiin a ţawng ve peih tawh a.Khawchhung an han luh chuam lal in lam chu an panpui nghal a.Lal in an va thlen chuan lal pawhin a lo hriat lawk sa vek anih avangin a upa ho pawh alo ko khawm vek tawh a.Lal in an han luh chuan tlangvalte chuan an damlo zawn chu an han nghat a.Lal leh upaten an mi rawn zawn an han hmuh chuan tunge anih an hrechiang thei mai lo a.Lal chuan," Ka tlangvalte u in va chhuanawm ţhin tak em aw.Tlangaupa hah zu kha han zuk hlawm ta che" a han tih chuam tlangaupa chu a tho vat a.Zu chu an pe kual dan dan a.Tlangvalte an haw hnu chuan lal chuan pu Thansiama chu la awmve rih turin a tia .Chutah lal chuan an mi zawn chu tunge anih tih hriatchian tumin a han en a," Ramliana" a ti chhuak ta hlawl mai le.A upate pawh chu an phawk hra mai.Hliappui hi Suartui lal Lianvunga nau Hauthanga lalna khua ani a.An in zin pawh zeuh zeuh avangin Suartui pasalţha Ramliana hi Hliappui lal leh khawnbawlte hian an hre ngang mai .Lal chuan," E,ka lo mangnghilh daiha .Bawlpu han ko thuai teh u" a tih rual chuan tlangaupa chu a tlanchhuak nghala.Ramliana pawh harh tawh viau mahse ţawng tam chi ala nilo tih an hriat avangin engmah anla zawt duh rihlo a.Lal chuan," Hei Pu Than,nang engkim hmu tu leh hrechiang tu ini a.Thil awmdan han sawi ta che" a han ti a.Thansiama chuan Ramliana an hmuh dan zawng zawng chu an sawi ta zar zar a.Lal leh upate chuan mak an tiin engtia chutiang khawpa hliama a awm thei nge tihleh engti tia Hliappui ram daiha Ramliana chu lo awm nge tih chuan an rilru a tibuai hle mai.Chutah Ramliana chaun zawi sap hian," Lal pa,i fap boral ral tura kan lal Lianvunga tirhte kan ni a.In tlangvalte nen khan a ralna tur kan lo lo phur a.Khuangsih ramah khan suam kan tawk ta ani.Ka ţhian dangte chu an thi vek ang.Keipawh awih pangah khan min tlawh thlaa,ka thih an rin avangin min rawn um zuilo anih ka ring" a rawn ti a.Lal Hauthanga chuan,"E Ramlian,kan thil hriat chu ava mak ngai ve.Hriat belh duh viau mah ila i chau lutuk ange .Hahdam rih phawt mai rawh" a han ti a.Ramliana chuan," Lal pa min ngaihtuah avangin ka lawm e.Mahse ka sawi zawh vat hi aţha zawkin ka hria" a han ti a.Chutih lai tak chuan Bawlpu pawh lo thlengin Ramliana hliamte chu ahan en zung zung a.A damdawi neih ang ang te chu ei tirin a hliamte chu an tuam ţha a.Chutih chhung zawng chuan lal leh a khawnbawl techuan thil thlen dan tur awm ang chu an lo sawi ho a.Bawlpu in a tihtur a zawh hnu chuan Ramliana chuan," Lal pa,Khuangsih khuaah khan kan rawn chawl a.Kan thilphurhte kha lal leh a upa te hnenah khan enge anih tihte kan hrilh vek a.Ka ţhiante hnenah khan khawtual mite hnehah chuan engmah sawilonturin ka ti thung ani.Min rawn kahna lai kha Hliappui ram chin ani ţep tawh a.Kan lo inveng hman nganglo ani.Tute nge annih ka hre mailo a.An vai chuam pasarih lai mai anni bawk a" an ti leh a.Chutah lal chuan,"In thil phurh kha lal leh a upate chauhin an hria anih zawngin nangmahni suamtu che u chu lal mi tirh annih i ring em" tiin ahan zawt a.Ramliana chuan," Lal pa,Khuangsih lal Rumvunga kha kan chungah khan a fel khawp mai a.A inah khan kan riak nghal a.Chutiang han tiduh tur chuan ka ringlo ani.Mahse rin loh lam deih hian thil hi akal ve thei bawk a" a lo tive leh a.Khawnbawl upa pakhat chuan," Lalpa , Khuangsih lal Rumvunga hi hetiang han tihduh tur chi niin ka hrelo mange aw" alo ti a.Lal chuan," Eng pawh nise,he thil thleng hi a rapthlak hle maia.Kan tlangval te lah chu an thi nge dam tih pawh kan hrelo a.An thi turah han ngai ta ila.He thil titu hi kan zawnchhuah a ,hremna kan pek ngei angai ani" a han ti charh charh a.Lal bawk chuan," Kan thil tawn hi kan hre ţheuh anga. Suartui lamah lamkal kan intir nghal angai dawn a.Tin Khuangsih lamah pawh lamkal kan tir bawk anga.Keimahni thu maia thil han kalpui chi annih loh avangin Suartui lam te zai pawh han ngai phawt ila . Tin,khuangsih lamin eng thu nge an rawn neih kan hriat hunah he pawikhawihtute zawn hna hi kan ţan dawn nia.Ka upate u ngaihdante innei em" a han ti a.Khawnbawl upa pakhat chuan," Lalpa ka remruat dan hi in pawm em chu ka hrelo a.Kan hnu chhui hi a awlsam zawk nan pasalţha Ramliana pawh hi thi anga sawi mai ţhain ka hria.A damchhuak an awm tih a sumatuten an lo hriat chuan an lo tlanbo palh hlauh ange" tiin rawtna a rawn siam a.Lal Hauthanga chuan," Ngaihdan ţha tak ani.Damlo zawna kaltw pawg kha engmah sawi rihlo tura kan tih angai dawn ani" a han ti a.Lal bawk chuan," Rama,an hmel ila hre thei hlawm angem" a han ti a.Ramliana chuan," Lal pa,hre thei tehreng e,engtikah mah ka theihnghilh loang.Theih ni sela han sah sawk sawk ka chak khawp mai" thinrim hmel fe chuan a han ti a.Lal Hauthanga chuan," He pawihkhawih tute hi chu an va chak dawnlo rua em.Ka tlangvalte thisen hi a thlawnin a luang lo ang" a han ti chang fal mai a.Lal upa pakhat chuan," Lal pa,kan mi zawn tur ate hi an lo fing phian mai thei a.Lamkal kan in tirh rual hian Khuangsih lamah hian enthlatu tirh ve mai aţhalo maw le" a rawn ti a.Lal chuan," Ka upatw nge nge in thu a fing ţhin e.Enthlatu tirh pawh chu aţha viau mai." a han ti a.An ngaihdan hrang hrangte an sawi hnu chuan lamkal tirh phawt chu ţha an ti tlang a.Tin,enthlatu pawh tirin Ramliana pawh thi tawh angin an sawi dawn ani.Chumi zan la la chuan lal thu kengin Khuangsih leh Suartui lam pan tur chuan tlangval sawm an tir nghal a.Khuangsih khua enthla turin tlangval panga an tir bawk a.Enthla tura an tirh te hi an inţhen anga.Pathum hi khawchhungah mikhual anga thlengin pahnihte hian khawdai aţangin anlo thlithlai ve thung dawn ani.

        Hemi zan vek hian Khuangsih tlangval pathum,Khuangsih lal in thil awmzia thlen tura Hliappui lama a tirhte chu Hliappui ramah chuan buk sa in riah anlo tum ve mek a.Tluang taka an kal anih chuan a tuk tlai lamah chuan Hliappui khua chu an thleng tawh dawn ani.

        Ramlianate lo suamtu Dopawrha leh ahote erawh hlawhtling inti takin Khuangsih khaw zau lamah chuan thlamah an titi ho a.Ţhi leh dar in sem hmabak annih avangin an hlim tlang kher mai.Dopawrha chuan," Ţhiante u,hei kan hlawhtling ta hle mai a.Tunah hian khuaah kan luh nghal mai a rem dawn lo a.Zan khat kan la riak khawmuang anga.Tichuan khuaah kan lut dawn nia.Tumahin kan thil tih hi in sawichhuak tur anilo.Tin,kan thil neihte hi tunhnai maiah chuan tihlan a rem dawnlo a.In duh leh khawdangah te kalin thildang thleng nan tepawh in hmang thei a.Mahse fimkhur hle ang che u.Kan chetsual vaih chuan damin kan chhuak hauhlo ang" tiin a hote chu an hrilh a.Dopawrha leh a hote chuan an duhthusam te an han sep rawtui vel a.An nula duhzawngte,an sial lei dan turte,silai man turte bakah thil chi hrang hrang sawiin an hlim dar dar hle mai a.An tum dan chuan khawchhungah chuan ramchhuak haw anga luh an tum ani.An ruahmanna hi hlawhtling tak ang maw,.

                      Bung-15

           Zan lamah chuan Vawra pawh a tuk lama Sapel a ramchhuak tur annih avang chuan khawi dangah kal lo in in lamah a silai te an hru fai a. Silai zen a neih ang ang te chu a kang lo tawk turin tapchhakah chuan an hem ţanga.A tuk lama hnufual bik nih a hlauh avangin zan lamah chuan ramriah chhunga a mamawh tur ang ang te chu a iptepuiah chuan a beng mawlh mawlh a.A farnute chuan a mutbu tur leh buhfai,hmarhcha leh chiseh ilo vel chu an lo fun sak bawk a.A theih ang anga a inbuatsaih zawh hnu chuan Zawlbuk lama lawi turin a chhuak ta nghal a.Zawlbuk a han thlen dawn ţep chuan a han in ngaihtuah a,Dengi han mangţha phawt chu ţhain a hre deuh a.Dengi te in lamah chuan a kal leh ta zawk a.A va thlen chuan amah a kal tlai deuh bawk nen ţhutna hmun ţha pawh a chang pha meuh lo.Dengi hi nula hmelţha leh fel tak anih avang hian rimtu hi a ngah zantin mai ani.Inchhung ava luh chuan Dengi chuan," U Vawra lah ni rengin,lo leng ţhu rawh" tih pahin ţhutna tur ahan kawhhmuh a.Tlangval pakhat chuan," Vawra zanin chu iva tlai angreng ve.Rûn dâlah ilo lang ve mai mai ani maw" a lo tivar a.Dengi chuan lo tuihnihin,"Ani zawng lenna tur apui hi anghah a.Han beisei ngam vak pawh hi ani lo" alo tive a .Vawra chuan,"Mai mai che u chuan aw.Naktuk lama kan ramchhuak tur kalo in hmakhua deuh alawm mawle.Kan nula hmelţha han mangţha loh chu tiin kalo tek luh ve leh anih hi.Ţawngkam ţha tepawh kan dawn ve mahna chu" a han ti a.Dengi chuan,"In ramriah hlan chuan ka lungleng dawn mange.Nangni lah hian min ngaihtuah der awm silo a" tih bik nei deuh tak hian an ti a.Tlangval pakhat chuan,"Tun ţum chu keipawh sa lu engemaw tal hawn ve ngei ka duh ani.Mi kahsa ah reng zawng a zahthlak em mai " a rawn tive a.Tichuan tlangval dangte pawh chuan an nula rim ngaihsak lek lo chuan a tuk lama an ramchhuah tur chungchang chun an sawi laih laih a.A kal ve theilo turte chuan kal ve chak takin midang ţawng lai chuan an kal ve theilo tur pawi an tihziate leh kal ve an chak thute anlo sawi hlawm a.Dengi pawh chuan Sa tamtak kapa hlawhtling taka lo haw turin a duhsak thu ta na sawi a.Rei ngial an titi hnu chuan midangte haw hma bawk chuan Vawra chuan haw an tum leh ta mai a."Kei zawng ka lo va ţin ta'ng e.Vawiin lam hna avangin ka chau deuh riau mai " tih leh thawh a rual nghal a.Dengi chuan," U Vawra lah hi kan titi tui dawn chauha haw hi tinghal zel mai.I lung kan tiawi zo lo a chha chu anih ber hi" alo ti nang nang a.Tlangval pakhat pawh chuan," Ni e,Vawra leng hawn ar khuan hun pawh nghah ve tur che nia" alo ti a.Vawra chuan," Len rei lutuk leh lung aleng mai mai ţhin a.Kan nula zun hi phurh dan tawk thiam angai anih hi" tih pahin chhuah a rual ta mai a.Dengi chuan midangte mitmei veng ru deuh chung chuan sumhmun thleng chuan ava thlah a.Sumhmun an thlen chuan Dengi chuan Vawra chu an Vaihlo tui ber mai chua na puanhnuai zauh pahin," U Vawr,a len lah hi i leng rei duh ngai mang silo a.In va kalnaah chuan va hlawhtling ta ula.Min han hre ve reng ang che aw" an ti bah niaia .Vawra chuan," Dengi,thil tamtak hrilh tur che pawh ka nei ania.Hun ţha kan neih veleh kala hrilh ang che.Ka thinlungah hian i cham reng ţhin alawm" nui deuh sut pah hian an ti a.Dengi pawh chuan lawm tuh hriat tak hian," Anih mangţha le" tih leh inchhung lama luh a rual ta nghal a.Vawra pawh chuan Zawlbuk lam pan nghalin kalkawngah chuan a rilru a kàwm phei malh malh a.Dengi chu a duhzia lo hrilh tase,a hmangaih zui thei tak tak angem tihte a ngaihtuah nauh nauh a.Anih loh leh Dengi hian midang hmangaih te alo nei tawh angem tihte a ngaihtuah a.Engpawh nise remchang hmasa berah engemaw sawipui ţha atia a.Tichuan a tuk lama an ramchhuahna tur te ngaihtuah zuiin Zawlbuk bawhbel chu a bawhliam ve leh ta a.Dengi pawh a in ngaihtuah nasa na rawh e.A mut hmunah techuan a let kual chhen a.Vawra hian a hel tlata hriatna te anei a.Zan lamah lah a leng rei duh ngai hauh bawk silo nen.Vawra chu a changlo maiang tih a hlau ru em em a.Mahse Vawran a haw dawn a thuchah te ngaihtuah let in muthmunah chuan annui leh ver ver ţhin a.Vawra chuan amah chu angaihtuah ve hle turah ngaiin hun remchang anneih hun chu nghakhlel tak chungin a muhil ve ta siai siai a.

        A tuk khua alo var chuan Suartui tlangvalte chu Lungrahbuk ngaw lama sapel a ramchhuak tur chuan an inbuatsaih mup mup a.Chumi tuk kher kher chuan Thirdeng pa pawh a awl hman meuhlo.Ngen mu tur suan lung chherin a buai char char a.A faten tukţhuan an peih thu an rawn sawi hnu pawh chuan inah lut mai hmanlo in thlantla phungin a la ri tlat tlat mai a.Vawrate pawhin tukţhuan anlo kil ve mek a.Vawra chuan," Ka u eng hna pawimawh nge i neih le.Lo kal ve mai mai la ţha tur ania" a han ti a.Vawmaia chuan,"Lo lam ka lo buaipui ange.Kan vauah khan Mangkhawngte kalo va lum ang chu ka tia.Vau hrul a thing zar hnawk tham tur deuhte kha kalo rawt bawk anga.Unau nau a a huho a ramchhuahna a kal ve zawng a ţha ngailo e" tiin alo chhang thuai a.Vawra pa chuan," Vawra,va fimkhur hle ang che.A huho a sapel a chhuah chang hian in kutpalh hi a awl em em a.Mahni sakah tur chian hmasak phawt ţhin tur ani.Sa te in han hual anga,eng sa pawh a beng leh a lu i hmuh chian theihloh chu kap ngai suh ang che" tiin fimkhur tur chuan an chah mawlh mawlh a.Tukţhuan ei khamah chuan Vawra chu lal mual lam panin a kal nghal a.A farnute chuan Sa lia tak rawn kap turin duhsakna nen an nau chu an vailiam ve bawk a.Vawra lal tualzawl a han thlen chuan tlangval dang anlo la awm lo a.Lal fanu naupang zawk Ţhahniangi chu lal in kawtah chuan an thingphurh sa te nisa a pho chhuakin alo buai ve a.Vawra a han hmuh chuan Ţhahniangi chuan Vawra chu tunge anih a hre mai lo.Vawra hming chu hre teh mahse a hmel chiang takin ala hmu ngai lemlo ani.Vawra chuan a mutbu ah ah puar nalh bakah Silai a put avang chuan Ţhahniangi chuan mikhual emaw a ti deuh a.Chu mikhual tlangval chu ka hmuh tawh hnu nia kan hriat tlat chu le tiin a ngaihtuah neuh neuh a.Vawra tlangval lian thelh thawlh tak mai,hmelţha bawk si leh a awm vela Sakei ke in a tai na hnuhma rang ruai avanga huaisen hmel tak chu an en leh zauh ţhin a.Vawra chu lal tualah chuan midang nghakin pahin an ding vang vang a.Lal fanu chu inah ava lut a pa hnenah chuan," Ka pa pawnah sawn mikhual tlangval a ding reng ania.A lan dan mai chuan pasalţha anih hmel" a han ti a.Lal Lianvunga chuan," A tu mikhual nge mawni chu le,mami va ko lut teh" a han tia .Lal fanu chu va chhuak leh nghalin an in kawta tlangval lo ding reng chu hnenah chuan," Ka pu lo lut ta che" a va ti a.Vawra chuan mak ati ta khawp mai a.Lal fanu meuhin eng vanga ka pu ti a rawn ko mai nge maw anih tuh chu a hrethiamlo.Vawra chuan ," Lal fanu,hei ka ţhiante ka nghak mai mai alawm" a tih rual chuan lal fanu chu inah a tlan kut lehnghala a.A pa hnenah chuan," Ka pa mikhual chuan ka ţhiante ka la nghak rih dawn e ati ani" a va tih leh a.Lalpa chuan mak tih hmel fe hian,"Khawilam khual nge maw annih chu.Khawnge keiman ka va en ange" tih leh chhuah a rual a.Hetih lai hian tukţhuan ei hunlai anih avangin lal khawnbawl leh tlangau an awmloh lai tak ani.Lal chu pawnah chuan ava chhuak a,a fanu pawh chuan a rawn zui ve a.Vawra chu lal in lampang hnungchhawn zawng chuan alo ding tawh a.Lalin anmahni hnungchhawn zawnga tlangval ding ahan hmuh chuan,"Tlangval khawi lam khual ngw maw inih chu le" a han ti a.Vawra chuan aw a hriat veleh chuan a hawi let a,maktih hmel fe hian," Lalpa chibai,khawi lam khual mah ka nilo e.Upa Doţhiaua fapa Vawra ka ni e" a han ti a.Lal chu a nuih a za ta hle mai a,nui chung hian," Hnung lam aţang khan kan hre thei mailo che alawm mawle.Ka fanu hian mikhual tlangval emaw alo ti che a" a han ti a.Ţhahniangi chu zak tih hriat tak hian hnuai lam a bih ngar ngar a." Ka pa tihpalh,kalo hrechiang lo atin ani" a han ti a.Chutih lai chuan Val upa ţhenkhat leh tlangval dangte pawh chu anlo thleng ve mek a.Lal chuan," Vawra ka fanu hi i hrethiam ani ang chu" a han tih chuan Vawra chuan," Lal pa hrethiam tuk e,eng pawi mah a awm hlei nem" tiina han chhanga.Lal chu in lamah chuan a lut ta a.Ţhahniangi chuan," U Vawr ka tihpalh aw, ka lo hre mai lo che ni" a tivar a.Vawra pawh chuan,"A pawi reng reng lo e.Inhmuh a khat em atin ani" a han tive a.Lal fanu pawh chu in lamah a lut zuia.Ţhahniagi hi Vawrate ai hian a nau hret a,a hmel a ţha em em mai a.A naupang ber anih avang hian tual a chhuak tamlo in mi hriat pawh a nei vaklo ani.Vawra chuan Lal fanu naupang zawk chu fel a ti em em mai a.A u Darchawii nen a an mizia inanloh zia te chu an ngaihtuah a.Vawra hian lal fanu upa zawk hi a nauban par lawh alo dil vel avang khan a ngei deuh hlek ani.Lal fanu naupang zawk erawh chuan a u a khum dawn hle hian a hria a.An khaw tan vanneihna a thlen a ring bawk ani.

          Midang pawh anlo thlen belh zel a.An kim hnu chuan tlangval sawmthum rual vel zet hi anni mai a.Khawnbawl upa ţhenkhat pawh lal inah chuan lo chuangkai leh tawhin leikapuiah chuan an ţhu far hlawm a.An kim ta maw tihah chuan Val upa chuan an va kalna tur chanchin leh an thang hun chhung turte an sawi zar zar a.Lal Lianvunga pawh lo ding chhuak in a tlangvalte chu huaisenna nei tur leh hlawhtlinna uma bei turin an fuih sauh sauh a.Sa ku tamtak hawna lo kir leh ngei turin duhsakna a hlan bawk a.Sawi tur ţul dang dang an sawi zawh hnu chuan suartui tlangval rualte chu Bungmual lam panin an inzuichhuak ta a.Val upa pahnih Tawna leh Bulate ten an ho dawn ani.

             Suartui val rualte ni lenga an kal hnu chuan tlai lam thim dawn ruaiah hian Lungrahbuk ngawpui chu an lut ta a.A ngaw ala ţhain thing leh maute chu arsi ek kai chin an tih ang vek hi a ni a.Ngaw chhungah chuan an han lut zel a.Tlema hmun nuam lai deuh an thlen chuan val upate chuan chu lai hmuna innghah chu an rel ta a.Tichuan bûk te an han zar a,a ţhen chu zanriah chawhmeh ilo ngaihven turin an chhuak bawk a.Bûk te an han zar zawh hnu chuan khua pawh a thim tawh viau mai.Thingtuah turte an han fawm khawm sawk sawk a.Meipui an chhep hluah a.Mi sawmthum lai mai annih avang chuan bu pawh panga lai mai an zar a.Meipui chu alai takah an chhep a.Tichuan zanriah tur an buatsaih ta. Chawhmeh zawnga vak tepawh chuan Vahrit leh hruizik ţhenkhatte rawn hawnin an han siam zung zung a,an peih fel hnu chuan puar takin an han ei a.Zanriah eikhamah chuan val upate chuan a tuk lama an vahchhuah dan tur te qn sawiho a.Tlangval dang chu buk sir velah te chuan ţhu khawmin eng engemaw sawi hian an nui leh ham ham ţhin a. An kawng kaln an chau deuh bawk nen val upate chuan hma deuh takin mut an han rawt a.Tichuan a tuk lama an hmabak turte ngaihtuah chung chuan mut zai an rel ta a.

             Leng hawn ar khuan hun velah chuan Suartui tlangvalte riahna buk chu tu tih hriatloh hian lung ţhilin a rawn vawm er er ta mai le.Buk leh a chhehvel a thingkung te chu a in sawi vak vak a.Nutling ţap hawm hawm thawm te,naute ţap thawm te.Patling rum ngul ngul thawmte chu ngaw chhung lamah chuan arawn ri chhuak ta ale.Tlangval ţhenkhat chu an hlau tih hriat tak hian buk kilah chuan an tawm far mai a.An meipui chheh te chu lung ţhil hian a rawn vawm ţek chuai chuai mai bawk nen.Val upa leh pasalţhate chuan an naute chu hlau lo turin an han fuih mawlh mawlh a.Chutiang thil chu ngawpui chhungah chuan a thleng fo ţhin ani tihte an han hrilh a.Tichuan eng em em tilo chuan bukah chuan inring tak chuan an ţhu far hlawm a.Vawrate riahna buk chu vawilehkhatah a rawn sawi ta dul dul mai le.Tlangval thenkhat chu an khek ţhawt ţhawt a.Chutih rual chuan ngaw lamah chuan ţap ri te,nui ri ten an lo chhawn ve zel bawk nen.Vawra thinin a tuar talo.A silai leh Chempui a la lawka," A engatia min han tihbuai reng mai chu le" tih leh chhuah a rual a.Meipui mit lek lek tawh chu ava chhawm nung ţha leh a.Thawm chu a reh nghal diak a.Pasalţha leh tlangval dangte pawg lo chhuakin engemaw hmuh beiseiin an han hawi kual a,engmah hmuh tur phei chu a awmlo.Buk lama an let leh dawn lai tak chuan tlangval pakhat chu engemaw hian a rawn theh ţhawt maia.Mei engah an han en chian chuan thisen thar lam tak mai hi alo ni a.Chutih rual chiah chuan an sir vela thingte chu a rawn sawi leh dual dual a.Buk pawna awmte chu thisenin a rawn theh leh ţhawt ţhin a.Vawra chuan enge hriat chhuah thut nei niawm tak hian thingthu nung chu a la lawk a.Buk vela thing in sawi dur dur na lai chu an vawm a.Midang pawh chuan rawn zui ve nghalin thingthu nung chu a thlawk chhuak ta sung sung mai.Chutah meuh chuan an nuih tiza khawp hialin anmahni rawn tihţhaih tu chu Chingpirinu mai mai alo ni tih an hre ta.Sava lian tak tak mai pathum thingbuk aţanga thlawk chhuak chu an hmu phe vuai a.Val upa Tawna chuan," Chu Chingpirinu te mai mai chu aw,min tih hlauh hman hrep chu le,.Rammi kan tawng ta emaw kalo ti hman asin" ham bai bai chung hian a rawn ti a.Anmahni rawn tibuaitute chu Sava mai annih tih an hriat hnu chuan thlamuang takin an mu leh ta a.

            Khuan hmasa khuan hun velah chuan Vawra chu a zunchhuakin a ti harh hlawl mai a.Pawnah chuan va chhuakin bul piah deuhah chuan a va in paithawl a.Buk lama a va let leh tur an hawi let chiah tihah chuan an meipui chheh chu engemawni hian alo chhawm ţha zat zat mai a.Vawra chua a en reng a,.Mei chhawm ţha tu chu an riahpui zing ami tur chuan a te mah mah tih a hre thei ta. Tichuan thawm dim takin a veh phei ţhem ţhem a.A hnaih ta viau maw tihah chuan a thilhmuh chu man tumin an bawh pawp a.Lei charah chuan amah chu a tla thum awk mai.A thil man tum chu a bawh ţhelh chiang hle ni.Thawh leh mai an tum lai tak chuan pa tereuhte , ruh kawl hlang deuh thaw,khup bawk ţik ţek hian Vawra chu a rawn bawh thal tawp mai a.Vawra awmah chuan a ding zar mai lehnghal.Vawra chuan chupa chu han man mai a tum ngawt a le.A che thei ta reng reng lo mai.Chu ramhuai tereuhte lah chu a rimchhe em em mai lehnghal a.Vawra chuan a tha tawp chhuah tak meuha thawh kan a tum pawh chuan engmah a sawt chuanglo.Chu pa tereuhte chuan a en kal mai a.Vawra chu a thaw te a chham dawn ta lek lek mai.A delhtu chu a rit tual tual hian a hria a,a awmte chu thil engemawin a hnawh ta emaw tih theih hial khawpin a awm ta.A chunga chuang pa lahin kalsan mai a tum silo a.Vawra tan chuan tihngaihna a awm talo.A taksa engmah a che theilo a,a thawk lah chu a harsa em em mai lehnghal. Thinrim lutuk,engmah tithei silo chuan amah bawh bettu chu a mel rang nasa tawh mai.Chutia rei ngial an inbawhbeh hnuah chuan Vawra bawh bettu ramhuai tereuhte,ruhkawl hlang ang mai,khup bawk ţik ţek chu a zuang thoh a,ngaw lamah chuan a kut ta daih a.Vawra pawh a thaw huai mai.A ţan nasat lutuk avang khan a tha pawh a zawi hman lek lek a.Khatia che thei miahlo a a awm kha mak ati em em mai a.Tawng lah ţawng thei hek suh.Thinrim zetin a tho a.Amah bawhbettu luhna lamte chu ava en leh a,.Engmah hmuh tur erawh a awmlo.Tichuan meipuite chhep ţhain buk lamah chuan a phei san leh ta a.Khawvar huna hnaih tawh em avang chuan mutthilh pawh tum lemlo in a thiltawnte ngaihtuah chung chuan a mu meng kar mai a.

       Vawra chu hmataka thoin mei te ahan nun a.Tuichawi turin a chhuak nghal a.Tui a chawi zawh chuan nizan a a thil hmuh hnuhma kha a awm reng reng em tuh hriat tumin buk vel chu an kal hual a.Mahse hnuhma engmah hmuh tur a awm lo a.Tlangval dangte an lo thawh ve hnu chuan tukţhuan turte an han buatsaih zung zung a.Tukţhuan ei khamah chuan an han ţhu hahdam rih a.Val upa Tawna chuan,"Hei Vawiin lamah kan vak chhuak ţan dawn ani a.Sa lian tham deuh kan beisei phawt anga.Therlo lamah kha chuan kan mi han tidel rih phawt ila.Hmar lamah ka hoin kan kal anga,chhim lamah kan pasalţha Tawnluia hoin,buk thlang lamah hian kan val upa Bula hoin ţhenkhat an kal anga.Chhak lamah hian Vawra hoin tlema tleirawl deuhte kha in kal ve thung dawn nia" a han ti a.Vawra hi an val upate hian an ring zo em em mai a.A chezia uluk taka an lo thlir reng ţhin avangin midang han kaihruai vel tur pawh hian an ring ngam em em ani.An kal dan turte an rel fel hnu chuan mahni hma bak tur ţheuhah chuan an kal chhuak ta sang sang a.Vawrate pawh chu buk chhak lam pang aţang chuan an vak chho ţan ta a.An buk awmna mual chu an kalchhuak ta maw tihah chuan Thingchang hmun ngaw ţha zet mai hi alo awm a.Ngaw ah chuan phur takin an han lut ta a.An rin ang ngei chuan sahnu chu alo chiar dup mai a.Mahse hnu tharlam han chhui mai tur erawh a awm hauhlo mai.Vawra chuan sa hniak te chu uluk tak hian an en kual a.Sapui hnuin a pawlh zauh zauh tih a hrethei nghal a.Chunglai velah chuan Sapui a hran em avangin sa dang an hnuhma thar hmuh tur a awmlo ani tih a hre thei ta a.Q nau heuaite hnenah chuan," Hei kan kal thui ta hle maia,beisei tur engmah lah kan la hmu lo chu ani a,reilote kan han ţhu hahdam anga,kan piah mual lam saw kan va hrut dawn nia" a han ti a.Tichuan chawl hahdamin vaibel te an han pak talh talh a.An chawfun te an han ţhet zui nghal bawk a.An chawlh hahdam hnu chuan an piah mual lam fang tur chuan an kal leh ta nghal a.A piah mual an va thlen pawh chuan sa hnuhma thar reng reng an hmulo mai a.Sakei hniak erawh thar zet zet a awm thung a.Vawra pawh a beidawng rilru ta viau mai.Chutiang tak maia sahnu a han vang mai chu mak pawh ati lek lek a.Mahse Sakeiin a fan ngun na ramah chuan sa an vang duh hle tih erawh a hai lo.Nilenga an vah hnu pawh chuan nghalrual takngial pawh kah tur an hmu zo ta tlat lo mai.An ţhiante silai ri pawh hriattur reng reng a awm chuang bawklo a. Tichuan beidawng rilru tak chuan buk lama let leh phawt an rilruk ta a.Buk lam pan tur chuan zing lama an rawn hrut lohna lam pang mual ah chuan an phei ta a.Fimkhur taka an kal phei lai chuan an chhak ngawah chuan sakhi huk ţhat ţhat thawm an hre ta tlat mai.Kutruaka haw ngawt ai chuan tiin fimkhur takin an han veh chho a.Tlang pang an lawn kai dawn ţepah chuan tlema hmun zawl deuh hi alo awm a,chulai hmunah chuan Sakhi pa,chal ţha tawh zet mai leh a pui hi hnahnem ilo petin anlo tla dun malh malh a.Sakhi an han hmuh veleh chuan Vawra chuan a ţhiante chu tum bik neia kap turin an hrilh a.A nah hruai te chuan an awmna a la hlat deuh avang chuan an kap ngam ta lo tlat mai.An kal hnaih lutuk chuan an thawm an lo hre hman ang tih Vawra chuan ahlau bawk nen.Tlemin an kal hnaih pui leh deuh a. Tlangval pakhat chuan," U Vawr keini in a pui saw kan kah rawn ang a,nangman a pa chal saw kap mai la.Thawm dim a har em mai" a rawn ti a.Tichuan Vawra chuan Sakhi chal kap tur chuan an in vang vanga,midang pahnih silai keng techuan a pui chu anlo tun ve thung a . An han tin vang vang hnu chuan Vawra chuan," Khai le" an ti sap a.Silai chu a puak rual deuh ţhawt a,Sakhite chu an zuang zawk a,mahse silai muin a fuh chiang ngang aninang.An zuan phei na lamah chuan ke leng at atin anlo tlu thal der mai a.Vawra leh a ţhiante chuan hlim takin an sa kah chu an han kai thal vel a.Tlangval pakhat chuan," Kan val upate hi kan ti lungni lo viau angem aw.Sakhi mai mai kan kap bawk sia" a han ti a.Vawra chuan," Kah tur dang awm heklo i.An lung nilo em lo ang chu" a han ti a.Tlangval pakhat chuan," Hei Sakhi pahnih kan hawn alawm le.Midang silai ri pawh kan hre biklo a,engmah an hawn lo ang.Keini hi kan hlawhtlin ber ka ring ani" a rawn tive bawk a.Tichuan an sakah te chu zawnin buk lam chu an pan ta a.Buk an va thlen chuan midangho chu an lo thleng kim vek tawh mai a. Vawraten Sakhi an rawn zawn an hmuh chuan," E,kha in va rawn hlawhtling bik ve" tiin phur takin an lo hlan thlak sak mawlh mawlh a. Val upa Bula chuan," Kan pasalţhate zarah zanin chu Sakhi chek kan hawp thei dawn nih hi" alo ti var a.Vawra chuan inthlahrung takin," Pu Bul , kah tur engmah kan hmu silo a.Kut ruaka haw aiah kan rawn kap ta mai ani" a han ti a.Val upa Bula chuan a naute chu Sa tenau an kah avangin nuam an tivaklo tih a hre mai."E khai , in rawn hlawhtling khawp alawm.Tumahin engmah kan kah loh hi.Keini pawhin Sakhi kah kan tum ve tho a.Mahse kan ti tlan daih a.Inthlahrunna tur a awmlo e" alo ti vat a.Tichuan hlim takin Sakhi chu an puah ho a.Zanriah te puar taka an ei kham hnu chuan Valupa te leh pasalţhate chu vawiin lama an vahna chanchinte sawiin an titi ho a.Vawra pawh an zingah chuan a tel ve a.Val upa techuan Vawra chu an kalna lam chanchin sawi tur chuan an ti a.Vawra chuan," Vawiin lama kan vahna chu Sahnu thar reng reng kan hmulo mai.Sapuii hnu erawh a thar viau maia.Nghalrual chetna hnuhma thar takngial pawh kan hmu lo ani.A mak kan ti khawp mai" a han ti a.Midang ho pawh chuan Sapui hnuhma an hmuh thu leh a saseh a tlansan tepawh an hmuh thute an sawi luam a.Val upa Tawna chuan," A mak khawp mai hei,Sapuiin min chet khalh chu anih hmel a.Pakhat chauh anilo bawk ang a.Hetianga Saphui an chet hi chuan sa dang riva hriattur a vang duh riau mai a.Naktuk lamah chuan a aia hla zawk lamah kan vak chhuak mai ani ang chu" a han ti dap dap.An hmalakdan tue dang dang te sawiho in a tuk lamah chuan a aia nasa zawka beih an rel ta a.

        Chutih lai mek chuan Hliappui khaw lal in boruak chu a ţang ngei mai.Khuangsih khua atanga palai kal te kha kawng lakah Hliappui khaw palai te nen intawkin Hliappui lamah anlo let a,lal inah an thil hmuh dan leh hriat dan te chu an thlen a.An tlangvalte an thivek tih Lal Hauthangan a hriat meuh chuan a thinrim ta em em a.Hliappui palaite chu enin," Chu,thilthlen dan engmah chu in hrelo tak tak amaw" a han ti chang fal mai a. Khuangsih lam palai Zaliana chuan," Aw,Lal pa,kan sawi ang zawng kha kan hriat chu ani e.Kan khaw pasalţhate ramvakin ruang leh inbeihna hnuhma vel kha an hmu a.Kan sawi tak ang khan Ruang pali an hmuh bakah ţhi fang pawh an hmu nual bawk ani.Chumi thuah chuan kan lal thu kenga lokal kan ni " a han ti dam diai a.Lal Hauthanga chuan,"Ka khaw tlangvalte in suam a,an thil phurhte in chhuhsak vek hnuah dawt a min rawn bumkual in la tum cheu a maw.Khawnge in lu kan la vek law law teh ang" tih leh banglaia chempui inthiat chuh a rual ta maia . Khawnbawl upate chuan lo dang nghalin tlemah tlema chemsen a leng lo chauh ani.Khawnbawl upa pakhat chuan," Lal pa ,minlo hrethiam la,Khuangsih khaw lal hian he thilthleng hi a hrelo takzet anih chuan he thilsual titute chhui chhuah kawngah hian min puih ve ngei angai dawn ani" a han tia a.Lalpa pawh chuan thinrim insum tak chuan," Ka tlangvalte ram pa lailenga an ruang hlawmtu tur pawh awmlo a an thi mai hi ana la ti ani.Ka upate u minlo ngaidam ula,ka insum zo nganglo ani.Khuangsih tlangvalte u nangni pawh min lo hrethiam dawn nia" a han ti leh a. Khuangsih palai Zaliana bawk chuan," Lal pa,kan hrethiam lutuk che alawm.Kan khaw rama thilthleng ani a.A mawhphurtute kan zawngchhuak theilo anih pawhin keimahni in a mawh chu kan phur mai ang.Kan lal Rumvunga chuan he thil thleng chunchang hi a ngai pawimawh em em a,pawi a ti em em bawk ani.Chanchin kan hriat rualin minlo tir nghal a. Ruahmanna ţha zawk nen he thilthleng hi kan chin fel theih ngei ka beisei ani" a han ti a.Chutah khawnbawl upa pakhat chuan," He thil thleng hi in lal hriatpuina a nih ngat chuan in khua kan rawn hal darh vek ang" a rawn tive bawk a.Lal Hauthanga chuan," Awle,a landan chuan he thil titu hi kan hrelo ve ve ani awm a. Rorelna fel zawk kan neih theih nan naktuka lamah ka khawnbawl upate hoin In khaw lamaka pasalţhate nen in kir dawn nia.Ka sawi tawh ang khan he thilah hian in lal leh a khaw miten kut an rawlh anih ngat chuan kei lal Hauthanga hi ka ngawi mai mai loang" a han ti leh a.Tichuan an ruahmanna neih ang ang te chu an sawi tlang a.A tawpah chuan lal Hauthanga chuan," Awle, kan rorel dan ang chuan Khawnbawl upa pahnih leh kan pasalţha panga Khuangsihah chuan kan kal tir anga.Tin,hei suam tawk zinga mi Suartui pasalţha Ramliana pawh ala dam a.Amah a harh ţha a,thudik hai chhuak tura a inhuam avangin naktuk lamah pawh ka pasalţhate rualin ka tlangvalten an rawn zawn anga.Khua in hun chuan in lal chauh lo chuan ala dam ve ani tih an hre tur anilo.A bak kan ruahmanna dangte chu ka upate hian in lal hnenah an sawi tawh dawn nia.Tunah chuan in thlen in lamah kal phawt ula, a ruk a rala khua chhuahsan in tum emaw anih chuan nungdamin in chhuak hauh lo ang" tiin Khuangsih palaite chu an hrilh a.Khuangsih palaite pawh chuan lawmthu an sawi zawh hnu chuan tlangau chuan an thlenin tura a ruat lamah chuan a kalpui ta nghal a.

Khuangsih palaite an chhuah hnu chuan lal chuan," Naktuk lamah upa Lianruma leh upa Kawlhnuna bakah kan pasalţha panga hoin tlangval rual sawmhnih vein Ramliana hi in kal pui anga.In chhuah rualin in hnung lamah tlangval za rual zet indo tura in peih sa diamin ka rawn tir bawk ang.Eng thil pawh thleng thei annih avangin kan in buatsaih lawk angai ani.Anni chuan khua an rawn kut ve lo anga.Khawdaiah boruak ngaichang in anlo awm ang.Ka unaupa Lianvunga hnenah pawh a tlangvalte lo tir nghal turin ka ti a.Tunah hian kan palaite pawh an thleng tep tawh anga.Khuangsih khua hi he thil thlengah hian an lal hriatpuina ati annih chuan kan hal darh vek ang" a han ti dap dap a.Lal rawtna te chu ţha an ti tlang hle a.Tlangval rualte thil awmzia hrilh turin Zawlbuk lamah upa pakhat an tir liam nghal a. An rorelte an zawh fel hnu chuan an ţin darh ta a.

        Hliappui tlangvalten an ţhianten suam an tawk a,an thi vek tih an han hriat chuan an thin a rim em em a. Khuangsih khua hal ral chu an duh hlawm vek ani.Mahse an lal remruatna fing tak chuan a ti lawm em em a.Phur takin a tuk lama an thiltih tur atana inbuatsaih turin mahni in lam ţheuh an pan ta a.Tlangval nula rimte pawh an ţhiante chuan thil awmzia te hrilh zung zungin a tuk lama tan chuan an inbuatsaih ta sup sup mai le...

       Dopawrha(Ramliante suamtu) tepawh an khaw zau lamah chuan hlim takin an titi mek a.A tuk maia khaw lama haw tur annih avang chuan an ţhi leh dar te chu khaw hnuai ramah chuan phum phawt a,khua a luh chu an tum ta a.Ramvak haw angin khua chu an lut anga.Khawchhung boruak a zirin an ro dah ţhat haichhuah leh hun tur chu a hranin an rel dawn ani. An ruahmanna chu fuh hle hia an hria a.Nula,anmahni lo duh lo tu tepawh ţhi nalh tak tak maia an han lem hnu chuan an ţang rei theiin an ringlo ani.An mithahte lah chu thi veka an rin avangin tumahin an manchhuak thei turah an ruat lo.